لهجة العجمان (( خاص ))

[Wise man]

هذا الموضوع طرا علي من موضوع الاخ المستشار يوم تكلم عن اللهجه
وهو استخدام اللهجه
فيه ناس مايستخدمونها في كل مكان وهناك ناس يقولونها للي يفهمها بس وفيه اللي ينطق بها في كل مكان
وفيه ناس ينحرجون
اي واحد من هؤلاء انت ؟
صوت واكتب تعقيبك على اختيارك وهات سبب اختيارك

انا شخصيا اقولها في كل مكان

شكرا

[مـحمـد]

الاخ وايس مان اشكرك جدا على موضوعك القيم

وارحب فيك في منتدى العجمان وهذي الساعه المباركه .

ولكن لايكن تفكيرك بهذه الطريقه فالواحد يعتز بلهجته ويفتخر بها الا اذا لم يفهمها الشخص اللذي امامك فتضطر بأن تخاطبه بلهجه اخرى مفهومه لدى الطرفين حتى يتسنى للجميع ان يفهم الاخر .

وانا شخصيا ارفض التصويت بحكم انى اعتز بلهجتى باستثناء بعض الظروف اللتي تفرض نفسها :)

واترك التعليق لبقية الاعضاء .

وتقبل تحياتى وبانتظار جديدك

ALAJMI

[شميسان]

لهجة العجمان ليست حصرا عليها فقط بل تعم اغلب قبائل الجنوب
ولكل زمان ظروفه
وذا الوقت اصبح المجتمع مجموعه من الناس المختلفين في اللهجات ولكن تبقى روابط اخرى بينهم
اهمها الدين

اللهم اجعلنا اخوتا في الدين

[نداوي]

بحكم اني بنت اغلب البنات يستحون يتكلمون بلهجتهم ومو بس قبيلة العجمان بل اغلب القبائل غيرو طريقة كلامهم وما يتكلمون فيها في اماكن عملهم او مع الحضراو في اي مكان عام واكرر هذا الشي حاصل مع البنات البدويات اكثرمن الشباب
بالنسبة لي اتكلم لهجتي مع اهلي ومع الي يفهمونها من البدو وافتخر بلهجة العجمان وملحوظة مهمة ترى لهجتنا اقرب لهجة الى اللغة العربية وفيها كلمات يستغربها البعض وتكون من صميم لغتنا العربية

[ابو محمد]

شكرا لك اخي وايز مان وانا افضل اتحدث لهجتي مع من يفهمها

[البدويه]

اخ وايز مان مع احترامي لرايك وراي باقي الاخوان بس الي يستحي من لهجته او انه يشوف
انها تسببله اي احراج ماعنده سالفه ليه لان لهجتنا حن يا العجمان هي لهجة اللغه العربيه
الاساسيه وبعدين اذا حن مافتخرنا يلهجتنا من الي يفتخر حن من قد حكا منه وعنه التاريخ حن الي قد قومنا وقعدنا الجزيره العربيه علي رجل حن كانت القبايل كلها اتهابنا كلها بدون استثناء
حن من قد حكا منه اعالم الغرب وكانت جيوشهم تهابنا وكانوا يسويلنا الف احساب من بدت القبايل كلهم وقد حكوا في شجاعة ريجيلنا وفراستهم وهيبتهم بين القبايل وقو باسهم
وكانوا من بهرين من القبيله كلها من رياجيلها ونسوانها وحتي عويلها بدون استثنا
وبعدين حن ذلحين في زمن حتي الصلبي والي ماله اصل يفتخر وقول انا افلان ابن فلان
وذيك قبيلتي و يذبح ويصلخ وفاتح دونيته فمبالكم فينا حن ياأهل الصيت والاغنا والي سيرتنا موجوده علي طول السنين ومذكوره في التاريخ واسمحولي الي مايفتخر بلهجته وقبيلته اين كانت قبيلته ولهجته مهب كفوا يكون منها وبعدين ليه اغير لهجتي وعلشان من ليه الي قدامي بغير لهجته علشاني
او بينحرج مني او من لهجته وانا ماايد من يغير لهجته علشان شي اسمه حضاره ولا شي اسمه تقدم
لان مهب لهجتنا هي الي بتكون في سبب لنا في اي احراج



وســـــــــــــــــــــــــــــــــــــــلامــــــ ـــــــــــــــــــــــــتــــــــــــــــكـــــــ ـــــــــــــــــــــــم

اتمني ان مافيه احد يزعل مني ذي وجهة نظرصح:):d

[al_ajmi33]

شكرا على هذا الموضوع لأنه موضوع واقعي و بالنسبه للهجه العجميه تقال فعلا لمن يفهمها و غير الناطقين بها طبعا يضاف تحسينات لها حتى يفهمها الآخرون يعني نبسطها .... :) بس المشكله بالنسبه لي انه في الحالات العاديه و الحديث الهاديء ممكن أضيف لها تحسينات لكن اذا عصبت :mad: أنسى و ارجع للهجه الأصليه و هذا الواقع :)

[العرجاني999]

