سؤال يراودني / ليش هالاستخفاف ..!

[حُـرّهـْ]

السلام عليكم ورحمة الله وبركاته

بدخل بالموضوع مباشرة

..

لماذا هناك استخفاف كبير بعقول الحريم بالدائرة الخامسه
والمشكله هالاستخفاف من اهلنا وعيال عمنا !!

وماشفته غير عندنا .. واتحدى أحد يجيب لي نفس هالشي بالدوائر الثانيه ؟!!

بتقولون لي شاستخفافه اللي أزعجتينا فيه !!

بقولكم / مرح لاند :)

تدق علي المندوبات من مرشحين مختلفين
شنو كلمتهم المكرره ؟

عندنا يوم مفتوح بمرح لاند .. وفيه مسابقات واللعب ببلاش !!!

مرح لاند ومسابقاته وألعابه شكو بالإنتخابات !!!
وين برامجكم الانتخابيه بدال هاليوم المفتوح !!

لهالدرجه مستخفين بأصواتنا ؟
وشايفين عقولنا صغيره وتافهه ؟؟؟

أنا أحيانا ما ألوم المرشحين اذا استخفوا بعقول الحريم لأنهم يروحون ويشجعونهم
وماخذينها وناسه .. مو كأن هذا تأكيد على قلة وعيها السياسي
وان فكرها بس بهالأمور

بصراحه الله يعيننا اذا مرشحيننا كذا / ويعيننا أكثر اذا الناخبات بهالفكر !!



وبالأخير الرابح الوحيد مرح لاند :p
ومدري من زينه ولا من زين اللي فيه .. مدري على شنو الناس طايرين فيه

وعسى الله يوفق الأصلح للبلد

[معشوقش الراحل]

السالفه الحين من زين مرح لاند ولا شنو بالظبط

ماستخفو بعقلووكم واللي مايبي يستريح في بيته:)


الشرهه على الرجال والله انتو اللي مايعجبكم شي وحكاكم كثير


جعل يسقى قبل لاتصوتون

[موادعك خيره..!]

أنا أشهد إنش صدقتني هههههههه

لا ويدقون علي البنات مرح لاند للمتفائلون اليوم 00أمحق سالفه

[مدري وش أبي ؟]

يعطيش العافيه أختي

قلتي ألي بقلبي أنا كتبت رد بموضووع أخوي نوااف عن الندوه ألي بتصير بمرح لاااند بس للأسف ما كملت 10 دقايق ألا وهم حاذفين ردي ،،،،، أنا مستغربه ما حذفوا موضوعج

والمشكلة حاطين مسابقات وألعاب ببلاااش كأنى بمهرجان أطفال مو انتخابات مجلس الأمه
والمرشحين بالدوائر الثانيه ينظموون أكثر من ندوه للنساء ،، واحنا يحجزوون مرح لاند

[معشوقش الراحل]

بكره مرح لاند للمتفائلون بعد :)




الله الله بالحضور

[موكب]

اخواتي العزيزات


اتمنى ان تجمعوا الصفوف في هذا الوقت


وبكرا ندوة سعدون حماد وتحالفه بمرح لاند


اشوف محد تكلم منهم ولا سوا اللي تسوونه ياخواتي ؟؟؟


اتمنى تخلون منكم هالسوالف بعد الانتخابات



دمتم بخير

[ريماني]

مرح لاند ولا كويت مجيك ولاغيره
ماهي مشكله مو هذي سالفتنا
صحيح انا ما أييد هالشي بس
المهم هو توحيد الصفوف و الحضور ١٦ / ٥
خل نكون واقعين شوي دورنا نحن النساء فقط التصويت يوم الأنتخابات لعيال عمنا وانا نفزع معهم أما أكتب موضوع قبل الأنتخابات أشوه صوره عيال عمي وأفرق الأصوات مو هذا العشم بدال لا نوحد الصفوف في هالفتره أقوم أقول أن مرشحينا مستخفين فينا يا نسوان الكلام هذا قد يأثر على بعض الأخوات اللي منعدمه فيها الحميه والثقه وبالتالي يخسرنا أصواتهم ...
أتمنى حاليا توحيد الصفوف وألتزام بالحضور والتصويت لمرشحينا وعيال عمنا الأربع ...
وأسفه على الأطاله ...
تقبلي مروري ...

