اعتقد هذى ديمقراطيه!!!!!!!

[XOXO العجمى]

السلام عليكم ورحمه الله وبركاته

انا ارفض نتائج التشاوريه فما الحل؟؟؟؟؟؟؟
هل اصوت رغما عنى؟؟؟؟؟
شوركم يا الربع

[ناصر بن فالح]

اذا صوَت في التشاوريه اذا انت ملزم بها :)

[XOXO العجمى]

لا لم اصوت فى التشاوريه
فما العمل
امتنع عن التصويت فى الرئيسى؟؟؟؟

[مـحمـد]

لا

.

[XOXO العجمى]

وليش لا يا اخ محمد؟؟؟؟؟؟؟

[مـحمـد]

سألت سؤال وردينا عليك

السبب لان هذه مقاعد القبيله

.

[سمي الملك]

معليش على المداخله الديموقراطيه يالله كتبتها
ماهي اتقول خل ربعك وقت الشدايد واسمحلي على المداخله

[السنافي144]

المشكله اذا وصلوا للكراسى وطنشوك الاعضاء وقت شدتك انت يا المواطن الغلبان

[أبو فهد]

العجمان لهم ان شاء الله اربع كراسي
مو بإسم خالد الطاحوس ولا العدوه ولا الحويله ولا الصيفي

فإذا ماصوت الى ابن عمك

العتيبي راح يصوت لابن عمه وينجحه والمطيري كذلك

مخرجات التشاوريه هذي هي ولازم نطلعهم في العام

[سمي الملك]

يكفينى نهم عجمان

[ذباح]

منو بيفيدك باجر؟

عيال عمك ...

صوت لهم

شايلين اسمك لاقالو

4 عجمان بالمجلس

انت تفتخر ..

[المحيميدي]

اذا ماتعجبك المخرجات صوت لهم في الرئيسي والانتخابات الجاية صوت في الفرعي وراح يطلع الي يعجبونك

[نايف بن فواز]

السلام عليكم ورحمة الله وبركاته....

بسم الله الرحمن الرحيم((( الأقربون أولى بالمعروف)))

وان كنت ترا غير ذالك ... لاحول ولاقوه الا بالله.....

[ريف الضعيف]

الله يهديك بس

[الفارس ^^]

اذاا موهم بعااجبينك لاتصووت لهم
ماانت بمجبوووووووووووووووووووررررر

ولااحد يغصبببك

[لاهنت ياوقت الشقا]

انت حر وكل واحد حر برأيه :) بس اظن ان الاحسن انك تصوت وبالنهايه الراي رايك:o

[مدري وش أبي ؟]

أخوي

أنت لك الحق بأن تختار المرشحين ألي تصوت لهم إما من أبناء القبيله أو حتى من خارجها فهذا حق مكفول لك ولكن يفضل اختيار الأفضل لأن الأوضاع الآن في الكويت تحتاج رجال أصحاب كلمه ولاا على الكويت والديموقراطيه السلاام ,,

فإن كنت ترا من أبناء القبيله من له فكر وموقف فمن حقك التصويت له من دوون غيره أو حتى إعطاء صوتك لأبناء الدائره الآخرين ،،

[لاتغرك البهرجه...]

عليكم السلام ورحمة الله وبركاته


الله يهدينا ويهديك

فعلا الموضوع صعب جداً


اول شي المثل يقول (خشمك فيك ولو كان اعوج)

اذا انت فعلا عجمي انت ملزم تروح وتصوت الكراسي للقبيله مو كراسي مزاجك ;)

بعدين انت مسجل بالمنتدى عشان تعرف ملزم تصوت ولا ولأ


















ياخوي شوف ابو راشد :D


الله يوفق الاربعه ويوصلهم المجلس انشاء الله


ويكفينا شر من فيه شر


تقبل مروري X0X0
واتمنى تتقبل ردي على سؤالك المحير فعلا :rolleyes::rolleyes:

[الـعـابـر]

مثل ماقلت هذه هي الديمقراطية فالإلتزام هو خيارك الوحيد
أما إذا كنت تبغى تصوت ضد بني عمك فهذه هي الطامة الكبرى

[$$ملك اللجين$$]

سؤالك الاجابه عليه بكل صراحه هو لا تخلي بني عمك وحتى لو كنت غير مقتنع باحدهم لان عدم الالتزام باعطائهم الصوت هو خروج عن رأي الاغلبيه وبهذي الحاله تكون شخص محب لمصلحتك الشخصيه بعيد عن المصلحه العامه والتي هي الاهم.

