ساعه صراحه

[لزيزي]

السلام عليكم ورحمة الله وبركاته
اخواني وابناء عمي المشاركين بالمنتدي ابي وجهة نظركم بالموضوع انا اختلفت معا شخص بالراي

والموضوع كاالتالي
انت انسان محتاج لا تسفير احد من اهلك او اقاربك للعلاج وذهبت للاعضاء النشاما العجمان
ولم يقدر احد علي تسفير مريضكم الله لايقوله وذهبت لحد الاعضاء خارج القبيله
وقام بالواجب وسفر مريضكم الله لايوريكم مكروه
وفي وقت الانتخبات هل بتعطي بني عمك او تعطي العضو الى يساعدك
رايكم بصراحه

تقبلوو تحياتي

[لاهنت ياوقت الشقا]

يعطيك العافيه عالموضوع ,,,

بعطيهم اثنينهم واذا كلش مايصير الا واحد

شسوي امري لله

بس اتوقع اني بعطي الي ساعدني :rolleyes:

سؤال محير بصراحه :p

[ابجر]

راعي الجميل مالك مصد عنه.. وبني عمك لهم باقي لصوات . ونكانه على صوت واحد قصدك راعي الجميل اولى اذا كان ماعليه اي شبه او اي خلا

[لزيزي]

شكرآ جزيلا علي الردود

وانا رايي من راي ابجر
تحياتي

[فلاح بن جمل]

انا رأيي من رأي أبجر الصرآحه


وكلن له رأي

[وحيدالغربه]

لا والله راعي الجميل اولى بالصوت الي قدر الموقف
والله لو يبغى سنقل

[قف امامك شاعره]

والله راعي الجميل يستاهل الخير بس في الاتخابات له صوت واحد مشروط اذا شفته افضل من بني عمي اللي نازلين
ومرشحينا فيهم الخير
لكن صوتي للاربعه

[لزيزي]

شكرآ علي الرد اختي شاعره

علي وقولة عيال بطنها صبه حقنه لبن مدري شرسيتي عليه بتعطينه او لا

تحياتي

[محمد ابن عكشان]

السلام عليكم ورحمة الله وبركاتة

اكيد هو اول شخص اعطيه اذا انا كنت متضايق ومحد وقف معي الا هو ليه ما اعطيه

رجال يستاهل واعطي عوال عمي بس هو له الأولويه

وذي وجهة نظري

[قف امامك شاعره]

شكرآ علي الرد اختي شاعره

علي وقولة عيال بطنها صبه حقنه لبن مدري شرسيتي عليه بتعطينه او لا

تحياتي
والله يا اخوي يا الزيزي سوالك صعب وفي وقت صعب ومو بمحله دامك ما فهمت اجابتي الاجابه بعد الانتخابات لا فازوا الاربعه وانا ملاحظه تسال واجد انت جاسوس يا الزيزي من الاحلاف المنافسه؟؟؟
انا شاكه:)

[مـحمـد]

السلام عليكم ورحمة الله وبركاتة

للرد على تساؤلك

اولا ان مرشحي العجمان الان يعتبرون كلهم في حكم الجدد ماعدا خالد العدوه

ثانيا لايوجد الان اعضاء سابقين في الدائره غير سعدون حماد

ثالثا مالك مصد عن بنى عمك ، وراعي الجميل بامكانك اقامة حفل عشاء له شكر وعرفان

.

[موكب]

له الذكر الطيب طول العمر وعشا على شرفه


اما الصوت فا يسمح لي مايتعدى ابن عمي


وبقولها في وجهه وماهي من وراه


ولا هنت يالزيزي

[العجمي كوم]

السلام عليكم ورحمة الله وبركاتة

نعم بشكره وبقدم له العلم الطيب .

ولكن الصوت . . . مالك مصد عن بني عمك .

[القهواني]

والله بعطيه عانيه في مقره ولكن الصوت لابن عمي

[معشوقش الراحل]

بني عمى اولى فالصوت

[دبلان]

تدري لو صآرت لي

بقوووله ابشر باللي أقـدر عليــه


بس تدري وش بيصير حزة التصويــت



لا إرادي

بـ آشخط قدآم آلعجمي وآنآ مغمض مهوب حقآرهـ بس دمــي مـآيسمح آشوف آسم ولد عمـي وأجنبه ;)

وهـو بعتذر منه وبيسـآمحنـي أكيــد لأن رآبطة آلدم فوق كــل شي :)

واللي مـآيوقف مع ولـد عمـه في آلشــده مافيه طيب

8
8
مجرد وجهة نظر :rolleyes:

[FS. Eng]

يبشر بالعلم الطيب والذكر الطيب بين الرياجيل

ولاطروا اسمه فـ مجال بأمدحه

لكن بيني وبين ورقة التصويت على قولة دبلان

ما اقدر اشوف اسم العجمي وأعطي غيره واخلي مكانه فاضي !!