متفائلون بهم و واثقون بكن :)

[مدري وش أبي ؟]

^
^
^
على فكره هذي انتخابات موو حرب ،،، وأساس الإنتخابات الحوار بين المرشحين والناخبين وكلن يطرح فكره واقتراحاته ،،، مو ألعاب ببلااش ومرح لاند

وإذا كان دورش أنتي بهالإنتخابات بس تصوتين بدوون لاتشوفين طرح المرشح هذا مشكلتش ،،وأن دل على وعيش السياسي ،،، واحنا ننتقد هالحركه عشان ما ياخذوونه المرشحين الباقين عاده

وأنا استغرب منكم هذا منتدى للكل ويحق للكل أن يقول رايه بحدود الأدب ،،، ألا إذا كنتوا تبون ردوود من طقت لاهنت وعشت ولابست البشت هذا شي ثاني

[موادعك خيره..!]

عزيزتي ريماني

وش جاب طاري تفرقه الصفوف ومدري ويش!!


هذا وجهة نظر ولا بد منك إنك تحترمينها

والواجب عليهم عمل ندوات لطرح الأفكار المستقبليه والأمور الي بتغير والأعمال الي بيسعون فيها

مو برنامج ترفيهي وأمور مالها داعي


وبعدين لاتكبرين الأمور ياعزيزتي وكلن له وجهة نظر خاصه فيه

[ريماني]

المرشحين ما قصروا قاموا بعمل ندوه نسائيه ...
وانا احترم وجهات نظركم وارجوا ان تحترموا وجهت نظري ...

[عامر ال مصارع]

http://www.alajman.net/vb/showthread.php?t=77021

هذا الحوار بالندوه النسائيه اختي الكريمه
حينما يقوم الناخب بأستقطاب فئة النساء وعمل شي من الترفيه لهم
لايعني انه يستخف بهم بالعكس هذي بادرة اكثر من رائعه ..

ومسألة التخاطب بين المرشح والناخبه هذا مو اهني
هذا عند الناس اللي يتبعون الليبراليه
اللي يسمح للمرأه انها تخاطب شخص لايجوز لها شرع الوقوف امامه او التحدث معه ..
لاتقولين نحن تطورنا والناس تقدمو
لما الواحد يتطور ويتقدم مو معناته يتخلى عن دينه وشريعته وعقيدته ..
امور كثيره تتصدى للامر هذا
واعتقد الاعلام حالياً مكفي وموفي ومخلي الجميع على تواصل مع المرشحين
من وسائل مرئيه او مقرؤه

فأين الاستخفاف ؟؟ :)

[مدري وش أبي ؟]

أخوي أحنا بانتخابات موو مهرجانات عشان نحجز مرح لاند ،، وإذا كانت هالفكره عاجبتكم فعلى الوعي السياسي السلاام

أما مسأله أن إذا صارت ندوه للنساء وطرح المرشح الي عنده من أفكار وسألوه صاروا ليبراليين فاعذرني أنت غلطان ،، وأتمنى أنك ماتشكك بدين أحد

[اليساندرو]

يعني مثلا تبين يحجزون اسطبلات الأاحمدي ويجمعونكم فيها ؟


احمدوا ربكم


وخلوا منكم السوالف اللي لا تودي ولا تجيب

[عامر ال مصارع]

أخوي أحنا بانتخابات موو مهرجانات عشان نحجز مرح لاند ،، وإذا كانت هالفكره عاجبتكم فعلى الوعي السياسي السلاام

أما مسأله أن إذا صارت ندوه للنساء وطرح المرشح الي عنده من أفكار وسألوه صاروا ليبراليين فاعذرني أنت غلطان ،، وأتمنى أنك ماتشكك بدين أحد


اخوي انت تثبت انك بحاجه لتعلم انت شنو
لأنك فعلاً اثبت الحاله اللي مسجل فيها بهالمنتدى
واسمحلي اقولك حينما يلتقي الناس في مكان عام وهم من جنس واحد
راح يتحاورون ويتكلمون بامور انتخابيه والكل راح يحث الثاني على التصويت والألتزام
بأبناء عمومته وهذا امر راجع بالنفع للقبيله

وقس على ذلك ان الأن الكل يعلم توجهات الجميع من خلال التصفح عبر الانترنت او الاطلاع
على الأعلام المرئي والمقروء
فمادري ليش تضخمون الأمور ...

[جناب الود]

السلام عليكم ورحمة الله وبركاته



مرح لاند .. منتزة ترفيهي عائلي ومحترم وفية يوم مخصص للنساء وفي هذا اليوم يكون الأقبال النسائي كبير لأنة قد يكون المتنفس الوحيد للنساء الدائرة المحافظات ..ولا أجد خطأ
في عمل الندوات هناك وشحذ همم النساء للحضور والأستمتاع والمرأة الواعية هي رهاننا ولا نعوُل على الساذجات ..كما أن هناك رجال ساذجين ايضاً يصوتون بلا قناعات ( ويبيعون أصواتهم) ....

