أنسان عادي
03-05-2009, 09:52 PM
وش ذالشايب اللي شكله مقطوعن سره في روتانا سينما
بس الفرق ان روتانا سينما مش حتأدر تغمض عينيك
وهو ( مش حاتادر تفك بوكك ) <<< يالله كتبتها الله يعين كتاب السيناريو والحوار:D
معاني الكلمات : بوكك مااردى من المربوط الا المنفلت : بقلم كاتب سيناريو غير هالمرة :009:
البوك : هو ذلك الوعاء الجلدي المتعفظ المملوء أوراقا ملونة يشار لها بعدة
تسميات منها <<<<<<<<<<< شكل اللي كاتب هالكلام هو نفسه كاتب سيناريو وضحى وبن عجلان :D
المهم نرجع للأوراق التي لها عدة مسميات :
الفلوس , النقود ,, الدراهم ,, الاريل
الاريل : ليس ذالك الجهاز اللي يحطونه على السيارات او سطح البيت على شان يطلع السعودية ون وتو والرياضية
نرجع لجمع التكسير لريال وهالجمع على صيغة منتهى الجموع وبلغة أهل ( رغبة ) !!!
أما جيرانهم أهل ثادق فلا يستخدمون هذه الصيغة من الجموع <<< امش يا اهل الكوفة والبصرة :p
نرجع للبوك المليان دراهم واللي ماينفك أبد <<<<<<<<<<< مربط بسيور
تقول ان الدراهم اللي فيه محكومتن عليها بالمؤبد وبعضها ينتظر المكرمة الين تجي في رمضان
وما تنفذ الا في يوم العيد لأصحاب المحكوميات البسيطة <<<<<<< اقصد ابوريالين
لانه ماعمره وزع أكثر من ريال واحد في يوم العيد
أما الباقي من الدراهم يطرح تساؤل عن الأمور اللي تخليه على الأقل تطيح نصف المدة عنه
مثل واحد بخيل بوكه فيه أم خمسمية تدعي الله انها يجيها إعدام بدل هالمؤبد
وخاصة انها ملت من هالريحة المخنزة وأيضا انها تابت بعد ماكانت في ((الكلام مشفر))
ومن يد ( خبل ) إلى ( وسط حضن : ......................)
فتح الله عليها وصارت عضو في صندوق جمع تبرعات وعقبها راحت يم فلسطين يوم جمع التبرعات
الين طيحها الله في بوك هالشايب اللي حكم عليها بالمؤبد جزاء لها وردعا لأمثالها
وما التهمة فكانت ما اقترفتها يداها من التنقل في (( كلام مشفر ))
نرجع لموضوعنا :p
على فكرة فيكم احد يعرف يقول القصطنطنية خمس مرات بسرعة <<<< سؤال مدري منين هو جاي
وابشركم ان الخمسمية تابت توبة نصوحا وصارت ريحتها طيب و دهن عود وفساتين!!
وأنواع الجزم وكله من بوك هالشايب !!
المهم الشايب قال لخالد لازم ترش العمارة
قال خالد طيب واذا رشيتها وش لي؟
لك انك بتصير في غرفتن لحالك أما اذا رمارشيتها بتصير انت وخوك راشد في غرفتن وحدة
طيب طال عمرك وانت معودنا على الديمقراطية
وخصوصا انك من مشجعي الحوار الوطني عندي لك تساؤل
على افتراض اني رشيت العمارة بيجيني غرفتن لحالي وبيصير لراشد غرفتن لحاله صح؟
صح
طيب وشلون راشد يجيه غرفتن لحاله وهو مارش معي ؟
راشد بيجيله مهمة جديدة اذا ماسواها مهوب صايرن له غرفتن لحاله
ابشر طال عمرك ابرش هالجدران الين تماقط من الموية جدرانها
قلتها وانا افكر في هالنظرية ولا نظرية فيتاغورس
انا وراشد لازم نشتغل مع الوالد واي تقصير من أي واحد بيعاقبه بغرفة مشتركة طيب اذا
واحدن منا (كرف ) والثاني مرتاح وشلون يعاقبه انه يحطه في غرفة مشتركة مع الثاني
ووش هو الجزاء اللي يخليني أستمتع بالمكافأة
وهنا أخفقت كل معلوماتي في الرياضيات في حل هالمعادلة بس الظاهر اني أبحاول
أجيب لزاوية نظرية الوالد أملا في الحصول على ناتج صحيح يؤهلني للحصول على فرصة (غرفة منفردة)
ومع كل هذا سويت اللي في بالي وأخذت المسألة تسلية وخصوصا رش سطح ملحق السطح !!( غرفة الشغالة مستقبلا ) !!!
