(الرد اللاهب على قول ابن النعيريه )

[الخويطر2003]

أول شي (أشهد انك ذلول يا ذلول حزام) ، وانا بأبيّح سدك وسد أبن النعيريه ( وهو في قبره ).

اولا: كتاب ابن النعيريه( شعراء وفرسان من الصحراء ) تم طبع الطبعه الثانيه عام 1992 م في الكويت ولما عرض للبيع وتبين كذب هذا الرجل وتلفيق السوالف والتزوير في التاريخ واللعب في القصائد ، ذهب فهد بن فردوس للشيخ جابر العلي الصباح وقال له: اما تمنعون كتاب ابن النعيريه او تسمحون لنا نرد عليه. ولكن الشيخ طلب ابن النعيريه وقال له : اجمع كتبك كلها من السوق وبعدها أمر الشيخ بأن توضع في مكاين للتقطيع(يعني في مزبلة التاريخ) فقام ابن النعيريه وطبع الكتاب مره ثانيه عام 1995 م في قطر وعلى نفقة احد الشخصيات البارزه من الخيارين وتم توزيعه في قطر.
ومن الدلائل على كذب هذا الرجل ان كتابه لا يوجد به مصادر اعتمد عليها ، واذا كانت مصادره هم الرواة فلماذا لم يذكر أسمائهم؟ واكثر من ذلك ان احد الشخصيات البارزه من ال شافي انكر على ابن النعيريه كتابه وقال ان به العديد من المعلومات المغلوطه والملفقه(وتحروا مني ما قاله ابن شافي في القريب العاجل بالحرف من خطاب كتبه بنفسه) .
نرجع الى اكاذيب أبن النعيريه في كتابه ونتطرق لها وحده وحده (أستحملوني شوي).

1/ بنو هاجر لولاهم لما حكم ال ثاني قطر لانهم جيشه الوحيد والعنيد والشجاع والجرار والأبي وقد حموا ال ثاني وقطر من جميع قبائل قطر ومن القبائل الاخرى ومن الاتراك وقد هزوا الجيش التركي الجرار في حرب الوقبه (جيش الخليفه المعتصم).
2/ معركة كنزان صفحة 198 (انظر ماذا يقول):
عبأ العجمان كثيرا من القبائل ضد الملك عبدالعزيز وجمع الملك بدوره بعض القبائل(انتبه العجمان كثير والملك بعض)، ولكن معضم القبائل اللتي أنضمت للملك عبدالعزيز انسحبت بعد شهور قلائل(انتبه كنزان خذت لها شهور) عندما طالت الحرب ولم يصمد مع الملك سوى بنو هاجر الذين بقوا معه حتى نهاية الحرب التي طال امدها لأكثر من تسعة أشهر(الدعوه طويله).
وكانت بعض الدول والشخصيات تمد العجمان خفيه بالمؤن والذخائر(يا جماعه ترى الكلام عن كنزان ـ حبيت اذكركم)ولكنهم باءوا جميعا بالفشل.(انتهى كلام ابن النعيريه).

من خلال كلام ابن النعيريه يتضح التالي:
* العجمان معاهم قبايل وجيش كبير وسلاح كثير وضخم.
* الملك معه بعض القبائل وبنو هاجر.
* مدة الحرب أكثر من تسعة أشهر.
* مد بعض الدول والشخصيات العجمان بالسلاح.
* لم يصمد مع الملك سوى سوى سوى بنو هاجر(يااااااا الطامة الكبرى).

أيش رأي المؤرخين(ابن عبدالقادر ــ الملا ــ الريحاني ــ الزركلي ــ الفرج ــ ابن عثيمين ــ فلبي ــ وغيرهم وغيرهم )
جيبوا لي واحد منهم يقول مثل ذا الكلام......

وانا برد على نقطه واحده فقط فقط فقط وهي النقطه الاخيره:

فيه واحد عاقل يصدق ان قبيلة سبيع وسهول وأهل العارض وحريملاء والوشم وسدير والاحساء الذين ايدوا الملك وناصروه في جميع معاركه الضخمه مع ابن رشيد وغيره يذلون او يتعبون (عجايب ).
3/ اسمع ألى قوله في هذه المعركه والتي ذكرها في صفحة 283 :
حاول بعض غزاة العجمان ان يشنوا غاره على بنو هاجر وهم في بر الدمام ولكن بنو هاجر كانوا كلهم غائبين (تصدقون كلهم طالعين كلهم كلهم كلهم) فلم يجد العجمان في البيوت ألا النساء(شوفوا ذلحين أيش يقول):
وعاث العجمان في البيوت فسادا فصاروا ينهبون ما فيها من طعام وثياب وأمتعه(عراقيين مو عجمان) وذهب بعضهم بعيدا عن المبادئ العربيه القويمه فنزعوا عن النساء ثيابهن منتهزين فرصة غياب الرجال(يا كبرها عن اللـــــــه).
ثم عاد بنو هاجر وعلموا ما حصل لنسائهم فأغاروا على ال مصرا واستولوا على أبل محمد بن جنيّح واخذوها (والله ان ابن النعيريه غلط في حق ربعه فلوا ــ اقول لو ان كلامه صحيح عن فعل العجمان في نساء بني هاجر تتوقعون اخذ بني هاجر لابل ال مصرا رد للحق اللي صار لنسائهم ــ هذا لو كان كلامه صحيح ) وغضب العجمان لسلب أبلهم فنطلقوا وراء بنو هاجر لأسترداد الابل وكان عدد خيول العجمان لا تزيد عن تسعه أما الجيش فقد كان عدده يزيد عن الثمانين عدا المشاه الراجلين(لفقها).
وبعد هذا كله اتى بقصيدة على الخفيف (وهنا يتبين الجهل بمعاني الابيات والتحريف اللي ما يجيبه ألا دكتور في الكذب والتلفيق).
يقول في بعض ابيات الخفيف:

قلنا لهم يا قوم هذا حلالنا........وعيوا على حم الذرى الطماعي

(وهنا دلاله ان بنو هاجر هم اللي غزوا ولم تكن هذه الغزوه لرد حق لهم عن العجمان لقول الخفيف ــ قلنا لهم )

تسعين نطاب الفتيله دونها......وحن تسعة ما غيرنا فزاعي

(هذا دليل على جهل ابن النعيريه يقول خيل العجمان تسعه والجيش حول الثمانين غير الرجليه وبعدين يبين كذبه في قصيدة الخفيف يوم يقول ــ وحن تسعة ما غيرنا فزاعي)

ذبحت منهم كل قرم فارس.......واشبعت وحوش في الخلا جياعي
(هذا البيت لم يذكره ابن النعيريه )
شربت انهال وانثنيت اعلها......وقفتها في موقف البياعي
(وتصحيح هذا البيت هو)

شربت انهال وانثنيت اعلها......من دم كل مجرب صعصاعي
وقد لفق ثلاث ابيات من عنده وهم:
ادخل على الله ما نذم اخوانا.....كل ابلج يو اللقى صعصاعي
حسبي على اللي قد سعى في حربهم.....وهم كان يبغون السعى والقاعي
محرسين هجنهم دمامهم.....وكل يوم غارة وفزاعي
(اللي يعرف معنى للبيت الثالث له مني هليكوبتر)
ويجي في الاخير ويحط بيت يحرق الخرابيط ويكشف الاكاذيب اللي لفقها على قصيدة الخفيف وهو:
وعقب صبي ما يسوي مثلنا......ودك يلبس برقع وقناعي
(في ذمتكم ما نكشف ابن النعيريه)
وكذلك حذف بيت يبين هروب بني هاجر من المعركه يوم يقول الخفيف:
والقوم عقب الفعل عافوا كسبهم.....واستمنعوا في جيرة المناعي
(مستعد اجلس مع اطلق شنب من بني هاجر ونتناقش في ذي القصيده)

واخيرا يوم يحط ابن النعيريه رد راكان على ابن قرمله ويضيف على القصيده بيتين وهم:
الشايب اللي ما تحلل عظامه....عيت تبيده الليالي والايام
لا شب له ضو براس العدامه.....قمنا نربط غالي القش بحزام
(انظروا كتاب ــ شعراء عتيبه ــ للمؤلف / محمد بن دخيل العصيمي / الجزء الاول /صفحة 172 في القسم الخاص بشعر تركي بن حميد (وأنظر الهامش) كذلك انظر كتاب من القائل للمؤلف / عبدالله بن خميس،(وبتعرفون من صاحب هذه الابيات)

وفي الختام اقول ان بعض العرب يغطونه الناس لكن يقوم ويكشف نفسه .

الخويطر 2003

[مـحمـد]

شكرا الخويطر على هذه المعلومات ..