السلام عليكم ورحمة الله وبركاته

في البداية احب ان اشكر القائمين على هذا المنتدى الرائع

وهذي اول مشاركة لي في المنتدى

وان شاء الله اني افيد واستفيد

اما بالنسبة للموضوع فانا اتكلم بلهجتي عند كل الناص

سواء عند حضر او عند بدو ليه اغير لهجتي

ومشكورين

[wa7sh]

السلام عليكم ورحمة الله وبركاته

اسمي عبدالعزيز طه الشامري

انه من العجمان (الشامري) بس ما اعرف اللهجه او يعني كيف يلهجوها؟؟؟
و شو الفرق بينها و بين اللهجات الاخرى؟؟؟

[شويمى]

السلام عليكم ورحمة الله وبركاته انا من اشد المعجبين في هذه اللهجه واحب ان اتكلمها كثيرا مع انني لست من القبيلة وشكرا الاخوان علي هذا الموضوع الرائع

[خالد علي العجمي]

السلام عليكم ورحمة الله وبركاته
كفو والله يالبدويه وجهت نظرش صحيحه مليون بالميه

[شويمى]

السلام عليكم ورحمة الله وبركاته ارفعها يا اخ خالد العجمي مممممممممممممممان بنسوان وشكرررررررررررررررررررررررا

[سند]

وايز مان

الله يعطيك العافيــّه

وماقصرت ياطيــب

تحياتي,,,

الهاوي

[hala]

بصراحه فيه بعض الشباب يستحي يتكلم بلهجته عند بعض العرف ولكن تلقاه يتكلم عند جماعته وانا اقول لاي شخص مثل هذا ( ما فيك خير)

[elshamri]

السلام عليكم ورحمة الله وبركاته

اسمي عبدالعزيز طه الشامري

انه من العجمان (الشامري) بس ما اعرف اللهجه او يعني كيف يلهجوها؟؟؟
و شو الفرق بينها و بين اللهجات الاخرى؟؟؟

ما فهـــــــــــــــــــــــــــــــــــــمت وش فصـــــــــــــــــــــــــدك "وينك غــــــــــــــــــــادى"

[CrAzY]

لهجــــــــة العجمان احلى لهجه

وانا بصراحه كم مره سألوني اخوياي شفيكم تكلمون كذا قلت لهم الستلايت حقنا صيني :)

[ابو أريج]

ياجماعة الخير وش ذالحكي...صحيح اني اعتز بلهجتي...لكن سؤال يطرح نفسه
افرض انك بمحل عطور واللي قدامك لبنانيه؟؟
شقول؟
لو سمحتي فديتش ممكن العطر الفلاني الله لايهينش!
واذا عطتني العطر اقول ياجعلني ما ابكيش ذا بكم هو به؟
لالالا..اعتقد اني لازم ألوي الساني في بعض الأحيان هههههههه سوري جاتني ضحكه.

[alaajm]

أتكلم بلهجتـي طبعاً بكل زمان ومكان والمعروف إن لهجتنا هي الوحيدة بين كل القبايل وأغلب الناس مايعرف العجمـي الا من لهجته وبصراحه هذي لهجتي وماراح اخليها مهما سائت الظرووف....... وشكراً

[فلاح بن ملبز]

السلام عليكم ورحمة الله وبركاته
انا صراااحه اتكلم بلهجتي في كل مكان وفي كل وقت وحصل لي موقف مع واحد في المقهى زميل لي قلت له (( كانك ماتشبح التلفزون عطني الريموت)) واستغرب قالي شنو تشبح قلت (تشبح = يعني تشوف) واستغرب من هذي الكلمه وقلته هذا كلامنا يا العجمان والموضوع هو اللي خلني اطرح هذا الموقف وشكراااُ

[المهندس/ بندر العجمي]

بسم الله الرحمن الرحيم السلام عليكم ورحمة الله وبركاته
يقال على لسان بعض الروائين والمؤرخين انا لهجة العجمان هي اقرب اللهجاة الى اللغة العربيه من ناحية الكلمات.
مثل-انا احب اهل المنتدى حباًً (جما).
ولن اتخلا عنها مهما كان الأمر لأني افتخر بهذه اللهجة التي تميز العجمان عن غيرهم.

وشكراًً

[المستقل]

من ناحيتي شخصياً بالطبع أفتخر بلهجتي وأتكلم أمام كل من يفهمها ولكن اذا كنت أمام حضري أو اي شخص لايفهم معاني بعض الكلمات المتعارف بها لدى العجمان أقوم بأستبدالها ولكن لا أستبدل هذه الكلمات بمصطلحات حضرية أو مصطلحات متعارف بها لدى بعض القبائل الاخرى حتى لا أوضع نفسي بموقف حرج , وأنما أستبدل هذه الكلمات الغير مفهومه بكلام أكاديمي ومنطقي أو بمعنى أصح أستبدلها بكلمات مشقتة من اللغة العربية فقط لاغير.


