ممكن خدمه صغيره اخواني واخواتي في الكويت الحبيبه

[ام البنين]

بسم الله الرحمن الرحيم

السلام عليكم ورحمة الله وبركاتة

تحيه طيبه ابعثها لكم من المنطقه الشريقه
وان شاء الله نوينا نقضي كم يوم عندكم في الكويت وعندنا عطلة ربيع بعد اسبوعين
وحابه اسأل واستفسر عن الاسواق عندكم بس تكون الاسعار عندهم معتدله
ومتوفر فيها كل شي لان المبلغ الي معنا مره بسيط وان شاء الله رح نقضي عندكم من ثلاث الى
اربع ايام ورح نزوا اكثر من سوق ومجمع بس ياريت تدلوني على الاسواق الرخيصه وشقق مفروشه
اسعاره معتدله وتكون كمان في مكان قريب على الاسواق لان ظروف زوجي الصحيه
ماتساعده انه يطول برا
وشكرآ اختكم ام البنين

[الــخــيــال]

حياش الله اختي في دولتش الثانيه

اختي ياريت بس تقولين لي بس وين تبين تسكنين عشان اشوف الاقرب لش من التسوق والشقق

لان اذا تبين السالميه بعيده شوي وغاليه وزحمه

بس اذا بالعاشره

رخاص جدا وجميع الاسوقه موجوده غاليه او رخيص

[ام البنين]

يعطيك العافيه اخوي
والله هذي اول زياره لدولة الكويت الشقيقه
على شان كذا انا حابه اعرف منكم
على قولت المثل اهل مكه ادرا بشعابها

[فيـــصل الشمري]

مثل ما قالج اخوي على حسب المكان اللي تبينه اختي

العاشره فيها اماكن حلو ورخيصه واماكن غاليه همن

والسالميه فيها كل شي وكذالك الرابعه والجهراء

يعني اي مكان بتروحين له من المحافظات الخمس بتلاقين كل اللي تبينه

وحياج الله في الكويت :)

[(سعد بن محمد)]

ياهلا وغلا ام البنين

شوفي في موضوع بنفس هذا المنتدى بقسم السياحه والسفر

موضع اسمه دليل الكويت السياحي كل شي فيه واتمنى انش تحصلين كل اللي تبينه

تحياتي .. واذا ماحصلتيه ادخلي على النك نيم مالي وسوي بحث على مواضيعي لانه الموضوع انا اللي كاتبه

تحياتي