خـــــــ روووح ـــــلوة ..

[نمران]

متصفح متواضع يعنى .. بنزف شعوري

وان شاء الله تجدون بين طيات ما أبوح به .. مايرضيكم

وسيكون متجدد بأذن الله تعالى


..


تنويه : كل ماسأضعه هنا من كتاباتي الشعرية

[نمران]

من سمعت ان الغلا والحـب والعشـره تهـون = وآنا من بين المخـاوف والشكـوك والاعتقـاد
لا انام .. ولا هدا .. وطعون .. تقفاهـا طعـون = وكل مالديت عيني شفـت لـي جـرح وسـواد
هل صحيح اللي سمعت ?! وهل من الممكن اكون = بعد ذاك الحب والعشـره مثـل باقـي العبـاد ?!

[نمران]

,,



من كثر ماتذرف عيوني .. من الياس = احس كن الاطلـــــــــسي صـب فيها !!

ضايق ومـدري في فراق اجمل الناس = ابكي على نفسي !! او اضحك عليها !!

[حـــوران]

نمــران

الله لايهينـك على تحقيـق أمنيتي في المنتدى , واللي هي إفتتاح متصفحك الخاص اللي بكون أول متابعينه من بعيد لـ بعيد :)


موضوعك يجبر على تسجيل التواجد , صح لســانك قبل وبعد

ولاتسج من وصيتي ;)

[حــروف الحــب]

\
/


نمــران

ويينك حنا بنتظارك

:)

[نمران]

اشووف نكك بيــــنـــــهــــــم وآتأملــْــك = وابحر مع مرسى غلاك وحـــنيني
اتابع ردودك واقبــــــــــّـل تواصـــــــلـْك = في نك زائر خوف (لـ) تحـــس فيني !!
رغم اني اتجاهلْك واشـــــــــعر تجاهلْك = احس فيه شعور بينك وبيــــنـي !!
ويوم(ن) سمعت ان اصدق الشوق يقتلـْك = شرّعت لك جوفي وقلــت اقتليني !!
لكن قبل لاموت انـــــــا ودي اسألْـــــك = وشلون عيني ساكنه وسط عيني !!

[نمران]

ابداء رأي لا اكثر :)




قال انا آدوس الزهـــــــر .. قلت وين المشكله .! = كل ماتــجلس تحــوّل مكانــك نرجس
قال اجل كيف الطريقه ؟ .. ضحكت .. وقلت له: = كان ماتبغي تدوس الزهر .. لاتجلس .!

[ترف الصبـآ]

واصــــــل

[نمران]

حوران مرحبا ومسهلا مليون .. وماني على طور هالمديح الله يطول عمرك ..
وابشر باللي يسرك ان شاء الله .. وابشر ماسجيت :)
ومرحبا والله اني صادق كل مره ..
تقديري لمرورك

[نمران]

حروف الحب

شكراً لمرورك ..

[نمران]

رشيديه والقلب عجمي


ابشري ..

[نمران]

,,




قد قلت لك (ل)تروح لي فيك حاجه = محتاجلك .. واحتاجلك بس (ل)تروح
قد قلت لك والدمع عز اندراجه = لخطيت سامحني .. والى خطيت مسموح
قد قلت لك خلك ضحية مزاجه = وقّف معي واصبر .. مني ناقص جروح
وبعض الجروح تروح فأول مواجه = وبعض الجروح .. ان راحت الروح (م)تروح

[وكيل آدم]

واصل متابعينك

[نمران]

وكيل آدم
مرحبا بك

[نمران]

..


لا تبيعني قبل تدري ويش انا قايل = ابخسني اول وعقب ان بعتني بعني .!

[نمران]

http://alajman.net/up/uploads/fa65feec41.jpg (http://alajman.net/up/)





كانك تبي شـوف المحـب وضياعـه .! = وشَوف انكساره .! شِوف وشلون قاعد .!
ان كـان ذا حالـي لتأخـرْك ساعـه .! = وشلون اجل حالي عقب .. منتباعـد ؟!!

[محمد بن خزيم]

الله لا يهينك

[نمران]

ولا يهينك

[نمران]

,,




قد قالو النـاس والشعّـار مـن قبلـي = الإذن تعشـق قبـل العيـن .. أحيـانـآ
ولكن التـي لـن تحـدث ولا حدثـت = أن يعشق الإنسان من ( نك ) إنسانآ !!

[نمران]

:




لعبت في نفسي وضيّـــــعت روحي = ادوّر الــــــراحه .. وعيــيت لرتاح
وماني بداري ويش حطم طموحــــــي = ايلين صرت انسان لاجا ولا راح!!




:

[نمران]

’’



استحل فوادي بـــكل انفعال = وان لقيت انسان غيرك .. فجــّره
و (ل)ستحليته فقد هو لك حلال = اسكنـــــه ولا بــــــعه ولا اجـره .!

[نمران]

""




قلبي سرى لك وخلاني وانا ابكي عليه = لان قلبن نزل لك وين عاد احمله ؟!
كانك قبلتـيه مافكــــــــــــر يعود لذويـــه = وان ماقبلتيه فانا مستحيل اقبــــله !
لكن لشفتيه ماله شخــص يلجــا إليــــه = تذكري انه علشانك سرى من هله
واذا يضايقك شوفه فوق لارض اذبحيه = وانا بساعدك في دفنه وفي مقتله !!

[نمران]

‘‘




لبيه ياصوتاً يفج .. المحاني = اخاف اجيك وتنطفي نار الاشواق
لذا افضل .. ما تعدى مكاني = احلى شعور الحب لحظات .. الاحراق
انا اتلذذ بالحريق (ف)كياني = توغلي في كل مالي من اعماق
وخلي الدمار يعم .. الا حناني = حاجه تخليني الى غبتي اشتاق
وحاجه تدخل جونا .. جو ثاني = جواً جنوني من دخل فيه .. ما فاق
رومنسي . وهادي . وصاخب . واغاني = ومتجرداً من بعض الاشيا .. والاخلاق
زيدي بنارك نار لين .. تغشاني = بغمض عيوني من النار .. وانساق
ما تلاحظين اني من ايام اعاني ؟! = ما غير اخط النزف في بيض الاوراق .!

