قال الذي يبدع على كل قافي من ضامره ياتن اريام مواليف

[تركي بن ماضي]

[قال الذي يبدع على كل قافي
من ضامره ياتن اريام مواليف

بمونسه لقم على بكر صافي
من شغل بن سكران عليه تواصيف

خله إلى ما تونس النذل غافي
وقرب دلال مثل بط مهاديف

دلال ما عنهن سنا النار طافي
بوجار من لادونهن بابهم جيف

مبرهج تسفى عليه السوافي
من رزته ما طق في ركزته سيف

وإحمس ولقم بالعجل يالسنافي
بشامية طرف لها الجمر تطريف

حماسها قرم من الغوش شافي
بهون يقلبها حريص على الكيف

وزله وصفه عن سريب المصافي
من خوفة احد قال بالكيف ياحيف

كنه إلى منه غشاه الرعافي
نثر الذهب من فوق لوح المشانيف

وإبهارها من يمة الهند لافي
في مركب تقداه زجر العواصيف

لا شفها الشفاف بين الأشافي
لكن يجذب من شفا شاربه شيف

وإن كان تزمل من طيور هوافي
عليك سد أفواهها بأشقر الليف

صبه لمن يثني خلاف المقافي
يوم الفرنجي يقذف الملح تقذيف

اللي إذا غليت شراها جزافي
ما راطله عن الدلاليل بنصيف

ونفل بها اللي بالمروات وافي
ما دور التجرات به والمصاريف

ياسامع مني علوم تشافي
خذها من اللي نافل كل عريف

دنياك لو ضحكت تراها بخافي
تبرم دواليب الشقا والتكاليف

إنهب منه من قبل ما العمر يافي
صيور ما تمسي ركابك مواجيف

وصيور عمرك ناهج للذلافي
سود الليالي تكمله بالتتاليف

إليا حصل عز مع الكيف كافي
ماني على الدنيا كثير التحاسيف
للأمير زيدان بن سلامه بن خوير من ال حماد من بني تميم أمير قفار تولاها بعد بن عمه دخيل الفارس والكريم المشهور .

وللمعلومية نار الخوره لم تنطفأ من أيام دخيل بن خوير اي قبل قرابة مائتين عام ومن اراد التأكد يذهب لقفار ويرى بعينه .

[عميره]

لا هنت أخوووووووووووي بن ماضي على القصيده الطيبه

خليت عرف أهل النفوس الضعافي ()()() ومفارق الرفيق الماشي على الكيف



عميره

[قبلةالعجمان]

صحححححححححححح لسانك


لاهنت يا تركي .............:):):):)

[ffahad]

مشكور ياتركى
على القصيدة الجميلة

[نـاصـر]

الله لايهينك علي الموضوع الجزل

ويعطيك العافيه

[سلطان بن جفن]

اخي تركي
كتبت فاحسنت الكتابه
اخترت فيا حسن الاختيار
الله لايهينك على النقل الطيب وشكر
ولعل من يرى نقلك ان لاينقل الا مثل نقلك

اخوك الصغير
سلطان بن جفن

[تركي بن ماضي]

عميره شكرا لك على المرور بمتصحفي .

[تركي بن ماضي]

قبلة العجمان شكرا لك على المرور بمتصفحي .

[تركي بن ماضي]

فهاد شكرا لك على المرور بمتصفحي .

[تركي بن ماضي]

بن هادي شكرا لك على المرور بمتصحفي .

[تركي بن ماضي]

مشرفنا الغالي سلطان بن جفن شكرا لك على المرور بمتصحفي .

[تركي بن ماضي]

والشكر موصول للأخوان المشرفين لتثبيتهم القصيدة .

[العجمي العراقي]

صح لسانك ولسان الشاعر

[تركي بن ماضي]

صح بدنك ووللمعلومية للقصيدة قصة اشرت إليها اشاره في موضوع الأمير اخو عبطا ولا مانع من سردها مرة اخرى .


في مغزى الرشيد على الجوف كان مع ال رشيد الفين ذلول مردف كلهم بني تميم وكان امير التميمات دخيل الخوير ولد عم شاعرنا الأن .


بعد رجوع الجيش ارسل دخيل الخوير هذه القصيدة لبن عمه :ـ

لاضاق صدري قمت اسوي من الكيف
فنجال بن ما يغبب سريبه
وانن بصبه كن لونه إذا شيف
سلك الحرير إلى تقاود صبيبه
صبه لممرور براسه زعانيف
اللي إلى حميت يصالي لهيبه
وثنه على الربع المقفين بالسيف
لا حل في تال التفافيق ريبه
وفينا محازمنا سواة الكرانيف
ومعنا خطاة ملضب لاح شيبه
لعيون غيد شرركة تنثر الليف
غرب عن البطحاء بجانب شعيبه
اللي نماها للمساير والضيف
يومن ولد اللاش حارب قريبه
صرنا لعدلات المناظر كلاليف
ننقض لهن ملح الشفا كل عيبه

وسلامتكم .


طلب لو كان المشرف ما عنده مانع :ـ

ان القصة توضع في بداية المشاركة وتنسق قصيدة دخيل الخوير حتى يكون الموضوع متكامل شاكر لكم جهودكم والله لا يخلينا منكم .