::: يا سيدي :::

[أروى العجمي]

* بسم الله الرحمن الرحيم *

أعجبتني هالابيات كثير وبصراحه أجهل شاعرها..!
وأتمنى من يقرأها و يعرفه يذكره لنا :)

------------------------------------
------------------------------------------

أكتب وعين الزمن تقرأ حروف الكتاب
واستطعم الخوف من حال الزمان المرير...

غريب حتى مع النسيان والاغتراب
والحب طيرن ربا فيني وعيا يطير...

مهما رمى الوقت في وجه الاماني تراب
بذكرك يا سكر ضلالي وملح الهجير...

ياسيدي في دفا بوحي لك أكبر حساب
من يوم علمتني وشلون أحبك وأغيير...

ضما الجفاء في عيونك وارتويتك سراب
قل للمواعيد تنساني وقل للعبير...

تهابني خطوة أقدامي ونا صرت أهاب
نزف الاحاسيس وأنياب القدر والمصير...

لو كان كف المواصل ماتثني وعاب
يمديك ترجع وتأخذني معك للأخير...

عاتبني وانت حتى فى سكوتك عتاب
وانا أعتذر لك وعذري مثل قلبي كبير...

لاتزعل ليا جفاك من السحاب..السحاب
شف وشكثر كنت غير وباقي الناس غير...

والله لو ان الذنوب براحتينك ثواب
لأعيش عيشة وفاء وأموت موتة فقير...

ماعاد أبي للسؤال اللي بعيني جواب
ان كان ممكن يصير أو كان لا مايصير...

لاصرت شاعرك واحساسي ونبضي شباب
ماهمني المركز الثاني وقبل الأخير ... .



=============================
=============================

منقووول *

* صح لسان شاعر هالأبيات (مجهول ) *:p

[قلب_مهجور]

الابيات للشاعر جابر غازي البطحي المطيري

وهذا مطلعها:-

هذا اول الدرب سيري ياخفاف الركاب
دون المسافة تعب صوت وخطاوي مسير

رفرفت مع بيرق الشاعر عزيز الجناب
وبعثرت من مجمل الاحلام شي(ن)كثير

ماجيت ابجمح خطي المخطي واعيد الصواب
جيت اقسم الحق في سيف الكلام الشطير


شاعر وابرقى السما واحوم حومة عقاب
لعيون داري وحمران النواظر مطير

لين يتساوي الارض سهولها والهضاب
حتي اشوف بعلوي من تكابر صغير

ابي افتح لكل ظلمة للتعابير باب
والنور عجز عنها لسان الضرير

مابيني وبين مفتاح المشاعر حجاب
انا .. انا لا فرزدقهم ولاني جرير

انا اكبر من الحضور اللي ملاني غياب
وانا اكبر من الكلام اللي يهز الضمير

والنعم بحمران النواظر مطير وبالجميع

[أروى العجمي]

هلآ وغلآ أخوي قلب مهجور *
نورت الموضوع فقد اسعدني مرورك المتميز
والشكرآ لك على ذكر شاعر ذي الأبيات الرائعه
جابر المطيري (والنعم فيه وصح لسانه )
وشكرآ أيضآ على
مشاركتك فى كتابه مطلعهاا :p

تقبل مني أجمل
تحية وتقدير *

[محمد آل فروان]

لاهنتي خيتوا على ذا القصيده الحلووو ..
وعزالله لله انها وحلوووه واعجبني البيت ..
والله لو ان الذنوب براحتينك ثواب
لأعيش عيشة وفاء وأموت موتة فقير...
وتقبلي مروري وتحياتي ..

[طلال بندر الهاجري]

صح السان شاعرها و الا هنتي يا اختي

اروي العجمي علي الابيات الجميله والرايعه

جميله دايم في نقلك المتميز والابداع الجميل

والرايع تقبلي مرووووووووري وتحياتي لك مع

جزييييييييل الود والاحتراااااااااام

[أروى العجمي]

هلآ ومرحبآ بــأخواني

& محمد بن آل فروان

& طلال بندر الهاجري


أسعدني ان القصيدة نالت أعاجبكم
ونورتوا صفحاتي بمروركم الرائع (:

تحياتي لكم ؛