[نمران]

باك :)




تفجــّـر ضلوعي غــــــلا لاتكلمت = وتطاير اسراب النحل من شفاتك .!
اللي اعـــــــرف اني بدونك تألمت = واللي اعرف اني (مـ)خنت بوصاتك
واللي اعرف اني (فـ)بعدك تعلمت = انك حياتي بس وآنا حـــــــــــياتك!!

[نمران]

,,


آرب جوّش عدل !؟ ولاهوب مضغووط !! = اوشحالش !؟ وأربش بخير !؟ وسعيده !؟
عنــّـي انا طيّب .. ورايق ومبسووط = وعلى وشك ابدى .. علاقه جديده !!

:)

[نمران]

,,


اقولك بدري .. الى جيت تسري = ومهما عطا وقتك .. لوقتي ماكفى
تدري متى لا رحت ماهوب بدري .! = لو انك تجلس معي .. لين اتوفى

[نمران]

,,


كرّهتني في كل الاقسام .. شفـــ(لي) = حاجه تكرهني بعد (خـــلوة الروح)
احس كن الصمت قــــام يأزفــــ(لي) = ألحق .. قبل لالم الاعضاء وآبــوح
الى متى باللــــــــــــه ماتعترفــ(لـي) = هل تحسبً الله عطاني عمر نوح ؟!

[نمران]

اممممم ..
كتبت في بداية هالمتصفح ان كل ماسأكتبه سيكون من كتاباتي انا .. وصراحة ماكنت متوقع اني راح اكسر هالقاعده .. الى ان دخلت متصفحات الاخوان والاخوات واستوقفني الكثير مما كتب .. وراح اضع مشاركتين استوقفتني ربما لشيء في نفسي :) .. وللاسف اني لا اعرف لمن هي من الشعراء :)


لاضما قلبي عليك ومالقيتك ~ وين ينبـاع صوتك واشتريه !؟


,,
تـــدري !! وش الـلـي يــقـتـل الـح ـــب بسـكـــات
لاصــرت فــي بـــوحــك تـــحـــس بـمــــذلـــــه

وتـــدري !! وش الـلـي يـكـسـر الـظـــهـر حـزات
لامـن عـطـيت احــســـاس مــاهـــو مـــحــلــه

وتـــدري !! مـتـى تـستــاهـل الـطــعـن مـــــرات
لا مــن خــطـيـت الــدرب وانــتـه تــدلــــــــــه

[نمران]

,,


تقسى علـــي ,, واتحمّـلك ماهو علشاني أسير = اتحمّلك ياســيــــــــّدي لانك فعيني ,, ملك
من علمك تكبر بقلب انسان , في قلبك صغير ! = ومن علمك تتجاهل اللي ماقدر ,, يتجاهلك ؟!
ومن علمك تسهر (..) ,, وتنام مرتاح الضمير ! = اللي لو أّن زعلك حياته , كان مات ولزعلك !!
على العموم اشتقت لك , واغليك , وآحبك كثير = ليتك تعرف شقد حبيتك,, وكيف اشتــقت لك!!
مالي هروبً من عذاب امحبتك , ولا مطـــــــــير = لاني صرت استشعرك فـركان جوفي واحملك
غلاك ماتتصوّره ! صوّرته فبيتـــــي لاخيــــــر = تصوير لو تتخيــــــــله عرفــــــــــت كيف أتخيلك
شفت الفلك ! وكبر الفلك !! لاجا مع حبك يصير = اصغر من الذره الى جات في جنب الفلك .!

[نمران]

صباح السهر ..


ودي معاك أسهر عمر ,, لو تكـــرّمت = لين تحدا لاقدار روحي على الحتـف
وان ماقدرت اصبر ,, فـ ودي الى نمت = انام بين ايديك نومـــة هل الكهــــف

[نمران]

,,


اربع مصادر ,, في بقاء الطبيعه = انتي , ولاكسجين , والضوء , والما

[نمران]

,,


لو عدتها ثاني وش اللي بيجري .! = يصبح غلانا ارض وفــــــراقنا قصف !!
قصفً (مـ)يترك ود بالعـــرق يجري = انا صفـــيت بحبنا العذب وانت اصف !!
ليلة وعدنا اشتقت واشتاق عطري = وجينا (مـ)يوصف فرحة اشعورنا وصف
وحطمت فرحتنا وضيــّـقت صدري = وقام يعصفني الحزن من صدمتك عصف
لخلفت وعدك طافني نص عمري = يعني انتبه قد راح نصف وبقى نصف !!

[نمران]

http://www.alajman.net/vb/showthread.php?t=62675
^
^
من قديمي في المنتدى .. عسا ان يحوز ولو على بعضاً من الاعجاب ..

[نمران]

,,

لولا القّيم في نظرتي والمبادي = حذفت روحي عند دربً تمرّه !!


متى مازاد هالبيت جبتها هنا .. وان شاء الله مايزيد :(

[نمران]

,,


ارتحت واللي صوّر اقبالك ارتحت = وهدّيت روعي .. كثر الله خيـــــرك !!
انا ادري انك فاهمً يوم .. لمحّـت = (ف)جرني من التجاهل الله يجيــرك !!
جيتك وانا متحطمً كلي .. وصحت = ضايع يبي ماواك وانت وضميـــرك !!
و غلـفت قلبي بالشمع لاحمر ورحت = ومن يومها ماعاد حبيت .. غيرك !!

[نمران]

,,


البارحه في الدوحه .. وقلبي صرفته للكويت = وامسيت لو هو في يدي مامسيت .. قبل آصلها
ما اقدر اوصف لك شعور البارحه .. مهما حكيت = لكن عليك اعظم سلامات الشفا .. وآجلها


:(

[نمران]

,,


نعّومةً ماتمشي الا تحت ظل = لو جاتها اشعّة الشمس ذابت !!
ووردية .. بأنفاسها يزخر الفل = امنين (م) تقدّم عمرها تصابت !!
روحي لها تشفق وتظما وتعتل = وعيني لها من صادق الشوق شابت


:)

[نمران]

ترى الساعه وحده وعشر .. يعني بدون تعليق :)


طابوق زحليقه مشاخيط كرتون = خرفان سادات اشمعه كيف اخشش !!
قالت تكلم عدل وآقول وشلون = وانتي من يشوفش من الناس حشش !!