والشيخ محمد العوضي ونبيل العوضي كانوا يعملون محاضرات دينية بالأسواق والمجمعات التجارية وكان هدفهم وصول الرسالة لمن لايريد ان يتعب نفسة للبحث والسماع ..

كما هو في مرح لاند ..الهدف وصول الرسالة لمن لن تذهب إلى الندوات والمقرات الأنتخابية

وانا حسب ما أشاهد من أغلب المقربين لي أنهم يفضلون أن تذهب نساءهم إلى مرح لاند

ولا تذهب للمقرات الأنتخابية

[ابوضارى]

أخوي أحنا بانتخابات موو مهرجانات عشان نحجز مرح لاند ،، وإذا كانت هالفكره عاجبتكم فعلى الوعي السياسي السلاام

أما مسأله أن إذا صارت ندوه للنساء وطرح المرشح الي عنده من أفكار وسألوه صاروا ليبراليين فاعذرني أنت غلطان ،، وأتمنى أنك ماتشكك بدين أحد



والله انا اشوف ان الموضوع عادى ومن حق ناخباتنا وخاصه العجمان منهم يبدون رايهم ويوصلون صوتهم لمرشحينهم

وما اظن ان كلام هواتنا بينقص من قدر مرشحينا والحمدلله عندى ثقه ان باذا جا يوم الانتخاب مالهم مصد عن الاربعه
وهذا ما يمنعهم حف النقد
يعنى لازم بناتنا وخواتنا يطبلون حق المرشحين والا يصيرون حشاهم مثل الغنم
ويكرمون
يعنى لازم تلميع وتطبيل
وجهة نظر سليمه وانا متاكد وللاسف ان هالعتب والانقاد ماراح يوصل للمرشحين واكيد العتب والشرهه على مندوبات المرشحين

فعلا حنا المفروض ما نحكم من اول انتقاد وبنفس الوقت من حقهم يتضايقون ويقولون اللى بخاطرهم




وعلى طارى
انتهى زمن تقييييييييييييد الحريات

[مدري وش أبي ؟]

مرح لاند .. منتزة ترفيهي عائلي ومحترم وفية يوم مخصص للنساء وفي هذا اليوم يكون الأقبال النسائي كبير لأنة قد يكون المتنفس الوحيد للنساء الدائرة المحافظات ..ولا أجد خطأ
في عمل الندوات هناك وشحذ همم النساء للحضور والأستمتاع والمرأة الواعية هي رهاننا ولا نعوُل على الساذجات ..كما أن هناك رجال ساذجين ايضاً يصوتون بلا قناعات ( ويبيعون أصواتهم) ....

كما هو في مرح لاند ..الهدف وصول الرسالة لمن لن تذهب إلى الندوات والمقرات الأنتخابية

وانا حسب ما أشاهد من أغلب المقربين لي أنهم يفضلون أن تذهب نساءهم إلى مرح لاند

ولا تذهب للمقرات الأنتخابية


عفوا أخوي احنا ماعندنا مشكله مع منتزة مرح لاند ولانشكك بالي يرووحون له بس المشكله أن ماكوو ندوووه ولا شي ،، بس برنامج مسابقات للاطفال ومذيع يسألهم ويوزعون هدايا ،، والله شر البلية مايضحك ،، الناس انتخابات وأتوقع ألي يصوتون فوق سن 21 ،، الألعاب شكوو ،، وما اتوقع أن هالوضع يعجبكم ،، طبعا ما عدا العقوول الصغيره ألي تسمع بالإنتخابات

[المحيميدي]

^
^
^
على فكره هذي انتخابات موو حرب ،،، وأساس الإنتخابات الحوار بين المرشحين والناخبين وكلن يطرح فكره واقتراحاته ،،، مو ألعاب ببلااش ومرح لاند

وإذا كان دورش أنتي بهالإنتخابات بس تصوتين بدوون لاتشوفين طرح المرشح هذا مشكلتش ،،وأن دل على وعيش السياسي ،،، واحنا ننتقد هالحركه عشان ما ياخذوونه المرشحين الباقين عاده

وأنا استغرب منكم هذا منتدى للكل ويحق للكل أن يقول رايه بحدود الأدب ،،، ألا إذا كنتوا تبون ردوود من طقت لاهنت وعشت ولابست البشت هذا شي ثاني

ماشي المرة الثانية في منتزة الشعب بس بفلوس :cool:

يعني بالله عليك تبيهم يعزمون الناس واخرتها ادفعوا فلوس ؟؟؟ وهذا حوار مفتوح بين المرشح والناخب !!

[موادعك خيره..!]

