اخذوها مني حضور العجمان لم يتجاوز ال 10000 فقط

[الأفدع]

يا جماعه من يقول ان حضور العجمان تجاوز ال13 الف كما نسمع في الديوانيات
فهذا كلام خاطئ ولايوجد دليل قطعي بذلك
لان لجنة الاتصال كانت تعمتد على التلفون وتسأل رحت صوت والا لأ فقط
واذا قالهم الرجال صوت قاموا وحطوا على اسمه انه صوت بدون اي ضمان وتأكيد على انه صوت
وطبعا كل رئيس لجنه في المناطق قام يطبل حق نفسه بالارقام
والمفاجأه انه منطقتنا اصلا ماكان فيها لجنة اتصال وتفاجأت ان الحضور كان كاملا
اشلووون ما ادري

كانت لجنة الاتصال فقط تطبل حق نفسها والدليل لو كان حضور الجمان 13 الف جان شفت مرشحينا الاوائل

لانه معقوله مرشحينا ما ياخذون من بره

فرضا لو حضور العجمان كما قيل 13 الف الصيفي جاب 14 يعني بس جاب الف من بره

مع العلم ان مرشحينا الاربعه يملكون اصوات خارجيه تعادل ب 3 آلاف صوت لكل مرشح منهم
فالصيفي يملك الفنطاس وخواله الفضول وشغله بمناطق الحضر واعلاميته الجميله
وكذلك الامر للطاحوس وقوته والاعلاميه الجميله الذي أخذها من امن الدوله وانتمائه للتكتل
والدكتور محمد الحويله وشغله ومنطقته الرقه وكذلك العدوه

انا اتوقع ان حضور العجمان لم يتجاوز ال 10000 او 9000 بعد

وللعلم لم يكن هناك لجنه اتصال نسائيه اشلون دروا بأعداد حضور النساء ما أدري
فكلام 13000 موصحيح والكتاب واضح من عنوانه

[Almsta7el]

نص اللجنـه
خذو التلفونات طال عمرك
ويوم عبوها رصيد سوالف مع ربعهم
ومهملين الـناخبين
الله يجزاك خير على التنبيه
وفعلا متفـائلون ينقصهم اشياء واجد من تنظيم وغيرها

اتفق معك اخوي ويعطيك العافيه على طرحه هذه النقطه الطيبه

[لمار لكويت]

انا كنت لجنه اتصال في اللجنه لطاحوووووس بام الهيمان بالعكس اشتغلنا من يقول انه ماااااااااافي لجنه اتصال لا والله فيه وبعد اللي سمعته انه بالرقه هذا اللي سمعته واعرف عنه بس

[Almsta7el]

السلام عليكم ورحمة الله وبركاته ,

قاعد مع 30 واحد من اللجنه
العموم يبي التلفون ومايبي يدق على احد
وكلامهم بالعامي ( من صدقك تبيني ادق ياعمي خلهم يولون )
خلنا ندق على ربعنا ونسولف ونستانس
وانا ماوصلني ولامسـج حتى عن متفائلون

[Almsta7el]

صحيح يمكن انت تشتغل انت و5 معك
لكن ماتضمنهم كلهم

[جـْوُزيٌفُ الْعجٌميٍ]

انت على اي اساس اتكلم .. ؟

[فلاح بن ملبز]

السلام عليكم ورحمة الله وبركاته


لان لجنة الاتصال كانت تعمتد على التلفون وتسأل رحت صوت والا لأ فقط
واذا قالهم الرجال صوت قاموا وحطوا على اسمه انه صوت بدون اي ضمان وتأكيد على انه صوت


كلامك غير صحيح :)

لان لجنه الأتصال لدقت وقال انه صوت يحطون جنب اسمه صح ومايشطبون اسمه الا لين يجي الكشف من الوكيل اللي عند المدرس وبين انه صوت بالفعل ،

والكشف يأخذه الوكيل من المناديب تقريبا ً كل ساعه ،

الإ أول كشف جان الظهر وتقريبا شطبنا 250 اسم


ومن يقولك ان كل العجمان صوتوا للمتفائلون :)


وياليت اي واحد فيكم ما يتكلم من فراغ

[سلطان المحفوظ]

والله مصيبه عظمه الي قاعد يقال عن اللجنه وعن التسيب الي حصل يوم الأقتراع ... الله يعين رئيس الحمله علي هالكلام ... وأنا شخصيا صوت الساعه 4 ولم يتصل علي احد بأمانه ..وللعلم بالرقه شربنا ماء لأجلكم من العطش ولا صوتنالهم لأن يا للأسف خدمات حملتنا سيئه للغايه .. والله علي ما اقوله شهيد ...

