اقرب اقرب يابن دسمه..

[محمد بن عرار]

السلام عليكم ورحمة الله وبركاته ..


سلام الله عليكم والمغنّي تعرفون اسمه=ليا طب البحر ماهوب يخشى موجه وحوته.
بعد طرق المعاني قم وجاوبني يابن دسمه=اشوف العود حاله شين وعواله خذوا قوته.

[محمد بن دسمه]

اررحب اررحب

مرحبا والله ومسهلا


يدوم بك البقا ياللي فتحت الصدر للنسمه ..؟=,وكل رجلٍ نزل بحرٍ بيلاقي غبنه وموته.!
اشوف العود وعواله .. تعاقو وسرقو قسمه ..؟=ليا منه دعا بصوته .. تلاغو وجحدو صوته .!

[محمد بن عرار]

البقاء طال عمرك


انا لا جيت في وسط البحر يرسم لي البسمه=وايلا من عمت قاعه جبت مرجانه وياقوته.
واظن العود شرّه في عواله بيّنٍ وسمه=سواة الموتر اللي علّته في وسط كبوته.

[محمد بن دسمه]

الله الله


تضيّع علمك بغبه واثاري القاع منحسمه ..؟=مثل ماضيّع المهبول أهل الدار في شوته .!
مواري السم فوق العود .. ماهي تشبه الرسمه ..؟=وكلٍ يذكر علومه ليامن بعثر كروته .!

[محمد بن عرار]

استلم..


الا ياليت بن دسمه لبس ثوبه على جسمه=وقولوا له يغيّر موترٍ تخرخر زيوته.
تقوله وانت والله منت داري والسما عسمه=بذكّرك وتذكرني وسجلها على النوته.

[محمد بن دسمه]

علامه راعي التاكسي ليا من ضاع في الدسمه ..؟=يجيب أقصاه ماكنه لعب في القير والشوته .!
عسى اللي لاوهب عبده حقوق أمال متقسمه ..؟=يهدي روعة اللي مالحق صوته على فوته .!


صح الله لسانك مقدمًا ولاهنت

طاروق شيق .. ولي الشرف اني لعبت معك

انا ماعاد اشوف بروح ارقد :(

[محمد بن عرار]

:):):)

صح بدنك ولا هنت على كل حال

[محمد بن دسمه]

^

ولو كنك متعومس

ان كانك متعومس ماعندي مشكله أقعد :)

كلشن ولا ضيق خاطرك نفداك

[محمد بن عرار]

:rolleyes::rolleyes:

النوم طيّب:)

[موسع الحدان]

هههههههههههههههههههههههههه

مفراص الحديد توني ادري وش السالفه.

[محمد بن حمد آل سالم]

ابن دسمه صح لسانك وعلى شانك ومميز طال عمرك
مفراص الحديد مبدع نفداك وانا في صفك من زمان


اخوووكم

محمـد آل سـالم

[محمد بن عرار]

مرحبا يابو حمد نورتنا بمرورك وشرفت الصف بتواجدك..

اشكرك من كل قلبي.