رايكم يهمني

[بنوته كيووووت]

السلااااام عليكم ورحمة الله وبركاته

صباح الخير عالجميع

أخواني أعضاء وعضوات هاذا المنتدى الجميل

حبيت آخذ رايكم بشغله بسيطه


أختكم باديه تتعلم السواقه وبغيت شوركم بنوع السياره إلي تنصحوني أشتريها

لأني بصراحه محتاره

أحد يقول أخذي سياره صغيره على قدش وأحد يقول أخذي الجيب عجيب بس أحس الجيب كبير شوي علي بما أني توني في البدايه

بصراحه أنا عجبتني الأكاديا من جمس بس والله محتاره ألحقوني بنصيحتكم وأكون شاكره



ولكم أرق وأعطر تحيه

[محمد بن جنيد]

وعليكم السلام
صباح النور

والله كانش جديده او ( عليميه )


انصحك بسياره صغيره او متوسطة الحجم

وعلى حسب النوع اللي يريحك بالاستخداام

من ناحية ( حجم السياره - نوع القير - الخ .

[محمد بن خزيم]

احلى سياره للبناات كيا

[برقع صقرين]

أقول ما لك إلآ كادلآك سكاليد :p

لون وردي هذا جناااااااااان:)

[ياحبني لش]

شاص لون وردي


يطلع منظر

[فهيد بن صبيح]

انصحش بجيب براادو يصلح للبنات

او كامري وما شبهها من السيرات

وانتي شوفي الي يريحش من المواتر واخذيه

[عاشقة الكويت]

وعليكم السلام ورحمة الله وبركاتة


الجيب يصلح للبنات بس يكون صغير مثل : انفي / هوندي / برادو / باجيرو ..... الخ .


وبتوفيق خيتوووو والله يعطيش خيرها ويكفيش شرها :)

[Faris]

أجري سياره اجار سنوي دامش توش تسوقين

وعقب سنه لاشفتي نفسش متمكنه من السواقه

اشتري السياره اللي تعجبش