[نزف المشاعر]

الله المستعــآن
.
.
والله يكتب اللي فيـه الخير
.
.
مغليكمـ

[عجمي فوضوي]

يامالا القوم يالبدو

تعرفون كلشي

سؤال :
انت عادهم بيدك ؟
ولا ناشدهم واحد واحد صوتو ولا لا ؟
انت قدامك اربع قبايل متحالفه ؟
اضف الى ذلك قبيله كامله ضدك وتحالفت حتى مع ابليس !!!
شلون تبي مرشحين العجمان يجون من برا ؟؟؟

ماقول الا عسالله يعز العجمان ولا يفرقهم وعسا خالد العدوه يرجع في اقرب وقت

قولو امين

[العجمي كوم]

السلام عليكم ورحمة الله وبركاته

اعرف ماذا تكتب قبل ان تذم أخوانك ..

أنا كنت في لجنة الاتصال في منطقة جابر العلي بالعكس كانت احسن اللجان واصلن مانتصل الا على الي ماصوت وبيمكانك الاتصال برئيس اللجنة وتسأله اشلون تمت العملية عشان تتأكد ...

كان عدد العجمان في منطقة جابر العلي فوق 700 رجال والكشوف الي عندنا لم تتجاوز 600معنى ذلك ان الكشوف قديمه وبعضها بدون ارقام ومابالك صارنا اسبوع على ماجمعنا الارقام وكنت صعبه انك تذهب لبيت افلان وتقول عطني رقم افلان ولكن تمت العملية والحمدلله وكان وقت الاتصال يجي بعد حصولنا على الكشف من الوكيل يجي من المدرسة يعلمنا منو من العجمان حضر وكان لانعلم هل هو ملتزم بلاربعه او مع غيرنا ولاكن اي عجمي حضر اسمه موجود ولاكن لانعرف من هو مصوت له ..

ويا أخوان الي يقلون أن لجنة الاتصال ماشتقلت , ممكن تقولي اي منطقة ..

[الهتـ بدر ـلاني]

السلام عليكم ورحمة الله وبركاته ,,,

اولا شلون عرفت بالعكس كان حظور العجمان مشرف حتى القبائل الاخرى كانت تتكلم على حضور العجمان وانا ماأحب واحد يتكلم من فراغ ,,

واما عن قولك ان العجمان ماجابوا من بره فصعبه انهم يجيبون من بره لأن الخامسه معروفه في التحالفات وكان أكثر التحالفات تريد كرسي من كرسينا هذا غير بعض القبائل اللي مالها مرشح كانت تدعم التحالفات على العجمان بالعكس والله ان يام كافه ماقصروا ماعدا المره اللي هم يمكن انهم قطعوا عن العجمان ,,

وانا رافع راسي من قبل لأني عجمي واستمريت في رفع راسي من نتيجة الحضوور وأذا في ناس اقطعو فأن اللي اقطعوا كانوا قليلين لأن الاول في أعضاء العجمان والاخير في العجمان مافيه فرق أقل من ألف عكس التحالفات الاخرى في فرق اقل شي 3 ألاف عرفت شلون ,

الظاهر ان انت تتكلم لكي تزيد مشاركاتك واذا عندك دليل قووله طلعه لنا ولا تبي تزيد مشاركاتك تبي تزيدها رد على اي شيء وقولهم مشكور اما في مواضيع وطعن لنا على عدم الحضور فهذا اللي مانرضاه ,

واما بخصوص المندوبين يمكن انهم قصروا ولا أبي اطعن انا قلت يمكن بس ماهو عذر للحضور العالم يحضرون للأعضاء وللقبيله واذا في واحد من اللي تعرفهم يقول انا ماجيت عشان المندوب مادق علي قووله الله يشفيك واصلا مانبي اي صوت اذا يجرهم مندوب للأنتخاب ,

والمناديب ماقصروا او قصروا ماراح يزيد او ينقص في حضورنا حنا عندنا مبدأ وهو الارتقاء بالاعضاء الى قبة البرلمان فماهمنا المندوبين ان كانوا سيئين ولا جيدين !!

لأنهم ان كانوا سيئين راح انصوت للأعضاء الاربعه وان كانوا ممتازين راح انصوت لهم فبالنسبه لنا مافرقت , بس هم نريد للأعضاء مندوبين ممتازين بس مو هذا العذر اللي انت تطرقت له

اتمنى اني وضحتلك ان من عدم السهوله ان تطعن في قبيله كانوا والى الآن هم قاعدة اعضاءهم في الدائره الخامـــسه ,,

اعذروني على الأطاله ,

[اعجمي]

انا للامانه محد اتصل علي من منطقة الرقه وللامانه قسم بالله :) يوم جت الساعه 11 بالليل يوم السبت بعد الفرز جاني مسج يقول لي حضورك مبكرا يربك التحالفات الاخرى :)

[FS. Eng]

ان كان هذي لجنتنا مثل ما تفضولا الأخوان

لا تنظيم ولا حتى اتصالات ولا مسجات

وهذي ارقامنا.؟ فـ بيّض الله وجيه ربعنا ماقصروا عز الله :)

[TAWASL]

السلام عليكم ورحمة الله وبركاتة

يا أخوان انتم تتكلمون عن لجنة الاتصال
بالعكس لجنة الاتصال كانت من احسن اللجان المنظمه والمرتبه

وكان رئيسها الأخ / فهد آل سالم / أبو فيصل والله يبيض وجهه دنيا وآخره على الجهد وعلى ترتيب لجنته احسن ترتيب والكلام هذا والله العظيم مهوب مجامله لكن الأخ ابو فيصل ولا قصور في الباقين من أفضل اللجان .. من حيث الترتيب والصدق والأمانه .. لا ازكيه على الله لكن هذا اللي شفنا منه .