ياجماعه شفيكم استهيدتوا كن البنت قايله شي غلط


البنت ماقالت الا الصحيح


حنا في انتخابات يعني لازم ندوات انتخابيه هادفه ندوات فيها نقاش فيها أمور إنتخابيه

أما الي صاير ماهو برنامج انتخابي كلش

المسابقات حق البزران شكو فالانتخابات ليه البزران بصوتون!!!!!!


ياجماعه الي برد يرد رد مقنع ولا يحكي حكي فاضي


البنت قصدها ان نبي ندوات لها علاقه فالانتخابات لها علاقه فالامور السياسيه مالها علاقه بأسئله ومسابقات وجوائز للبزران


وحنا خابرين حميتنا


وشكريــا

سنبقى متفائلون

[مـحمـد]

السلام عليكم ورحمة الله وبركاته

مرح لاند او حديقة جنوب الصباحيه هي مكان عام للترفيه حيث المسارح والالعاب والمطاعم والارضيه الخضراء في مكان واحد ، لذلك يستخدمها المرشحين لجمع العوائل والعنصر النسائي لخصوصيتهم ، وطرح البرامج الانتخابيه عليهم في هذا المكان لإتساعه وراحته .

لذلك لا نكبر الموضوع ونجعل منه ماده للهجوم على مرشحينا المتفائلون وهذا ما لا نرضاه جميعا ، وبعدين الدعوه مفتوحه للجميع ولا احد مغصوب على شي .

الامر الاخير نتمنى ان يقول كل عضو رايه في الموضوع دون التطرق لصاحبه او المشاركات وعدم مخالفة القوانين .

[حُـرّهـْ]

السالفه الحين من زين مرح لاند ولا شنو بالظبط

ماستخفو بعقلووكم واللي مايبي يستريح في بيته:)


الشرهه على الرجال والله انتو اللي مايعجبكم شي وحكاكم كثير


جعل يسقى قبل لاتصوتون

حنا مستريحين ببيوتنا بدون ماتقول يالاخو :)

ليه نتعب والمرشحين مو متعبين نفسهم :rolleyes:

برايي مو بس ناخباتنا فيهم قلة وعي .. مرشحين الخامسه كلهم فيهم قلة وعي

واعذرني مو معناه اننا بنعطي عيال عمنا يعني خلاص اقصاكم مرح لاند

لا عطني برنامجك .. عطني طرحك اللي بتبيض فيه وجيهنا قدام الناس

ناقش وافرض رايك وخلني اقول اني بعطيك الصوت عن اقتناع

مو واجب بس لانك عجمي .. حالنا حال غيرنا من القبايل

وجعله يسقى قبل لاتتمننون علينا :rolleyes:

[حُـرّهـْ]

أنا أشهد إنش صدقتني هههههههه

لا ويدقون علي البنات مرح لاند للمتفائلون اليوم 00أمحق سالفه


أنتي تشوفين !!

لا والمصيبه اللي تدق عليش شتقول ؟

مندوبه فلان الفلاني .. بتعطينا الصوت ؟؟!!
اقولها يصير خير ان شاء الله .. تقول قوليلي اذا بتصوتين له
ترى عندنا يوم مفتوح بمرح لاند والالعاب ببلاش وفيه مسابقات وعروض !!

نعـــم !!
هذي نظرتكم لحريمكم وبناتكم يامرشحين !!
وحتى الاعضاء المتواجدين هنيه من ردودهم اشوفهم انهم موافقين لهم
وعلى الاغلب انهم من النوع اللي يمنع اهله من التصويت او يجبرهم على اشخاص معينين :rolleyes:

هل هذي نظرتكم لنسائكم ؟ ماالوم الحظر اجل اذا استخفوا بعقول حريمكم
على كذا يحطون لهم يوم مفتوح بمرح لاند والعاب ببلاش ويضمنون اصواتهم
وبلا برنامج انتخابي بلا هم :p شغلتكم سهله

شايفين عقولنا بالمنتزهات والالعاب والبزارين يامرشحين ؟!
المنتزهات والعاب البزارين شكو بالسياسه وبانتخابات مجلس الامه يامرشحين ؟!

ماقول غير هذا ينم عن قلة الوعي الموجود
والله يعيننا !