[الخويطر2003]

شكرا اخي العجمي على التعليق

الخويطر2003

[badr]

الاخ الخويطري 2003 لاهنت على ردك وعلى تميزك الذي اثبت سعة اطلاعك

التاريخيه و فى استعراضك لكثيرمن الكتب و خاصه ان تملك موهبه فى الشعر تفند الكثير من الابيات

تحياتى

[لاهوم]

تسلم يا الخويطري 2003

وهذا يدل على حموتك

واطلب من الله يحفظك ..

ابن نعيرية واجه ربه ...

للعلم ولا احد من بني هاجر خاصه المخضبة راضين على الكتاب

[qataria]

الخويطر جزاك الله خير على التنبيه على الاخطاء الوارده في هذا الكتاب .....

ولاعجب لو تكفلت احد الشخصيات البارزة من الخيارين بطبع هذا الكتاب على نفقته الخاصه ..... لان فيه تمجيد لهم وذكر لوقوفهم ومساندتهم لشيوخ قطر آل ثاني في حروبهم .....

ومن الاشياء العجيبة الدارجه في قطر في هذه الايام ان بعض القبائل بدأت تغير في اصلها وفصلها من أجل ان تكون من بني تميم ( وهي القبيلة التي يرجع اليها آل ثاني ) .......

[ذلول حزام مردفه]

الخويطر2003
لكونك من ال خويطر سوف ارد عليك بكل ادب وذالك حشمتن ل سند الدمام وربعه لانه من الخويطر والمثل يقول تحشم حثال العرب من شان طيبها
بالنسبه لمساندةبني هاجر لحاكم قطرفي معركة
سببها ان والي البصره قام بزيارة البدع في فبراير 1893م
ولم يستقبله الشيخ قاسم وقام الوالي بأرسال 150 جندياوذلك في رمضان 1310هجري لتعقب قاسم ويوم درى قاسم بنية الوالي ارسل الى فخوذ بني هاجر في قطر يطلب منهم المسانده فقدم بني هاجر من كل صوب وهجمو على الجندالعثماني وقتلوهم ولما عل مالوالي ارسل قوه كبيره لمهاجمة الشيخ قاسم وانضمت قبيلة نعيم الى الشيخ قاسم ووقعت معركة الشقب وقتل من العثمانين 5000 واسر الكثير منهم ومنهم برتبة قائد وبعدها اضطر الوالي بعد الهزيمه الى عقد هدنه مع الشيخ قاسم وتبادل الاسرى انتهىىىى
وهذالكلام سوف تجده في كتب قطلر وال ثاني يشهدون بذالك
وقصيدة شاعر بني هاجر الكبير راشد بن عفيشه اكبر دليل بعد انتهاء معركة الشقب قصيده يصف فيها المعركه
لوا نجد سلطان الجزيره وغيرها******** عبد الحميد اللي له الرب هادي
على الحق منصوب وللحق ناصب*********يمجد أسلامه وفيه السدادي
خانوه باشته على غير مادرى**********اضداد على الاسلام والشرك زادي
كزوا لنا مسقوفي نيته بنا*************كفت وكافينا ولي العبادي
فطلبنا الصداقه قال مادون شيخكم***********وحتم وقال انه يجينا يقادي
فسرى بثلث الليل واعتد واعتدى******** وهو يحسب انه كا ماخد صادي
نطحناه بالشبان والخيل والقنا********وبافعالنا اللي كل يوم جدادي
حدينا بني عثمان في حفرة البلى********كره بضرب مصقلات الهنادي
لعبنا بهم يوم اتلينا ظهورهم************* خطمنا على طابورهم والفنادي
لاعنا هل التوحيد والصدق والتقى*******راحت على اللي يعملون الفسادي
هل الخمر والزمر والكيف والزنى********وما حرم الله يعملونه عنادي
فمن مات منهم في جهنم وفي سقر******ومن مات منا ميت في الجهادي
والحمد للمولى على عز شيخنا*********قاسم صليب الرأس نمر الهدادي
ابو فهد نور الوطن مردي العدى*******حامي الوندات سقم المعادي
وختمت جوابي بالصلاه على النبي ********محمد المبعوث للناس هادي


وهذه حرب الزباره
حدثت في عهد عبد الله بن قاسم آل ثاني ، وكانت حربا سريعة خاطفة ، لم تدم اكثر من يومين أو ثلاثة أيام على الأكثر .

وكانت قبيلة نعيم قد جاءت ومن يساندها من القبائل الأخرى ولجأت لقصر الثقب تحتمي فيه ..... وطلع عليهم الشيخ عبد الله
بن قاسم وكان معه ويؤازره الخيارين و آل شهوان من بني هاجر فهم فرسانه الذين يعتمد على شجاعتهم واخلاصهم ووطنيتهم
، وقد عرفتهم البادية ببراعتهم في الفروسية ، وفنون الكر والفر والضرب والطعن وكان جل اعتماده عليهم ، وكان معهم بعض
أهل قطر المخلصين الذين اتصفوا بالشجاعة والتضحية .

وبدأت المعركة بالتراشق بالنيران وحدثت إصابات بين الطرفين ولكنها كانت طفيفة .... وظلت قبيلة نعيم ومن يساندها قد
استمروا يقاتلون ويحتمون في القصر .... واقترح خليل بن منصور آل شهوان على الشيخ عبد الله بن قاسم أن يقومون بهدم
القلعة كلها على رؤوس من فيها .
وبدأ التصويب والضرب على القصر حتى تهدمت بعض أركانه ورأت قبيلة نعيم ومن يساندها أن الضرب قد اشتد وان رحى
المعركة ستدور عليهم فاثروا السلامة والانسحاب ، وهكذا انسحبت قبيلة نعيم ومن معها في جناح الليل وثنايا الظلمة .
واستولى عبد الله بن قاسم ومن معه الزبارة .

ويقول شاعر قبيلة نعيم :




حربنا في الزبارة ثار باروده
محتسيـن حرايـب كــل معـضـادي
ماخبـر طـرد جـدانـي لـجـدوده
يوم جمـع لنـا لمـت بنـي بـادي




أما شاعر بني هاجر طالب بن سالمين الشهواني فقال :




حن بني هاجر هل المدح والرأي الرفيـع
لاستقام الحرب مـا حـن نسعـى بالصـلاح
وان شمخنـا واحـد راح مجـنـون صـديـع
يستخف ويرهق اللـي يشيلـه بالصيـاح
خيلنـا حـوض المنايـا يزورنـه جمـيـع
من غـدا فـي معتقلهـن نعـده مستبـاح
ولا حتضينا الهوش نروي شبا حد الوريع
يشبع السرحـان والطيـر خفـاق الجنـاح

بالنسبه لحرب الحساء

وقال الشاعر عمير بن راشد بن عفيشه الهاجري القصيدة التالية بعد انتهاء حرب الأحساء :