لكن على ماقالوا ايد وحده ماتصفق :) اذا كان الشخص محد يدعمه اكيد راح يكون هناك بعض التقصير .. وهذا شي طبيعي


وبخصوص المسجات حنا اللي ماسكين المسجات اللي هي خدمة تواصل TAWASL

وكانت بإسم ALMUTFAELON

والمسج اللي جاكم آخر الليل هذا مهوب عن طريقنا :) عن طريق شركه أخرى
ولو تلاحظون بالاسم راح تشوفون حرف الـ إل الثاني l وليس L

ولا مسج ارسلنا يوم الانتخابات عن طريق لجنة متفائلون :) لان مافيه داعم لنا :)
والكل يبي يرسل مسجات لكن لاحياة لمن تنادي :)

ماودي اشرح اكثر

والمسجات كل الكويت على العموم تأخرت لان المسج يوم الانتخابات لازم الواحد يرسله يوم الجمعه بالليل والسبب الزحمه :)

حتى وزارة الداخليه مسجها اللي فيه عنوان الاقتراع ماجاء الا بعد ماتسكر التصويت بساعات :)

هذا شي طبيعي تأخير المسجات

[ريف الضعيف]

المشكله كلها يا جماعة الخير هي النساء فقط

اما الرجال الحمد لله حضورهم ممتاز وكان واضح جدا


لكن النساء للاسف حضورهم ضعيف اقل من المتوسط


لازم كل واحد يوجه النساء ووضح لهم انهم سبب في نجاح ربعهم
ولابد من التصويب حتى يكون عندها قناعه تامه ان لها دور مهم في الانتخابات

[خالد المدعث]

بسم الله الرحمن الرحيم ...

المناديب هم الوحيدوون الذين يعرفون عدد الحضوور

والحضووور عن الرجال وصل 98%
وذلك .. بسبب لجنه الأتصال والمناديب ...

ولكن البلاء من النساء ... والكثير منهم من لم يقيد إلى الأن ..
للتوضيح فقط
أنا كنت مندوب

[فرز الوغا]

الله المستعــآن والله يكتب اللي فيـه الخير

[totti_10_q8]

بسم الله الرحمن الرحيم

غريب امركم ماتحضرون لبني عمكم لين يتصلون عليكم

[ok55999]

مرحباااااااااااااااااااااااااااااااااااااااااااااا ااااااااااااااااااااااااااااا
يااخوان من الاسباب الرئيسية للفوضى والتقصير بالانتخابات لجان العجمان اللتي لم يكن لها اي دور يذكر لا اتصالات ولا مسجات ولا اعلانات ولا برشورات لم تتواصل مع ابناء القبيلة ولم يكون لها اتصال مع ناخبين المنطقة ولم تحاول ان تجذب الناخبين من غير العجمان فكان اداؤها بالعربي الفصيح صفر-صفر-صفر-صفر
عكس اعلام بقية المرشحين الاخرين بالمنطقة وكذلك المقر الانتخابي الذي لايليق بقبيلة كالعجمان وذلك لوضعة البسيط وامكانياتة البسيطة وكانة مقر بالصومال مو الكويت الاعتراااااااااااااف بالحق فضيلة لجااااااااااااااااااان لاتملك الخبرة وغير مؤهلين وغير مدربين كل من هب ودب يبي لجنة وهو لايعرف اي شي عن التنظيم والادارة (وخصوصا اللجنة الاعلامية )

[المعنا]

انا استغرب الكلام من بعض الاخوان
يعني ماراح نصوت الا لما يرسلون لنا مسجات
هل فينا من لا يعلم بيوم الانتخابات ؟؟!!!
ولكن ماكسرنا الا التخاذل وعدم الحميه لدى البعض
وواحد قطع من الاربعه يعقب الفنجال لانه ليس برجل
ولا يشرف القبيله شخص مثل هذا
وهذا درس لكم ياعجمااااااااااااان
ونتمنى للاخ خالد العدوه للكرسي برغم عن انف الحاقدين والمتخاذلين

[ابن سالم من يام]

مو لازم نتصل على كل عجمي نقوله تعال صوت
اذا ما جاء من نفسه ومافيه فزعه لبني عمه لا تعتقدون بيحضر عشان دقينا عليه
اما اذا الاتصال لباقي القبايل لتحفيزهم للتصويت للعجمان فهذا ضروري جدا عشان نكسب اصوات اكثر شرط يكون المتحدث لبق ومقنع حتى ينجح في مهمته