المساعد الشخصي الرقمي

مشاهدة النسخة كاملة : ماضــيـعنا إلا التعصب يا يــــام !

عجمي غيور
22-05-2009, 01:53 AM
السلام عليكم ورحمة الله وبركاته

اخواني فيه شي يمكن لاحظه البعض من الاخوان الا وهو الضرب على وتر يام كثيرا وهذا مالا كنا نريده

التفاخر في يام شي دائم ولنا الحق في الفخر فيه ولكن المبالغه في الشيء او التحدث عنه في غير وقته امر غير صحي البته

شفنا في افتتاح المقرين الرقه والضاحيه ان كل من مسك المكرفون من المرشحين الذين لم يحالفهم الحظ بالتشاوريه يقومون بالتكسب كثيرا على حساب ندوة لمرشحين مسجلين بالانتخابات الحاليه وقلنا ماعليه لكن يوصل الامر ان كل من مسك المكرفون وحتى لو الهندي اللي يصب قهوه وصاح يايام ياعزوتي يايام ياعصابة راسي وعطانا بيتين شعر في يام !!!!!!

يام ومناداة يام المفروض تنتهي بعد نهاية الفرعي مباشره وان كان ولابد منها بالرئيسي فلتكن بالرسائل على الجوال مثل ماهو معمول فيه فالتكنلوجيا تطورت وكلن صار يقرا الرسايل !!

اما اني يكون لي مرشحين مسجلين وخالصين وحاطين اعلانهم في الجرايد والتلفزيونات ودعوتهم لابناء الدائره ككل فياتي الناخب المسكين يريد يستمع طرح المرشحين وبرامجهم الانتخابيه ويفاجأ بأن الجميع يصعد على المنصه ويصيح يايام يالابتي !!!

والله كثيرين اجناب حضروا وتحسفوا انهم حضروا ندواتنا لما فيها من التعصب والترفع عن الغير بدرجة لا تعقل !!!!

ياجماعه حنا قبيله متواجده في المجلس منذ المجلس التاسيسي على عكس اكثر من نصف قبايل الكويت اللي ماعرفوا الانتخابات اكثرهم الا بعد الغزو !!!

والان اصبحوا خبراء انتخابات وتكتيكات انتخابيه افضل منا بكثير !!!

والله عيب علينا اللي قاعد يصير وياليت يتم تدارك الخطا الفادح بالمرات القادمه لاننا في حاجة الصوت الواحد من الاجانب سواء قبايل او حضر او شيعه فشنو ذنبه الحضري يدخل يبي يسمع طرح خالد الطاحوس او العدوه او الصيفي او الحويله ومن يدخل المقر يسمع صياح الشباب في يام والفزعه !!

شي طبيعي بيحس انه دخل على ناس بينهم اجتماع خاص ويستفزعون بعض ويستحي ويطلع من المقر والشي هذا اقسم بالله شفته بعيني الناس قاعده تطلع من ندواتنا والمرشحين ماتكلمو الى الان !!

اخيرا ودي اقول ان اللي ماعنده حميا ليام صدقوني ماتجيبه القصايد والحكي وان جابته ماصفى للاربعه وانا اشوف اننا نكسب اصوات الفئات القليله اضمن لنا من اللي نستفزع فيه وهو راقد عند امه وبسبب استفزاعنا له خسرنا اصوات الاقليات .


تحيتي للجميع واتمنى ان يتم فهم الموضوع بشكل صحيح من الجميع .
المحيميدي
22-05-2009, 02:01 AM
يام ومناداة يام المفروض تنتهي بعد نهاية الفرعي مباشره

يام هي العزوة
D0LAR
22-05-2009, 02:02 AM
والله ياعجمي ياغيور مافيها شيئ اذا الواحد زهم في يام وطلب الفزعه لان مرشحينا قاعدتهم ابناء قبيلتهم يعني ماهم في عازه الناس اللي برا ولا تنسى ان الانتخابات اللي طافت غير عن السنه هذي لان اقوى القبايل هنا متحالفه عليك عكس السنه اللي طافت كلن رايح في طريقه واما مسأله الناس اللي طلعوا قبل لا يتكلمون اعضاءنا صدقني يمكن اغلب اللي طلعوا من الناس انهم في بالهم ماهم مصوتين للعجمان لو شنو والسبب يقولون انتم واجد او ملتزمين في تحالف وقائمه مقدر اصوت اذا في بعضهم يزهمك ويطلبك عشانه يمون عليك في صوت لمرشحه اللي نازل ويدري ان اربعه عجمان نازلين ولو تطلبه انت بقولك لا التزام الا والله بنزهم في يام ونعتزي فيهم ولنا الفخر