لك الحمد يا من خص بعض البقايع=يرجع بذر نبتٍ لشكله نوايع
عظيم بسط الأرض وبنى عالي السما=وهي عجبة اللي يعتجب في الصنايع
إله رجعنا من هوانا إلى الهدى=وبعد التفرق لم شمل الجمايع
وحن قبل ذا الوقت ما التم شملنا=أشتات النظر متخالفين الرتايع
جمعنا الخبر من يام قالوا توالفوا=من العرق والصمان وصلوا نجايع
نحاياً يدكون المشاريف والوطا=مظاهير وأسلاف مع كل فايع
قضوا سجة المرباع واليوم حدروا=يسوقون قطعان رعت كل خايع
إلى مستوى كنزان شادوا بيوتهم=يقولون عز الراس وإلا القطايع
تهيا لنا معهم بكنزان معركة=بليل رمن فيه الصبايا القنايع
سرى ليلنا معهم إلى باكر الضحى=وهو ذبح ومذابح وعقر وقلايع
وقادت ظعاينهم وسارت جموعهم=إلين الرعايا شرعت في الزرايع
وقالوا عقب كنزان نلنا مرامنا=بقيظ تحت ظل الغرس الهنايع
لهم نية ونفوسهم سولت لهم=بحكم الحسا جوس بقو الجرايع
بلاد الأمام اللي من الترك حازها=ونفاهم وجا ضدً بدلهم مرايع
مرازيق وقفنا معه في نحورهم=وزدنا وقايد حربهم بالولايع
وكل عرف منا محبه ومبغضه=وراحوا فراقين القبايل مزايع
وجانا الذي منا وجاهم صديقهم=بضد الأمام يولفون الفزايع
قلطنا لهم في الحد نبغى نردهم=بشرف وزلبات وشلف شنايع
وساروا محزمة القنازع وسبلوا=بجند قلط يهتز للقلب رايع
وظهرنا لهم عند المحيرس يجمعنا=سيوفه كما وصف البروق اللمايع
وفضنا كما سيل تحدر من الجبل=يعم الوطا والمستوى والرفايع
وثار القهر بين الشنيفين والتقوا=وسرنا بسلات الهنادي مشايع
وحضرنا وهم في ماقف موعد لنا=وصاح المحرج بين شاري وبايع
وباعوا علينا واشترينا بسوقهم=وبعنا عليهم غاليات البضايع
وبيع النفوس بسوقها عادة لنا=طبيعة ولا نخلف عزيز الطبايع
وبالوقت الآخر بالفضا ضيقوا بنا=وعدوا عدوة منها تشيب الرضايع
وعدينا عليهم عدوة تعجب النظر=وتعرس بها فتياتنا والرجايع
ويومٍ تجي منهم علينا وننهزع=ويومٍ تجي منا عليهم هزايع
وطبعنا بهم يوم وسدوا طريقنا=ولولا منعنا الله بعجل السرايع
ضحى راعي البلها حمد رد سابقه=على سربة آل معيض يوم الشرايع
طري الفعايل كاسب المدح في اللقا=شجاع بذاك اليوم سوى الفنايع
وابن ابراهيم وابن نمر خالد=شهود على ماقف زبون الودايع
وشافي وأخوه سعود في حومة الوغى=بصفه على شحف العياد الطلايع
تناخوا وردوا ردة فرجت لهم=وخطوا لهم في الضيق طرق وسايع
وقمنا نشاوعهم على طول قيضنا=وكل بحثله علته والوجايع
خذينا وهم تسعة شهور مهلهه=وحذف النشاما مثل حذف النصايع
وتالي وهايلنا وهم في مخلصة=قضوها لابن قبسه قوي البزايع
مع من طوينا الجال به من شيوخهم=طمعنا براس الشيخ يوم الصعايع
وإيلا استنكروا منا بنسيان ما مضى=فحن ما نسينا ماضيات الصفايع
وحن قبل هذا في بنيان ربعهم=نهار أغتشونا بالجموع الروايع
صفق جمعنا فيهم ولا هاب كثرهم=بشلف وحدب مرهفات برايع
بيوم خسرنا فيه والطايله لنا=كن الزلم به عياب طلح صرايع
ورجعنا لهم وقعة بنيان في الحساء=بطارد ومطرود ومشرب وصايع
وغلب حظ أبو تركي عليهم ودبروا=ولاعاد كون الملتجي بالربايع
وراحوا ورحنا كلنا معلق الوشل=وذاقوا كما ذقنا شديد اللقايع
أقوله وأنا من لابةٍ ينعبر بهم=قبيلة ما هم بملقطين النزايع
هواجرٍ عبيده جنب قحطان جدنا=ابن هود في التاريخ ما هو بضايع
فيدنا ورا عبد العزيز بأعمارنا=إلين العدو عود معيفٍ وطايع
رجاً في الأمام وضد يام أبو فهد=عبد الله المذكور نمر الوقايع
وفنيت سباينا وفرسان ربعنا=سهوم المنايا بينين الشوايع
وصفت اعيال تو ما حل نفعهم=افهود الصباح منقضين القشايع
وساع الحلال وذهب واللي بقى لنا=عقاير وبيع والشرايد ضوايع
صبرنا على الجاري لأجل مكسب العلا=وعبد العزيز به الرجا والطمايع
فلا عقب طيب أفعالنا زاد حقنا=وحن كان معنا الزود ما هوب ضايع
وبدوا علينا يام ومطير بالعطا=وقبيلة عتيبة مخرجين القرايع
فلا هو بمبعدنا إلا حل ما جبه=ولا هي بحكوة مجلس أهل الخدايع
ولكن قول وفعل تشهد لنا الملا=وذكر جميل بين الاسلام شايع
وتمت وصلى الله على سيد الورى=عدد من مشى في الأرض منعم وجايع
محمد المبعوث بالحق والهدى=شفيع أمته رافض جميع البدايع


وهذه قصيدة اخرى ليس موجود منها الا هذه الابيات في حرب الاحساء لدرع ابن الاعرج المظفري الهاجري
يا الله يا منهو رقيب فوقنا=يعلم دبيب الذر في الظلام
اغفرلي لمن هويت بحفره=بحفرةٍ ما عاد منها اقيام
جمع الهواجر مثل سيل انتحا=سيل تحدر من علو اعجام
يامٍ ملينت الحديد القاسي=وحنا انلين ما قسا من يام
جانا من القبله اجموع مردفه=سبع القبايل يتبعون احزام
وانا احمد الله يومني من لابةٍ=عدوهم تاطاه بالأقدام

شوفو حتى في هاذي ما بخس حق العجمان بوصفهم في الشجاعه

القصيد الوثق ابلغ من الكلام اللي مامنه فايده يا الخويطري

وبالنسبه للهية بر الدمام على ال مصرااا
وقصيدة الخفيف المحرفه

قلنا لهم يا قوم هذا حلالنا........وعيوا على حم الذرى الطماعي

حاول بطرق السلميه رد ابله ولكن بني هاجر رفضوا ذالك


وابكي جوادي يوم اخذت اعنانها******* وعقرت وانا مرخي لها المصراعي
زين يعترف ان بني هاجر قتلو جواده سبحان الله يناقض نفسه
وقصيد الفارس زايد بن محمد بن حصين الشعامل ليه ماقلتها
بــــــــــديــت باسم اللي عزيز شانه=وهو المصير اللي له المرجاعي
((واضحه ماتبي شرح))
وقمـت التمـثـل يــوم زان لــي المـثـل
وعـلـى المعـانـي بــان لــي مهـيـاعـي
((هم واضحه))
وبـاعــد نـــزل الله وشـوفــة عـيـنــي
وبـاراعـي الـلـي للـعـبـاد يـراعــي
((الفارس حاظر الهيه ))
مانيب مثل اللي كذب في قيله
والكذب مايرفع قصي الباعي
((يعني الخفيف كذب في سالفته)) تسع ضد تسعين يالله تخارجنا
والـصــدق بـرهــان ويـبـطـل غــيــره
وفـجـوجـهــا للـغـانـمـيـن وســاعـــي
غـرنـا عـلــى الـبــل فـــي مـفـلاهـا
وقـدنـا عتـيـق الـمـال لـيـن انـزاعـي
((يعني اخذو الابل))
واقـــــفــــــوا عـــلـــيـــهـــا لابة شريه
والذيـب مايرقـد لمـن جاعـي
(( يمدح اهل الابل)) وماذمهم
حالـوا علـى ابـل الـقـوم كــل مـجـرب
وللـخـيـل نـطــاح ولـلـبـل شــاعــي
هـواجــر مـــن عــصــر نــــوح الاول
حريـبـهـم مـــن فعـلـهـم يـرتـاعــي

((يمدح ربعه))

ولــــــــــحــــــــــق الخفيف له بمقدم سربه=له نيه فينا وظنه ضاعي
((معناها انه لحقهم الخفيف ولم يهضم حقه ولكنه توهق))
واقـفــا وخـلــى سـابـقـه مـجـضـوعـه
وابــن جنـيـح يطـحـس فـــي الـقـاعـي
((يعني خلى جواده ميته وابن جنيح من جماعة الخفيف مصوب))
وعافـوا لقانـا يــوم شـافـو وقعـنـا
وفهـيـد ينـشـد شايـبـه مــا يـاعــي

((فهيد هو ولد ابن جنيح المصراني))
ويـقــول يـايـابـه عـســاك عرفـتـنـي
وربـعـه عـلـى راســه تـجـر الـنـاعـي
((تفسريها حشمتن للعجمان ماني بقايل المعني))
هــــذا لاعــنــى جــــادل مـسـلـوبـه
سـلـبـت وخـلـوهـا بـغـيــر قـنـاعــي
قامـت تنـادي الغايبـيـن مــن اهلـهـا
كـل ابلـج فــي الضـيـق ذكــره شـاعـي
ياليتـهـا مـعـنـا تـشــوف بعيـنـهـا
يــوم الفـشـق مــن بينـنـا ينـزاعـي
(( وهذا دليل على ان بني هاجر لم يكون موجودون عند الحلا يوم غزوهم العجمان خذو الابل وسرقو ماوجدوه
وهذا رد عليك يا الخويطري بكل احترام مهوب علشانك علشان الابه اللي انت منهم
تحشم حثال العرب من شان طيبها

[الخويطر2003]

أذا أتتك مذمتي من ناقص.......فهي الشهادة لي بأنني كامل

يــــا الذلول:

انا ما قلت ان بني هاجر ما ساندوا ال ثاني في حكم قطر ، انا أقول ان بني هاجر يشوفون ان لهم الفضل الوحيد في تثبيت حكم ال ثاني ولولاهم ما حكموا قطر.
(وهذا فيه جحود لقبائل قطر)

الامر الثاني/ أنت ما رديت على أي شي من اللي كتبته انا وشرحته لك ورجعت يا ( الذلول ) لمصدر بني هاااجر الوحيد ( وأقول الوحيد )وهو كتاب أبن النعيريه لتسرد علينا ما حنا نعرفه ونعرف اكاذيب هذا الكاتب .
بخصوص قصيدة زايد الشعامل والي تقول انه يرد على الخفيف , وابن النعيريه ينسب القصيده للشاعر سالم بن بتال الهاجري(والله ما عرفنا من قايلها )عطني حاجه وحده تبين رد شاعركم اللي مضيعينه ولا تقدرون تحددونه على قصيدة الخفيف.
بتقول لي سالفة كذب الخفيف (اذا كنت تقول انك تعرف القصيد وتقول انك عاروفه ابيك تقرى قصيدة الخفيف من مصادركم وبعدها تقرى قصيدة الخفيف في مصادر العجمان وأنشوف اي قصيده منهم متناسقه ومفهومه.