:d

[نمران]

,,


لك الله جيت ادور عنك من ظلمه الى ظلمه = واشوفك بعد ماشفت الشقا وتقول وش جابك ؟!
لو اني ماتلحفت الصبر .. وآمنت بالقسمه = تحدّر كبرياي .. وطحت من طولي على بابك
تعلمني وش الرحمه .! وكنك تعرف الرحمه .! = انا مانيب في حاجة اعلومه .. علّم اهدابك

[نمران]

وجهة نظر .. لا اكثر


البنت لغزاً .. ما يحله كلامك = وجهة نظر تحمل تساؤل : تُرى هل ؟!
اللي يليّنها عليك : انتقامك ؟! = واللي يقسّيها عليك : التساهل ؟!
واللي يكبّرها عليك : اهتمامك ؟! = واللي يورّدها عليك : التجاهل ؟!

[نمران]

!!


جرحتيني ولجروحي طلايب = سوى انك تقصدين او ماقصدتي
انا ماهمني ويش السبايب = ولكن همني ويش استفدتي ؟!

[نمران]

..


آتخيل فتاة احلامـــــــــــــــي اللي تبـــــيــني
.................. ويوم نامت عيوني شفتها في منامي !!



قلت شسمك ؟؟ بدون احـــــــراج يانور عيني

قالت : اسمي مشاعر
قلت عاشت لاسامي !!




قلت من وين ؟؟
قالت من مدينة حنيـــــــــني !!

قلت في وين ؟؟
قالتــــــــــ في مجرّة غرامـــي !!


قلت كم عمرك ؟؟
و قالت كثر من يبيني !!

قلت فحدود ؟؟
قالت فالخيـــــــــــــــــال امترامي !!



قلت موتي منيش ؟؟
وقالت على يديـــــــنــــــــــي !!

قلت وش موقعك فالحسن ؟؟
قالت لامامي !!








واحتوتني بـ جواً ماحلم يحتويــــــــني !!
...................... واتغشاني شعوراً مثل مد اتسونامي !!
واغمرتني هزيمه بين نفســـي وبيني!!
...................... وآنا عارفن نفسي مـ نيب انهزامـــي !!
وخفت منها وخافت كل الاشياء فيني!!
...................... ويوم حسيت بالريبه وبردْت اعظــامي !!
شلت قلبي وضمــّـيته بكلتا يديـــــــني !!



قالت اشفيك ؟؟؟؟؟
قلت آشم ريحة :




























^






(حرامي)!! :)

[نمران]

غريب .. :)



غريب ماسوت امريكا لعينك حصار = وانتي عيونك بها تخصيب يورانيوم


;)

[نمران]

,,


بين السهر والليل والشعر والطرس = والجرح والاشواق والورد والتوت
واسلوبك الناعم .. وتفكيرك الشرس = ابفقد انفاسي على ايديك وآموت

[نمران]

يالله .. يالله ..
اللهم ارحمه وارحم موتا المسلمين ..


يالله لفو والـــــــــــدي فبيـــــض لاكفان = فمد له مد البصـر روضه ونور
ونزّل عليه من السكــــــــــــينه ولايمان = اللي يهدي الروع لانفخ فالصور
واستر عليه الى عرض لانس والجان = وارحم وقوفه بين اياديك مكــسور
يومً ماينفع فيه لانسان لانســــــــــــان = مافيه احد من ماخُلق عنده اشعور
واجعل نصيبه منك روح(ن) وريحـــان = ومسك واكاليل(ن) ووَردً وكافور
وانهار وقصـــــــــور وارائك وولدان = وسندس(ن) خضرً وأستبرق وحور
واكواب مصفوفه وللولو ومرجان = وفضه وياقوت وزبرجد وبــــــــلور

[نمران]

,,


شف كل ضلعاً من ضلوعي فارده = كأنك اطبّق علي .. (فرّق تسد)
وهذي سياسه فـالحروب البارده = ماهيب تستخدم على انسان وجسد

[نمران]

لا احد يدقق :) .. للمره الثانيه



نواف يانــــــــــواف دوّر لي اسعــاف = بطيح من طولي عليــــــك وبوقـــــّع
ذكرت لي طيفً مـهو مثل لاطياف = طيف الهنوف ام القوام الم.......!!
شيً من الدقـــــّـه معد هو بينشـــــاف = وشيً من النعمه قده بيــتـفقــــــــــّـع
ومن زيــــنها ماتعرف اتغار وتخــــاف = كنها على زين البنـات اتخقــــــــــّــع
في كل صبــــح بعودن امبخـّـر اتحاف = وفي كل ليل بدهن عوداً تنقـــــــّـــــع
وراحت واقول ان ماعلى حالي اخلاف = وقد له ثلاث اسنيــن وهو ماترقــّــع !!

[نمران]

لا اعرف لماذا .. او ماهو السبب !! :(



ويلي على اسوي اقتباس لـردك = واكتب : (هُـنا قد دُمرت حياتي)!!
لكن ترى اللي يردني ويــــــردك = ماهو بمشـهاتك ولا مشهاتــي !!

[نمران]

مرات لا كلام ولا شعر يريحك ..

اجل وش السواه ؟!

:(

[نمران]

,,


لو كان لي ضلعاً على الفرقا متين = ماكان ذا طبعش .. ولا ذا بسنعش
لا تسأليني ليه انا غلق .. وحزين = من يوم رحتي راحت افراحي معش

[نمران]

اي والله ,, اغلى الخلايق :)


دامك اعز الناس .. واغلى الخلايق = لا يغرك الكون .. اتّساعه وكبره
دمعك لـهل .. وخاطرك لا تضايق = يصير فـعيوني .. مثل خرم الابره

[نمران]

وجهة نظر تخصني وحدي .. ويمكن ان تكون نسبة الخطأ فيها كبيره :)



البنت ماهو يهمها الرجل لا هفا = ميهمها رجال .! ماهوب رجال .!
ميهمها الاخلاص والصدق والوفا = ايهمها ياسلوب يازين يامال

[نمران]

مازلت اكتب في نفس الاطار :)



كم من ثقيلً فالرجال اصــبح خفيف = وكم فقــّـرو اللي غنيّ من الاساس
وكم من قويً فالرجال اصبح ضعيف = وكم طيــّـحو من عالي الهامات راس
والله والى سموهم الجنس اللطيف = انهم وحوشً يعشـــــقون الافتراس !!


