مــن يــدور للــقــشــر

[الكايد_1]

السلام عليكم
صباح الخير



جيت ابكسر خشم منهو يدور للقشر &&& شابحن فكباره مانويت صغاره

غار والله ثم والله لصنف فالبشــر &&& والمزون السود جتكم تهل امطاره

[مـحمـد]

ماشاءلله وصح لسانك يالشاعر الجزل

وخلك وياهم اهل القشر :)

وانشاءلله تحصل من يرد عليك من الشعار :)

ALAJMI

[البخيت]

صباح النور والسرور
استلم لاهنت



كل من يغويه شيطانه الدرب الخطر=جاء وابوعرّام ساقه وساق حماره
ياسحاب الصيف ماني براجيبك مطر=شاعرن يمسي ويصبح وهو في غاره

[الكايد_1]

مرررررررررحبا الف
اييييييييييييييييييه;)


زارقين ارماحنا فالعيون وفالنحر &&& والاسامي الزايفه تب تذاع اخباره

بكتمك ثم بشكمك لين تعلن بالقهر &&& والثاعله نب نهدم عليه جــحاره

[الكايد_1]

صح بدنك يالعجمي وهذا من ذوقك ويسعدني توصلك معي
ويشرفني

البخيت حياك الله ويامرحبا ومسهلا

[البخيت]

مع اللّه :D




ضارين للزرق ياجعل حظك ماكبر=بعد علمك ياولد لاتعدا الحاره
بشبكك تو شفت واقول روح ياكفر=وانت شيخن فوق خشمه تدوج الفاره

[الكايد_1]

مرررررررررررررررررررحبا جابك الله


ايييييييييييييييييييييييييييييييييه:p


ماسكك مع غاربك والبطن لزم الظهر &&&& والخريطه نب نثبت به مسماره

والله اني داري انك تعيس وفي كدر &&& يوم شفت القوم دونك تحد شفاره

[البخيت]

مع الله

استلم لاهنت


انتكس حظك واضنك تدور للمفر=واالشمالي صعط الدله بمسمارها
حظك اللي عايشن في كدر مير انتحر=وابعد ابعد عن سيوفن تشوف اخطارها

[الكايد_1]

مرررررررررررررررررحبا
اااااااااااااااااااااااااااااايه:cool:

صاحبي كني اشوفه تغير ونكسر &&& والعضام اللينه ماتعب كسارها

مير ذي من وين جتنا عساكم لدهر &&& والبنادق كلها وازنين عيارها

[البخيت]

مع الله

استلم



ياوليد الناس صابك جنون مع البقر=منكسر ياصاحبي جيت انا جبارها
والله انك ياصعيليك مبطي منقبر=وان خبطنا الارض فوقك يطير غبارها



بيض الله وجهك وصح اللسانك ولاهنت

[الكايد_1]

وجهك يا البخيت
وصح لساااااااااااااااااانك
كفيت وفيت وافي من راس وافي

مع تحياتي