قلنا لهم يا قوم هذا حلالنا.....وعيو على حم الذرى الطماعي

تقول ان الخفيف حاول بالطرق السلميه رد ابله، (ابيك تشغل عقلك ــ شخص غزى وهو الخفيف على عرب وهم بني هاجر وسرق واخذ ابلهم(هذا مثل ما بني هاجر يقولونه) ويرجعون العرب اللي هم بني هاجر لرد أبلهم ــ تتوقع الغازي اللي هو الخفيف يكون كلامه كذا وبهذه الطريقه( شغل عقلك شوي بس ).

كنزان/ وما ادراك ما كنزان ،شعلت الاكوان، صار فيها الطعان ،في جميع العربان ،من فرسان العجمان.
انا يا طويل العمر أجيب لك توهمات ابن النعيريه في كنزان واقولك قارنها مع ما جاء به العلماء والمؤرخون المشهورين وانت تجيب لي قصيدة ابن عفيشه ــ والله وستين نعم (لو ما كان في بي هاجر شاعر يقال له أبن عفيشه كان ضاعوا ).

الزباره / حرب الزباره كلها يوم وانتهت ، وما انتصر جيش ال ثاني على أهل القصر الا بكثرت العدد وثانيا منع الاسطول البريطاني لمراكب شيخ البحرين اللي فيها سلاح من الوصول الى أهل القصر، وترى فعل اهل قطر واضح وفيهم اهل مشوره (وانتوا كل شوي تقولون ان الشيخ جاسم شاور بني هاجر ــ أخذ برأي بني هاجر ــ أتبع خطة بني هاجر ــ مادري انتوا خريجين المعهد العسكري في بريطانيا ايام الزباره.
وابيك تقول لي وين بني هاجر يوم خراب الدوحه الاول وخراب الدوحه الثاني؟؟؟

وانا بحكم رواد المنتدى (وابيهم محايدين) ويشوفون من اللي منا كلامه مقنع, وان كان تقول اني في منتدى العجمان وكل منهم معي اقولك حدد لي منتدى ويا ليت يكون مخصص لبني هاجر وانا حاضر.

يا الذلول جنب الاوهام وناظر بعين أكرام تحشم ولا تنظام والسلام.

الخويطر2003

[العماني]

معارك الزبارة والوجبة

شارك في حرب الوجبة والزبارة أغلب القبائل القطرية ذالك الوقت مثل المعاضيد والسويدي والمناصير والدواسر(آل زابن وآل ضابت) وآل بوكوارة والكبسة وبني مالك وآل العطية وغيرهم من القبائل القطرية.

وبني هاجر لاينكر أحد دورهم في المعارك ولاكن ذكرهم دون القبائل الأخرى يعتبر اجحافاً بحق تلك القبائل.

لاهنت يالخويطري على التوضيحات.

تقبل تحياتي،،

[الخويطر2003]

اشكرك اخي العماني على التعقيب والجاحد له الله

[نـاصـر]

الله لايهينك يالخويطري علي الطرح المميز

وحبيت اسألك منهو ابن النعيريه صاحب الكتاب ياليت تعطينا اسمه وقبيلته


وتقبل تحياتي

[طويق]

مشكوريالخويطر2003

والله لايهينك على التوضيح الجيد

[ذلول حزام مردفه]

لو نسفهه في هرجته قال حقران ** ** الا نولم ردها حشمتن له
يا الخويطري موديل 2003

يــــا الذلول:

انا ما قلت ان بني هاجر ما ساندوا ال ثاني في حكم قطر ، انا أقول ان بني هاجر يشوفون ان لهم الفضل الوحيد في تثبيت حكم ال ثاني ولولاهم ما حكموا قطر.
(وهذا فيه جحود لقبائل قطر)

(((زين يا الخويطري اعترفت ان بني هاجر ساندو ال ثاني و بني هاجر لم يجحدون فضل القبايل الاخري والقبايل الاخرى عباره عن افراد ينعدون على الاصابع الاقبيلة نعيم الي كان لها الفضل مع بني هاجر في معركة الشقب بس)))



الامر الثاني/ أنت ما رديت على أي شي من اللي كتبته انا وشرحته لك ورجعت يا ( الذلول ) لمصدر بني هاااجر الوحيد ( وأقول الوحيد )وهو كتاب أبن النعيريه لتسرد علينا ما حنا نعرفه ونعرف اكاذيب هذا الكاتب .
بخصوص قصيدة زايد الشعامل والي تقول انه يرد على الخفيف , وابن النعيريه ينسب القصيده للشاعر سالم بن بتال الهاجري(والله ما عرفنا من قايلها )عطني حاجه وحده تبين رد شاعركم اللي مضيعينه ولا تقدرون تحددونه على قصيدة الخفيف.
بتقول لي سالفة كذب الخفيف (اذا كنت تقول انك تعرف القصيد وتقول انك عاروفه ابيك تقرى قصيدة الخفيف من مصادركم وبعدها تقرى قصيدة الخفيف في مصادر العجمان وأنشوف اي قصيده منهم متناسقه ومفهومه.

قلنا لهم يا قوم هذا حلالنا.....وعيو على حم الذرى الطماعي

تقول ان الخفيف حاول بالطرق السلميه رد ابله، (ابيك تشغل عقلك ــ شخص غزى وهو الخفيف على عرب وهم بني هاجر وسرق واخذ ابلهم(هذا مثل ما بني هاجر يقولونه) ويرجعون العرب اللي هم بني هاجر لرد أبلهم ــ تتوقع الغازي اللي هو الخفيف يكون كلامه كذا وبهذه الطريقه( شغل عقلك شوي بس ).

(((( بالنسبه لقولك ان كتاب فرسان من الصحراء لمحمد ابن النعيريه اللي مؤلفه سنة 1992 م فما عندك سالفه الكتاب مؤلف سنة 1979م واضحكتني عندما قلت انه مصدر بني هاجر الوحيد يا خوي فيه كتاب اسمه بنو هاجر خلان الاشده للمؤلف المهندس سعود بن محمد ال حلبان الهاجري وهو عباره عن اربع اجزاء وهو اشمل ومذكوره فيه جميع معارك بني هاجر ومن ضمنها الرياحيه وحرب الاحساء وهيه بر الدمام على المصرا الضاهر معلومانتك قديمه ونحن نذكر اللي لنا او علينا ولم نحرف مثل ماحرفتو في كتاب الربيعان اللي مايدري وين مسدح راسه ((( زوج ضرباح ياشافي))) ولم يذكرها اي مؤرخ من العجمان بالنسبه لضرباح فهذا الامر غير صحيح لان الراوى لها هو الربيعان وانكرها سلطان بن سلمان بن حثلين0
وبالنسبه للهية الدمام كما قلت لك والظاهر ان ماتقرا بتمعن وقع وقع وقع جعلك اتحيا
القصه هي كما ذكرت في كتاب ابن نعيريه وسعود ال حلبان هي ان بني هاجر كانو في غزو والعجمان استغلو عدم وجود الفرسان والرجال والحلال ماعنده الا النساء والرعيان والاطفال فنهبو مانهبو من الابل
وعندما رجعو بني هاجر اخبروهم فذهبو من حينها وراء القوم فصادفو ابل ابن جنيح والخفيف بالصدفه مع العلم ان ماله شغل بالسالفه الا لانه عجمي بس فأخذوها فهذه كل السالفه
والقصيده هي الفارس محمد زايد بن حصين ال سعيد الشعامل والشاعر سالم ابن بتال الفلحه وهو من كان من الرواه))))


