يقول من عدى

[مسفر ال عقيل]

يقول من عدا على راس عالي
رجم طويل يدهله كل قرناس
في راس مرجوم عسير المنالي
تلعب به الارياح مع كل نسناس
في مهمة قفر من الناس خالي
يشتاق له من حس بالقلب هوجاس
قعدت في راسه وحيد لحالي
براس الطويل ملابقه تقل حراس
متذكر في مرقبي وش غدالي
وضعقت بالكفين ياس على ياس
اخذت اعد ايامها والليالي
دنيا تقلب ما عرفنا لها قياس
كم فرقت ما بين غالي وغالي
لوشفت منها ربح ترجع للافلاس
يقطعك دنيا ما لها اول وتالي
لو اضحكت للغبن تقرع بالاجراس
المستريح اللي من العقل خالي
ما هو بلجات الهواجيس عطاس
ماهوب مثلي مشكلاته جلالي
ازريت اسجلهن بحبر وقرطاس
حملي ثقيل وشايلة باحتمالي
واصبر على مر الليالي والليالي والاتعاس
وارسي كما ترسي رواس الجبالي
ولا يشتكي ضلع عليه القدم داس
يابجاد شب النار وادن الدلالي
واحمس لنا يابجاد ما يقعد الراس
ودقه بنجر ياظريف العيالي
يجذب لنا ربع على اكوار جلاس
وزله الى منه رقد كل سالي
وخله يفوح وقنن الهيل بقياس
وصبه ومده ياكريم السبالي
يبعد همومي يوم اشمه بالانفاس
فنجال يغدي ما تصور ببالي
وروابع تضرب بها اخماس واسداس
لاخاب ظني بالرفيق الموالي
مالي مشاريه على نايد الناس
لعل قصر ما يجيله ظلالي
ينهد من عال مبانيه للساس
لاصار ما هو مدهل للرجالي
وملجا لمن هو يشكي الضيم والباس

من روائع الامير محمد الاحمد السديري يرحمه الله والذي تغنى بها فنان العرب محمد عبده وهذه القصيده من يتمعن بها يجدها (حكمة) مع تحياتي بن عقيل

[قبلةالعجمان]

يعطيك العافيه على هالقصيدة ........


بس هذا مو مكانها ..........:):)

[كويتيه]

[size=4]يعطيك الف عافيه اخوي مسفر ال عقيل:)

بس هذي قصيده و مكانهاا بديوان الشعر العام:)

من بعد اذنك بنقلهاا:)



size]

[مـحمـد]

شكرا الاخ ابن وعيل

وصح لسان الامير السديري ورحمه الله

وبانتظار جديدك

ALAJMI

[مسفر ال عقيل]

مشكور للاخ ALAJMI) ويعطيه العافيه

بس فيه ملاحظه انا بن عقيل مو بن وعيل
ويعطيك مره ثانيه الف عافيه






مع تحياتي بن عقيل.

[هند]

اخذت اعد ايامها والليالي --- دنيا تقلب ما عرفنا لها قياس
كم فرقت ما بين غالي وغالي --- لوشفت منها ربح ترجع للافلاس
يقطعك دنيا ما لها اول وتالي --- لو اضحكت للغبن تقرع بالاجراس

حملي ثقيل وشايلة باحتمالي ---واصبر على مر الليالي والليالي والاتعاس
وارسي كما ترسي رواس الجبالي --- ولا يشتكي ضلع عليه القدم داس

مسفر ال عقيل
صح لســـانك ولسان السديري الله يرحمه
إختيار مميز

لاتحرمنا من جديدك




لك تقديري
السؤدد