السَبر
05-04-2009, 02:02 PM
قالوا تليّن.. قلت وجدي على النوم=وين الكرى والهم .. نجري يدنّه
كني سجين .. من ورى الباب مظلوم=بروق المزن لاقادحن .. يبكينّه
وجدي على شاصن من العيب معدوم=وجد الغريب .. اللي همومه نصنّه
أبيض بياض الثلج .. والخط مرسوم=ينسي حزين القلب هم يكنّه
لا أقبل زعيم ناوين له على قوم=ولا أقفى.. إمام يطلب الله يحنّه
منصاه ذودن شعل .. مع ربع قروم=يجلون هم اللي هجوسه .. وطنّه
ومنصاه عودن للصعيبات زيزوم=يازين صوته لاندبهن .. وجنّه
لاطالت الشدّات .. صلّابة عزوم=شدّات قبل أمسن.. بيوم أفهقنّه
يازين مشين في طرفهن.. ولوا يوم= يبري جروحن بالحشا .. مرجهنّه
في خايعن توّه .. من الخير موسوم=يازين شوف أزوالهن .. يرتعنّه
يالله أنا طالبك .. يامنشي غيوم=إنك تسوق المزن .. جو رعنّه
هذي طرات الشاص.. لاصرت مهموم=وهذي طرات العمر .. والموت سنّه
نغيمش بن خالد بن مصرقع
كني سجين .. من ورى الباب مظلوم=بروق المزن لاقادحن .. يبكينّه
وجدي على شاصن من العيب معدوم=وجد الغريب .. اللي همومه نصنّه
أبيض بياض الثلج .. والخط مرسوم=ينسي حزين القلب هم يكنّه
لا أقبل زعيم ناوين له على قوم=ولا أقفى.. إمام يطلب الله يحنّه
منصاه ذودن شعل .. مع ربع قروم=يجلون هم اللي هجوسه .. وطنّه
ومنصاه عودن للصعيبات زيزوم=يازين صوته لاندبهن .. وجنّه
لاطالت الشدّات .. صلّابة عزوم=شدّات قبل أمسن.. بيوم أفهقنّه
يازين مشين في طرفهن.. ولوا يوم= يبري جروحن بالحشا .. مرجهنّه
في خايعن توّه .. من الخير موسوم=يازين شوف أزوالهن .. يرتعنّه
يالله أنا طالبك .. يامنشي غيوم=إنك تسوق المزن .. جو رعنّه
هذي طرات الشاص.. لاصرت مهموم=وهذي طرات العمر .. والموت سنّه
نغيمش بن خالد بن مصرقع