كنزان/ وما ادراك ما كنزان ،شعلت الاكوان، صار فيها الطعان ،في جميع العربان ،من فرسان العجمان.
انا يا طويل العمر أجيب لك توهمات ابن النعيريه في كنزان واقولك قارنها مع ما جاء به العلماء والمؤرخون المشهورين وانت تجيب لي قصيدة ابن عفيشه ــ والله وستين نعم (لو ما كان في بي هاجر شاعر يقال له أبن عفيشه كان ضاعوا ).
((( ابن عفيشه من ربعي ومن جماعتي وهو من حظر المعركه وكلامه استشهد به لانه وصف المعركه ولم يبخس حق العجمان كذالك
وابشرك كل بني هاجر على شاكلة ابن عفيشه واذا قصدك ماعندنا الاقصيد ابن عفيشه عندي قصيد الفارس فهد ابن جرشب ال ضمين الهاجري وفرسان كثيرون حظرو كنزان المحيرس والوزيه في حرب الحساءبس المجال لايتسع لذالك


الزباره / حرب الزباره كلها يوم وانتهت ، وما انتصر جيش ال ثاني على أهل القصر الا بكثرت العدد وثانيا منع الاسطول البريطاني لمراكب شيخ البحرين اللي فيها سلاح من الوصول الى أهل القصر، وترى فعل اهل قطر واضح وفيهم اهل مشوره (وانتوا كل شوي تقولون ان الشيخ جاسم شاور بني هاجر ــ أخذ برأي بني هاجر ــ أتبع خطة بني هاجر ــ مادري انتوا خريجين المعهد العسكري في بريطانيا ايام الزباره.
وابيك تقول لي وين بني هاجر يوم خراب الدوحه الاول وخراب الدوحه الثاني؟؟؟

وانا بحكم رواد المنتدى (وابيهم محايدين) ويشوفون من اللي منا كلامه مقنع, وان كان تقول اني في منتدى العجمان وكل منهم معي اقولك حدد لي منتدى ويا ليت يكون مخصص لبني هاجر وانا حاضر.

يا الذلول جنب الاوهام وناظر بعين أكرام تحشم ولا تنظام والسلام.

الخويطر2003


بالنسبه للحرب الزباره انا ذكرتها كدليل لمساعدة بني هاجر لال ثاني


(((مادري انتوا خريجين المعهد العسكري في بريطانيا ايام الزباره.)))
الا حنا اهل شجاعه واهل حروب وسوف اذكر لك قصيدة ماضي ابن شويعه الهاجري يومهم في بيشه

يا سابقي حولية والعزا باحي
واشوف خلان تشايز رفقها

اسعى لها بالبر ما نيب مزاح
در الصعود اللي شحمها فثقها

واقطع مسامير زبرها كما الداح
واربع بكف ثويني لا طرقها

ابغي إلى من جن مع الحزم جماح
لا هي على العبلة توطي شنقها

كن ذيلها شختور صيف إلى لاح
على القطاة تنثره من زهقها

تلحق بمدغوش يدور للامداح
خطرا بضربة من يد ما زرقها

جده وبوه متعبينه بالامداح
من نسل جمهور توالي لحقها

(((وربعي بني هاجر مروين الارماح
هل فرسة من يوم ربي خلقها)))

من روس جنب مبعدة كل مصباح
اهل مغاليب يظلل سلقها

كله لعنا قولة عقب من راح
ما زيد تفك البل من اللي وسقها

فكم ذود مصلاح شعيناه بصياح
وغبوقة الماء عقب دافي شلقها

وما دام خشم الذيب مسرا ومصباح
تعرس بنا الشينة وكل عشقها




الفارس ماضي بن شويعه ال جمهور الهيازع

وفي النهايه يا الخويطري
اكتفي بقصيدة شاعر بني هاجر الكبير راشد بن عفيشه يقول فيها وهو يرد على واحد منهم ويصفه انه دون مستواه
ولا يناده الا الفارس راكان بن حثلين وهو طبعا ما لها حساب عنده ولا ابي اطول السالفه والسالفه معروفه

يا شاعر العجمان بالعون ما اقديت=الخط وصل وما كتبتوا فهمناه
ما هوب كفواً لي ايلا من تحاكيت=يكون من حمر المشاهير تتلاه
هذاك لامنه تبين تغبيت=وان كان شابرني خطير اني اطماه
عود معيد من وجهين ما تتقيت=وما نيب من تقصر من الكفل يمناه

ومثل ماقلت
يحشم احثال العرب من شان طيبها
ومع احترامي لال خويطر الي انت منهم

[ابوحمد الشامري]

تم نقل الموضوع الى الديوان التاريخي.

شكرا اخي العزيز الخويطري 2003 على هذا الموضوع .

والرجاء من الاخ ذلول حزام والخويطري تهدئة نبرة الكلام في الموضوع.

[العماني]

توضيح للأخوة على طاري الكتب.

كتاب(( بني هاجر خلان الأشدة ))منع في السعودية بطلب من ابن عايد شيخ آل محمد من بني هاجر لما يحويه من كثير من الأغلاط.

كذلك كتاب((الدرة في أخبار المره)) تم منعه في قطر بطلب من بعض أعيان آل مره لاعتراضهم على محتواه.

وهناك كثير من الكتب يتم طبعها في دول الخليج لسهولة ذلك ، على عكس السعودية حيث انه لا يطبع كتاب يتعلق بشؤون القبائل في السعودية الا بعد موافقة سلمان بن عبدالعزيز.حيث انه يمر بلجنة لترى مدى مصداقية الكتاب ومحتواه.


تقبلوا تحياتي،،

[الخويطر2003]

الذم ما يهفي للاجواد ميزان.....والمدح ما يرفع ردي المشاحي

والله يا جماعه ان الذلول تزاول تبي العلف وانا أشهد ان له روغة ألعن من روغة الثعالا، أقول للذلول ابيك ترد على الاساس ، والحبيب يرد على اللي بين الاقواس ، أن اشهد انك محتاس.
اولا: أعقب على ردك الاخير والمضحك.
تقول في حرب الزباره (ألا قبيلة نعيم أللي كان لها الفضل مع بني هاجر في معركة الشقب بس) ـــ نعيم يا الذلول ما كانت مع بني هاجر ألا كانت في نحوركم ويوم الشقب كانوا نعيم وكل قبايل قطر يدافعون على بلادهم وديارهم وشارك فيها كل القبايل وما كانوا افراد وانا ما أبي اذكر القبايل حتى ما انسى حدن منهم واكون
ظلمت وجحدت، اما اللي في الزباره الاخيره فهي تسمى الثقب على القصر الموجود .(حبيت أصلح معلوماتك يا الذلول ولو ان ذا مستحيل لان المعلومات اللي تاخذونها من مصادركم تكون عندكم مثل القراءن والسنه والحمد لله اللي ما وكلكم على الدين)وانت الظاهر ما تعرف خراب الدوحه الاول ولا الثاني لأنك ما رديت علي) .

كتاب ابن النعيريه :
الظاهر انك تشوف بعين وتمسح بأيدك دموع العين الثانيه ، انا قلت لك ان الطبعه الثانيه للكتاب تمت في عام 1992م (والصحيح ان ابن النعيريه طبع كتابه للمره الاولى عام 1977 م وليش عام1979 م)
اما بخصوص كلامك عن مصادر بني هاجر،فوالله ما جبت ألا اللي يكون عليك مو معك،واللي يضحكنا ويبكيك،واللي يبين انك ضايع وتدور أي رد.
يا جماعه انا قلت ان مصدر بني هاجر الوحيد في التاريخ هو كتاب ابن النعيريه والذلول الله يصلحها جابت مصدر ثاني وهو بنو هاجر خلان الاشده، وانا بحدد مصادر بني هاجر كلها:
1/ شعراء وفرسان من الصحراء / محمد بن فهد بن النعيريه الهاجري / طبع سنة 1977 م

2/ بنو هاجر:دراسه تاريخيه / سعود الهاجري/ ما صار له اكثر من خمس سنوات.

3/ بنو هاجر خلان الاشده / سعود الهاجري / ما صار له اكثر من ثلاث سنوات.

4/ تاريخ البحرين السياسي / فتوح الخترش.
ولكن شوفوا كيف (برمشة عين المصادر الاربعه بترجع واحد).
كتب المؤلف سعود الهاجري(دراسه تاريخيه ــ خلان الاشده)جميع معلومات هذه الكتب مصدرها الرئيسي والاساسي هو كتاب بن النعيريه ولكن تم اضافة وترقيع ما لم ينتبه له ابن النعيريه بأسلوب جديد ومبتكر من كذب القرن الواحد والعشرين كما تم اضافة بعض الاخبار الجديده والتي من المتوقع ان يطلع كذبها وتلفيقها في القرن الثاني والعشرين.
اما كتاب فتوح الخترش فأنه ضعيف وفيه مغالطات أكدها الكثير من الدارسين والمتخصصين في التاريخ ، وفي الاصل المعلومات اللي جات في كتابها عن بني هاجر (ولو كانت لربعي ما جبتها) حيث انهم كانوا يغزون بالمراكب.(اول مره اشوف لي ذلول في مركب).

