بري ذمتك وسجل موقفك..ياحر

[انتحار]

http://alajman.net/up/uploads/5628a8915b.png (http://alajman.net/up/)
52
صوت انتخب "الخرافي" ...الانتخابات اللي طافت
..
راح يتكرر هالرقم ..الا اذا نقص كم صوت
...
الخرافي راح يرجع رئيس
..
مبسوطين؟؟
..
طيب راح يرجع
كذا!!
سهلات!!
..
الكل يدري
حتى سواقنا اسحاق يدري
حتى حلاقي الباكستاني اللي يسلفني يدري
شلون الخرافي يصير رئيس ..
....
بغض النظر من ينافس الخرافي كرئيس
بغض النظر من ان كان السعدون او غيره
بغض النظر ان نجح الخرافي او لا ..
...
هي رساله يجب ان تصل
ان خيار الامه..للامه
واننا احرار ..تربينا احرار..تعلمنا احرار
اقسم اننا احرار
حريتنا اكتسبناها ...
وتطعمناها ...
ووالله لن نرتضي غيرها
....
دعوه لتجمع السلمي بساحه الارادة مساء يوم الأربعاء
من 7.30 الى 8.30
لايصال رساله ...اننا
جيـــــــــــــــــــــــــــــــــــــل حر
وكافي للخرافي

........
الدعوه شامله لكل اطياف الشعب الحر
انتفظ وسجل موقفك ..للتاريخ
وابرا الذمه

[سعد بن راشد]

سواء كان هذا المنصب من نصيب الخرافي او غيره، المهم هو قدرة الحكومة الجديدة على وضع برنامج تنموي متكامل يلبي احتياجات المواطنين وتطلعاتهم ويواكب البرامج التنموية لدول كانت في يوم من الايام ترزح تحت وطأة الفقر والفساد وها هي الان في مصاف الدول المتقدمة (كوريا الجنوبية)

كانت في سنة 1996 حالها حال اي دولة نامية طايح حظها ، اما الان فوق فوق فووووق

كذلك اعضاء مجلس الامة اذا فعّلوا دورهم التشريعي والرقابي فيما هو في مصلحة البلد وتنميته لن يكون لمنصب رئيس مجلس الامة اي دور سياسي تخريبي كما هو الان.

اما تجمعات ساحة الارداة فهي لاعداء القبائل ولن نشارك مهما كان في تجمعات نتجت عنها قوانين ظالمة كقانون تقسيم الدوائر الظالم,

هي ارادة مفصلة على مزاجهم وعلى مصلحتهم الخاصة، وكفانا اتباعا لهؤلاء الذين اوصلوا المرأة الى المجلس ليس عن قناعة منهم بأهلية من اوصلوهم ولكن كما قال المثل (مع الخيل يا شقرا)

[عبـق أجدادي]

السلام عليكم ورحمة الله وبركاته








لا أدري كيف مرت أمامي تلك المقولة الجميلة للنبي عليه الصلاة والسلام
حين قال يوم خيبر " لا أدري بأيهما أفرح بفتح خيبر أم بعودة جعفر "




وكم يضاهي رؤية قلم " إنتحار " وتحليقه مجددا ً معنا
فرحتي بنتائج " متفائلون " وعودة أبو محمد إن شاءالله





حينما يرى الإنسان " سدة القرار " كـ وجاهة وبرستيج
فلا تنتظر إنجازاته على الطرف الآخر من ناصية الطريق ولا تؤمل عليه






والمجلس هالسنة " بصامة " فوق العادة
وبالجيب الأيسر لـ " بابا جاسم "





أتمنى أن يحدث مالا أتوقعه
وأرى البشت الرئاسي يقلد منكبي " السعدون "





ولاهان الطاحوس
ولا هان " التكتل "




دمتم بحفظه

[شخص عادي]

الصراحه مع احترامي للخرافي انا اتمنى احمد السعدون رئيس لمجلس الامه من غير اقصور في الاعضاء الباقين
بس رئيس المجلس لازم يكون حازم مثل السعدون ومتمرس وعلى ايام رئاسه السعدون للمجلس ماشفنا اللي حصل بالمجلس بقياده الرئيس الخرافي


مجدر راي شخصي

ولاهنت ومشكور على الموضوع اخي انتحار

[انتحار]