وشكراً

[ابو ندا]

[هذا الموضوع طرا علي من موضوع الاخ المستشار يوم تكلم عن اللهجه
وهو استخدام اللهجه
فيه ناس مايستخدمونها في كل مكان وهناك ناس يقولونها للي يفهمها بس وفيه اللي ينطق بها في كل مكان
وفيه ناس ينحرجون
اي واحد من هؤلاء انت ؟
صوت واكتب تعقيبك على اختيارك وهات سبب اختيارك

انا شخصيا اقولها في كل مكان الا اذا كان اللي قدامي حضري

شكرا
شاكرلك على هذا : المووووووووووووضوع
وانا تصويتي ؟ على هذا ولا فيه غيره
اتحدث بها مع كل الناس سواء ضر ام بدو
......... حنا اختلافنا : واضح بحرف الشي ................... ولا القبائل الأخره بحرف السين والحضر !! بحرف الي ......والكل فيه عيب "

[مربوش]

السلام عليكم ورحمة الله وبركاته

في وقتنا ذا انشوف اشياء غريبه
اولا: اندثار معظم المفردات اللي نسمعها من الشيبان, فلما تحفالك رجال يقول لك
شلونك , شخبارك , شمسوي ==> هذا تحفاي رجااال والله ما اظنه

ثانيا: ما فيه حافز من اباء ذالوقت المخنز يعلمون عيالهم السلوم والمحافظه على اللهجات

الله لا يهينكم

[الــهــواوي]

انا اقول انا لهجتنا من افضل الهجات بين القبايل وهي من اقرب الهجات الى اللغه العربيه وانا قد سمعت ان في وحده خذت الدكتوراه في دراسة لهجت العجمان بانها اقرب لهجه الى اللغه العربيه وانا من الناس الي ما اتكلم الا بلهجت العجمان والي يبي يفهم يفهم ولي ما يبي كيفه

وشــــكـــــرا

[مجروح]

هلا وغلا بالمصرقعين
اليوم جايبه لكم اخبار رحلتنا للصمان مع المصرقعين المهابيل
اسمعووووووووووو السالفه من طقطوق لسلالالامو عليكووووو


كنت جالسه بمكتب أمواج اتفرج على مجلات واتعلك علك ابو سهم بالنعناع
وانا غرقانه ومندمجه مره بالمجله (( وهي مجله المختلف ))
دخلت امواج وهي نفسها رااايح بالمررره

قالت روابيوووووه عندي لك بشاره
طلعت العلكه ولصقته بدرج امواج التحتي

قلت خير خير وش السالفه
قالت لي توني سامعه باذني اليمين ان فيه رحله صرقوعيه للصمان ولا بيدخل فيها غير اعضاء الصرقعه بس

قلت وشوووووووو صدق اماااااانه <====== تموت بشي اسمه رحلات

قالت والله وكمان سمعت انهم راح ياخذون من كل عضو يبي يشارك بالرحله 10 ريال ونص
قلت حلووووووين ونص

وهي تكلمني طب علينا دودي وهو يصااااااارخ

امووووووواجووووووه ماشفتي رواابي
قلت خير دودي انا هووون وش عندك
قال سمعتي الخبر فيه رحله يا الخبيله للصمان
قلت ادري
قال طيب تكفين ابي منك سلف عشره ريال ونص حقة القطه واذا رجعنا بعطيك اياها وفوقها صحن كشري

قلت والله ما معي بس ابشر الحين افتح درج امواج توني شايفه فيه 100 ريال وبعطيك

المهم فجر يوم الخميس كان موعد الرحله
طبعا انا من فرحتي ماقدرت انام بالمرررررررررررره

وجلست طول الليل اجهزللرحله
المهم عاد يوم صارت الساعه 4 ونص الا وانا اسمع صوت سياااااره من بعيد
وافتح الشباك الا والاقي هذا رسليوووه يسوق وحايس يدور البيت
وعلى طول اصفر له من الشباك

رفع راسه وقال هلا والله اخيرا لقينا بيتك لنا ساعه ندور بالحاره
قلت له هلا وغلا وشفيك لوحدك وين باقي الشله
قال انتي انزلي وبنمرهم سوى
قلت حلو
ورميت عليه شنطتي من الشباك
ورميت عليه عبايتي وجزمتي
قال هيه وراه ما تطلعين مع الباب
قلت مقدر ابوي حالف ما اروح معكم بس انا حلفت بعد اني اروح غصب
وعلشان كذا قفلت غرفتي وسجلت لهم شريط مدته 30 ساعه بصوتي علشان يفكرون اني موجوده ولا احد يحس بغيابي
قال حلو بس بسرررعه تعالي

قلت طيب
ياربي كيف اطلع الحين فتحه الشباك مره صغيره وانا تعرفوني رشيقه مره مره
قال رسلي عندي لك حل
قلت وشو
قال مافيه غير انك تطبين مع السطح احسن بكثير
قلت حلو
وعلى طول افتح غرفتي واتسحب للسطح والاقي سلم صلوحي ورى باب السطح واطلع وااشر لرسلي يخلي السياره تحتي مباااااااااشره

وطبعا غمظت عيوني وغطيت راسي بشرشفي وطبيت
احلى طبه موفقه صرت بصندوق وانيت رسلي مبااشره

المهم حرك رسلي ومشينا
كان الجو مره رايق وممطر
وكانو جميع المصرقعين بصندوق الوانيت
انا بسراحه تضايقت من الزحمه ومن ريحه ياعمري مفطر سلمون على الصبح
طليت على خشه رسلي وهو يسوق وقلت له تكفى يا رسليوووه بجي اجلس عندك