فالعذر جاهز قاعد أرش أما الحقيقة فهي أني قاعد ( أقز) فمن يرش على سطح ملحق السطح له العذر حتى بدون مايتنحنح
عاد توني جاي من حلاق (( ميه ميه )) افختار اللي مايحلق الا بموعد واتصال
ومنعم والامور تمام قاعد أرش والشماغ في أبهى حالة وعليه العقال اللي يلمع ولابس ساعة تبرق ( ماركة)
والقلم في المخباة ذاك اللي في غطاه من فوق نجمة سداسية !! < اللي يعرف اسمه يعلمني
بالله هذا شكل واحدن يرش ؟ !!
لا وازيدكم من الشعر بيت الجوال مشغل البلوتوث ومن زين الاسم ( شفني في السطح ) !!!
ولا شافني أحد ولا قزيت أحد .. ياحول ماعاد الناس تحب الجلوس في الحوش أبد !!
وياخسارة الترسيم بس !!
اقولكم ترا الخمسمية رجعت لسربتة من يد خبل الى مهبول <<<<<<< دخلة غلط كمل سالفتك
وفجأة <<<< دخلت السالفة في التشويق والسيناريو في التوغل في العقدة والتعقيد باللهجة اللغوية
وفجأة وقفت قدام العمارة كراون فيكتوريا ونزل منها واحد ( مهوب سعودي ) ومرسم بالكوت
والكرفته وقبل مايطلع مع الدرج لقاني قد نزلت من السطح وصرت في وجهه ((ولبى قلب اللي راكبة قدام !!!))
مرحبا
مرحبتين
هالعمارة ( إلك )
ويوم قالها وانا انتظره يرفع يديه الثنتين ويهزها مثل ميشيل يومه يقول لناس (( الك ))
لا والله العمارة للوالد أي خدمة
قال لي عندكم شقة للايجار
أي والله عندنا تعال شفها توها في مرحلة التلييص بس ترانا مانجرها الا للعوايل
ولو؟ شو ونحنا كمان عنا هيك أمور مابنسترجي نسكن عزاب حدا العوايل <<< مدري ليش تذكرت فلم لعادل امام
اجل دامكم عوايل الله يحييكم
انا جاي عالبلد محرم أنا وأختي ياللي بتشتغل دكتورة بالمستوصف اللي بشارع التلاتين
ياهلا والله ( قلت في نفسي : من قدك بتصير جارتكم ...... لا ودكتوره ) وعطاني رقمه ووعدته بخير وستانس الرجال
وخصوصا انه ساكن في شقة مع شباب واخته مع ممرضات المستوصف في سكنهم
ومن ذاك اليوم وانا مشتغل شغل في هالرش ومن كل قلبي وماغير اهاوش في هالعمال
وصايرن كني راعي الحلال ومافي لساني غير : الهمام الهمام
والوالد مبسوط وشكله يقول في نفسه : ياحليلها من غرفة هاللي خلت هالولد يكرف
أجل لوي قايل له بعطيك جناح ؟ الظاهر بيصير مبلط <<<وهو مايدري وش السالفة وعلى قولة الشاعر من شان عين الزين أصير مبلط !!