زوج ضرباح يا شافي:
عزتي لضرباح وأشهد ان ضرباح ذيب ،عنزي مع بني هاجر ،سمع بن شافي يقول لربعه : من يشرب فنجال الطويل، ويشوف فرسان بني هاجر كل واحد منهم مدنق، وتشله الحميا ويشرب الفنجال(أشهد انك ذيب يا ضرباح).

مقوله خالده(عاشق الكذب يرى الناس كلهم كاذبون)مقولة أينشتاين العجمي من عجمان أسبانيا.

قصة الخفيف:
انا أبيك تثبت لي حاجه وحده بس، كيف عرفت ان الخفيف ما شارك في غزو العجمان على بني هاجر(ابي دليل ــ ابي دليل ــ ابي دليل )
الله أعلم انك محضر غياب غزو العجمان .

انت تقول ان القصيده اللي تردون فيها على قصيدة الخفيف انها للشاعر محمد بن زايد الشعامل ،أبن النعيريه يقول انها للشاعر سالم بن بتال ، وانت رجعت وقلت ان بن بتال راويها ( يا الذلول بيني وبينك وصدقني ما ني بقايل لبني هاجر بس علمني من راعي القصيده وبعد كم سنه من وفاة الخفيف قيلت؟؟؟)

((((( قلنا يمين قال خلنا يسارا..........جيته يسار راغ مني يميني)))))
يا جماعه :
انا حددت كلامي في موضوع قصيدة الخفيف ولكن الذلول رد على كلامي اللي بين الاقواس وهمل الاساس وراح يتكلم عن بن عفيشه وشعراء بني هاجر.

اتكلم معه عن كنزان ويروغ صوب بيشه وجيزان

أفصل له في القصيد ويكتب لي من كل نشيد

اجيب له من كل المصادر والحبيب ما يدري وين هو حادر.

(يا ....... أسألك بالله ،تكفى رد علي وانت صادق مره وحده بس، انت لما ترد تكون صادق مع نفسك أو انك ترقع ما خرقوه الاوليين)

وفي الختام :

هذا على عود لفانا سلامه........اللي قذانا بالبكى والتظلام



الخويطر2003

[الخويطر2003]

وينك يا الذلول
والله اني اترقب لك
وان كان ودك نروح لاي منتدى تاخذ راحتك فيه انا مستعد وياليت يكون منتدى لبني هاجر حتى تعين حد يفزع لك

انتظرك يا الذلول

الخويطر2003

[ولد ال صالح]

لاهنت

الخويطري

عزيز والله

واااافي وافففي

لاهنت يالذيب

سلااااااااامي

[الخويطر2003]

ما عليك زود يا ولد صالح وحنا ما نضد بني هاجر لكن نضد كل من يتجرء على العجمان بمعلومات غير صحيحه والكل من القبايل له وعليه.

تقبل تحياتي

الخويطر2003

[مناحي الصميل]

السلام عليكم ورحمة الله وبركاته

عزيزي الخويطري
القافله تسير و....... تنبح

بس بيني وبينك انا اشهد انك حرقته

رووح ومايهزك ريح....على قولة اخواننا المريون
تحياتي

[الخويطر2003]

يا مرحبا بك يا السفراني وانا والله ما اقول في بني هاجر الا كل خير(ربع واخوان وقرابه) لكن الموضوع كله جا بعد ما شفت في مصادر بني هاجر اللي يدبل الكبد (خاصتا لما تشوف الحقايق ويجي واحد وينكرها )

اشكرك مره ثانيه.


الخويطر2003

[خالد مبارك]

السلام عليكم ورحمة الله وبركاته
والله يالخويطر بيبين زورك وبهتانك طال الوقت ولا قصر .
وشوفو كيف يكذب اميركم سلطان ابن سلمان الحثلين يوم يقول:
عزتي لضرباح وأشهد ان ضرباح ذيب ،عنزي مع بني هاجر ،سمع بن شافي يقول لربعه : من يشرب فنجال الطويل، ويشوف فرسان بني هاجر كل واحد منهم مدنق، وتشله الحميا ويشرب الفنجال(أشهد انك ذيب يا ضرباح).
عنبو غيرك ماتدري ان اميرك جاحدها لكن هذي هي هيه الريع يوم اجتمعو ال مره والعجمان يبغون الفكه لكن مامن مخلاص وذبح المرضف فيه وتلاقو العوامي والطويل الي انت شادن حيلك فيه وحول بخشمه انت يالعوامي وكان قبلها موصي ربعه اني لاصوبت الرجال وطاح مدمي فكلمو عليه لكن ربعه يوم شافو الطويل طايحن على فرسه ودمه يرشخ قالو مات وهملوه ويوم عود العوامي على ربعه قال تراني ذبحت الطويل قالوله سلامتك هذاك الطويل شفه مدبرن مع ربعه طاق فقال ذا القصيده الي هي اثبات على كذبك وزورك ياخويرط ربعك:
ليتنـي يـوم التقـن الشنيفيـن
أنـي علـى خاطـري بتمـنـا

لوان أهل الخيل الشورىمطيعين
أن كان غوجه ماأسلمه من طعنا
تمقل في ذا البيت تمقل علك تجود لسانك من الكذب شفهم يوم يلوم ربعه يومهم ماسمعو كلامه.

أوسومنا بخشومهـم بالعرانيـن
في الريع يوم اقفو هل الخيل منا
(ماظن يحتاج لها توظيح)

كله لعينا لابسات اسباهين
والي بعيد ويرقب العلم منا

أمدح نهار الكون ربعن شهاوين
ربعن على راس المصوب تثنـا .
وزودن على ذا ماختمتها بخير شف وشقال ابن شافي يوم ينعت ابن هادي وابن شفلوت وقحطان كلها في البيت الي قبل الاخير:حنـا شـوي وشايلتنـا القرامـه
قطاعـةٍ نذبـح ولا كملـوا يـام.
تمقل فيه على قلة عدد بني هاجر اللا انه بين فعلهم فيكم يالياميه.
وهذي قصيدة ابن هادي كامله مع الشرح والي بيبين فيها زورك وبهتانك
يا سابقـي تستاهليـن السلامـه
الله يجيرك من بلا سـو الأيـام
لي لابـةٍ حدرتهـا مـن تهامـه
وسلاحها صنع الفرنجي والأروام
اعلوهم في الطور ثـور كتامـه
واسفلهم اللي كدر الماء على يام
(أسألك بالله اذا انت تفهم عربي أترجم لي ذالبيت لان هذا البيت في الدليل على زورك وبهتانك)

ياذا البهم والله أن تباري الجهامه
أيلين تنزل بين صفوى والأوجام
حنا كمـا سيـل يطـم العدامـه
حول على طاش البحر له تلطـام
ولابد مـن يـوم يثـور كتامـه
أما على المطران وإلا على يـام
(كله لعينـا شافـي فـي كلامـه
يشكي علينا الضد قبـل ذا العـام )
هذا البيت الي تم تحريفه .
وفي الختام أقول كما قال الفارس حمد العوامي في قصيدته الي قالها لبن خليفه يوم راكان طلب فرس العوامي من بعد فعل العوامي فيه:ثم انشـدوا راكـان يـوم التقانـي
والخيل من لفـح المزاريـج يبـود.

[خالد مبارك]

أتمنى انه تكون عندكم شجاعه لمواجهة الحقيقه وعدم مسح ردي في ذا الموضوع.

[الخويطر2003]

مرحبا يا خالد , وبالله عليك تريح اعصابك ترى الضيق والزعل ما هو بزين للقلب.

اولا: ردك هذا يختلف عن ردودك معي من قبل(اقصد اسلوبك) لان قبل كان ردك بطريقه هاديه ,اما ذا الحين واضح انك متوتر ومضيع اليمه, وما الومك(بربرك الاولي مستمر) بس مثل ما قلت لك بطريقه خربوطيه اكثر.