:)

[نمران]

,,



لولا طعونك كان موتي على يديك = لكن طعــــــــونك كرهتني بك شـوي !!
تزعلـّـني وفي قمة الزعـــل اراضيك = وتصلاني بظلــــــمك وانآ اصير لك فيّ !!
ومدري ابـــــــصبر معك ولا بخليك = معك ولاشي ..!! وبدونــــــــك ولا شي !!
اعيش واتنفس وانا ميّــــــــتً فيك = قد شفت عمرك شخص ميّت وهو حي ؟!

[نمران]

السهره معك غير .. بجميع المقاييس :)


سهره معك تعني .. جنون الاثــاره = قم فل شــــعرك فالخفوق وتبختر
قربك يذكرني قياس الـــحراره = ومشيك يذكرني بمقياس ريختر .!

[نمران]

واحد من الربع دز لي ثلاث ابيات من باب المداعبه :) .. بعد ماشافني انا و ثنين من الربع في كوفي شوب في مجمع فيلاجيو التجاري .. ورديت عليه بربع ابيات من باب المداعبه كذلك :)


قال :


فيلاجيو .. فيه الثلاثه يصيدون = والعذر .. قهوتهم تراها عجيبه
لا يحسبون الناس ماهم بيدرون = انهم على البنت المطرف مصيبه
خصً الى من مر خطوات مزيون = محّق زمانه .. يمكن يطر جيبه


قلت :


فيلاجيو .. فيه الحزانا يسجّون = من الحزن .. ومن الحياه الكئيبه
كوفي .. سواليف وتفكّار بعيون = ويجيب له شيً (م)غيره يجيبه
آخير من مجلس يقال ويقولون = وسوالفً فيها المكارم غريبه
أخفهم ذنبً الى جاو يسرون = اماسرى ابّهتان والا بغيبه .!


:)

[نمران]

’’


قد قلت لك خل الثـــــــقل والتغلي = مابيك تلعــــــــــب بي وانا فيك مفتون
اقعـد ثلاث ايام لاتــــــــتصل لي = كانك تحب تشوف لك شخص مجنون !!

[نمران]

,,


يافاتنً لبس الفتن والمغريات اللبــاس ثوب = ورى متضفي فوقـــها من رحمة العشّاق شال ؟!
اجلس على بابك واوقــّـف والتفت لك كل صوب = ومن كــثر ماقـــــف عند بيتك صار ماحالي بحال
فكرت في حل الهروب وفعلاً اعلنت الـــهروب = واجنبت من بيتــك جنوب وجـيت بيتك من شمال !!
واشملت بهرب من جديد وجيت بيتك من جنوب!! = واربع ليالي شوفـــني ماغير عنـدك رح تعـــال
اثر الغرام اتسوق الاقدام ماهيب الــــــدروب = واثر الدروب اللي مهيب ادروبك ادروب المحال !!
حتى الهبوب انكانها ماجات من صوبك هبوب = مبغى آتنفسّــها ولو تحمل من الجوري اجبــــال
واربع ليالي مضحيً والشمس ماتنوي غروب = اثر اللي اشوفه سنا شعــاعك من اربع ليـــــال !!

[نمران]

الساعه ثلاث .. والفهيم يفهم :)


يمكن كثير الناس تحتاج للـــــــناااس !! = ويمكن مرض دكتور يحتاج دكتور !!
ويمكن اهل الاحساس تحتاج لاحساس !! = لكن (مـ)عمر النور يحتاج للنــــور !!

[نمران]

:(




يامتعس البارح .. ويامتعـــس اليوم = اصبحت نادم .. مثل ممسيت نادم !!
اثني على نفسي .. ولاالحقتها اللوم = واقول ولـّى الشر .. والخير قـــادم
يوّيه .. وين الخير مني .! وياقــــوم = وآنا شرور الارض .. فوقــــي تردام
مافيه ابن آدم من الذنــــب معصـوم = وانكانـّي اذنبت .. فانا بنــــــــآدم !!

[نمران]

قرّر ..


كانه تغلي (ف)انت غالي .. ولا زلت = وكانه تكبّر شوف لك شخص ثاني !!

[نمران]

:(


ليلة رحيلك لسى ماهانت .. علي = مرت ثلاث سنين .. كنها البارحه !!

[نمران]

,,


كل يوم وانتيّ احسن مـْن امس وآنا = تدهور اوضاعي .. مع مر الايام !!

[نمران]

كما هي .. :)



عازفً عن طريق الحب .. وآنا مصيب = ومن يحب الحبــــــيب فلا يدوّر .. حبيب
الحبيب الرسول وكان عندك شريكه = نصف دين وحيــــاةً مشرقه ماتغيب
يغفر الله ذنبً اقترفته شـــــــــــباب = قبل اطلـــّـق دروب اهل المحبه .. واشيب
لذ ّته راحت اوزّره بقى للــــــحساب = ومن عملته وانا استغفر ألاهي .. وانيب
يعفو الله عن ماراح واللي ماراح = كلها تـــحــــــت رحمة من علينا حسيب
بس قد لي من دروب المحبه سنين !! = وآتمتع بســــــــــــــــاليبي بعون الرقيب
اعطي الطفل جوّه .. واعطي الكهل جوّه = وطيـّـب وكل ماشـــــــفت الردى زدت طيب
ويوم انادي .. وجاوبني الصدى قلت ويحك = ما لصوت الرعد غير الصدى من مــُـجيب !!
ناد واصهل وزد صوتك صهيل وشجاعه = وضع سلاحك الى جاك ابن عمك حريب !!
كان ماهوب لجله .. لجـــــــل دم القرابه = واعرف ان الشجاعه ذل .. على القريب !!
وشوف نفسك بعينك لا بعين الضـــــــعيف = لجل تحيا عزيز ومسفــــــــــهل ولبـــيــــب
واحترم نفسك (فـ)تحترمك الاخـــرين = وكن لربعك دواء .. وكن لنفسك طبيب !!
من ارادو لصدري ضيق لن يستطيعو = مهما سوّوه يبقى ضيق صدري صعيب !!
وان صغر في عيوني صاحبً كنت اجلــّـه = قد صغـْـر قبله العنــّــاب واصبح زبيب !!
وان تجرّا علي عبد .. أبتســــــــــــم قائلاً = قبلنا الدين ساوى بين زيد وصـُـهيب !!
وان غدربي بيومً من هم أضعــــفُ مني = قد غدر قبلهم جسّاس واردى كـُـليب !!