وشوي شوي بديت (احن) على الوالد واوضح له مساويء المستاجرين السعوديين واعطيه من هالقصص
اللي خلته يكره التأجير بكبره
وتعرف طال عمرك الناس مهوب سوا
رد الشايب : اجل ماهم موبايلي <<<< طرت على بالي برنامج قطاف <<< اقول كمل وخل الاستهبال
لو تلقى لك واحدن مغترب ومعه عايلته ويشتغل مهندس والا مبرمج كمبيوتر والا مدرس
( خليت وظيفة دكتور في الأخير علشان مايكفش السالفة) <<<<< الولد يفكر صح
والا دكتور كان ياسلام الاجار بيجيك على داير مليم وبتلقاه بعد نازل في حسابك بيروح
بنفسه للبنك وبيدخل الاجار في حسابك
ابشركم ان الخمسمية هداها الله وعقلت <<<<<< يالليل من هالسالفة هع هع
أما لو صارت حرمته أو اخته دكتوره بتعالج الوالدة ببلاش وبيصير خيرن على خير
طيب ياوليدي حنا وين نلقى مثل هالمواصفات ال( فل اوبشن) <<< ويلوموني في ثقافة هالشايب !!:D
اذا انت معزم مستعد ادور لك أعرف واحد من الشباب يشتغل استقبال في مستوصف ممكن
يدور لنا دكتور او دكتوره عوايل
· بس شف وانا ابوك اشرط عليهم الصلاة مع الجماعة ومابي احد يدخن او يشيش
· بسيطة طال عمرك
رد ببديهية أحسده عليها : بسيطة ماتستبسطهاش وصفحة سبعة صعبة وبرميل برملنابوه وبرميلن
مابرملنابوه ودربيلن مادربلنابوه
بذمتك يبه قد شفت دكتور يشيش؟ أصلا ماتليق عليه . والشيشة بكبرها بتهج هي أصلا مهيب لأي واحد ترا
ومرت الايام وصحيت من الاحلام ملقتش غير امال وعذابى مستنينى <<<< طرت ع بالي طاش ماطاش يوم يقول انا التاريخ
مرت الأيام وقضت العمارة
· يبه انت على وعدك؟
· أبشر والله بسعدك على وعدي ونص أبشر والله بغرفتن منفردة
( والهواء فيها طراوه يرد الروح ) <<< فعلا مش حتأدر تغمض عينيك !!
· الله يسلمك بس ماأقصد الغرفة ,,, انا وخوي راشد الحال وحدة غرفة أو غرفتين ماتفرق <<< رجعنا
قل آمين يبه
· آمين
· الله لايفرق شملنا
· آمين
· أجل وش قصدك ؟
· الدور العلوي
· وش فيه؟
· لقيت لك مستاجرن يحبه قلبك : يصلي ومعه عايلته و( دكتورة بعد)
· وكم قلت لهم؟
· كم حدك؟
· خمس وعشرين صافي
هو قال مايقدر غير 23 بس ترى ثلاوث عشرينه غير مثل ماعلمتك قبل ومافيه مماطلة
ولا تأجيل حار بحار هذا غير الدكتورة اللي بتعالج الوالدة ومن قريب ولاتنس طال عمرك
التبولة وما أدراك مالتبولة
· وشي تبولته ؟
· اذا قدر الله وسكنوا جمبنا ماغير صحون هالتبولة والكبة النية والمحشيات
تروح وتجي لبيتنا وحتى لو ذاك اليوم ماروحوا لنا شي يكفيك الريحة اللي تنسك داخلن مطعم يامال الشام !!!
