مرشحيناومشاكل الندوات النسائيه

[أبوفهد2007]

مساكم الله بالخير جميعا أولا حبيت أبدي رأي في الندوه اللي صارت في منتجع الهيلتون والمخصصه للنساء ودخول كثير من الرجال من قبل سكرتارية الأعضاء والصحفيين وبعض الرجال اللي ماندري شنو وضعهم أقول هذا الكلام لأن أحدى خواتي وصلتها لحضور الندوه على أساس أنها للنساء وبعد دقيقتين أتصلت على وقالت أرجع أخذني وقلت على ماشر قالت الصاله فيها عدد كبير من الرجال والمرشحين مابينا وبينهم حاجز وصحفيين قاعدين بالزاويه ووجود كثير من النساء المتبرجات داخل الصاله حتى مقدم الحفل الأخ سعد العجمي موجود ونا بعرف شنو دخله باللجان النسائيه والمرشحين شخص محسوب على التجمع الشعبي ولا شفناه العام الماضي مع الأعضاء وأعتقد السبب معروف وفي الختام أرجو من اللجان النسائيه يفكونا من شرهم ولحد يفضحنا قدام الأجناب

[المستقبل المشرق]

جزاك الله خير بوفهد على غيرتك وحميتك ونرجوا بل نطالب و بقوة من مرشحينا الأربعة وقف هذه المهازل التى لانعلم من يقف ورائها 0
ونتسائل هنا اين دور اللجنة الرئيسية في تنظيم هذه الندوات؟

[العجمي كوم]

السلام عليكم ورحمة الله وبركاته

لاتعليق . . .

الله يوفق . .

متفائلون ان شاءلله جميعا

العدوه الطاحوس

الحويله الصيفي

[حُـرّهـْ]

السلام عليكم

انا ماني لا مع ولا ضد اللي صار
لكن بتكلم بحيادية وأتمنى تقرأ ردي عدل
وبدون زعل

..

مثل ماقلت الندوه مخصصه للنساء .. لكن فيها المرشحين
يعني من هالنقطه أكيد إن اللي متحجبه ملتزمه بحجابها واللي متغطيه ملتزمه بغطاها أو نقابها .. إلخ
لأن النساء جايين يسمعون للمرشحين .. والمرشحين رجال !!
وما أعتقد إنه عرس ولا حفلة نسائية عشان ياخذون راحتهم الحريم :rolleyes:

ثانيا : من الطبيعي سكرتارية المرشحين بيدخلون للندوه
والصحفيين لنقل الندوه للإعلام حالها حال باقي الندوات !!

وعلى الرغم من اني ماحضرت الندوه .. لكن من اللي اخبره من ندوات العام وقبله
ولا مره كان فيه حاجز بين المرشحين والنساء !!
فـ شالجديد بهالندوه !!

المرشحين يكونون على ستيج والنساء مقابلهم على الكراسي
فقط !!
والاعلاميين مثل ماقلت على زاويه يعني مو بين الحريم !!

وشنو الحاجز اللي تبونه !! أوكي تغارون ماقلنا شي ولا ضد هالشي
لكن كلن محتشم وجاي بلبسه اللي يطلع منه من بيته
فـ لشنو الحاجز المقصود @@

والنساء المتبرجات .. نشوفهم بكل مكان :)
وأكيد انهم مندوبات المرشحين .. :rolleyes:

والمقدم الإعلامي سعد العجمي / ليه منت راضي على وجوده ؟!
دايما يكون فيه عريف أو مقدم للندوه بالندوات النسائية .. ليه اعترضت الحين


أمركم عجيب :)

مالي أي معرفه بالمرشحين ولا حضرت الندوه
ولا ناويه أحضر لهم ندوات
لكن من باب الحياديه بغيت أرد

[معشوقش الراحل]

مايروحون السوق نسوانكم؟




بقيييييييييييييط زايد ودكم تحكون


الصوت بتظهرونه من خشووم المرشحين مايسوا عليهم

[@بنت العز ما تنهز@]

انا اشوف في مبالغة فالموضوع

[الصمت]

:)بسم الله الرحمن الرحيم

كل الشكر الاخ ابوفهد ونرجو من اللجنه وضع حد هذا مهزله ولايمكن السكوت عليها
وهناك اماكن وضعت مخصصه انساء والماذا الختلاط مع الرجال واين تنظيم اللجنه نسائيه ماذا تفعل وماهو دورهم عليهم تنبيه علي نساء بدخول رجال والاعلاميين وتذكيير خواتهم بتصويت ربعهم