هيه ياهاجسي مابه وصيه عند ربعي وعد افعالها ,,, يام ربعي ويام لي حميه لاعوى ذيب وذيب جاوبه
عجمي غيور
22-05-2009, 02:10 AM
يله

هذا اول ردين ماشاء الله ماوصلت لهم الفكره

شلون اشرح لكم واوصل الفكره ؟؟؟


ياجماعه يام عزوتي قبل لا تصير عزوة غيري ولا ارضى لها ماهو يوطي الراس

وعلى قولة الشاعر

ياحسين مايستشك كود الرديين --- والا ترى الطيب وسيع بطانه


ماحنا شاكين في يام علشان كل يوم ننادي يايام ويايام ولكن بالعكس زيادتها تدعو للشك في حمية ابناء يام من القبائل الاخرى

اللي ابي اوصل له فيه شي اسمه خطاب خارجي وفيه خطاب داخلي

الخطاب الداخلي اللي بينك وبين بني عمك ازهم وصيح وقل اللي تبي لكن الخطاب الخارجي اللي موجه لابناء الدائره لا تجيب طاري القبيله والتعصب !!!

واذا انتو تبون القصايد والسوالف ابد ولا يهمكم اطلبوا من رئيس لجنة المتفائلون القادمه ان يجعل المقر خاص في يام وحدها واطردوا كل اجنبي لا يحضر وقولوا حنا عندنا قاعده نعتمد عليها ومانحتاجك !!!!


وبالاخير اخوي عنوان الموضوع هذا يكفي انه جذبك وخلاك تقرا الموضوع لكن للاسف ماتقرون الموضوع بمعانيه لكن تقرونه كلمات مصففه فقط .
بوصقر
22-05-2009, 02:17 AM
ياخوك عسى ماشر والله يام هو المكسب الوحيد الي نبية وبعدين حنى محن بحاجة اصوات الغير
D0LAR
22-05-2009, 02:20 AM
والله ياعجمي وش تبينا نقرا تبينا نقرا كلامك المصفوف ومعانيه ان حنا معاد نذكر يام ولا شيئ او تبينا ان حنا نقول خطاب خارجي ونسكت ولا نعز على بني عمنا وعلى كلامك انك تقول ان حنا نقول عندنا قاعده نركز عليها نعم عندنا قاعده ننطلق من 17 الف حضر منهم 15 بس وانا اقولك مبروك من الساعه 3 العصر
الكــيــفــ101
22-05-2009, 06:28 AM
والله كثيرين اجناب حضروا وتحسفوا انهم حضروا ندواتنا لما فيها من التعصب والترفع عن الغير بدرجة لا تعقل !!!!

يعني بالامانه والمنطق انتكلم.... من اللي بيصوت لك من القبايل الثانيه العوازم والا الدواسر والا الهواجر والا العتبااان .والا والا.................؟؟؟

انت شوف ارقامنا وبتعرف منين جت

وبعدين كلن لاهي بربعه اللي نزلووا وكل واحد يتعزوا بقبيلته ولادروا عنك ولاصوتولك الارقاام اللي جبناها بفعل يمنانا لانخينا فلان ولاعلنتان

واللي على قولتك تحسف لعد يتعود انه يجينا

واذا مازهمنا يام في ذالمناسبه وقدام 14000الف يامي متى بنرفع صوتنا وبنقول يا ياااام

والله عيب علينا اللي قاعد يصير وياليت يتم تدارك الخطا الفادح بالمرات القادمه لاننا في حاجة الصوت الواحد من الاجانب سواء قبايل او حضر او شيعه فشنو ذنبه الحضري يدخل يبي يسمع طرح خالد الطاحوس او العدوه او الصيفي او الحويله ومن يدخل المقر يسمع صياح الشباب في يام والفزعه !!

بالعكس لا عيب ولاشي واللي بيصوت لنا عالعين والراااس ومايقصر والا حنا من حقنا نستفزع فيهم ونقول بأعلى صوتنا يا يااااام واللي مهب بمصوت يعطيه العافيه بعد

على العموم يعطيك العافيه اخوي عالموضوع والنقااش اللي حصل والسموحه على الاطاله كل واحد ووجهة نظره ولاهنت
FS. Eng
22-05-2009, 07:09 AM
عجمي غيور أتفق معك

التعصب أفرطنا فيه شوّي, مع إني بـ الخارج ولم أحضر الندوات, لكن أعتقد كـ السابقات :)


حن زودناها حبتين شوّي :>
نزف المشاعر
22-05-2009, 08:51 AM
لآ هنت
.
.