على بركة الله بس ترى أجار اول سنة كامل كله مرتن وحدة
· بحاول وعساه يطيع
نسيت اقول لكم ترا الخمسمية مسكوها في قضية اغنصاب ومحكوم عليها اعدام <<< توكل على الله بس هع
ومرت الايام
وسكنوا جمبنا
وأول يوم مدحتهم للوالدة وراحت لهم بالقهوة والقدوع
منه كأي جار مع جاره كعربون تعارف ومن يوم جت وانا احدحد فيها كله علشان أعرف بس اسم هالدكتورة
ومع المحاولات عرفت ان اسمها ( نسرين )
ومن ذاك اليوم وحرف الان n هو حرفي المفضل
ويوم من الأيام << ماش شكلي برجع للورد
جلست أنتظر الين جاء الفان حق المستوصف علشان يوصل الدكتورة نسرين وانا اللي
أقز الاسم والعنوان ومن يوم شفته وانا عارفن المستوصف ويا سلام هالمستوصف
من النوع اللي مافصل العيادات النسائية عن الرجالية
فقلت في نفسي فرصة نحتك ونكحل !!!
ومن يوم صليت المغرب وانا مرسم مثل يوم اني أرش العمارة
وطوالي على المستوصف : ومن يوم دخلت مع الباب وانا مسوي نفسي شي ثاني
حتى لساني أحس انه ( متجنس) مهوب خويي اللي أنا خابر
· مرحبا
· أهلين
· أبي كشف عند الدكتورة نسرين
· طيب وين المريضة ؟
· اي مريضة أنا اللي ابي اكشف ...... ليش مناب قد المقام <<< هنا حسيت لساني رجع لأصله
لم تتمالك موظفة الاستقبال نفسها ودخلت في نوبة هستيرية من الضحك
وعندما شاهدت استغرابي أشارت باصبعها إلى لوحة علقت بجوار الاستقبال ضمت أسماء الأطباء والطبيبات
وعلى طول قزيت اسم جارتنا الدكتورة نسرين
ويوم قريت تخصصها وانا احذف الزبيرية واحط رجلي مع الباب واحمل معي أذيال الخيبة
تدرون ليه
تخصص الدكتورة نسرين : نساء وولادة !!!
انتظروني بموضوع شطحات فوضويه جديد
***
بس الفرق ان روتانا سينما مش حتأدر تغمض عينيك
وهو ( مش حاتادر تفك بوكك ) <<< يالله كتبتها الله يعين كتاب السيناريو والحوار:D
معاني الكلمات : بوكك مااردى من المربوط الا المنفلت : بقلم كاتب سيناريو غير هالمرة :009:
البوك : هو ذلك الوعاء الجلدي المتعفظ المملوء أوراقا ملونة يشار لها بعدة
تسميات منها <<<<<<<<<<< شكل اللي كاتب هالكلام هو نفسه كاتب سيناريو وضحى وبن عجلان :D
المهم نرجع للأوراق التي لها عدة مسميات :
الفلوس , النقود ,, الدراهم ,, الاريل
الاريل : ليس ذالك الجهاز اللي يحطونه على السيارات او سطح البيت على شان يطلع السعودية ون وتو والرياضية
نرجع لجمع التكسير لريال وهالجمع على صيغة منتهى الجموع وبلغة أهل ( رغبة ) !!!
أما جيرانهم أهل ثادق فلا يستخدمون هذه الصيغة من الجموع <<< امش يا اهل الكوفة والبصرة :p
نرجع للبوك المليان دراهم واللي ماينفك أبد <<<<<<<<<<< مربط بسيور
تقول ان الدراهم اللي فيه محكومتن عليها بالمؤبد وبعضها ينتظر المكرمة الين تجي في رمضان
وما تنفذ الا في يوم العيد لأصحاب المحكوميات البسيطة <<<<<<< اقصد ابوريالين
لانه ماعمره وزع أكثر من ريال واحد في يوم العيد
أما الباقي من الدراهم يطرح تساؤل عن الأمور اللي تخليه على الأقل تطيح نصف المدة عنه
مثل واحد بخيل بوكه فيه أم خمسمية تدعي الله انها يجيها إعدام بدل هالمؤبد
وخاصة انها ملت من هالريحة المخنزة وأيضا انها تابت بعد ماكانت في ((الكلام مشفر))
ومن يد ( خبل ) إلى ( وسط حضن : ......................)
