قصيدة لشاعر :-عبدالعزيز ابوجحوم .

[وادي الهيل]

بسم الله الرحمن الرحيم

كيف الاحوال اخواني الكرام ومساء الخير للجميع.اقدم لكم من ابداعات شاعرنا المميز : عبدالعزيز مبارك صالح ابوجحوم .

وهي قصيدة بعنوان : من يجيب العلم .

ما اطول عليكم أترككم مع القصيدة .

مــن يـجـيـب الـعـلم ويـعـرف السلوم **** الــمـــراجــل دبــرة بــرجــالــهــا

ســوقــهــا مــافـيــه ســوامٍ يــســوم **** مـــاتـــعـــشــا مـــنــهــا دلالـهـا

ارثـــعــوا فــيــهــا رديـــيــن الـــعـــزوم **** ومـــن بــقــا مــنــهم ما حتالهـا

دارت الـــدنـــيــا وغـــنـــت لـــرخـــوم **** جـــرت الــدنــيــا لــهــم مـوالـها

في المناصب عششوا عشاش بوم **** والــمــواجـيـب اقــفـلـو جـوالـهـا

الـشلـي مـنـهـم يـزوم الـنـفـس زوم **** هــي عــذاب لــه وهي سلالها

جــعــل مــالــي عـنـد شـرواهم لزوم **** ولالـهـم مـنـة عـلـي بـشـكالهـا

لاتــــذكـــرت الـــنــشــامــا والــقــروم **** يــنــشــرح صـدري بذكر افـعالها

يــوم كــان الــنــفــس بـالعليا تشوم **** الــحـــيــا هـــو ثــوبــهـا وجلالها

يــوم كــان الــعــود يـِخـدم مـايــقــوم **** حــاجــتــه تــعــرف ولــو ماقالها

يــوم كــان الـجـار غـالـي ومـحـشوم **** كــلــمــتــه لــقــالـهـا يـصـغـالها

والــخــوي لــو خــوتــه لـــيـــلٍ ويـــوم **** كــــل عـــلــمٍ غــانـمٍ يحسالها

ضــيــفــهــم يـقـفـي بـزيـنـات العلوم **** وعــلــقــت لــه حـايلٍ بسفالها

وغــلــطــة الــجـاهـل يـقـابـلـها حلوم **** تــنــتــهــي ويـحـلـهـا عـقـالـها

مـــاتــــدوم الــــحــــال لله مــــاتـــدوم **** كــل مـــاطـــل الـــزمن فاردالها

وسلامتكم الصراحه قصيدة جزله وفيها من المعاني الثمينه مايرضي ويقنع

[ناصر بن فالح]

وغــلــطــة الــجـاهـل يـقـابـلـها حلوم **** تــنــتــهــي ويـحـلـهـا عـقـالـها


صح لسااانه ولسااانك

وبيض الله وجهك

[فلاح بن ملبز]

صح لسانك ولسان شاعرها

ولاهنت

[وادي الهيل]

هلا وغلا بالجميع

صحة ابدانكم

[أسد يام]

وغــلــطــة الــجـاهـل يـقـابـلـها حلوم **** تــنــتــهــي ويـحـلـهـا عـقـالـها


صح لسااانه ولسااانك

وبيض الله وجهك

عزالله ان ذا البيت مليان بيض الله وجهك يا وادي الهيل

وصح الله لسان القاضي

وشكر

[وادي الهيل]

حياك الله يالاسد بارك الله فيك

على منطوقك الذرب وصح بدنك

[سالم العظيمان]

ونعم فيك وفي ابو جحوم

وعزالله قصيدة طيبه وجزله و من مصدر جزل

لاهنت !!

[طلال بندر الهاجري]

صح السانك يا و ا دي الهيل والسان شاعرها قصيده

جزله من شاعر جزيل و الا هنت علي نقلها وتقبل

مرووووووووري وتحيااااااااتي لك مع جزييييل الود والاحترااااااام

[مبارك أبوجحوم]

صح اللسان الشاعر عبدالعزيز أبوجحوم على الجزله

مايطلع منك الا الجزل

[متذوق شعر]

عزالله انه شاعر ودايما قصايده جزلها ولها روح


صح لسانه ولسان ناقلها