سالم العظيمان
09-04-2009, 06:49 AM
الســلام عليـكم ,,
صبحكم/ مساكم ... الله بالخير ,,
هذه قصيدة للشاعر
فلاح بن مبرد الحميداني المطيري
والقصيده عن ( الخيــل ) ... شاف له خيل محملها راعيها على ددسن
و الشاعر يشوف المنظر و جلس يقارن بين المنظر هذا و ماكانت عليه ايام الاباء
والاجداد وما كان لها من مقام و عزه في نفوس اهلها واكرامها وكان لا يستطيع
اقتناءها إلا خيرة الرجال الفرسان !!
فكتب هذه القصيده ,,
.
.
.
http://alajman.net/up/uploads/426eec28c2.jpg (http://alajman.net/up/)
يامـا نقلتـي مـن سـلالـه وسـلّـه
صنـع الفرنجـي والعيـال المداهيـش
تغذْيـن مـع شـولٍ تباريـن جـلّـه
ليا جا من الضـدّ المجـاور ختاريـش
لاصاح صيّاح الضّحـى وفزعـن لّـه
جـرد السبايـا مـع زراج النشانيـش
يجـنّ ايديـهـن يطـرقـنّ الأجـلّـه
ضرب الحوافـر مثـل دقّ المهابيـش
لاباينـن مـع راس حـدبـاً مطـلّـه
وشيف السّلف قد شرعوا به هل الجيـش
ورداً مثـل ورد القطـا واقبلـنّ لّــه
وكثرة صوايـح ناقضـات العكاريـش
ينخـنّ شغمومـن علـى عـادةٍ لّــه
عليه جوخـه والمـزرّج غلـب ريـش
ماقـطّ شافـوا لـه بالاكـوان ذلّــه
ينطـح سهـوم مخالفـات النواتـيـش
وتواجهـوا كـلٍّ علـى ماحصـل لّـه
بيـن الفـزع ومدوّريـن المعـاويـش
وعندك خبر من هاش مـن دون حلّـه
ماينطحه بالهـوش حمـر الطرابيـش
يقلط على الصّابـور * لعيـون خلّـه
لوقدمـه ( العجـمـان ) والا الحناتـيـش
هـذاك هـو دورك وراعيـك حـلّـه
ليا وصلـوا المظهـور والا القناطيـش
واليـوم لـك مابيـن ددسـن وفـلّـه
ما انشدك عن راعيك ركضك على ويش
* الصابور ( هي بلهجة الشاعر ) و يقصد ( الطابور )
.
.
صح لسانك يا ابن مبرد :)
وسلامتكم !!
صبحكم/ مساكم ... الله بالخير ,,
هذه قصيدة للشاعر
فلاح بن مبرد الحميداني المطيري
والقصيده عن ( الخيــل ) ... شاف له خيل محملها راعيها على ددسن
و الشاعر يشوف المنظر و جلس يقارن بين المنظر هذا و ماكانت عليه ايام الاباء
والاجداد وما كان لها من مقام و عزه في نفوس اهلها واكرامها وكان لا يستطيع
اقتناءها إلا خيرة الرجال الفرسان !!
فكتب هذه القصيده ,,
.
.
.
http://alajman.net/up/uploads/426eec28c2.jpg (http://alajman.net/up/)
يامـا نقلتـي مـن سـلالـه وسـلّـه
صنـع الفرنجـي والعيـال المداهيـش
تغذْيـن مـع شـولٍ تباريـن جـلّـه
ليا جا من الضـدّ المجـاور ختاريـش
لاصاح صيّاح الضّحـى وفزعـن لّـه
جـرد السبايـا مـع زراج النشانيـش
يجـنّ ايديـهـن يطـرقـنّ الأجـلّـه
ضرب الحوافـر مثـل دقّ المهابيـش
لاباينـن مـع راس حـدبـاً مطـلّـه
وشيف السّلف قد شرعوا به هل الجيـش
ورداً مثـل ورد القطـا واقبلـنّ لّــه
وكثرة صوايـح ناقضـات العكاريـش
ينخـنّ شغمومـن علـى عـادةٍ لّــه
عليه جوخـه والمـزرّج غلـب ريـش
ماقـطّ شافـوا لـه بالاكـوان ذلّــه
ينطـح سهـوم مخالفـات النواتـيـش
وتواجهـوا كـلٍّ علـى ماحصـل لّـه
بيـن الفـزع ومدوّريـن المعـاويـش
وعندك خبر من هاش مـن دون حلّـه
ماينطحه بالهـوش حمـر الطرابيـش
يقلط على الصّابـور * لعيـون خلّـه
لوقدمـه ( العجـمـان ) والا الحناتـيـش
هـذاك هـو دورك وراعيـك حـلّـه
ليا وصلـوا المظهـور والا القناطيـش
واليـوم لـك مابيـن ددسـن وفـلّـه
ما انشدك عن راعيك ركضك على ويش
* الصابور ( هي بلهجة الشاعر ) و يقصد ( الطابور )
.
.
صح لسانك يا ابن مبرد :)
وسلامتكم !!