فتح الله عليها وصارت عضو في صندوق جمع تبرعات وعقبها راحت يم فلسطين يوم جمع التبرعات
الين طيحها الله في بوك هالشايب اللي حكم عليها بالمؤبد جزاء لها وردعا لأمثالها
وما التهمة فكانت ما اقترفتها يداها من التنقل في (( كلام مشفر ))
نرجع لموضوعنا :p
على فكرة فيكم احد يعرف يقول القصطنطنية خمس مرات بسرعة <<<< سؤال مدري منين هو جاي
وابشركم ان الخمسمية تابت توبة نصوحا وصارت ريحتها طيب و دهن عود وفساتين!!
وأنواع الجزم وكله من بوك هالشايب !!
المهم الشايب قال لخالد لازم ترش العمارة
قال خالد طيب واذا رشيتها وش لي؟
لك انك بتصير في غرفتن لحالك أما اذا رمارشيتها بتصير انت وخوك راشد في غرفتن وحدة
طيب طال عمرك وانت معودنا على الديمقراطية
وخصوصا انك من مشجعي الحوار الوطني عندي لك تساؤل
على افتراض اني رشيت العمارة بيجيني غرفتن لحالي وبيصير لراشد غرفتن لحاله صح؟
صح
طيب وشلون راشد يجيه غرفتن لحاله وهو مارش معي ؟
راشد بيجيله مهمة جديدة اذا ماسواها مهوب صايرن له غرفتن لحاله
ابشر طال عمرك ابرش هالجدران الين تماقط من الموية جدرانها
قلتها وانا افكر في هالنظرية ولا نظرية فيتاغورس
انا وراشد لازم نشتغل مع الوالد واي تقصير من أي واحد بيعاقبه بغرفة مشتركة طيب اذا
واحدن منا (كرف ) والثاني مرتاح وشلون يعاقبه انه يحطه في غرفة مشتركة مع الثاني
ووش هو الجزاء اللي يخليني أستمتع بالمكافأة
وهنا أخفقت كل معلوماتي في الرياضيات في حل هالمعادلة بس الظاهر اني أبحاول
أجيب لزاوية نظرية الوالد أملا في الحصول على ناتج صحيح يؤهلني للحصول على فرصة (غرفة منفردة)
ومع كل هذا سويت اللي في بالي وأخذت المسألة تسلية وخصوصا رش سطح ملحق السطح !!( غرفة الشغالة مستقبلا ) !!!
فالعذر جاهز قاعد أرش أما الحقيقة فهي أني قاعد ( أقز) فمن يرش على سطح ملحق السطح له العذر حتى بدون مايتنحنح
عاد توني جاي من حلاق (( ميه ميه )) افختار اللي مايحلق الا بموعد واتصال
ومنعم والامور تمام قاعد أرش والشماغ في أبهى حالة وعليه العقال اللي يلمع ولابس ساعة تبرق ( ماركة)
والقلم في المخباة ذاك اللي في غطاه من فوق نجمة سداسية !! < اللي يعرف اسمه يعلمني
بالله هذا شكل واحدن يرش ؟ !!
لا وازيدكم من الشعر بيت الجوال مشغل البلوتوث ومن زين الاسم ( شفني في السطح ) !!!
ولا شافني أحد ولا قزيت أحد .. ياحول ماعاد الناس تحب الجلوس في الحوش أبد !!
وياخسارة الترسيم بس !!