وعلشان ما اضيع وقت طبيت على رسلي من شباك السياره وتمركزت قدام
وتوني بجلس الا يوم مد يده دودي وسحبني مع شوشتي
قلت هييييييه وخر
قال وش معنى انتي يعني قدام وحنا تقل غنم ورى
قال رسلي روابي عندها حساسيه بالصدر ولا تتحمل روااااااااايحكم
قال هين هين يا روابيووه بس خلينا نوصل

وشغلت شريط السليم يهبل وجلست اطامر انا ورسلي على انغام الموسيقى

ابشركم وصلنا بعد 3 ساعات
المهم نزلت ونزلت عفشي

ونزلو كل المصرقعين

سمعت صوت دلع تنادي :- روابيوووووووه
روابي ومااحي <====== تموون والله

قلت خير وشتبين
قالت الشنطه اللي معك شنطتي
قلت قولي والله هذه شنطتي انا
وانا اسحب وهي تسحب
والله البلشه

قال المزيون طيب خلو امواج تفتح الشنطه بما انها بنت زيكم وتعرف من له الشنطه
قلت انا حلو

فتحت امواج الشنطه
حصلت فيها قلم ازرق <=== لوني المفضل للكتابه
لعبه صغيره عباره عن بعير يرقص ويغني <==== عروستي المفضله
صندوق متفرقعات عقب رحله العيد <=== بقروشي شااريته
صورتي وانا بثاني ابتدائي مع عمتي ساره <=== كلي ملح
صحن كشري بخلطه الصرقعه <=== فطوري من البيت جايبته

وطبعا دلع يوم شافت ممتلكاتي قالت بكل صوتها ووووووع هذه مو شنطتي
سووري روابي

قالت دلع وهي معصبه
مكااااااااافيوووووووه شنتطي اكيد معاك يا عربجي الحلم

وطبعا ظهر الحق

المهم قال رسلي الحين وش رايكم نتوزع وكل ناس يروحون بجهه علشان نجمع فقع وجرابيع وضبان ترانا مره جايعين
واللي يجمع اكبر عدد يدق على جواالي

قلنا حلو تم

وتوزعنا
انا وامواج ودودي وعصير برتقال والمزيون رحنا بجه الشمال
والسهران ولوول وامبسيووه وياعمري وخلودي راحو بالجهه اليسار

بعد ما كل منا جمع محصوله دقينا على رسلي وشلته

فرشنا فراش وتربعنا

المهم صار الجو رهيب مرررررررره

شوينا وتعشينا واسفهلينا

ويوم صارت الساعه 2 آخر الليل قال مكافي روابيوه تعالي ابيك بكلمه راس
قلت خير ماتشوفني ارقص مو فاضيه لك خلني اهضم تراني ماكله اربع روس جرابيع و3 كروش ضبان واحس معدتي بتنفقع

قال طيب كلها دقايق وارجعي
قالت لي امواج روحي شوفي وش عنده
قلت طيب
وتوني بروح سحب يدي دودي
قال نصيحه لا تروحين
قلت ليه
قال انا توني شايفه صايد عقرب وحاطه بكاس الشاهي واكيد ناوي يخرعك فيه
قلت وشووووووووووو
اجل السالفه هيييييييييك

هين هين يا مكاافيوووووه اوريك
قال دودي يعني بتروحين مو خايفه

قلت لا تخاف علي انا كمان توني صايده ثعلب وحاطته تحت شبشبي

رحت لمكافيوووووووه
فتح لي جيبه وطلع منه صرصور اخضر
قلت وش ذا
قال :- هذا احلى شي بالبر قدرت اصيده وشكله غريب وحبيت اهديك اياااااااه

صرصوووووووووووووور
صرصووووووووور
صرصوووور
لا وعيونه زرق كمااااااااااااااااااااااااان

قلت يعني الحين انت وكشتك فرحان ؟؟
قال ليه وتفكرين اني صدته بسهوله

قلت طيب طيب
واخذت منه الصرصور وطلعت الثعلب اللي تحت شبشبي وخليته ياكل الصرصور
ياحرام بعد ما اكل الثعلب صرصور مكافي راح فطيس من اول لقمه

مات تثعلبي وراحت هديه مكافيوووووووه

وحنا جالسين كل واحد مطير عيونه بالثاني
نادتني عصير برتقال

روااااااابي
تعالي بسرعه شوفي اونو وهو يرقص
قلت اونو بكبره يرقص
ياسلالالالالالالالالالالام كششششششخه مره

رحت وتربعت وجلست اصفق واشجع مع باقي المصرقعين
ويوم صارت الساعه 4 قال رسلي يالله شباب يالله صبايا للنوووووم
الصباح ورانا تطعيس فوق رمال الصمان

واخذت شنطتي وفرشت فراشي ونمت من اول ماحطيت راسي على الفرااش

صحيت على دق يد السهران
قلت هااااااااااااااا وش تبين يمه بنااااااام وراااااي مدرسه
قال وش يمه انا السهران قومي ابيك بسررررررعه