صح الجميل ما ينكر.. لكن ان العم أولى فيها لوه ردي, وربعنا مافيهم الردي ان شاء الله

انا ماني مصوت لجل ابن عمي انا مصوت لجلي انا لجل يطلع الاربعه واتنومس فيهم وين ما رحت.. واقول للعالم شوفوا العجمان يوم شكيتوا فيهم شوفوا ويش سووا


ومهوب اربعه الا خمسه ان شاء الله

[لزيزي]

الله لايهنكم علي الردود

انا ومن ناحيتي بعطي العجمي وانا مغمض

وبذكره فالخير

شاعره انا جاسوس شدعوه الكونغرس الحين كلها انتخبات

تحياتي للجميع

[سنقروس]

الصراحة أنك تعطي الرجال إلي ساعدك ولي صد من المعروف مافيه خير

[A.l.a.j.m.i]

والله انا اشوف ومن غير مجامله اني اعطي اللي ساعدني .

((جزاء الاحسان بالأحسان))

والله لا يهينك على الموضوع الطيب

[ناصر العنقان]

السلام عليكم كيف حالك لزيزي انا من راي لا تنكر الجميل ولاهي من عوايد العجمان نكران الجميل وآل زيز بالذات وانت لك اربع اصوات وتقبل مروري

[عبلان to]

السلام عليكم ورحمة الله وبركاته
اخواني وابناء عمي المشاركين بالمنتدي ابي وجهة نظركم بالموضوع انا اختلفت معا شخص بالراي

والموضوع كاالتالي
انت انسان محتاج لا تسفير احد من اهلك او اقاربك للعلاج وذهبت للاعضاء النشاما العجمان
ولم يقدر احد علي تسفير مريضكم الله لايقوله وذهبت لحد الاعضاء خارج القبيله
وقام بالواجب وسفر مريضكم الله لايوريكم مكروه
وفي وقت الانتخبات هل بتعطي بني عمك او تعطي العضو الى يساعدك
رايكم بصراحه

تقبلوو تحياتي


اللزيزي


اذا سفرني العضو الأجنبي .. له مني المعزه والأكرام


أذا جيت من السفر عزمته وشكرته وذبحت على شرفه الحشوان .. وارسلت له كرامته لبيته .


أمــــــــــــــــــــــــــــــا


الصوت جعله نــذر عليه

الصـــــــــــــوت لبني عمـــــــــــــــــــــي الأربعه .




يا أخينا العوازم أطلق منا ولا أرجل منا ولا أشجع منا ولا أحما منا ؟؟؟؟؟؟؟؟



أذا الواحد نفعهم ... يحذفون عليه خرفون لا شكر ولا عزيمه له ...!!


وقالها سعدون حماد .... لاتنفع العازمي خروفين عرب وكان الله غفور ورحيم .



تدري ليه لأنهم رجاجيل .... الواجب وقاموا به ... ولاعاد عليهم مشروووه .





أمــــــــــا الصوت فهو لبني عمهم ....

[عبلان to]

سجيت ..!!


ولاقريت ردود الأخوان اللي قبلي بس قريت موضوع .


وكلهم كلامهم التشييم والعجمان ماينكرون والعجمان مايصدون من المعروف ...!!


من قال اجحدوا ولا أنكروا .... قلطوه على السنام والفقار والشكر في الجرايد .




لــــكن لو أنت ياعجمي من أبناء دائرته ... كان عطاك كرسوع .



والصوت ماهوب ملكك ياعجمي الصوت ملك العجمان ويام كافه ... ولا معجبكم الأنشقاق اللي حصل



بين يام هالأيام ... والعالم كلهم شماتين فيكم ...




راح عـــــــــــــزكم وصعب انكم تردونه لأن تفكيركم كذا .

[لزيزي]

الله لايهينكم علي الردود

ترا انا بس بشوف وجهة نظركم انا ماصوت لحد ياكلني

لو ردت علي انا عجمي وانا مغمض لكن موضوع وانطرح

ويا خواني لا اتضايقون من كلام الناس انه العجمان متشتين

ولا في حزازياة بينهم العجمي مهب راعي قيل وقال الوعد
16-5 والعجمان مايحتاج توصيه علي عجمي الحميه
ماجات علي خالي بلاش علي ولد عمه واخيه

تقبلوو تحياتي