اقولكم ترا الخمسمية رجعت لسربتة من يد خبل الى مهبول <<<<<<< دخلة غلط كمل سالفتك
وفجأة <<<< دخلت السالفة في التشويق والسيناريو في التوغل في العقدة والتعقيد باللهجة اللغوية
وفجأة وقفت قدام العمارة كراون فيكتوريا ونزل منها واحد ( مهوب سعودي ) ومرسم بالكوت
والكرفته وقبل مايطلع مع الدرج لقاني قد نزلت من السطح وصرت في وجهه ((ولبى قلب اللي راكبة قدام !!!))
مرحبا
مرحبتين
هالعمارة ( إلك )
ويوم قالها وانا انتظره يرفع يديه الثنتين ويهزها مثل ميشيل يومه يقول لناس (( الك ))
لا والله العمارة للوالد أي خدمة
قال لي عندكم شقة للايجار
أي والله عندنا تعال شفها توها في مرحلة التلييص بس ترانا مانجرها الا للعوايل
ولو؟ شو ونحنا كمان عنا هيك أمور مابنسترجي نسكن عزاب حدا العوايل <<< مدري ليش تذكرت فلم لعادل امام
اجل دامكم عوايل الله يحييكم
انا جاي عالبلد محرم أنا وأختي ياللي بتشتغل دكتورة بالمستوصف اللي بشارع التلاتين
ياهلا والله ( قلت في نفسي : من قدك بتصير جارتكم ...... لا ودكتوره ) وعطاني رقمه ووعدته بخير وستانس الرجال
وخصوصا انه ساكن في شقة مع شباب واخته مع ممرضات المستوصف في سكنهم
ومن ذاك اليوم وانا مشتغل شغل في هالرش ومن كل قلبي وماغير اهاوش في هالعمال
وصايرن كني راعي الحلال ومافي لساني غير : الهمام الهمام
والوالد مبسوط وشكله يقول في نفسه : ياحليلها من غرفة هاللي خلت هالولد يكرف
أجل لوي قايل له بعطيك جناح ؟ الظاهر بيصير مبلط <<<وهو مايدري وش السالفة وعلى قولة الشاعر من شان عين الزين أصير مبلط !!
وشوي شوي بديت (احن) على الوالد واوضح له مساويء المستاجرين السعوديين واعطيه من هالقصص
اللي خلته يكره التأجير بكبره
وتعرف طال عمرك الناس مهوب سوا
رد الشايب : اجل ماهم موبايلي <<<< طرت على بالي برنامج قطاف <<< اقول كمل وخل الاستهبال
لو تلقى لك واحدن مغترب ومعه عايلته ويشتغل مهندس والا مبرمج كمبيوتر والا مدرس
( خليت وظيفة دكتور في الأخير علشان مايكفش السالفة) <<<<< الولد يفكر صح
والا دكتور كان ياسلام الاجار بيجيك على داير مليم وبتلقاه بعد نازل في حسابك بيروح
بنفسه للبنك وبيدخل الاجار في حسابك
ابشركم ان الخمسمية هداها الله وعقلت <<<<<< يالليل من هالسالفة هع هع
أما لو صارت حرمته أو اخته دكتوره بتعالج الوالدة ببلاش وبيصير خيرن على خير
طيب ياوليدي حنا وين نلقى مثل هالمواصفات ال( فل اوبشن) <<< ويلوموني في ثقافة هالشايب !!:D
اذا انت معزم مستعد ادور لك أعرف واحد من الشباب يشتغل استقبال في مستوصف ممكن
يدور لنا دكتور او دكتوره عوايل
· بس شف وانا ابوك اشرط عليهم الصلاة مع الجماعة ومابي احد يدخن او يشيش
· بسيطة طال عمرك
رد ببديهية أحسده عليها : بسيطة ماتستبسطهاش وصفحة سبعة صعبة وبرميل برملنابوه وبرميلن
مابرملنابوه ودربيلن مادربلنابوه
بذمتك يبه قد شفت دكتور يشيش؟ أصلا ماتليق عليه . والشيشة بكبرها بتهج هي أصلا مهيب لأي واحد ترا
ومرت الايام وصحيت من الاحلام ملقتش غير امال وعذابى مستنينى <<<< طرت ع بالي طاش ماطاش يوم يقول انا التاريخ
مرت الأيام وقضت العمارة
· يبه انت على وعدك؟
· أبشر والله بسعدك على وعدي ونص أبشر والله بغرفتن منفردة
( والهواء فيها طراوه يرد الروح ) <<< فعلا مش حتأدر تغمض عينيك !!
