نزولا عند رغبه الاعضاء اقدم لكم فيلم برجس لكم حصريا

[جالس بن مبارك]

طبعا نزولا عند رغبه الاعضاء اقدم لكم فيلم برجس لكم حصريا





اضغط عاالرابط وادعيلي

















بس لحظه؟؟
فكرت لو انه هذه اختك شنو راح يكون موقفك؟
ادري راح تقول اوووووووووووه هذا اللي يبي يخرب المزاج او هذا اللي يبي يتفلسف فوق راسنا
بس اخذني على قد عقلي وتخيل معاي وتخيل انه فيلم برجس هذا فيلم عن اختك لاسمح الله ولا يبلى المسلمين
راح تعصب؟
راح تبكي؟
راح تنعزل؟
راح راح راح ؟
راح تصير اشياء كثيره
طيب لييييش؟
لانه مئات اذا ماقلنا الوف راح يطالعون عوره اختك وشرفك
هذا بغض النظر انه اختك على علاقه بشاب وتأثيرات هذه العلاقه على العايله
طيب ماسألت نفسك ليه انت فاتح رسالتي؟
اي انت؟
تبي تقول تتسلى؟
راح ارد عليك واقول اعراض الناس لعبه؟
طيب ليش ترسله لربعك؟
تبي تقول نخدم الشباب ونعطيهم الجديد
راح ارد عليك واقول هل شرف البنت صار مسج عن طريق الانفراريد او البلوتوث او حتى ايميل؟
ادري ادري
انا الفيلسوف
انا اللي مسوي روحي ملاك
انا الصفحه البيضه في كتاب كله سواد
بس لاحظ
اني ماعطيتك ايات اواحاديث
تدري ليش ؟
لاني مابي اعطيك انطباع على اني شيخ او امام(وانا طبعا افتخر لو اني اصير شيخ)
انا شاب عادي
ويمكن خربان اكثر منك
ولاتعتبر هذا الكلام وعظ او نصح
هذه مجرد فضفضه من قلبي
من اللي شفته
جوال
ايميل
فيديو
ياخوك فضايح مالها اول من تالي
عسى الله لايبلي المسلمين
وانا اتوقع السب والشتم من بعض الاعضاء
واخر كلامي

عسى الله لايفضح كل اللي فضح احد
فنان
مطرب
او شخص عادي
واللي قاري رسالتي يقول امين
واعذروني على طول الرساله

منقووووووول

[هند]

الحمدلله ولاشغل بالى ، لا الفيلم ولا الحدث اللى صار
ولاسعيت إنى أقتنيه أو أشــوفه
ولولا منتدى العجمان ماعرفت بالسالفة أصـــلاً

الله يستر على أعراض المسلمين ، ومن تتبع عورات الناس
فضحه الله وهو في عقر داره

الأخ القدير ( لورنـــس )
جزاك الله خير



السؤدد

[جالس بن مبارك]

شاكر لش مرورش
وتعليقش
وابرك لش انش صاده
من ذا الامور

[qataria]

جزاك الله خير على موضوعك .....

ودائما اكرر لمن تحدثت معه عن هذا الفيلم ..... يجب ان لانسب او نشتم او نضع اللوم على أحد الطرفين لانهم في حال لايعلم به إلا الله عز وجل ......

يجب ان نقول ......

اللهم انا نسالك العفو والعافية في الدنيا والآخره ، اللهم انا نسألك العفو والعافية في ديننا وأهلنا ومالنا ، اللهم استر عوراتنا وآمن روعاتنا واحفظنا من بين ايدينا ومن خلفنا وعن شمالنا ويمننا ...... اللهم آمين ....

[قبلةالعجمان]

لورنــــــــــــــــــــــــــس

لا هنت يا خوي على موضوعك ..........


والله يعطيك العافيه :):):)

[جالس بن مبارك]

اللهم انا نسالك العفو والعافية في الدنيا والآخره ، اللهم انا نسألك العفو والعافية في ديننا وأهلنا ومالنا ، اللهم استر عوراتنا وآمن روعاتنا واحفظنا من بين ايدينا ومن خلفنا وعن شمالنا ويمننا ...... اللهم آمين ....
شكرا لش يا القطريه على المرور
وجزاش الله خير

[جالس بن مبارك]

ولا انتى يا
قبلة
العجمان
والله
يعافيش

[كويتيه]

يعطيك العافيه اخوي لورنس..:)

والله موضوعك حلوو وو مهم للشباب اللي يطرشون ويفضحون بنات خلق الله..


والله اني مثلج يا السؤدد.. ولا همني ولا حتى فكرت فيه..

لك مني كل التحيه

[جالس بن مبارك]

يا مرحبا بش يا
كويتيه
اسعدتنى زيارتش
شكرا لش