قلت السهران وش مصحيك بيطلع النهار الحين رح طس نم
قال :- تعالي ابيك بسالفه

قلت وشي
قال اعرفك تموتين بالمغااامرات صح
قلت صحين ونص
قال طيب تعااالي ورااااااااي

رحت وراه وانا عيوني وحده مقفله ووحده مفتحه وشبشب برجل ورجل من غير شبشب

وقفنا عند سياره رسلي
قال تعالي نتدرب على صعود الطعوس علشان باااتسر نكون بالمركز الاول

قلت حلو مشييييييينا

رحنا فتحنا السياره لقيناها مقفله ولا فيها مفتاااااااااح
قال السهران تقدرين تروحين تسرقين المفتاح من ثوب رسلي
قلت افا عليك خبره 15 سنه
ثواني وبرجع

رحت ودخلت خيمه رسليوووه وجمااااااااعته
تسحبت بشووووووووويش
توني بحط يدي بجيب ثوب رسلي الا وسمعت صوت دودي

روااااااااابيووه وش تسووين <========= صادوهااا

وش مدخلت خيمتنا بتالي هالليل
قلت والله ما جاني نوم وراسي مصدع واذكر رسلي على طول بجيبه حبوب منومه
قلت اجي آخذ منه كم حبه وانام
قال اممممم طايب انا عندي تعالي اعطيك <=== والله البلشه

قلت حلو هات بسررررررعه تراني مررره دايخه وودي انام

سحبني قال وين خوذي مويه واشربيها هنا
قلت لا بروح هناك بفراشي واخذها
قال لا يا خبله ما ينفع يروح مفعولها خوذيها الحين ماتوصيلن فراشك الا مفعولها جااااي وراح تناااااااامين على طووول

قلت طيب امري لله
اخذتها وانا ما اشوف الطريق <=== حسبي الله عليك يا دودي الاباااااااااليس

المهم ومثل ماقال ما امداني اطلع من خيمتهم الا وانا نعسااااااانه
قابلت السهران من ورى باب الخيمه قااااااااااال بشري
جبتي المفتاااح

قلت هاااااااااااااااااااااااا
وشوووووووووووووو

مييييييييييييييين

متىىىىىىىىىىىى

اثر عليها العلاج

مادريت الا يوم طحت بين يدين السهران

ياحرام السهران مايدري وش السااااالفه
ويناديني روابيووووووووه
روابي ردي تكفين
روابي وووووجع ردي

سمع الوهم صوت السهران وهويناديني
طلع الوهم وشافني بين يدين السهران ومغمضه عيوني ورااايحه فطيس <==== يفكرني مت

قال الوهم باعلى صوووووووته

الحقوووووو روابي مااتتت على يد السهران
صحو الشله كلهم وجو طااااااااايرين

والسهران يا حرام ما يدري وش السالفه

قال وشو انا بريء مدري وش السااالفه
قال مكافي وش تعليقك يوم روابي بين يديك ورايحه وطي وميته
اكيد انك قتلتها
قال والله ما قتلتها كانت مثل ابليس قبل ربع ساعه
قال اونو طيب هاتو روابي لاسعاف الحلم

دخلوني لخيمه الاسعاف

وعلى طول دخلوني للانعاش وبعمل كافه الاجراءات وتخطيط على القلب والاعضاء طلعت من غرفه الانعاش لغرفه الراحه

دخلوني الغرفه وجلس معي بالغرفه المزيون
طبعا وانا نايمه ومن اثر المخدر صرت الهوس بكلامي وبصوت عاالي
صرت اخربط واقول السهران يالله متى نسرق السياره
تعال دودي عطني حبه ثااااااااااانيه من حبوب التنويم
المزيون الله يخليك اقلب وجهك واتركني
مكافي مابخلي قصه صرصروك تمر على خير
اونو والله لااخلي الحلم يرقص احلى من رقصك الدلع

المهم صحيت بعد 5 ساعات
يوم فتحت لقيت كل الاعضاء حوالي

احلى اثريني مهمه وانا مو داريه
وتوني فاتحه عيوني
قال لي رسلي

اخيرا يا الخبله صحيتي <==== هذا قوله حمدالله على سلامتك

قال دودي يالله شباب النهار خلص وحنا ما طلعنا للبر نطوعس
قال مكافي يالله خلونا نمشي بس وروابيوووه لا تخافون عليها
خلوها بالخيمه ولا بيجيها شي
قالو الباقين صحيح يالله خلونا نمشي
ركبو الاعضاء كلهم وانيت رسلي وانطلقو لطعوس الصمان واتركوني بالحااااااااااالي

طبعا انا مستحيل اقدر اجلس لوحدي وانا عارفه انهم راح ينبسطون هناك


بعد ما مشو بربع ساعه طلعت وركبت اقرب بعير على الرصيف بالبر
انطلقت ولقيت راعي خرفان يرعي ومعه سياره ددسن غماره وحده
قلت له تكفى ياابو طلال ابي السياره ساعه بس ولك مني اعطيك 20 راس بعير من حوش جارنا ابو سليمان
صدق وقال لي جتك يا رواابيوووه السياره وراعيها لو تبين
قلت لا تكفى انثبر ما ابي غير الددسن بس انت خلك مع خرفاانك
،،،،،،،،،،،،،