[ناخب 2008]

مايروحون السوق نسوانكم؟




بقيييييييييييييط زايد ودكم تحكون


الصوت بتظهرونه من خشووم المرشحين مايسوا عليهم



<<<< مؤيد لكلامك اخي الكريم



لكن لحل الاشكاليه التي يدندن حولها البعض ارجو من اللجنه الاعلاميه لمرشحينــا


في الندوات المخصصه لنساء في قادم الايام ان يستخدمو تقنيـــة الدائره التلفزيونيه المغلقه



حتي لايكون لهؤلاء مدخل عليـــكم

[موادعك خيره..!]

ياجماعه لا تكبرون الامور

يعني لاجاو يصوتون يوم الانتخابات داخل بعد فيه رجال 0 حبكت عالندوات

[أبو فهد]

لاتعليق

وندوات النسوان مالها داعي

النسوان يوم الانتخاب نبيهم يصوتون للاربعه متفائلون

[mr.3jmi]

لا تعليق

وكلامكـ في محله

[مميز]

ابو فهد ذكرتني بسالفة الي يودي نسوانه معا الهندي ولا يوديهم معا مصري

سعد العجمي ماوقفت عليه يوجد 4 رجال وهم المرشحين بتعارض على المصورين ولا العريف والله امركم عجيب

ماتبي تودي اهلك لا توديهم منت مجبور

اهلك محتشمين والخبل خبل والصاحي صاحي


ولا تكثرون مثل هل مواضيع الي تسبب شوشره اكثر من موضوع نفس الطريقه

اتمنى حذفهم من المشرفين

[راعية الونيت]

لااااااااالحيييييييين في ناااااااس معقددددده هييييييك

[عبدالعزيز الشمالي]

انا بأعتقادي ان شلون سوو الندوه النسائيه السنة الي طافت يسوونها السنه هذي

يعني بغرفة بروحهم المرشحين وفي كاميرات وحي على الفلاح

ويعطيك العافيه

[عبـق أجدادي]

.


.








لا أنا عندي إقترااح ممتاز



أقترح إن المرشحين يجلسون على طاولة وظهورهم للنساء
عشان محد يشوف الثاني ..!!






قسما ً بالله أمركم عجيب
مرة تعترضون على ندوة النساء ومرة على تواجد المرشحين
ومرة على إقامتها بالصالات المغلقة ومرة بسبب وجودها بمرح لاند





الإعتراااااض لمجرد الإعتراااااض
والجدااال لأجل الجداااال فقط






اللي ينادي بالطرح ترى ربعنا أطروحاتهم وطنية
واللي يبيها حميه هذولا ربعنا مالنا مصد عنهم
واللي يبيها وناسة ترى الروحة للمدارس يوم
الإنتخابات وناسة وفلة وتغيير جو









خلااااص أياااام معدوودة
مانبي نسمع هالأطروحات
وحدوا الصفووف وحدوها










سلام

[عبدالعزيز العجمي]

ابو فهد

بيض الله وجهك وما قصرت وكلامك صحيح وانا استغرب من اللي صار

يعني حنا مع اخوانا وانتمنى لهم الخير والتوفيق بس اللي صار شي مرفوض وما نرضاه

كان الاجدر يكون في مكان مخصص للرجال من الاعلاميين ومعزول واخوانا المرشحين كل شخص يدخل ويتكلم ويطلع ماله داعي يتسطرون خمس رجاجيل .

وانا اعتب على التنظيم اللي صار واتمنى يتجاوزون هالهفوات والانتخابات ما تعني ان الواحد يطلع من عاداته وتقاليده .

هذا عتبنا عليهم واللي يزعل عساه ما يرضى

عبدالعزيز العجمي

[كلي حزن]

ابو فهد لاهنت واللي صار محد براضي عليه ولاهي من عوايدنا والاخت اللي تقول نفس الندوات السابقه بدا ماقلتي الصدق الندوات السابقه كانت شاشات عرض ولا رجال بالصاله بالعربي كلن ماخذ راحته واللي يبي يشوف الندوه تراها معروضه باحد المنتديات ولا مصورين النسوان بعد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