وكلآمك صحيح مع بعض التحفظــآت

.
.

مغليكمـ
عبـق أجدادي
22-05-2009, 09:21 AM
السلام عليكم ورحمة الله وبركاته









فعلا ً كلامك عين الصواب







من قال بأن مرشحينا لايحتاجون أصوات من الخارج فقد جانب الحقيقة
فالدائرة تعدادها أكثر من 109 ألف ونحتاج أصوات الأقليات من بدو وحضر






حتى لو كان عددنا بالدائرة 40 ألف لاغنى لنا عن توسيع الخطاب
ليشمل جميع الفئات والأطياف وعدم حصره على طائفة معينة
عكس لما يكون الخطاب موجه ليام فقط فبلا شك سينفر
الناخب من توجه المرشح وطرحه







ممكن إستبدال هذا التوجه بتقنية " المسجات "
مثل ماتفضل صاحب الموضوع فتصل الرسالة لكل يامي
على وجه الخصوص ونحقق مانصبو إليه









شاكرلك على طرحك المنطلق من غيرتك
على قبيلتك وربعك










دمت بحفظه
كويتيـه
22-05-2009, 10:38 AM
ماقصرت أخوي وقلت ألي بخاطري ..
المفرووض نحسب حساب للناس ألي تحضر من برا القبيله لأن من حقهم يسمعوون طرح المرشح ألي بيمثلهم .. لأنه بيكون محسووب عالدائره كلها مو بس عالقبيله ، ونبتعد عن هالصيحات ألي بنظري مالها معنا .. ولاهي من القلب اللهم كلام في كلام لأغراض معينه ..
وياليت الكل يفهم أن النائب هو ممثل للشعب الكويتي كله فماله داعي يكون هالشي بالندواات الخارجيه للدائره ..

وعوآآفي خيوو عالموضوع
a898a
22-05-2009, 11:49 AM
السلام عليكم ورحمة الله وبركاته

استوقفني هذا الحديث من الاخ عجمي غيور لأنه يتكلم بالعقل لا بالعاطفه ومسألة شحذ الهمم ليام لم تكن في الحملات السابقه بهذا الشكل الزائد عن حده والتي للاسف في هذي الحمله الانتخابيه اصبح الكل يتكلم بهذا الشكل لتلميع نفسه فقط .
ومرشحينا يمثلون الدائرة الخامسه في الانتخابات وبعد الفرعي تكون حملتهم موجهه للدائره بكل طوائفها بدوا وحضر سنه وشيعه فيجب الخطاب يكون للكل حيث مرشحيننا بعد النجاح يمثلون الامه والشعب الكويتي بأكمله .

ارجع الاسباب :
تتحملها اللجنة المنظمة ( لجنة متفائلون ) والتي هي من تنظم المقرات والندوات والتي كان يجب عليها عدم ترك الحبل على القارب وفتح المجال لك من يريد ان يتحدث وايضا لان الندوه للمرشحين للتحدث عن اطروحاتهم وتطلعاتهم وبرامجهم الانتخابيه اما مسأله شحذ الهمم فالطرق كثيره وتكون موجهه ليام خاصه واليامي الي مايجي الي بكثر الطلايب مافيه خير ولامنه منفعه لان المعروف والمفروض ان يام ملتزمه بمخرجات الفرعي فليش الطلايب و زهم يام على امر مفروغ منه .

كلمة يجب تقال بخصوص لجنه متفائلون :
انا اعذرهم وذلك لقلة خبرتهم بالحملات الانتخابيه والتي تحتاج لناس لديهم خبره في الاداره والاعلام وامور كثيره يطول شرحها ولكن عتبي على المرشحين هذا العام والاعوام القليله السابقه الذين سنو سنه للاسف خاطأه وهي أن من يستلم لجنه الفرعي هو من يجب ان يستلم اداره الحمله فهذا سبب المشكله الحقيقيه لان اداره الفرعي تختلف اختلاف كلي عن اداره الحمله الانتخابيه
فالفرعي عمل تنظيمي لاكثر
اما اداره الحملة الانتخابيه تحتاج شخص يعرف يدير اكثر من لجنه ومنها لجنة المقرات ولجنة الاستقبال واللجنه الاعلاميه واللجنه الماليه الى ...... آخره .