عد بن راشد
تراني والله شابك وسارق الوايرلس سرقه..ولاني بالكويت
وعابلت الجهاز لين شبك عشانك
جزئيتك الاولى كلام سليم
اما الثانيه ...اسمح لي
موال اعداء القبائل ..والمقام هذا ترا ..موضتها انتهت
عمر القبائل مالحقتها شكه ...
ليمتى وحنا كن حنا زنوج امريكا ويهودها..؟؟
بس انتشكا ...ونبرر ..
مضطهدين ..منهوبين..وكل عقد الدنيا صارت فينا
نبي دعوه امتزاج الشعب بالشعب ...مانبي هالنفس
تقول هي اراده مفصله على مزاجهم...!
ايييي هم من طيب؟؟
وينهم ابي اشوفهم
وساحة الاراده للكل...للكل
تعال الاربعاء وشوفهم
بتشوف الشماغ والغتره ..والسبايكي واللحيه
انفتحووو يرحملي والديكم
بسكم غيبوبه
واذا على مزاجهم اذا كان فيه "هم"
خل لك مزاج بعد ....وجاهر برايك بنفسهم
واتباع وما اتباع
دخيل الله
هذا تجمع ديناميكي للشعب
احتكاك وامتزااااااااااااااااااج
تبي هجره لحالك
حنا بالكويت...الامور هذي مافيه
فيه دستور فيه ديمقراطيه..في بيت للشعب يقول كلمته
ومصدر اللسلطااات منه ..اللي هو الشعب ..يعني حنا
وديمقراطيتنا مو بس انتخاابات ...
اختيار مسارك وقرارك
سعد اسمحلي نهجك اللي متخذه انتهى ...تغذى عليه الطفيليات سابقا
وكافي

..............................

عبق
ياخي انا احبك بالله وهذا يكفي

..
محمد اليامي
سواء الخرافي او السعدون
الموقف هذا لجيل جديد "حر" ابي
حريته مو متوقفه فقط بيوم الانتخاب ...
شااكرلك

[انتحار]

ودام الوايرلس شابك
قبل لاسج
...
فكر بينك وبين نفسك
ياللي تقرا
انت سويت شي ؟؟
غير انك اتذمر؟؟
جربت ..حريتك ؟؟
جربت اتحرك مع "شعبك"
جربت تساهم؟؟
شعور الحريه
شعور مدهش
لايطوفكم
..
على الاقل بكره لاسالك ولدك وقالك
انت شسويت للكويت؟؟
عارضت؟ ناقشت؟؟ ابديت رايك؟؟
شبتقوله؟؟
اي ...
كنت صوت بفرعيه
لاقالك لا
تحركت حركه شعبيه ..شموليه اكثر من نطاقك!!
شبتقوله؟؟
...
اكرر
لايطوفكم الشعور
سلام عليكم

[ال دبسه]

تراني والله شابك وسارق الوايرلس سرقه..
ولاني بالكويت

أخوي انتحار
متى بترجع بالسلامه للكويت
؟؟؟
:p

[نايف بن فواز]

السلام عليكم ورحمة الله وبركاته..

لا اعلم كيف يرضون باللذي ينجح بالمال السياسي والذي يلعب بالمال العام...!!

النائب الفاضل احمد السعدون هو الذي يصلح لهذا المنصب لان الرئاسه بالمجلس..

تتطلب اصحاب قرار واقوياء وأمناء...((خير من استأجرت القوي الامين))

تحياتي..ابوفهاد

[متبقط]

http://alajman.net/up/uploads/5628a8915b.png (http://alajman.net/up/)
52
دعوه لتجمع السلمي بساحه الارادة مساء يوم الأربعاء
من 7.30 الى 8.30
لايصال رساله ...اننا
جيـــــــــــــــــــــــــــــــــــــل حر
وكافي للخرافي

........
الدعوه شامله لكل اطياف الشعب الحر
انتفظ وسجل موقفك ..للتاريخ
وابرا الذمه




بساحة الأراده
:rolleyes:




ويـــــن يا أخي
:confused:

أنا قديم من 1996 وأنا في الكويت ولا سمعت فيها
;)





لو توصف لنا هي عقب ملف الزغين ولا قبله ... ولا مع طلعت يامعين ولا طلعت العشار ؟؟؟




وصف دقيق لو سمحت
:)

[انتحار]

متبقط
وانت عليك "حجر صحي" من الخليج ..عشان مادله؟؟ ولاجيته؟؟
و96 وقديم وجديد وجويهل والهايري:) ..فيني زكام من هالمواضيع لاشميتها اعطس
عاد شوف شعطس منه
المهم
..
اليوم ترا قبل المباراه .... التجمع :)

[انتحار]

ال دبسه
راح ارجع انشاءلله للكويت
لما اجي الكويت باذن الله:)
..
نايف بن فواز
ليت قومي يعلمون ..
بس احس "يستعبطون"!