ماقصر عطاني الددسن وركبتها وانطلقت بسرعه 90 كيلو بالثاانيه
وحصلت الشله فوق طعوس الصمان
طبعا انا تلطمت بطرحتي وشغلت كل امكانياتي الصرقوعيه وانطلقت بكل تحدي

حصلت رسلي يطوعس بسيارته
هو من جهه اليسار
وجيته انا من جهه اليمين
ومن قوة الطلعه طلعت الددسن حقتي فوق وااانيته
انقلب رسلي ووانيته
ولله الحمد ماجاه غير العافيه
وانا طبعا كملت مشواري
نزل رسلي وركب السهران
انا عرفت السهران من نظره عيونه <====== عيون المها الحين

يوم تقابلنا انا وهو فوق راس الطلعه
دقين بوري وقلت له تشااااااوين ونص يا سهااااااااارينو
طارت عيونه
قال من روااااااابيووووووووه

وش جااابك منهي سياارته ذي يا مصرقعه
قلت افا بس تفكروني بخليكم وراكم وراكم وانا بنت ابو روااااابي
وطبعا بدا هو يطلع وانا انزل
وهو ينزل وانا اطلع
وتركنا الباااااقين
واسمع صوت اونو يقول للسهران بالمكرفون
سهرانوووووه بسرعه ارجع دووووووووري

طلعت راسي من شباك السياره وصرخت باعلى صوتي وقلت
حراااااام هذا وجهي ان رجعنا لكم يا مصرقعين
وشخطنا انا وسهرااانووووووه لمضارب بني طلال
وبس

تووووووته توته خلصت الصرقوووووووووعه

[شكمان]

بسم الله الرحمن الرحيم
طبعا هذي اول مشاركه لي وصراحه اعجبني الموضوع وحبيت اشكر القائمين
على هذا المنتدى الرائع بل أكثر من رائع أما بالنسبه لموضوع اللهجه فأنا قريت
الردود بعضها كنت معه والبعض حاولت ابتعد عنه لكن بإختصار شديد
اللي يستحي من لهجته ماعنده سالفه نعنازيك اضربها ولا يهمك كل كايد
فأنت من قبيلة يضرب فيها المثل أما بالنسبه لي والله أتكلم بلهجتي أمام جميع الناس كافه
بدون استثناء

أهداء بسيط
ياليت جدي من العجمان اللي على الحرب صباره
ردوا سلامي على ضيدان وخميس(ن) ذاعت أذكاره
ولا أحد يروح بعيد تراني عجمي
بس حبيت ابين لكم وجهة القبايل الثانيه ورغبتها في الإنتماء لقبيلة العجمان

تحياتي لكم
شكمان (للأسف)

[اميرة^الحب]

امممممممممم

انا مو عجميـه >> داشه لقافه

ويعني يعني سامحون على لقااافتي

باااااااااي

[عجمي ولي الفخر]

يعطيك العافيه ياخووي ياوايز ماان

واناا اتكلم بلهجتناا عند الي يفهمني

والي ما يفهمني احااول اتكلم بلهجته عشاان افهمه الكلاام

ولا هنت على هالموضوووع

وحناا نعتز بلهجتناا

ولا هنتم

[سندريلا العجمان]

ياجماعة مافي حاجة اسمها لهجة العجمان كل واحد ومنطقتو يحكي على حسب المنطقة وتختلف اللهجات الي ساكن في الرياض والقصيم والحجاز ووووالى اخره وهذا طبعا غير الي في الكويت والبحرين وووالى اخره يعني احنا عندنا مانقول اسمه نقول اسمو.....اهديله اهديلو .... عمره ...عمرو

[كويتي]

اخي الكريم كل انسان يفتخر بأصله ولهجته وتاريخه

ولكــــــــن : كل انسان وطبيعته وبيئته في البيت في المدرسه
في الدوام في كل مكان ..

يختلط مع الناس ومنهم الي يفهمونك ومنهم الي ما يدرون شنو
الطبخه ..

وصدقنــي الي يقول اني اتحدث العجميه مع كل البشــر مستحيــل
عشان في دوامه وفي مدرسته وغيره يكون وياك ما يفهون
فلازم تتكلم وياهم باللهجه العاميــه ..

لاهنت حبيبي

كويتي

[قرم العجمان]

السلام عليكم ورحمة الله وبركاته
اشكرك على طرح هذا الموضوع المتميز والمهم
لازم الواحد يتمسك بلهجته لأن مثل ماتعرفون طلعت هالتمثليات اللي كلها حضر في حضر
وتشوف الناس تعجبهم شخصيات في التمثليه ويقلدونهم في كلامهم وينسون لهجة العجمان

وانا عن نفسي اللي يفهمني اكلمه بلهجتي واللي ما يفهم أكلمه بالعاميه


مجرد وجهة نظر

[مشغول]

انا اقول كلن على كيفه
من عرفني الكلام واحني نتكلم كلام ابانا واخوانا
ماتغير شي عند الاجناب ولا بمجالسنا
هذا انت ياعجمي تلغويت ولا ماتلغويت
ولاقالو عجمي الواحد يحط ايده على راسه
طبعا عند البدو ولا الحضر حني معروفين
والحمدالله اصلنا طيب مايفشل محنا عوج دخان ولله الحمد

شكرا

[أبـــوسعـــــود]

الاخ وايس مان
اشكرك جدا على موضوعك الممتاز


أما بنسبه للهجه نلاحظ في الآونه الأخير أن كل القبايل يحاولون أن تبرز لهجتهم

مثل لهجت العجمان مع أحترامي كل القبائل وذلك من خلال الدوام أو حتى الدوانيات

يعني قبل مكان أحد من القبايل تميزه عن الأخرين إلا العجمي من حيث اللهجه

الأن العجمي حتى لو تلغوى لابد أن يجيب كلمه عجميه مثل (سجيت-أتناك -بصرك).