اتمنى من يقرأ الرد يتقبل الرأي والرأي الأخر وكلنا متفقين ان مالنا غناه عن يام فكل شخص يفخر بأصله فلنا برسول الله أسوة حسنه
ونتذكر قول النبي في معركة حنين أنا النبي لا كذب أنا ابن عبد المطلب .[/size][/SIZE]
عجمي غيور
22-05-2009, 12:34 PM
الحمد لله ان هناك من اتفق معي

كنت اتوقع من الردود الاولى انه لن يتفق معي احد وسيأتيني شباب المان العرب تيم بشعورهم الطويله ومراجلهم الزائده وحميتهم المصطنعه التي انولدت معهم في اواخر الثمانينيات واوائل التسعينيات ويخرجونني من الملّه ويتهموني بعدم المرجله والردا لأنني اتهمت يام العريقه !

شكرا للجميع !
العجمي كوم
22-05-2009, 01:03 PM
السلام عليكم ورحمة الله وبركاته

اشكرك على الموضوع .

فعلن الرجال الي فيه الحمية الصحيحه هو الي يفكر كيف يودي مرشحينا الى طريق المجلس ولكن انا اشوف اول ماتبداء الندوة بقصيدة ونطلع بقصيدة وفعلن تكفي ندوة الضاحية الي كلها اجناب بس الكثير منهم خرج بسبب الي صار انا ودي ان النواب لايطلبون يام بالصوت وقت الندوات بشخصهم الكريم بسبب الخراب علينا يتكلم المرشح عن موضوع الندوة وياتي المرشح الثاني والثالث والرابع كذالك فقط وعقب على كيفكم قولو قصايد والكل يطلب الفزعه حنا اذا بنسوي تكفون ونطلب الصوت من اول الندوة عز الله بنضيع على انفوسنا اصوات واجد وقت الندوة كذا راح نخرب على مرشحينا حنا محتاجين اصوات ربعنا واقصرانا لاتقلون يام تكفي صدقوني خلاص من عقب الي شفناه الانتخابات الي طافت يخليك تقول كلام انت غني عنه .
وكافي سالفة اخونا بن شرفان وين صار بعدين طاح والعدوة والحويلة كذالك موعيب عينا نخلي احد من ابناء يام يصير التاسع والثاني العاشر انشاء الله بعد بطعن كل هذا بسبب التفكير الي لايودي ولا يجيب فكرو اشلون تجبون اصوات من برى لاتقلون يام تكفي نبي نشوف مرشحينا بالاعوام القادمه قبل ان يطرحون برنامجهم الانتخابي يطلعون على النت والمواضيع الي صارات في الانتخابات القديمة عشان نصلح الخطأ ...

وسامحوني على الاطالة ..
Almsta7el
22-05-2009, 01:05 PM
مافي ندوات نفس الناس
بس في قصيد كانهم مستهتزين بشيبانا
جايين تمدحون قدام شيباناا متعنين علشان الانتخابات
وانتو قصيد



وانا شفت يـام في الانتخابات كفو
ههههههههههههههههههههههه
هامل الطرف
22-05-2009, 03:51 PM
عجمي غيوووووووووووووووووووووور.
صح السااااااانك وبيض الله وجهك هذا الكلام عين العقل ابشرك اصبح الواحد منا ما عاد يدعوا احد من اصحابه من ابناء القبائل الاخرى تدري على كلامك كأن ندواتنا صار فيهاا الكلام محفوف لابناء يام ما يصيرررررررررررررررررر .
ويجب التنبه لهذا الامر ومشاركتك وموضوووووووووووووعك قيم وشكرا لك مرة اخرى
والله الموفق
NaDR
22-05-2009, 04:56 PM
صح لسانك

وهذا الكلام الصحيح
راشد الحطيم
22-05-2009, 11:33 PM
لاهنت على الموضوع


واتفق معك ببعض الاشياء
فراس الفارس
23-05-2009, 05:01 AM
كنت ناوي ارد خصوصا لما قريت اول ردين

بس لما سمعت ردك ورد الاخوان من بعدك تراجعت

عموما كلامك عين العقل
معشوقش الراحل
23-05-2009, 07:33 AM
صادق وانا اتفق معك مو شرط التحالف كل القبايل اللي فيه بتلتزم فيه بعضهم يقول انا بعطي مرشحي الباقي ماني مكلوف فيهم مهوب على كيف مرشحي يتحالف مع فلان شي انا سامعه وعقب غير رايه وقال بصوت للتحالف بعد الندوات:)
ابن سالم من يام
23-05-2009, 06:51 PM
سؤال للجميع
لماذا العوازم الفرق بينهم من 2000 الى 3000
بين كل مرشح واخر
مع انهم متعصبين للقبيله اكثر من غيرهم
تابعوا ارقامهم