[XOXO العجمى]

شرفنى مروركم الكريم على موضوعى
بس اتمنى المرشحين الاربعه يشوفون موضوعى ( ادرى ان ذا الشى مستحيل )
بس نبيهم يحسون فينا كابناء القبيله ويعاملونا بشكل متساوى مو ناس وناس
ناس لهممصلحتهم تمشى وناس اذا شافوهم تصددوا منهم

[FS. Eng]

السلام عليكم ورحمة الله وبركاتة

أخي الدائرة الخامسه اسمها دائرة القبائل .. والحميّه هنا فقط هي التي تتحكم

فـ لو كنت في دائرة تسمى التصويت للفكر .. فـ ماعليش .. أما انت اذا ما صوت لـ أبناء عمك من تصوت له؟ بتقولي للفكر؟ طيب من؟

ماعندك غير الي متحالفين ضد ابناء عمومتك.. بتصوت لهم بصرك !! .. وهم ما نجحوا الا من حميّت ربعهم

منت بـ ناقص عنهمم حميّه ولا راسهم بأرفع من راسك

كلن يدسم شاربه مخلابه اهنا .. وانت اسمك العجمي .. من روس قووم

ولا تقولي ديمقراطيه .. ديمقراطيتنا خلصت في التشاوريه .. ذالحين جا وقت الحميّه

وكلامك ذا ما يفيد والله يا اخي العجمي, فـ لو تمشي ع الديمقراطيه في هالدائرة لضاعت كراسينا ونهبوها العالم .. وفوق هذا ما تتحقق الديمقراطيه .. مثل ما قلت لك

كلن يدسم شارب مخلابه

[قلم أسود]

مثل ماقلت هذه هي الديمقراطية فالإلتزام هو خيارك الوحيد
أما إذا كنت تبغى تصوت ضد بني عمك فهذه هي الطامة الكبرى

[XOXO العجمى]

يا طويل العمر ترا ما قصرنا فى الحميه قد وصلناهم السما وعقبها حثوا فى وجيهنا

[XOXO العجمى]

مانى مصوت لغير عجمى ابدا ولا راح تصير ابد تطمنوا بس كلمه الحق تنقال ولا تقدرون تقول ان فى كلامى شى غلط

[عامر ال مصارع]

تقدر تروح لهم الحين دوانياتهم
وتشوف شتبي واي شي يردونك فيه تقدر تكتبه اهني بالمنتدى وتقول فلان ابن فلان
جيته وقصر معي !!
وحنا معطينه الكرسي

تقدر نفس ماتوصله لكرسي العجمان تقدر تنتقده وتخلي الناس تشوف اخطاءه
وحنا نتمنى ان مانشوف عليهم اخطاء

[محمد ابن عكشان]

السلام عليكم ورحمة الله وبركاتة


وشنو السبب انك ماتصوت عطنا السبب بعدين ماظن فيهم احد مايستاهل الصوت كلهم يستاهلون وهم ماخذينها ماخذينها والوعد قدام

[XOXO العجمى]

المشكله يا اخ ساس العروبه اذا قلت شى والا ذكرت اسم عضو انحذف الموضوع
يا اخى فيه نواب ما نفعونا ابدا ابدا ابدا
اذا شافونا تصددوا منا
وغيرنا له الصفات الى بالالاف
ليش التفرقه فى المعامله؟؟؟؟
مو كلنا ابناء قبيله وحده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليش فيه قسم منا مهمش من القبيله ماله اى اعتبار؟؟؟؟؟؟؟؟؟؟؟؟؟؟؟؟
احنا مانبى الا الوعود الى وعدوها لنا
بس

[kkk]

بسم الله الرحمن الرحيم

السلام عليكم ورحمة الله وبركاتة

الصراحه من زمان ما دخلت المنتدى

ودخلت اليوم قلت بشوف اخبار عيالي عمي واخبار الانتخابات

ويا ليتني ما دخلت للاسف

اللي يقول انا مابي اصوت واللي يقول بعطي ثلاثه منهم بس

واللي يتحسف على عضو سقط في التشاوريه

واللي يتكلم عن الانتخابات اللي فاتت ويقول ويزيد

نرى انا من فخوذ العجمان اللي ولا مره فاز لها مرشح في التشاوريه

بس هالشى ما يمنعني اني اروح اصوت لعيال عمي وانا احب لهم الخير

ويشرفني فوزهم حتى لو قاموو يتصددون منى وعسى الله ان شالله لا يحدني على احد

كل اللي ابيه بس انه يكون لنا اسم في الديره ويكون لنا وزراء ووكلاء ومابي منهم شى.