[حُـرّهـْ]

يعطيش العافيه أختي

قلتي ألي بقلبي أنا كتبت رد بموضووع أخوي نوااف عن الندوه ألي بتصير بمرح لاااند بس للأسف ما كملت 10 دقايق ألا وهم حاذفين ردي ،،،،، أنا مستغربه ما حذفوا موضوعج

والمشكلة حاطين مسابقات وألعاب ببلاااش كأنى بمهرجان أطفال مو انتخابات مجلس الأمه
والمرشحين بالدوائر الثانيه ينظموون أكثر من ندوه للنساء ،، واحنا يحجزوون مرح لاند


يعافيش

مشكله اذا كانت الردود والمواضيع تنحذف ! وبالاخير يقولون المنتدى يقبل الرأي والرأي الآخر
اذا منتدانا ماقبل براينا .. شخليتوا لغيركم ؟

هذي المشكله .. يخاطبون أطفال مو نساء كبار واعيات وناضجات
لكن ماعليهم شرهه لان الحريم هم اللي معطينهم مجال .. وخلوهم يستخفون بعقولهم :)

والحمدلله على نعمة العقل يااختي ;)

[حُـرّهـْ]

بكره مرح لاند للمتفائلون بعد :)




الله الله بالحضور


no comment :rolleyes:

[حُـرّهـْ]

اخواتي العزيزات


اتمنى ان تجمعوا الصفوف في هذا الوقت


وبكرا ندوة سعدون حماد وتحالفه بمرح لاند


اشوف محد تكلم منهم ولا سوا اللي تسوونه ياخواتي ؟؟؟


اتمنى تخلون منكم هالسوالف بعد الانتخابات



دمتم بخير


يا اخي العزيز
توحيد الصفوف شكو بالانتقاد !!
وانا تكلمت عن مرشحين الخامسه عموما ما حددت مرشحين متفاؤلون ؟!!
ليه تحورون الامور وتشوفون الامور من منظور واحد !!
عجبي !!
وهالسوالف تبي نخليها لبعد الانتخابات ؟
هذا وقت الكلام اخوي .. لان هذا الحاصل بالوقت الحالي
ولازم ننتقد ونقول راينا

وعموما بعد الانتخابات محد بسامع لك شي .. وبتصير كأنك تكلم الطوفه ;)
تنادون بعدم تكميم الافواه للحكومه وانتو بنفسكم تكممون افواه غيركم !!

الله يهديكم بس

[أبو فهد]

يابنات

مرح لاند زياده

المرشحين عملو ندوات للنساء

وكذلك فيه زياده المرح لاند

لو انه مسوي المرح لاند وما ناقشكم في برنامج الانتخابي انا معكم انه غلطان

لكن الندوات قبل المرح لاند عملوها

[احمد بن جوفآن]

وعليكم السلام ورحمة الله وبركاته

.
.

الإخت حره ..

الموضوع .. طُرح لـ/ النقاش ..

وبعض الردود .. لاحظت فيها .. ان بعض ااخوان خذو الموضوع بجديه والبعض بـ/ إستهزاء ..
فـ/ اتمنا انش ما تنفعلين . كما اشوف في احد ردودش ؟

.

انتي من كلامش اختي حره .. كأنش تقولين .. ان المتفائلون ما سوو ندوه للحريم .. ؟

وانش مستنكره عن سالفة مرح لاند والدعوه ..

طيـَب ..

انتو تبون ندوات ..

هذا هم سوو بـ/ الهلتون .. والكل يدري ..

وهذا انتو تشوفون تغطية ندوات المتفائلون .. بالانترنت .. بالصور والفيديو بعد ..

هذا ما يكفي ..

اما عن سالفة مرح لاند .. تقولين ليه مسوينها ..

طيب انتي ما سألتي نفسش ..

ليه اجل بعض الحريم يروحون ؟

انا اجاوبش ..

بعض الحريم الواعيات على قولتش ؟ .. حضرو الندوه .. وسمعو ما قالو المتفائلون ..

وبعض الحريم .. كل ٍ يدري ( نقاصات عقل ودين ) << وهذا مو كلامي انا على فكره .. كلام الرسول عليه الصلات والسلام .. في حديث له

وفي حديث ثاني .. لـ/ الرسول .. ماني حافضه بالضبط .. لكن بما معنا ان (( المرأه كـ/ الضلع الاعوج ..؟ ان اعدلته .. كسرته .! وان تركته .. لم يضل اعوج ))

وهذا كلام .. افضل الخلق :) عليه السلام

.

فـ/ هالبعض من الحريم . ما يعجبهم الا كذا .. ؟؟

وحبو يرضون الطرفين :)

ولا اخذيها من وجه آخر ..

ان الرجال .. من طيبه سواها ..

من يدري ؟

وبعدين وين المشكله ..

سالفة الندوه .. قلنالش قد سوو ندوه ؟ اذا ماعندش خبـر ..