[نمران]

:)



ان عرّضت لك شفت قوسً .. من تحت مجدولها = واتقول في نفسك ياقرب الظامي .. امن المرتوي
وتحس كنها تحـــــمل حمولً ماهيب .. حمولها = لاشفت بعيونك ضعيفً يسحــــب خلافه .. قوي!!
كنها .. لصوّرها لك الذعذاع علــــــــى اصولها = دلـّـه تحت ثوب آدمـــي .. تتمخطر وراسك خوي!!

[نمران]

,,



لبـى غـلاش المستبـد المـوحـش = ولبـى معاليقـش ولبـى روحــش
ولبى جميعـش , والله إنـي صـادق = لبّايـة اللـي يستـلـذ جـروحـش
عينـي ماشافـت فالبنـات إلا انتـي = كنش خلقتي فوق الارض بروحش


ومازلت ..

[نمران]

تسجيل خروج



البارحه .. ضاقت علي الديره = وانا قبل لا تضيق .. ضايق بال
ساري ولا ادري وين اللقي وجهي = في خايعً ماشوف فيه ازوال


يتبع ..

[نمران]

كانت بيتين وكنت ناوي اضع مايستجد عليها هنا .. ولا كنها اخذت منحى آخر لم يعجبني واكتفي بما قد سبق :)

عذراً ..

[نمران]

للمره الثانيه , لا احد .... :)



واللي خلق لانسان من ماءً مـــهين = واللي خلقـــش , وعدّلش , واللي كساش
واللي فتــني فيش ,, بــد الآخريـــــــــــن = ماحدني صوب الرحــــيل ,, الا غــــــلاش
مـقدر اوفر ضحكتش ,, وآنا حزيـــــــــن !! = ومبغى احزنش واظلمش وآكدّر صفاش !!
مبغي حياتش ظلــــــــــــمه وحزن وأنين = ابغـــــــــــي حياتش نور وازهار وفرَاش
ابغي اشوفــــــــــــش تمزحين وتضحكين = مبغـــى اظلمش وانا عيوني اللي تراش
تراش أم ,, وأب ,, واخوان ,, وبنين = واما الوفـــــا ,, عند الغلا ,, ولا بلاش
بس اذكريني واذكري هالحكي زيــن = مهما لحقتي شفــّـش وطلتـي مُـنـــــــــاش
ماراح والله فالحيـــــاه اتحصليـــــن = انسان يكسر خاطره لجل , رضـــــــــــــاش
و اتوسّلش وادخل على الله تفهمـــــين = ماحدني صوب الرحــــــــــــيل الا غلاش

[نمران]

,,



يامعشر شعوري (ف)صدري تسلقي = وحطي رجل على رجل .. واستريحي
اجندل رجالً الى .. ضاق خلــــــــقي = وان راق خلقي .. جندلتني وضيحي



:)

[نمران]

عسا اتجمل ..



اصغر رجل فينا الى من قام = تاقف مع وقفتـْـه .. لابـه
ولاهي غريبه وحن من يام = المجد .. لاجيناه رحنـابه


والف الف مبروك يا يامي .. :)

[نمران]

وش الحل ؟! :confused:




والله اني من عرفتك وانتي اعصابـك تشاجـر = لا تحبـيـن العـنـاد ولا تخلـيـن الـعـنـاد
هاجره لا شـك منتـي مثـل كـل وأي هاجـر = الليالـي ترضـي الهاجـر وتـزدادك بـعـاد
مر وقتً للجروح اللـي وسـط قلبـي تفاجـر = وشف جروح العام من حطة يدك كنهـا جـداد
لا تلومين البـلاد ويزعـل الشعـب ويهاجـر = ولا تلومين الشعب وتضيـق بالشعـب البـلاد




,,

[نمران]

,,



حياتي بدونك شياطين .. واشباح
ولو استطيع اشرح شعوري شرحته
ولجلك خسرت احباب واصحاب وافراح
قلي وش اللي من عرفتك ربحته !!

[نمران]

..... :)



والسيف لو يقبل على ناظرك ساح = اما جرحك السيف .. والا جرحته
ومن كثر ما رمشك جنوني وذباح = اموات فوق الرمش .. واموات تحته
ابرق نحر .. واقبالتك تزهق ارواح = وامنين مايقبل نهارك .. سرحته
والعقد في صدرك وتبغيني ارتاح ؟! = والله لو ان العقد رجلاً .. ذبحته

[نمران]

الحاقاً لما سبق ..



اشتاق صندوق الرسايل رسايلـْـك = ورجعت (..........) لجل تسأليني !!
وياخيبة آمــــالً وراها تثيقلـــْــــك = الظاهر اني منك بغسل يدينـــــــي !!

[نمران]

اركان ادخلها قبل دخولي لركني المتواضع ..



¤ô§ô¤ روحانيات حــوران ¤ô§ô¤
°¸.•°× ودّي أنسى بّك ردى الحظ .. وعجاجه ×°¸.•°
︶︿︶ متوآجدٍ ، علشآنك بسْ آنـآ : مت / وآجد ! ︶︿︶
تعا..تا نتخبا من درب الاعمار
هنـا .. < موادعـك خيـره ..!
إن عشت ياراسي ( كسيتك عمامه ) .. وإن مت ياراسي ( فدتك العمايم )
هًـِذي حٌـيّـآتـِـي عـشًتًهـآ ڪـيف مَ ـآ جًـآت





متابع .. وفالكم الخير ..
:)

[نمران]

ب
ر
ب
.
.
:)

[نمران]

,,



يانور .. لـك طلـه ولشمـس طلـه = ويفوح فـانفاسـك خزامـى .. ونّـوار
واللي تظلل تحـت رمشـك وظلـه = راح وترك في محجرك قلب واسرار
حتى جمـال الحـور واستغفـر الله = امنين مايقبل علـى حسنـك إنّهـار

[نمران]

,,



اللي شغف قلبي غلاه .. وتغليه = ماعاد لي .. في حب غيره هوايه
حقه علي مادامني .. حي ل.غليه = ان مت والا مال حبه .. نهايه .!