يا طويل العمر ممكن تجاوبني:
1/ ايش دليلك ان الامير سلطان بن سلمان انكر قصة ضرباح؟
واذا افترضنا ان بو راكان انكر سالفة الطويل مع ضرباح,معناه عندك انها من خيالات العجمان!ما تعرف ان جميع رواة العجمان اثبتوا السالفه,والله الذي لا اله الا هو اني سألت عدة رواه وامراء وقلت لهم بان بعض الناس انكروا سالفة الطويل مع ضرباح وقالوا(الا حقيقه) والقصه مشهوره عند جميع العرب.
2/ ان تشوف ان بني هاجر ند للعجمان؟
اسالك بالله من اكثرا ذكرا في التاريخ(العجمان او بني هاجر), من هي القبيلة اللي تعمل لها الحكومات والقبايل عامه الف حساب(العجمان او بني هاجر),بالله عليك عطني فعل لبني هاجر يثبت منعتهم وقدرتهم على حماية اراضيهم(الا انفسهم) على شرط تكون قبيلة بني هاجر لحالها(مو ضمن جيش الملك فلان او الحاكم فلان),انت تصدق(او فيه رجال عاقل يصدق)ان العجمان وال مره اجتمعوا على بني هاجر لحالهم(انت تشوف بني هاجر في حجم قبيلة مطير او الظفير او سبيع) اسمع ويش يقول راكان:
بين الظفيري والمطيري وعساف..........ننزل ولو جانا النذر والزحامي

عطني مقوله او مصدر للتاريخ (انشالله من مجلة شوتايم) جيب بس خبر يبين حجم بني هاجر اللي تشوفونه يجبر العجمان وال مره على الاجتماع ضدكم.

اقسم بالله العظيم ان مصادركم ما فيها الا المغالطات والاكاذيب واكبر مصدر للكذب كتاب ابن النعيريه (الكتاب المقدس عند بني هاجر) واللي بعض الصالحين في بني هاجر انكروا وطلبوا منعه.
العوامي ادمى الطويل وقال لربعه كملوا عليه(يعني اذبحوه) سؤال:
1/ ليش ما العوامي بعد ما طرح الطويل اذبحه بنفسه, لان ذبح العوامي للطويل نوماس له اما اذا شاركوه بني هاجر ما له اي ناموس فيه(والمعروف ان اللي يقتل فارس مهم للقبيلة المعاديه يفخر بفعله).
2/ معنى كلمتك يومك تقول ان الطويل كان طايح ومغطيه دمه من ضربة(هوق هوقن بني هاجر)وان بني هاجر يوم شافوه كذا قالوا ذا ميت( لكن بعدها شافوا بني هاجر الطويل واقف بين ربعه) ابيك تفهمني فلسفتك في المسلسل هذا( ابي افهم الطويل كان مغمى عليه او متماوت من الخوف او ايش بالضبط)
ليتنـي يـوم التقـن الشنيفيـن......أنـي علـى خاطـري بتمـنـا
لوان أهل الخيل الشورىمطيعين.......أن كان غوجه ماأسلمه من طعنا

تقولي تمقل في ذا البيتين( ابشر ولو ان الابيات مكسره بس عارف انه منك مو من العوامي وانا خابر الابيات) لكن سؤال:
البيت الاول يقول ليتني يوم التقن الشنيفين( يعني يتمنى ان يوم التقى الجيش بالجيش انه كان موجود وهذا دليل ضدك ان العوامي في القصه الخرافيه ما كان موجود)والبيت الثاني ان لو اهل الخيل اللي هم بني هاجر طاعو العوامي ما كان غوج العدو سلم(ابي اعرف ايش معنى الغوج هذا اذا كنت تعرف المعنى) الظاهر انكم تحسبون الغوج هو الطويل, وان كان هذا صحيح فعزتي لقحطان من بعض عياله.
سؤال: ليش ما ذكر العوامي الطويل في الابيات وايش دليلك ان الابيات قيلت في ذا الحرب؟

حنا شوي وحاميتنه القرامه.......قطاعةٍ ننطح ولو كمّلوا يام

الله الله على ذا البيت والله انه من اروع الابيات لكن فيه بيت ما هوب اقل منه:

هذا على عودٍ لفانا سلامه......اللي قذانا بالبكا والظلاّم

ياااا خالد جاوبني ( سؤال بجواب) وابشر برجال ما هوب خويرط الا خويطري ومبيّح سدك.

انتظرك يا بعد كل مناديب الملفّق.

الخويطر2003

[الهتلاني]

لاهنت لا هنت
وبيض الله وجهك
يالقرم

[عجمي خواله مطير]

يسلم راسك ولد عمي (( الخويطر )) سددله ههههه يجبون كلام مدري من وين عندك اياهم




عاش الخويطر

[الخويطر2003]

مرحبا بك يا الهتلاني واسعدني مرورك المشرّف.

يا مرحبا يا العجمي ونعم في خوالك مطير وشكرا على المرور.


يااااااا خالد مبارك (وينك!)


الخويطر2003

[العجمي1]

الخويطري ردودك مقنعه


واريد منك ان تكون ردودك بدون سخريه في المترديه والنطيحه

حتى يوثق

[الخويطر2003]

مرحبا يا العجمي 1 وحياك الله , اما بخصوص السخريه فهذا ما حدّني عليه البعض منهم (العين بالعين), لكن ابشر باللي تبي وانا حاااضر بنقاش هادئ ومقنع وبأدق التفاصيل (بس وينهم ! )



الخويطر2003

[ضيغم]

السلام عليكم ورحمة الله وبركاته


الحشم الحشم يااااااااااااعجمان والله مودي اني دخلت الموضوع هذا الخويطري الله يهديك انت من قبيلة معرفوه والكلام الي اتقوله في حق بني هاجر ماهوب زين في حقك وحق ربعك انت كنك ماتشوف بني هاجر ابد يالخويطري ترا ((( الزود نقص )) وان كان على كتاب فانت منت بمجبور اتصدق اخذ الي تبيه من الكتاب وخل الي ما تبيه وعن بني هاجر حقهم ماينهضم اضهرو وجيهم يوم كلنا ايتوقا ذال من الموت وفعالهم معروفه . استحلفك بالله يالخويطري قد مرت عليك سالفه وفيها طاله للعجمان وكذبتها ؟؟؟ مستحيل لكن اذا مرت عليك سالفه ان العجمان فيها مكسورين بتكذب السالفه بدون حتى ماتفكر والكلام ودك يجي في محله وهذي حال الدنيا من خلقت كلن يبي الطاله الربعه لكن الفرق بين الاول وذلحين محد ٍ فيهم يهضم حق الثاني لو بينهم الذبح وصلخ اما عن السب والقول الي ماهوب في محله مودك التقوله . وصدقني يالخويطري انك اتعرف فعول بني هاجر بينك وبين نفسك وتعرف ان لهم الطاله من غير قصور في كل القبايل ونك الا جيتهم لقيتهم . لكن انت ذلحين ماخذتك العصبيه القبليه وتكلم من عصبيه . وانت ماتدري انك بسبك تجرح قبيله تحترم القبايل .

وانا ماقول الا الله يهدي الجميع والحروب راحت مع اهله الله يرحمهم ويسكنهم وسيع جناته ويرحم اموات المسلمين

وشاكر لكم ..........

[الخويطر2003]

حياك الله يا الضيغم

يا طويل العمر , بني هاجر ما يقلل فعلهم كلامي او اي موضوع اكتبه انا او غيري وكلٍ له حقه , وبني هاجر لي منهم الحبيب والقريب والصحيب , وافعالهم واضحه ومشهوره , ولو ما كانت قبيله لها فعلها ما كانت قبيلة العجمان تفخر بفعلٍ لها على بني هاجر .
لكن الظاهر انك ما قريت الموضوع زين , وانا في هذا الموضوع كنت اتكلم عن بعض القصص اللي جات في بعض المصادر واللي ما تبينت حقيقتها , والدلاله اني جبت لك توضيح وتفصيل في كل شي بالنسبه للتاريخ والقصيد , وانا كنت اتمنى منك انك ترد او تعقب على موضوعي مثل ما انا عقبت على ردود بعض الاخوه.
اما بالنسبه للسب فأنا ما سبيت ولا شتمت احد , وورود بعض الكلام مني بشكل ساخر كان سببه الرد على بعض المعقبين على الموضوع والتلفض بكلمات شينه(العين بالعين).
وارجع واقول لك مره ثانيه , الموضوع هذا او غيره (ما يهضم حق بني هاجر ولا يقصر فعلهم)لا كلام الخويطر ولا غيره .
وانا مستعد لحوار موضوعي بعيد عن اي لفض يمس قبيله بعينها او شخص معين,حوار نوصل عن طريقه لتصحيح اخطاء معروفه.

الخويطر2003

[ffahad]

جوز ضرباح ياشافي
سالفة معروفة
عند كل القبائل
والخويطر بيض اللة وجهك

[الخويطر2003]

ووجهك يا طويل العمر .