والحرمه الواعيه على قولتش .. لو تبي تقتنع ان صوتها .. ما يروح هبائاً منثورا .. وتبي تسمع لـ/ ندوات المتفائلون .. ولا سوو ندوه للحريم ( فرضاً .. وهم قد سوو ) .. تفتح الانترنت .. وتشوف ندواتهم .. ماهي صعبه ترا .! .. لكن طبع الانسان .. يحب يبحث عن اتفهه شي ..

وبـ/ صراحه الي شدني اكثر .. واستغربت منه .

هو احد ردودش على الاخوان ..

تقولين ( مو معناه ان بنعطي عيال عمنا خلاص ) ...!!!!!

اضن يابنت الاجواد ..

ان عيال عمش .. ما سووو كل هذا .. الا غايتهم . ارضائكم .. وثقتكم فيهم . و وقفتكم معاهم ..

والانسان الطيب والي فيه حميا .. سواء رجل او مره .. ما يترك ابن عمـَه .. لا صارت الدعوه عنصريه .. وكل القبايل صفت مع ابنائها ؟ حتى لو ابن عمي .. ( ردي ولا غيره ) والله ما اتركه .. لحاله .. واخلي الناس تاطاه !! واشوف كل ٍ متحيزم لـ/ ولد عمـَه .. ؟؟

.
بالمختصر ..

والي حبيت اوضح لش وانا اخيش ..

ان الموضوع ما يستاهل .. وسالفة الندوه قد سوو ندوه ..
وسالفة مرح لاند .. عطيتش ( توقعين لها ) .. اختاري الي يعجبش ..

ومهما كان .. وقفتش مع عيال عمش واجب .. وحتى لوهم ( بنظرش ) مخطين ؟؟

وبـ/ يوم التصويت في مقر الحريم .. بتلقين .. كل بنت صافه مع ولد عمها .. ؟ ماضن انش تهلمين ولد عمش .. وتصوتين للأجنبي ..

(( ولا تهقين .. ان المتفائلون الاربعه .. خذو اصوات العجمان .. وكل القبيله تدعمهم .. وهم ما يستاهلون .. ؟ إلآ يستاهلون والله ))

وانا برايي الشخصي .. واضن يتفق معي الكثير ..

ان ما سوو شي خطأ .. وانهم ما قصرو مع الحريم ..

.

وانتي وكيلت نفسش من ناحية الصوت .. لكن اعرفي اول وتالي .. ان كانش منعتي الصوت عنهم .. عشان الموضوع هذا .. ان ماعندش سالفه .. مع احترامي لش

.

آسف على الإطاله ..

واتمنا اني وصلت الفكره .. وماكنت بقوله .. بـ/ كلام يصل للعقول الواعيه ..

بدون اي حزازيه وتجريح .. إن شاء الله

[الكشاف]

الظاهر قلت السوالف مرح لاند وش فيه اذا جيتو مرح لاند لندوه

محد مجبور انه يجي ولا احد ضربك على ايدك وسحبك بعرنونكم وقالكم لازم تحضرون

الحضور الرئيسي في تاريخ 16/5 هذا هو الحضور الفعلي

والله الله بالحضور

[موكب]

طيب اختي الكريمه حرهـ


قبلها بيومين كان في ندوه بفندق الهيلتون


وهناك المرشحين الاربعه طرحوا قضاياهم السياسيه وتكلموا فيها


واذا ماسمعتي اطروحاتهم


فيه ندوه ثانيه للنساء روحي اسمعي ما يملي تفكيرك وخاطرك


واذا ماتبين تروحين تسمعينهم فهذه مصيبتين


مصيبة انك ماتبين تروحين

ومصيبة انك تبين تسمعين اطروحاتهم

[حُـرّهـْ]

مرح لاند ولا كويت مجيك ولاغيره
ماهي مشكله مو هذي سالفتنا
صحيح انا ما أييد هالشي بس
المهم هو توحيد الصفوف و الحضور ١٦ / ٥
خل نكون واقعين شوي دورنا نحن النساء فقط التصويت يوم الأنتخابات لعيال عمنا وانا نفزع معهم أما أكتب موضوع قبل الأنتخابات أشوه صوره عيال عمي وأفرق الأصوات مو هذا العشم بدال لا نوحد الصفوف في هالفتره أقوم أقول أن مرشحينا مستخفين فينا يا نسوان الكلام هذا قد يأثر على بعض الأخوات اللي منعدمه فيها الحميه والثقه وبالتالي يخسرنا أصواتهم ...
أتمنى حاليا توحيد الصفوف وألتزام بالحضور والتصويت لمرشحينا وعيال عمنا الأربع ...
وأسفه على الأطاله ...
تقبلي مروري ...