..

[نمران]

وش حيلة اللي جفاه النوم !!
:(

[نمران]

,,



تعال ابدخل معك في جـو الاحسـاس = وابحر معك في بحر مالـه مراسـي
واقعد هنا .. واتشعب فكل الاقـواس = واتصير لك كـل المحانـي كراسـي
انا (م) حسك شخص انا احسك انفاس = واحسك اقرب من عزومـي لباسـي
مشكلتك اتحس الخواطر .. وحساس = ولا تحب احد يقسى تجاهك وقاسـي
واهديتني وحده وضيقـه ووسـواس = وعادك تسآل ليـه كلـي مآسـي ؟!!

[نمران]

,,



فالوقت هذا ممكن اتخيل .. اي شـــي = الا انــي اضيـّـع حياتي على النــــت !!
يابنت كانش مـاعــترفتي .. وانا حــــي = مـاعاد ينفــعـْـش اعترافش الى مت !!

[نمران]

آسف على لازعاج واسباب الازعاج ..

شطر كنت اردده اليوم الفجر .. ولا احد يسألني وش السبب
المهم انها صارت ثلاث ابيات وكالعاده اخذت منحى آخر :(
والاهم انها ستكون هنا .. ربما اليوم :)

[نمران]

^
^



آسف على لازعاج .. واسباب الازعاج = قلبً على وصلك .. عروقه تسوقه
محتاجلك في الحب .. جعلك ماتحتاج = ولاتذوق .. اللي خفوقي يذوقه
انا غريقً في غرامك .. ( و لامواج = تصفق بقلبي ) .. لين يبست عروقه



آسف على الازعاج ..

[نمران]

ارسلت لي بيتين لمحمد بن الذيب .. وزعل ابوراشد :)
وكتب ابيات ابوراشد .. موجهها لشاعر مدغم ابوشيبه ..
ظناً منه ان رقمي رقم مدغم .. وبعد عرف انه انا
كلمني العود وتشره علي .. تشراه اخ على اخوه
وحزنت :(
المهم اني كتبت ابيات اعتذار لبوراشد .. وطاح الحطب





انتظروها كلها هنا قريباً .. الليله مالي خلق :(

[نمران]

ارسلت لمحمد بن الذيب .. :)



الظاهر ان المال .. يامحمد ماهو يعمي العيون = الظاهر ان حتى الضمير الحي .. يقطع دابره
صداقتي يامحمد بن الذيب .. جعلك ماتهون = ماهي صداقة مصلحه .. والا صداقه عابره .!




يتبع .. :)

[نمران]

المهم ان محمد رد بكم بيت .. وبما انها موجهه لمدغم ابوشيبه ماراح احطها :)
وكان ذيك الايام في قصيده لمحمد عاجبتني حيل اللي يتكلم فيها عن انفصام في شخصيته :)
وان محمد بن الذيب القديم ضاع ومانيب مسؤول عن شره وعن خيره
وبعد ماتشره علي حزنت :(
وقلت :




محمد اللي ضاع منك .. قبل عام = وبلّغت عن فقدانه ابشر به ياخيك
شفناه في نجدت قطر .. عليه زام = وعليه دين , وضايق , وعليه شيك
وسوالفه لا جات مع روس العدام = ساكنها قافل .. ولا فيها بريك
كريم سبلا , وفقير , ولا يلام = لا اتلومه الى طاب دام ابيه .. ابيك
جيته وقلت الصمت خير من الكلام = وماقلت وش وضعي ووصيته عليك
فأبرك مرض سبب لشرواك انفصام = اللي يخلي جاهتي منك واليك
طرشت لك ياصاحبي معك سلام = وابغى اتوجّه بك يابوراشد عليك

[نمران]

كما هي ..




قرسون قم عطـــــــــني معسل بتفاح = ومشروب لاحوّل على الهم ازاحه .!
اخلص علي .. قرسون .. وراي مرواح = على دروب الفضفضه .. والصراحه
وان شفت دمعي هلّ من عيني وطاح = طلعـني امن المنتدى .. للبراحه
اخاف لاتغرق كتــــــــــــــــــابات وارواح = معاد في صدري لمشعر مســــاحه
قامت تطايح فوقي احـــــــــــزان واتراح = وانا بشر مانيب ضــــــــد الاطاحه .!
انا بشر في عالم العـــــــــــــــشق سوّاح = سهلاً تغلاّقه وصعب انشـــــراحه
على هنوفً عينها سيــــــــــــــف سفاح = حبيتها والــــــحـــــب مافيه راحـــــه
تخالط السكر مع شوية امــــــــــــــــلاح = وجتني تذوقنـــــــــــي الموت وذحاحه
وانفاس تتسارع ونبضات تجتـــــــــــــاح = جواً تعدى بــــــــي حدود (.........)
فنفاسها عطراً من الورد فــــــــــــــــوّاح = وفي صوتها اغراء , وجنون , ووقاحه
والمنتدى من بعدها عالــــــــــــــم اشباح = وهو كان لـــي واحه وكان استراحه
قرسون .! عطني شي يجعلني ارتاح = ولا (فـ) بقلب منتداهم .. (مناحه)

[نمران]

,,




عطرت قلبـــي وبخــّـرته على شانك = سهرتك في قلبي الليله ماهي فـ عيني
يالله تعالي .. واذا مـــاهو بأمكانـــك = تلقين فرصه تواجه بيــنك .. وبينــــــي .!
لاجيت في شوفتك .. استأذن اخوانك = لومي غلاك الجنـــوني .. لاتلوميـــــــــني

[نمران]

كما هي ..
(يعني بدون تدقيق)




انتي النقيض اللي ابي . انتي معي . انتي علي = انتي زرعتي بي لامل وانتي لحقتي بي لاذى
انتي سترتي ضيقتي .. انتي فضحــــتيني فــ هلي = مـاغير اسولف عنك سويتي كذا وقلتي كذا
انتي رهش . انتي عسل . انتي قطن . انتي جلي = انتي عباره عن مزيج ازهار وانفاس وغذا
انتي مـ تحتاجين عطــــر . ولا كريـــــــم . ولا حـُـلي = انتي خلقش الله نعومه .. وملـــيانه شذا




فديتها .. :)

[نمران]

وعلى فكره ..
بتنوّر المتصفح
:)

[نمران]

مناحي الصميل ..
انا مقصر في حق ذائقتي ..
ان متابعتك بأستمرار بعد اليوم
:)

[نمران]

اللي يعرف لا يعلم .. :)
اقرب قصايدي لنفسي ..