وبالنسبه اللي يقول حرام فلان سقط في التشاوريه نكبوه ربعه بعد ما كان عضو

ليش كرسي المجلس بتورثونه بعد ؟؟؟؟

تبونه ينجج كل مره يعني ولا بتزعلون وبعضكم ما راح يصوت في الرئيسي ؟؟؟

لو فيه ناس تكلمت في الانتخابات اللي فاتت وقالت نفس الشى شنو راح تكون ردة فعلكم ؟؟

شكلنا بندور في دائره مفرغة كل تشاوريه اللي صاحبهم ما راح يفوز بيقعدون يتمننون على

صوتهم في الانتخابات الرئيسيه والله شر البلية ما يضحك :(

ومو كل تشاوريه نشارك فيها يفوزون الناس اللي نبيهم

بس هالشى ما يردني اني اصوت لعيال عمي اللي فازوا واوقف معاهم

ولا تبون الكرسي هالسنه يروح لسعدون حماد مثل ما راح السنه اللي فاتت ؟؟

يا ناس خلوا فيكم حميه الناس الحين ما تقول بناحذ كرسي من العوازم

لانه يعرفون حمية العوازم الله لا يفرقهم ماشالله عليهم

التحالفات اللي في دائرتنا كلها تقول بناخذ كرسي من العجمان او كرسيين بعد

يا حيييييييييف والله عالرجاجيل

عالعموم الانتخابات قرب وكلن حر وعلى قولة المثل كلن عقله في راسه ويعرف خلاصه


وسامحوني عالاطاله بس والله من القهر اللي فيني

[مشعـل الجألـس]

بسم الله الرحمن الرحيم

السلام عليكم ورحمة الله وبركاتة

الصراحه من زمان ما دخلت المنتدى

ودخلت اليوم قلت بشوف اخبار عيالي عمي واخبار الانتخابات

ويا ليتني ما دخلت للاسف

اللي يقول انا مابي اصوت واللي يقول بعطي ثلاثه منهم بس

واللي يتحسف على عضو سقط في التشاوريه

واللي يتكلم عن الانتخابات اللي فاتت ويقول ويزيد

نرى انا من فخوذ العجمان اللي ولا مره فاز لها مرشح في التشاوريه

بس هالشى ما يمنعني اني اروح اصوت لعيال عمي وانا احب لهم الخير

ويشرفني فوزهم حتى لو قاموو يتصددون منى وعسى الله ان شالله لا يحدني على احد

كل اللي ابيه بس انه يكون لنا اسم في الديره ويكون لنا وزراء ووكلاء ومابي منهم شى.

وبالنسبه اللي يقول حرام فلان سقط في التشاوريه نكبوه ربعه بعد ما كان عضو

ليش كرسي المجلس بتورثونه بعد ؟؟؟؟

تبونه ينجج كل مره يعني ولا بتزعلون وبعضكم ما راح يصوت في الرئيسي ؟؟؟

لو فيه ناس تكلمت في الانتخابات اللي فاتت وقالت نفس الشى شنو راح تكون ردة فعلكم ؟؟

شكلنا بندور في دائره مفرغة كل تشاوريه اللي صاحبهم ما راح يفوز بيقعدون يتمننون على

صوتهم في الانتخابات الرئيسيه والله شر البلية ما يضحك :(

ومو كل تشاوريه نشارك فيها يفوزون الناس اللي نبيهم

بس هالشى ما يردني اني اصوت لعيال عمي اللي فازوا واوقف معاهم

ولا تبون الكرسي هالسنه يروح لسعدون حماد مثل ما راح السنه اللي فاتت ؟؟

يا ناس خلوا فيكم حميه الناس الحين ما تقول بناحذ كرسي من العوازم

لانه يعرفون حمية العوازم الله لا يفرقهم ماشالله عليهم

التحالفات اللي في دائرتنا كلها تقول بناخذ كرسي من العجمان او كرسيين بعد

يا حيييييييييف والله عالرجاجيل

عالعموم الانتخابات قرب وكلن حر وعلى قولة المثل كلن عقله في راسه ويعرف خلاصه


وسامحوني عالاطاله بس والله من القهر اللي فيني

أوافقك الرأي وبقوووووووووووووووووووووه

...:)

[عاشق الفروسية]

مع كل احترامي لك سؤالك في غير محله الا اذا كنت من غير ابناء القبيله وتريد الشوشره هذا شي اخر اما اذا كنت عجمي فلا حول ولاقوة الا بالله
اذا هذا اولها لا طبنا ولاغدا الشر

[نظره ثاقبة]

أخي كاتب الموضوع الرجاء قراءة موضوع نعم ديمقراطيه.............ولكن فهو رد على سؤالك ولك منا كل احتراموتقدير