متفائلون بهم و واثقون بكن :)


اكبر مشكله فيكم بوقت الانتخابات .. انكم تشوفون كل المواضيع انها تشويه لصورة عيال عمنا
ومعنى كلامكم .. ممنوع الانتقاد لين تخلص الانتخابات
ماصارت ديموقراطيه هذي .. هذا وانتو تنادون فيها !!
وبعدين ليش شاكين بمرشحين العجمان .. انا عميت مرشحين الدائرة ماخصيت عيال عمي

وانا انتقد الكل لاني اشوف الكل يسويها ماخصيت احد معين
ولا ترجعون وتقولون لي توحيد الصفوف .. انا انتقد ماقلت لاتصوتون !!

[حُـرّهـْ]

^
^
^
على فكره هذي انتخابات موو حرب ،،، وأساس الإنتخابات الحوار بين المرشحين والناخبين وكلن يطرح فكره واقتراحاته ،،، مو ألعاب ببلااش ومرح لاند

وإذا كان دورش أنتي بهالإنتخابات بس تصوتين بدوون لاتشوفين طرح المرشح هذا مشكلتش ،،وأن دل على وعيش السياسي ،،، واحنا ننتقد هالحركه عشان ما ياخذوونه المرشحين الباقين عاده

وأنا استغرب منكم هذا منتدى للكل ويحق للكل أن يقول رايه بحدود الأدب ،،، ألا إذا كنتوا تبون ردوود من طقت لاهنت وعشت ولابست البشت هذا شي ثاني


كفيتي ووفيتي ;)

[حُـرّهـْ]

عزيزتي ريماني

وش جاب طاري تفرقه الصفوف ومدري ويش!!


هذا وجهة نظر ولا بد منك إنك تحترمينها

والواجب عليهم عمل ندوات لطرح الأفكار المستقبليه والأمور الي بتغير والأعمال الي بيسعون فيها

مو برنامج ترفيهي وأمور مالها داعي


وبعدين لاتكبرين الأمور ياعزيزتي وكلن له وجهة نظر خاصه فيه


بالفعل .. لكن وين اللي يسمع ويقتنع
:rolleyes:

[حُـرّهـْ]

المرشحين ما قصروا قاموا بعمل ندوه نسائيه ...
وانا احترم وجهات نظركم وارجوا ان تحترموا وجهت نظري ...

أحترم وجهة نظرك :)

[ريماني]

الأخت حره بالمختصر وش تبين توصلين له ...

لأن اللي أشوفه ماصار انتقاد و هذا واضح من ردودش مؤيده فئه و معارضه فئه ...

طيب أنا بسألش سؤال وأبي جواب بصراحه أنتي معا المتفائلون .؟.؟.

اي وعلى فكر مرشحينا سوو ندوه ليه ما حطيتي موضوع عن ندوتهم فقط تنتقدينهم ؟؟؟

خلاصه الأمر أخذي نصيحه من أختش ماهو بنافعش الا ولد عمش ومالش غنا عنه ( مالك الا خشمك لو كان عوج )
ويعني الكرسي ياخذه ولد عمي ولا أشوفه عند الغريب أتمنى منش بدال تنزلين هالمواضيع نزلي موضوع تصحين فيه الحميه عند النساء ...

[حُـرّهـْ]

لي عوده للباقين بكره ان شاء الله

[مميز]

يا جماعه العضو حره تسجيلها قبل كم يوم لا يستبعد يكون شخص من قبيله اخره يبي يسوي شوشره

وانا استغرب من العضو الي نكه >مدري

انت رجاااال والموضوع يخص البنات رحت اتقول لازم نفهم البرامج ومدري ايش

انا اقول لك يا اخي العزيز الاسبوع الي طاف ندوه المتفائلون واذا طافتك بكره في ندوه بصباح السالم

تعال وشوف مرشحينك وطرحهم والي تقتنع فيه صوت له
اما بخصوص النساء اذا يهمك امرهم حيل ترا قبل كم يوم ندوه في منتجع الهلتون وتحدثو معا الناخابات وعرضو برامجهم

واليوم يوم مفتوح في مرح لاند يونسون بزرانهم ويغيرون جو شوي وفيه ندوه بعد صلاة المغرب بعد يتكلمون فيها الاعضاء

اما بنسبه للاخت حره تقول يستخفون بعقولنا انا اقولش اليوم في مرح لاند مهب لش للبزران والي يبون يستانسون وفيه ندوه واليوم راح يجون مو بس العجمان بل اكثر القبايل

مثل ماشفنا العجمان والقبايل الثانيه في ندوة الدبوس السنه الي طافت

لا يكثر الكلام يوجد لك عضو موقع ادخل وشوف برنامجه ويوجد ندوات احضر واسمع

ولا انتي مجبوره بصوت واسمحي لي بالكلمه هاذي اقولها لش عزيزتي

(مـاوقفت عليش ترا )