ياللي ورى حدب المحاني تمثنيت = قلي كم اتلفت بمحبتك وافنيت ؟!
وانا هويتك لنخاع وعشقتك = انشهد اني يوم حبيت . حبيت
ياما كتبت اني مخاف المفارق = وياما كتبت من الشموخ وتحديت
طلعتني قدام نفسي ولا شي = اسبلت دمعي لآخره يوم قفيت
والحين ماكني من اسبابك افلست = وكني ماحبيتك وكني ماضحيت !!
اتمرني مر الغريم لغريمه = اموت واعرف ياغلا ويش سويت ؟!
خنتك ؟ تجاهلتك ؟ ظلمتك ؟ عصيتك ؟ = قصرت في حقك ؟ جرحتك ؟ تخليت ؟
ماسرع ذكرت اني احب اتسامح = وماسرع نسيت اني لا صديت صديت
مرضت فغيابك ثلاثين ليله = مالك عذر ياصاحبي يوم ماجيت
ان كنت تحسبني من حساب الاحياء = فأين حق العشره وجيرة البيت ؟!
وان كنت تحسبني من حساب الاموات = فأين وصل القبر وزيارة الميت ؟!

[نمران]

,,




ماتشوف الحب ؟! ولا أنت آعمى ؟! = ياخي ماصارت .. ولايمكـن تصيـر
ليش لامـن جيتـك اتسائـل لمـا .! = منك يذبحني الضما وانـت الغديـر
ربمـا مالـك إحسـاس .. وربمـا = عندك "احساس" ولا عندك" ضمير" !
صرت أنـا ويـاك .. ياعـذب اللمـا = كالسـؤال .. اللـي تسائلتـه كثيـر:
ويش بتسـوي اذا صـرت ابكمـا ؟! = وتبغي إتوصل شعورك للضرير ؟!

[نمران]

بطلب من اخي الغالي / حوران
وهو طلباته اوامر .. :)




ادفنونـي حـي بثيابـي يصيـر اللـي يصيـر = دامهـا مـا صارحتنـي وارحمـت معشوقهـا
مـا بقالـي مـن غلاهـا لا قليـل ولا كثيـر = مـا بقـا الا جرحهـا , وطعونهـا , وفتوقـهـا
علموهـا ان الغـلا والـراي الاول والاخـيـر = رايهـا وان السنيـن اتسوقـنـي وتسوقـهـا
وعلموهـا انـي اذا حبيـت حبيـت بضمـيـر = وعلموها ان هامتي فـوق السحـاب وفوقهـا
وعلموها لا بتعدت انسـان مجهـول المصيـر = والتفـت ودمعتـي بيـن الشـفـاة اذوقـهـا
لا تناظرنـي بعيـن الحـزن وفـوادي كسيـر = ولا تجاهلنـي وقلبـي ذايبـاً فـي شوقـهـا
تنتظرنـي بيـن لآمـال والحـلـم الصغـيـر = وتذكر انـي كنـت بيـن فوادهـا , وعروقهـا
جـادلاً يقضـي تغليهـا علـى هيبـة لاميـر = والله ان تبقـى معوّجـة الضلـوع طروقـهـا
ووالله ان تبطي وهي تبطش ورى الضلع القصير = ووالله ان ابطي وانا افتك مـن ورى معلوقهـا
فتنـةً والله خلقهـا مـن حريـراً فـي حريـر = القتل فـي ضربـة الحربـه , وفـي منطوقهـا
كـن ربـي ماخلقهـا الا مثـال لزمهـريـر = عبـرةً لنـاس فـي الدنيـا مايبـرى , عوقهـا
ضاعت علوم العـذارى يـوم مرتنـي تسيـر = وضاعت سلـوم الرجـال , وقدرهـا , وحقوقهـا
زهـرة فوقيّهـا هـازل وتحتيـهـا بخـيـر = ويـل حالـي مـن هزالتهـا , وكبـر عذوقهـا .!
شدت من اقصى الضلوع وروّحت منها عصيـر = وانزلت فاقصى العيـون الساهـرات وموقهـا
مستحيل اتطيح مـن عينـي ومنزلهـا كبيـر = يعني امـا فـي وسـط عينـي , وامـا فوقهـا

[نمران]

بعد اذنك .. :)




يغريني البدر الجليّ السآهر
وإلآ النجوم ان جآت
مآتغريني

أفتح له أجوآئي وأجي متنآثر
أغني و ضحكآتي
تغنيني

مثل بدويٍ ..... بشروه بـ بآذر
والقآع ممحل من ثمآن
سنيني




لله درك ..

[نمران]

,,




فديت هـ العين
والفزره
وهـ الزمّه
**
اللي تحت بدلتك
والعاتق السامي ..


قومي والى مالت
القمه
على القمه
**
بـ اسوق رجلي على دربك
وانا ضاااامي ..