بعدين في ماسبق العجمي تعرف أنه عجمي بدون أن تسأله عن أصله .

وطغت هذه الظاهره على سائر القبائل في الوقت الحالي ، تلاحظ أن الشمالي يتكلم

بهجته وقبل كان يستحي منها وقبل الشمالي قبائل الجنوب.

أما بنسبه لي أتعمد اللهجه العجميه البحته المندثره معا الرجال كانوا بدو أو حضر

وبعض النساء وليس كلهم. أتعمد أتعمد!!!!

[ناصـر محمد المجروب]

يعطيك العافيه اخوي وايز مان على الموضوع

والصراحه الواحد ينعرف من لهجنه وحنا يالعجمان لاتكلمنا عرفوا انّـا عجمان

لان كلامنا مفهوم وهو اقرب ماله اللغه العربيه والواحد لازم يتمسك بلهجته

وهذا الي حبيت اضيفه وكلامنا مافيه عيب وهو من احسن اللهجات عند القبايل

ويعطيكم العافيه

[سعد الصميل]

انا معاك يامليحان كلامك معقول :)
عالعموم لاهنت ياوايز مان على الموضوع ;):rolleyes:

[الصحوة]

مثل ما قال الاخ قرم العجمى اللى يعرف اتكلم بلهجتى واللى ما يعرف اتكلم بالعاميه

ولكن لدى سؤال..؟؟

1- لماذا موجود حرف الشين فى هذه اللهجة ..؟؟
يعنى ما تعرف انه عجمى إلا لما يوشوش ..!!!

2- فى بعض الأفخاذ من العجمان لهم كلمات واضحه وتعرف انه هذا سليمانى أو شامرى أو محفوظى أو أو ...
وإلا أنا غلطانه ...؟؟؟


وتسلمووووووووون

[سعد الصميل]

الأخت الصحوه
بخصوص وجود حرف الشين
فهو موجود باللغه العربيه الفصحى وكان هناك
من يتكلم بهذه اللهجه وتسمى بالكشكشه .
وهي موجوده من زمن بعيد .

[عبدالناصر آل عبدان]

أخي كاتب الموضوع


الله يعطيك العااافيه


بالنسبه لي أنا أتكلم فقط اللغه العربيه الفصحى :d




ودعتك الله

[الصحوة]

الأخ - wise man
ممكن توضح أكثر فى معنى الكشكشة او هناك كتاب نستطيع أن نقرأه من هذه المعلومات
بارك الله فيكم

[رازين ال شامر]

السلام عليكم ورحمة الله وبركاته \\ بصراحه يعطيه العافيه الي طرح الموضوع ........... والله ياجماعه انا ماغير لهجتي ان بغت الي قدامي حضري ولا غيره ولهجتي ولهجت ابي وجداني ماغيرهاحتي ربعي بداوم حضر قام يتحاكون عجمي والله ياجماعه انهم يقولون اشبح وشقومك .ماعلينا ربعي ياعوال عمي لاتغيرون حكيكم والي يستحي ماهو منا انت ترضا على نفسك تغير حكيك تلوي حنكك وعلى فكره لغتنا اقرب لغه للفصحه وش عاد تبون اكثر من كذااا.......... والختام سلااااااااااااااام

[سعد الصميل]

إلى الأخت الصحوه , إليك ماطلبتي عن الكشكشه

الكشكشه: ابدال الشين من كاف الخطاب: في القاموس وشرحة: الكشكشة في بني سعد كما قال الجوهري، أو: في ربيعة كما قال الليث: ابدال الشين عن الكاف المؤنث خاصة، كعليش ومنش وبش في: عليك ومنك وبك في موضع التأنيث وينشدون للمجنون: فعيناش عيناها وجيدش جيدها.. ولكن عظم الساق منش رقيق ويزيدون (شين) بعد الكاف المجرورة مثل: عليكش، وفي قول المجنون: ونادت اعرابية جارية (تعالى إلى مولاش يناديش) أي مولاك يناديك.
من كتاب (لهجات العرب) لمؤلفه أحمد تيمور باشا

أرجو أن يكون الرد وافيا بعض الشيء , وتم ذكر المرجع

كل الشكر

[الصحوة]

الأخ - wise man

جــــــــزاكم الله خيـــــــر
ونســـــأ ل الله لكــــم الـــــتوفيق والســـــداد

[صـــمتا]

السلام عليكم ورحمة الله وبركاته

صدقتم ان لغتنا قريبه جدا باللغه العربيه ..