واتمنى عدم الزج بمثل هاذهي المواضيع التي تحدث شوشره ولا منها فايده

ولا لقيت في اي منتدى قبيلة . الهواجر منتداهم يدعمون فيه التحالف ومواضيعه دعم تحالفهم الي يتكون من مطيري وعتيبي ودوسري ولا تكلمون عن تحالفهم الي فيه قبايل اخرى اما حنا من قبيله وحده والحكي بينا

الله يزين الحاال

اتمنى من المراقبين حذف مثل هاذهي المواضيع

[FS. Eng]

السلام عليكم

مرح لاند << يعني شنو؟


مرح لاند عرف عنه للألعاب, وما تجتمع السياسه مع الالعاب.؟ ولا حاطينه هناك هاقين اغلب الاصوات الي بتجيهم بتجيهم عن طريق الاطفال؟


انا اقول يوزعون العاب بعد وبالونات عليها صورهم .. دعايه احلى للمرشحين بدل حجز مرح لاند بكبره




الله يهداكم بس !! لهالدرجه.؟

[وطن عمري]

السلام عليكم ورحمة الله وبركاته





انا أشوف أنها عادية وين الأستخفاف ( لاتكبرون الامور بس )

[ناصر بن فالح]

يبدو من تاريخ التسجيل ان الحره ماهيب حره :)

عزيزيتي الحره

راح اوضح لك اسباب حجز مرح لاند

غالبيه النساء في المجتمع يكون دورهم هو تربيه الابناء

وان تكون برفقه صغارها 24 ساعه ..!!

ولو تم وضع الندوه بمكان لايوجد به مكان ترفيه لن تحضر المره بحجه لن ادع ابنائي

لسماع برنامج انتخابي او غيره ..!!!

لكن في وجود سبل الترفيه والمسابقات يمكنها الحضور وترك ابنائها يستمتعوون

وسماع برامج المرشحين ..!!

وتلك الطريقه ليست دخيله علينا فقد مورست العام الماضي ولاقت استحسان



لكن يبدو ان تحالف لاجلكم

لايملك المال الكافي لاقامتهاا :)

[خزنه بنت مايكل]

الوعد اليوم في مرح لاند ;)

[مدري وش أبي ؟]

يااا ناااس الدعوه ألي فيمرح لاند مافيها ندوه للناخبات فيها برنامج للألعاب فقط ،، وأنا أستغرب ناس تجي ترد وهي موفاهمه شي وتعيد وتزيد في نقاط أحنا منتهين منها الموضوع لنقاش هالفكره لاا عاد تسونها بدوون ندوه للناخبات ،، وإذا نجحت سوها للكل عادي لأن الإنتخابات خلصت وماله داعي يكون فيه ندوه

سؤال أنتوا لي اختلفتوا مع أحد صار ماهو منكم ؟؟ أمركم عجيب ،، ويصير تاريخ تسجيل العضو عندكم هو ألي بيكشفه إذا كان منكم ولاا لاا ،، والمشكله هالكلام من مراقب :eek:

أما سالفه التصويت لمرشحينا هذي منتهين منها ،، واتمنى لحد يقعد يبربر على رووسنا بهالسالفه ،، وخلووا عندكم موضوعيه بالرد وبدوون استهزاء بالنساء وألي يقول ناقصات عقل ودين ما أدري شدخلها بالسالفه ،، أنت أفهمها بدال منت حافضها عالفاضي وفي كل موضوع نساء تحطونها

وعلى فكره أنا بنت مو ولد << للأعضاء ألي مايعرفون يفرقوون ;)

[Faris]

من يقول مافيه ندوه؟؟


امس كان فيه ندوه في مرح لاند بالاضافه للألعاب


اتمنى من اللي مايدرون عن شي ولا راحوا اساسا


لا يتلقفون ويحكون حكي فاضي

[ابوضارى]

الموضوع خذا اكبر من حجمه
والوعد


نجاح الاربعه


ب16\5

[ابوضارى]

مرح لاند عرف عنه للألعاب, وما تجتمع السياسه مع الالعاب.؟ ولا حاطينه هناك هاقين اغلب الاصوات الي بتجيهم بتجيهم عن طريق الاطفال؟


انا اقول يوزعون العاب بعد وبالونات عليها صورهم .. دعايه احلى للمرشحين بدل حجز مرح لاند بكبره




الله يهداكم بس !! لهالدرجه.؟

[نقابى واضح]

عجبنى الموضوع كثير