· الله يسلمك بس ماأقصد الغرفة ,,, انا وخوي راشد الحال وحدة غرفة أو غرفتين ماتفرق <<< رجعنا
قل آمين يبه
· آمين
· الله لايفرق شملنا
· آمين
· أجل وش قصدك ؟
· الدور العلوي
· وش فيه؟
· لقيت لك مستاجرن يحبه قلبك : يصلي ومعه عايلته و( دكتورة بعد)
· وكم قلت لهم؟
· كم حدك؟
· خمس وعشرين صافي
هو قال مايقدر غير 23 بس ترى ثلاوث عشرينه غير مثل ماعلمتك قبل ومافيه مماطلة
ولا تأجيل حار بحار هذا غير الدكتورة اللي بتعالج الوالدة ومن قريب ولاتنس طال عمرك
التبولة وما أدراك مالتبولة
· وشي تبولته ؟
· اذا قدر الله وسكنوا جمبنا ماغير صحون هالتبولة والكبة النية والمحشيات
تروح وتجي لبيتنا وحتى لو ذاك اليوم ماروحوا لنا شي يكفيك الريحة اللي تنسك داخلن مطعم يامال الشام !!!
على بركة الله بس ترى أجار اول سنة كامل كله مرتن وحدة
· بحاول وعساه يطيع
نسيت اقول لكم ترا الخمسمية مسكوها في قضية اغنصاب ومحكوم عليها اعدام <<< توكل على الله بس هع
ومرت الايام
وسكنوا جمبنا
وأول يوم مدحتهم للوالدة وراحت لهم بالقهوة والقدوع
منه كأي جار مع جاره كعربون تعارف ومن يوم جت وانا احدحد فيها كله علشان أعرف بس اسم هالدكتورة
ومع المحاولات عرفت ان اسمها ( نسرين )
ومن ذاك اليوم وحرف الان n هو حرفي المفضل
ويوم من الأيام << ماش شكلي برجع للورد
جلست أنتظر الين جاء الفان حق المستوصف علشان يوصل الدكتورة نسرين وانا اللي
أقز الاسم والعنوان ومن يوم شفته وانا عارفن المستوصف ويا سلام هالمستوصف
من النوع اللي مافصل العيادات النسائية عن الرجالية
فقلت في نفسي فرصة نحتك ونكحل !!!
ومن يوم صليت المغرب وانا مرسم مثل يوم اني أرش العمارة
وطوالي على المستوصف : ومن يوم دخلت مع الباب وانا مسوي نفسي شي ثاني
حتى لساني أحس انه ( متجنس) مهوب خويي اللي أنا خابر
· مرحبا
· أهلين
· أبي كشف عند الدكتورة نسرين
· طيب وين المريضة ؟
· اي مريضة أنا اللي ابي اكشف ...... ليش مناب قد المقام <<< هنا حسيت لساني رجع لأصله
لم تتمالك موظفة الاستقبال نفسها ودخلت في نوبة هستيرية من الضحك
وعندما شاهدت استغرابي أشارت باصبعها إلى لوحة علقت بجوار الاستقبال ضمت أسماء الأطباء والطبيبات
وعلى طول قزيت اسم جارتنا الدكتورة نسرين
ويوم قريت تخصصها وانا احذف الزبيرية واحط رجلي مع الباب واحمل معي أذيال الخيبة
تدرون ليه
تخصص الدكتورة نسرين : نساء وولادة !!!
انتظروني بموضوع شطحات فوضويه جديد
***