الخويطر2003

[ajmi2000]

الخويطري 2003 جعل يمناك ماتجيها الجبارة
اشهدنك حر ولد حر

اللي فضحت قول المزيفين لو اني مدري منهو بن النعيريه اللي تقوله
اما بالنسبة لقول راعي الكتاب ان العجمان يساندهم شيوخ وامراء بالسلاح
فهذا صحيح لان ال خليفة كانوا يمدونهم بالسلاح مع تحذير ابن سعود لهم (اشهدنهم رجال)
وان كان (الذلول) او راعي الكتاب معترض على السلاح فأن ابن سعود يحارب العجمان
بالمدافع :) ( هذي الشجاعة المعروف فيها )
اما قول (الذلول) قصايد ابن عفشة وغيره اقوله الناس خابرين العلوم كلها
مثل قولته عن الخفيف انهم كثير وهم تسعة والله عاشرهم اللي اعانهم على الغزاه
اللي تفشلوا قدام خلق الله (الله لايبلاانا)


تحياتي يالخويطري

[الخويطر2003]

يا مرحبا يا العجمي 2000 وشكرا على تعقيبك , وهذا على ما قيل ( جهد المقل ) وانا اعتبر نفسي تلميذ في هذا المنتدى لأن رواده مثلك وشرواك .


الخويطر2003

[ajmi2000]

شرواك الطيب يالخويطري

بس ماقلتلي منهو ابن النعيريه ؟؟؟


تحياتي

[الخويطر2003]

ابن النعيريه يا طويل العمر هو ( محمد بن فهد الهاجري ) صاحب كتاب ( شعراء وفرسان من الصحراء ), والتفصيل في مادة الكتاب تلقاها في اول الموضوع هذا.



الخويطر2003

[ajmi2000]

ان والله داري
مهوب بعيد منهم

تحياتي

[الظــــــــــل]

احييك يالخوطر 2003 على كلامك اللي فند كلام الذلول والله العظيم انك خليتني انتفض في مكاني من القهر لان بعض الكلام اللي موصحيح يرفع الضغط!! ياخي انت من جدك تهلك نفسك مع سقيم يجيب العلم من كاتب أسقم منه ياخي مع احترامي لبني هاجر لكن الحق الحق والتاريخ يفرض الحقايق ....يكفيك ان الكتب اللي عن العجمان من كتاب معروفين مايحتاج اذكرهم ماهم من العجمان علشان مايكون فيه انحياز للقبيله.....والذلول يذكرلك كتاب عن بني هاجر واللي كاتبه هاجري اقول كيف الحال!!!!(كلم العاقل بما لايليق فإن صدقك فلا عقل له) يعني وش تبي الكاتب الهاجري يقول هل اتوقع انه بيذكر هزايم بني هاجر مع العجمان او مع القبايل الثانيه مستحيل...وشكرا.

[ابو فهد العتيبي]

السلام عليكم ورحمة الله وبركاته وبعد:
استغرب الاخ ذلول حزام يومه ذكر كنزان ويمدح قومه الهواجر واللي يقرا اللي كاتبه يقول انهم كسرو العجمان تدري يا ذلول حزام ان العجمان لحالهم والملك عبدالعزيز معه 12 قبيله تعرف وش معنى 12 قبيله ولا لا والكلام هذا ماجبته من كلام فراغه وبعدين يا الهاجري تدري ان العجمان بنادقهم الصمعه مدري تعرفها ولا لا الصمعه يالهاجري (بندق تعبا بالبارود وترمي فشقه وحده ويبيلكم فتره طويله علا ماتعبا مره ثانيه) والملك عبدالعزيز بالمدافع تعرف المدافع ولا لا تخيل 12 قبيله قدام قبيله وحده بس الله كان مع المظلوم تسع شهور والعجمان يكرون ويفرون بالصمعه وذبحوا من اللي ضدهم الالاف وبعدها قام يجي الدعم من البريطانيين تدري ولا لا والله ثم والله ثم والله ان كنزان يعنبر نصر كبير للعجمان وبعدين يا الهاجري وبصراحه لاتحط تاريحكم مثل تاريخ العجمان انا ان كانك تبي تاريخ لكم في النت فهذا شي ثاني والعجمان تاريخهم نرا ما جا عن طريق الانترنت جا بفعل السيوف يا هاجري وانا تراني والله ماكتبت ذا الموضوع قصدي شي بس يوم شفتك انت وؤبعك تبون تحطو لعماركم تاريخ ضد العجمان ووين؟ في النت يا سلام يا سلام وبعدين يالهاجري يومكم تغلطون في الطويل وتقولون انكم قطعتو خشمه اخذ العلم اللي يجمد على الشارب واسمحولي يا عجمان انا قاعد مره عند عبدالعزيز بن سعود ((السامر)) وجبنا طاري العجمان والهواجر قال ابن سعود الكلام بالحرف الواحد اسمع: جاله مره ولا ابن شافي في مجلس عتبان ويسولف عن الهواجر وانهم فعلو وفعلو ويسب العجمان وما درى ان الفارس هبلان العجمي قاعد في المجلس لانه ما يعرفه وعقب ما خلص قاله عبلان انت متاكد من كلامك قال ايه وان العجمان فيهم وفيهم قال نعم كلامي صحيح وكررها علاه عبلان ثلاث مرات وابن شافي يقول نعم قام عبلان واظهر شلفا كانت في محزمه وقام قطع خشم الهاجري وقاله ترا انا واحد من العجمان اللي تحكي فيهم وشف وش جاك من واحد منهم فكيف بالعجمان كلهم وهو في مجلس عتبان ويوم قامو العتبان على العجمي علشان ياخذون حق الهاجري قال اكبرهم :امرحو ياجماعه هذا ما قال وهذا جزا من يغلط على غيره وان كانك يالهاجري تحسب انك تبي تمشيها في منتتدى العجمان ترانا نعرف السوالف يا طويل العمر ولا تحط تاريخكم عند تاريخ العجمان وانتم اكثر من يعرف العجمان واشهدو يا عجمان اني ما كتبت ذا الكلام الا ماحسيت بالضيم وشفت الهاجري يبي يبخس حقكم.

[واثق]

لا هنت يا بو فهد العتيبي على أمانة النقل والعدل في القول، وصدقني ليس الصدق غريبا على الطيبين، والذهب من معدنه لا يستغرب، ألست من عيبية الهيلا؟ ألست من ذباحة الحايل لطامة العايل؟

[ffahad]

شكراً لك اخي الكريم على هذا المقال لا هنت يا بو فهد

[ضيغم]

السلام عليكم


ابو فهد ( العتيبي ) العجمي وش حالك

[ضيغم]

طلال ال رشيد العجمي وش حالك

[مناحي الصميل]

ابو فهد والله انك حر ولد حر

والله لايهينك على الكلام الطيب

والا الهاجري مظيع الجاده

[محمد لاهوم]

ابن النعيرية توفى سنة 1993 م وهو من جيرانا الاعزاء الله يرحمة

فان كان لى معزة عند المنتدى واهلة المشرفين والمراقبيين ان يغيروا

عنوان الصفحة بوصف ابن النعيرية بالكذب ..

ليكون الرد الاهب الإبن النعيرية الهاجري ....

[الخويطر2003]

الله يرحم اموات المسلمين جميع,واقسم بالله ما كتبت هذا الموضوع للاساءه لبني هاجر او احد افراد بني هاجر, يعلم الله سبحانه انهم حبايب واقراب وربع يبشر بهم كل رجال, ولكن كان توضيح لبعض ما جاء في كتاب ابن النعيريه من معلومات اراها ويراها اغلب العارفين بان فيه معلومات مغلوطه( بقصد).

وانا يا بن لاهوم لو اعرف اغير العنوان كان غيرته ولكن حاولت ولا عرفت.

وانا اضم صوتي لك في ان يعمل القائمون على المنتدى بتغير العنوان حسب ما قلت.

واتمنى من الجميع اقفال النقاش في هذا الموضوع , او ان يتم حذف هذه الماده من المنتدى تحاشيا لاي شي قد يسبب زعل لاصحاب عزيزين علينا.

واخر دعوانا ان الحمد لله رب العالمين

الخويطر2003

[عبالرحمن العجمي]

سبحان الله ياجماعه
انا اقول خلوا العنوان على ماهو عليه
عشان من جنب الجاده يلاقي اللي يجوز له
وانت يالخويطري ماقصرت والله يبيض وجهك

[جيــر]

تم تعديل الموضوع على حسب رغبتكم ورغبة كاتب الموضوع

[محمد لاهوم]

كفو يا جير والله يحفظك

وتسلم يا الخويطري .. وانا اشهد انك من اهل الطيب والفعل المجرب ..