فوائد قيادة المرأه للسياره في السعوديه!

[جواهر]

لكل قضيه اكثر من زاويه للتحدث عنها,ومنها قضية قيادة المرأه للسياره في السعوديه,,فرغم السلبيات الكثيره لها إلا أن هنالك جانب وفوائد لا يمكن اغفالها!!
ومن الفوائد ما يلي:

1-اقبال الشباب على العمل في محطات البنزين والبناشر!

2-زيادة ارباح الورش بسبب كثرة الحوادث!

3-منافسة الضباط للجنود في العمل الميداني!

4-ارتفاع نسبة الشهامه لدى الشباب!

وهنالك الكثير من الفوائد الاخرى التي لا تحضرني واترك لكم الفرصه لذكرها مع جزيل شكري وعظيم امتناني,,

اختكم ...جواهر

[زبون كيمو]

سواقة النسوان حرام وانا اخيش

ولا العن من السواقة الا السايق الاجنبي

[جالس بن مبارك]

يعنى راح تساعدون على رفع الاقتصاد للدوله
وخفضه لجيب المعيل و المسؤول
شكرا لش

[هند]

ياهلا بالأخت ( جواهــــر )
مساهمة طريفــــــة

يعطيك العافية



السؤدد

[أم ثامر]

اهم فائدة لوكالات السيارات ...أكيد راح تدبل أرباحها عشر دبلات...

تسلمين جواهر على الطرح...

[محب العجمان]

كاتب الرسالة الأصلية زبون كيمو
سواقة النسوان حرام وانا اخيش

ولا العن من السواقة الا السايق الاجنبي


جاكم مفتي زمانه

اقول كل العلماء ماحرموا قيادة المراه ، و القيادة مباحه مافي دليل من الكتاب او السنه بتحريمها ، هم منعوها من باب سد الذرائع لأن مارايح يترتب عليها من مفاسد هو السبب في منعها و الإ الأصل فيها الإباحة.

و بعدين الفتوى بمنع قيادة المرأه للسياره خاص بالمملكه و لايشمل كل النساء المسلمات في العالم العربي و الإسلامي و العالم أجمع

[نبض المعاني]

الأخ زبون كيمو شكرا على المرور والمشاركه

ولكن هل هنالك دليل شرعي يحرم قيادة المرأه للسياره؟؟

لك تحياتي

[نبض المعاني]

الأخ لورنس هل الأفضل ان تقود المراه السياره أم تصبح البلد ملجأ لالا السائقين؟

اشكرك على المشاركه

[نبض المعاني]

الأخت السؤدد,,شكرا على مشاركتك

ولكن ما رأيك بقيادة المرأه للسيارة,,,رأيك يهمني جدا

شكرا لك

[ffahad]

بس اول مايسمحون بلسواقة

تسمعون اول قصة (برجس والسيارة )
مثل قصة ( برجس والباندا )
طبعا كلكم تعرفون قصة برجس

[سمو الامير]

ابن زابن عندكم سمحوا للمرأه تسوق وانتهينا


لكن في السعوديه هذا شأن سعودي


اشكر جواهر على المشاركه الطريفه




سمو الامير

[بنت العـرب]

والله سواقة المره مافيها شي

بالعكس انا اعتبرها ضروريه

بس مافي امل يخلونا هنا نسووق..انا غاااااسله يدي :D

[qataria]

http://www.al-wed.com/pic-vb/37.gif

اعتقد ان سواقة المرأة للسيارة في وقتنا الحالي اصبحت ضرورة .....

وطبعا وفق مقاييس ومعايير يعني لابد ان تكون المرأة متزوجه او تعدت سن معين تحدده الجهات المختصه.....

وسياقة المرأه اهون من وجود السايق في المنزل لما يترتب عليه من سلبيات كثيرة ......

بالنسبه لنا في قطر فتحوا مجال للمرأة انها تسوق على الرغم من وجود الكثير من المعارضين .....

ومعظم النساء هنا عندهم سايق لكن في نفس الوقت عندهم رخصة سياقة .... يعني لو فكر السايق يسافر فجأة ما تتوهق وتطلب من فلان وعلان توصيلها .....

اما بالنسبة للسعودية فلها وضع خاص هم أدرى به .....http://www.al-wed.com/pic-vb/37.gif

[كويتيه]

يعطيج العافيه جواهر

بالنسبه للسياقه.. صراحه انا اشوفهاا ضروريه.. خصوصا للمراه المتزوجه.. يعني مثلا واحد من عيالهاا تعبان والريال بالدوةام شتسوي؟؟ مثال لو تبي غرض مهم و الريال مو في البيت هم شتسوي.. انا اشوف انه السياقه مهم.. و بزمناا الحين مهمه وايد بعد م وشويه..

يعطيج العافيه

[Ebn SaiF]

السلام عليكم ..

اما بالنسبه لسواقة المره انا ما ايدها مرره ..
لكن المفروض من اخوانها ولا ابيها انهم يلبون حاجاتها و طلباتها الضروريه
يعني يوصلونها للدوام و يجيبونها .. و الحاجات الاساسيه

واما كان ابيها كبير في السن وماعندها اخوان .. فهنا مضطره انها تسوق .. لأنها في الحاله ذي مايصير تركب مع الهندي يوديها و يجيبها ..

و فوق ذا كله ماهوب معناها انها خلاص تروح على كيفها وتاتي على كيفها
وتروح بيت فلانه و علانه .. ولا تروح للسوق .. لا هذا غلط ..

تقعد تحت مراقبة العين .. والسياره ماتحرك الا للدوام بس و الاشياء الضروريه ..

واسمحيلي على الاطاله يا جواهر ..

و تسلمين على هالموضوع الجميل و المفيد ..

وننتظر جديدك

تقبلي تحياتي
Ebn SaiF