[ال دبسه]

ال دبسه
راح ارجع انشاءلله للكويت
لما اجي الكويت باذن الله
:)


لا والله
لا .. لا .. عاد بسك .. وعن الغشمره عاد
أنتحار
واللي يرحم والديك
وعسى الله يخليلك .. ولدك اللي .. :eek: بالسطل الـ حمر :eek: .. وألا ينقلب لونه أبيض
:):eek::)
أذا
ما قلت لنا الصج
متى راح ترجع بالسلامه للكويت
؟؟؟

[انتحار]

ال دبسه
تاريخ التسجيل الفين وسبعه
وصرنا بالفين وتسعه ..مجموع المشاركات 17 مشاركه فقط!!
نطرح دعوه لتجمع شبابي "حر" ونطمع بالتفاعل الشعبي
والاخ يقول ..متى تجي؟؟
لا ويدعي على ابو سمره بعد:)
...
هذا اللي شيخ الخرافي ..
ادل القسم الترفيهي؟؟ ولا ادزه لك رابط برساله؟؟

[ال دبسه]

ال دبسه
تاريخ التسجيل الفين وسبعه
وصرنا بالفين وتسعه ..مجموع المشاركات 17 مشاركه فقط!!
نطرح دعوه لتجمع شبابي "حر" ونطمع بالتفاعل الشعبي
والاخ يقول ..متى تجي؟؟
لا ويدعي على ابو سمره بعد:)
...
هذا اللي شيخ الخرافي ..
ادل القسم الترفيهي؟؟ ولا ادزه لك رابط برساله؟؟



انتحار
ماصدت السالفه ياذكي
الحر
لما يريد بأن يدعوا الى تجمع شبابي حر على قولتك
وأن الواحد منا يجب عليه بأن لايطوف مثل هذه المناسبه الوطنيه وأن عليه التفاعل الشعبي وأننا ماندري
وين راح نخش وجيهنا من أولادنا بكره أذا كبروا وأسئلونا عن أشسوينا أو عن دورنا في مثل
هذه
( المؤتمرات الشعبويه السعدونيه الاسيليه الدشتيه الملاويه الليبراليه الخمقجيه الخربوطيه الهزليه )

يجب
على هذا الحر واللي هو أنت ياسيد
انتحار
بأن يبدأ بنفسه بالمشاركه بهذا التجمع الشبابي الحر قبل أن يطلب من الأخرين المشاركه فيه
ويطلب
من الأخرين بالذهاب الى ساحة الإراده والاعتصام و المطالبه
بتعين
( السعدون عفوآ أقصد ماندلا الكويت .. لا سوري أقصد السنيور جيفارا .. معلش يافندم انا بئئصد سعد باشا زغلول )
:):):)
رئيسآ
دكتاتوريآ أجباريآ وليس أنتخابيآ
لـ مجلس الامه

وهذا
الحر اللي هو أنت مسافر خارج الكويت ياذكي

وغطيني
( ياصفيه .. لا ماعليه أقصد .. ياصيته )
:):)

ملاحظه
على فكره ترى نملك من الاسلوب الساخر الكثير للدرجه التي تعجز عن مجاراتنا فيه
فلا تحاول مره ثانيه أنك تتشاطر أو تتمسخر على أحد ياشاطر
:cool::eek::cool:

[انتحار]

الدبسه
زين ماشاءلله دامك تعرف تكتب ...من الاول ياخي اكتب وقول
عشان نعرف نبين وجهة النظر ....
اما داخلي بنك ثاني ...وتبيني افسر
لا انت فاضي لي
ولا انا فاضي لك
....
التجمع لاهي مؤازره لا لسعدون ولاغيره...
التجمع هدفه اسمى ..
هدفه ايصال رسايل ابعد من رساله كرسي الرئاسه
هدفه ان فيه "شعب" ايجابي ..له صوت
يتفاعل مع اي حدث ..وانه مو مغيب ولايتاثر باي جهه اعلاميه اتغذى على امريكانا او زين
هدفه يقول ان للامة مصدر السلطات جميعا
المؤتمرات الشعبويه السعدونيه الاسيليه الدشتيه الملاويه الليبراليه الخمقجيه الخربوطيه الهزليه
اترك عنك نظرية المؤامره البااااليه
...
اما اني مسافر وليش مو مشارك
طيب انت احسن مني..
انا متقاعس
خلك اطيب وروح
....
واسخر اسخر مثل ماااتحب
واكتب وقول
محد يقدر يعترض
ماده 36 بالدستور تكفلك
الدستور اللي الخمبقه على قولتك
احفظووه لك
....