ومن لا تحمل لــ اجل
عيناك
مثل امه
**
يالجاااادل ..
اللي عليك , اتدرّهم اقدامي

[نمران]

وضعت اول شطر في Google
المهم بعد ماعملت بحث .. طلع لي عشر صفحات .. يعني اكثر من 100 منتدى .. وضعت فيه هذه الابيات .. واول مره احس ان لبعض مااكتب معنى .. خالجني شعور لا اعلم ماهو .. ولكن مااعرفه يقين المعرفه اني سعيد بدرجه كبيره :)
وسوف اضعها مره اخرى بما اني وضعتها من قبل في هذا المتصفح :




اشـووف نكـك بينـهـم .. وآتأمـلْـك = وابحر مع مرسـى غـلاك , وحنينـي
اتابـع ردودك .. واقـبّـل تواصـلْـك = في نك زائر خوف (ل) تحس فيني !!
رغم اني اتجاهلْـك واشعـر تجاهلْـك = احس فيـه شعـور بينـك وبينـي !!
ويومً سمعت ان اصدق الشوق يقتلْك = شرّعت لك جوفي وقلـت اقتلينـي !!
لكن قبـل لامـوت انـا ودي اسألْـك = وشلون عيني ساكنه وسـط عينـي !!

[نمران]

,,




تنشد عن احوالي .. ولا شيً جديد = واسأل خفوقي كيف شالك .. كلّبوك
متربعاً بين المحاني .. والوريد .! = اتقول كنك جالساً في .. بيت ابوك ؟!




:)

[نمران]

من القديم ..




ياترف امانة (م) تبعد من .. الموبايل = تدري وش يصير فيني لو تنقعني ؟!
اصير مثل اليتيم الخايف , السآيل = والارض عن بكرة ابيها (م)تاسعني
احساس عاشق .. ولكن يلطم العايل = اضد وجه الزمان ولا يزعزعني
لا تبيعني قبل تدري ويش انا قايل = ابخسني اول وعقب ان بعتني بعني
ياترف وقف بقلبي واسمع وخآيل = ماتسمع الا دخيلك لا تضيعني .!
قطعني اليا تمايل خصرك المايل = واليا ارتخى سادلك .. بشويش قطعني
لا تغرك اعلومي وجمهوري الهايل = لو ماتبعتك (م) كان الناس تتبعني
لكني ابقى واعيش وشبري الطايل = واموت (م) احداً بعين العطف .. طالعني
اقسى , وكابر , وبذ اقصاي , واتحايل = لكن امانتك امانه .. لا تضيعني !!

[نمران]

خوش صدفه .. :)




الصدفه اللي تجمع قلوب الاحباب = حتى لو انها بالخطا خوش صدفه
تمد شريان الغلا حب , واعجاب = على وليفً .. مابدى لك اتعرفه
دامك سمعت الصوت والصوت جذاب = وشلون تلقى من محبته صرفه .!
يا اهل (....) بطلت في خافقي باب = لعيون من روحه على الروح ولفه

[نمران]

آخر ماجادت به القريحه ..
ويمكن انكملها ويمكن لا :)




ضحكتك كوكايين , وحكاك هيروين = قمت اتعاطاها مع الوقت وادمنت
لا حتجت للجرعه ادور لك ايلين = القاك وآخذ من سوالفك بوينت .!
تدري متى ادخل جو سكر المحبين ؟ = ل.تحولت لاشيا وقامت تصير انت
وقعدت اشوفك فوق ويسار ويمين = واعيّنك .. في كل مافيه عاينت
مدري هل انت ف.كل ماشافت العين ! = والا انت اصلاً في عيوني تمكنت

[نمران]

بدون تعليق ..
:(





لا قادر اوصلك ولا قـادر انسـاك ! = ولا قادر اتحمل غيابك ولا اهجرك .!
ولولا امل صوتك وشوفك ولقيـاك ! = مانيب لا هالحين عايش وناطـرك .!
مايهمني كيف اسهـرك , واتحـراك = بس المهم ان اتحـراك , واسهـرك .!
اسهرك وادور لك هنـاك وهنـاك = والدمع في عيني , وقلبي على الدرك
واتعب واجي للبيت واحضن هداياك = ولا ارقد الا بين وردتك , وصـورك .!
اشريك , واثمنك , وارضيك , وارضـاك = واغليك , واحبك , واخافـك , واقـدرك
لو تجرح شعوري وتكثر خطايـاك = مافي يدي غير اعتذر منك , واشكرك
ماكبّـرك فعيونـي الا .. سـوايـاك = ولا فيه شيً من سواياك .. يصغـرك
ياكثـر ماجانـي .. وياقـل ماجـاك = وياكثر ماتحمل على شان خاطـرك
اموت من طاري رحيلـك وقفّـاك = وشلون لو تقّفي وعيني تناظرك ؟!
خفيف , قطة وجه , مامني فكاك = قل ماتبي والله يبيحـك ويستـرك
اذا بتسهر .. بسهـر الليـل ويـاك = وان كانك بتسري ابسري على ثرك

[نمران]

تجربه مغايره .. :)




قالت بصوتاً حزين .. وطرفها باكي = الغيره تشب نار الخوف ف.ادراكي
فقلت يالعود الازرق , ياشذا العنبر = يالمسك الابيض , يا ورد الطائف الزاكي
الخوف , والحزن , والغيره ومن معهم = ماني بسببها ولن تأتيش لولاكي .!
جاتش تبي قرّبش , وكلاً يبي قرّبش = كل الملامح .. تبي ترسم محياكي
تطمني ما على الدنيا احد غيرش ! = واقول لش دايمً لكن من آحاكي .!
( اما علمتي بإني .. يامعذبتي = لا اسمع ولا ارى الا حين القاكي !! )

[نمران]

غيض من فيض ..




ياجعل روحاً .. ماتشكر فعل عبدالله = يالله جعل قاصف الاعمار يقصفها
وقّف لنا .. وقّفة ماهي بحي الله = اعظم مواقف هل الوقفات , واشرفها
شفاعته .. جعل تشفع فيه عند الله = الى وقف .. وقفةً لا بد ياقفها .!
انا شعور ماهي بشعور .. خلق الله = شعور مايقدر اي انسان يوصفها
والارض من سجنو الغفران تحت الله = تبكي , وذا الليل تلبس لارض زخرفها

[نمران]

مساكم الله بالخير ..
كنت متردد الايام اللي راحت
ولكن في الاخير قررت وعن قناعه .. بترك المنتدى .. ولو كان بي شي من الحزن .. خاصه لما احمله تجاه هذا المنتدى من حب , وذكريات لا تنسى
استأذنكم .. وارجو من جميع عضو اسأت اليه ان يسامحني ..ولـ يعلم انها بدون قصد
في امان الله ..