وانا أفتخر بلهجتي واخلي اللي معي هم اللي يتأثرون بلهجتي .. مب انا

ويازين لهجة العجمان . وانا عن نفسي اتحدث بلهجتي سواء عند الحضر او بدو واللي ما يفهمني اوضحله .. لانه ما تعودة اغير طبع ابأنا .. ومعنه خوالي حضر بس لله الحمدالله
مااخذت الا طبع اللي يناسبني كا عجميه ...



يعطيكم العافيه

ودمتم بخير

[سعد الصميل]

جوزيتي بالمثل أختي الصحوه
والحمدلله أنها وصلت المعلومه
كل الشكر

بنت السلاطين
كل الشكر على المشاركه والتعليق

[Shankoti]

السلاااااااااااااااااااااااام

طبعا أنا احترت وين اححط هالمووضوع بس قرت أحط بهالقسم

يعني الكل يعرف أن اللعجمان لهجه وكلمات أو عبارت

مثل دبل كبدي

..........
أنا لن أعطي ما عندي

<<<<<<<< عاد شنهوو عندك
أنا أود من الأعضااء المشااركه بما عندهم
وثمن أشاارك

[الباشا]

كلمات العجمان مثل باقي كل القبائل التي يوجد فيها كلمات

دارجه عندهم والكلمه اللي جبتها :) ما هي الا لموضوع يدبل الكبد او اي

شي يدبل الكبد مثل تصرفات البعض حبيت اوضح ليه تنقال كلمة دبل كبدي

ولااجمل من الكلمات المحترمه التي تدل على حبنا لهذه اللهجه .

ويعطيك العافيه شنكوتي

ربما نشوف ردود الاخوان

[فلاح بن ملبز]

يشبح = يطلع او ينظر

ولاهنت يا شنكوتي

[بنت القبايل]

الصراحه لغه العجمان اسهل لغه ومافيها اي تعقيد


يعني بصراحه اكثر مافيها لوووي لسان


وهذا بعض الامثله انا الصراحه كنت اقولها عند اناس وماكانو يفهمونها مثل ابكيش الله يقطعش فديتش ولعنباش:d

[انتحار]

"قطع صيب من صيب الخبلان"
دعاء

الغرض منه
الدعاء

لانقراض اصناف الحمقى

كما ذكرها الشاعر حين قال

((عن صحيب وعن قريب "قطع صيب" وشق جيب وكل ملهوف ندب))

:)

[Shankoti]

جعلك سلال فهيد
والله جدتي كانت
تقوولي
إياااه
بس صدق شنووو معناه

[khalid_11]

السلاااااام عليكم ..

انا الصراحه حدي حدي ما اعرف اتكلم عجمي وهم بعض الكلمات العجميه ما اعرفها .. معني حدي عجمي .. لكن المشكله اني ما عشت مع شياب وعجايز اتعلم منهم وفوق هذا انه منطقتنا كلهم حضر من ايام الروضه لي الثنويه والحين بعد ما دشيت الجامعه واختلطت مع شباب الديره كملت السالفه :(
وما اعرف من لغة العجمان الا حرف "الجيم" هذا الشي الوحيد اللي يخلي الناس يعرفون اني بدوي ..
وسلاااامتكم

[ناثرة الورد]

من اهم مايميز كلام العجمان حرف (((قد)))
مثال:
قد رحت
قد جيت
قد سويت.

[قبلةالعجمان]

"قطع صيب من صيب الخبلان"
دعاء

الغرض منه
الدعاء

لانقراض اصناف الحمقى

كما ذكرها الشاعر حين قال

((عن صحيب وعن قريب "قطع صيب" وشق جيب وكل ملهوف ندب))

:)




ههههههههههههههههههههههههههههه
ههههههههههههههههههههههههههههه
هههههههههههههههههههههههههههه


:):):):):):)
الله يقطع إبليسج مت من الضحك ..:):):)



بالنسبه لي في كلمة توني أمس اعرف معناااها

(( أتناش )) = (( أنطرج ))



:):):):)

[وطـبـان]

قبيلا = منذ قليل:)

[برد ودفا]

صه = اسكت
اسابيه = اصافحه
ووو والله ما اعرف
بس هذا الي اعرفه ومشكوور اخووي على الموضوع الحلووو

[gravity]

شنكوتي اولا الموضوع يجنننن ومفيد بعد :)

لاهنت ياخوي وألف شكرر

ومن كلمات العجمان

اويق =اطل

ويقي ويقي على اخيش اشبحي هو يبكي ؟ <<< متعوب على الجمله ههههههههههه

[تريكي]

حيد=صخرة

تيك=هذيك

شكراااااااااااااااااااااااااااعلي الموضوع الروعه

[Abdullah-Alajmi]

السلام عليكم ورحمة الله وبركاته من كلام العجمان ..@_@.. دبل كبدي .. جعلك السلال .. جعلك أشكل من أبيك .. يقطع صيبك .. مهيب هي ..جعلك سلال فهيد .. حيد .. تيك .. أحتريك .. يا نعنباك ياناه .. يويق علينا .. أتناك .. يشبح ............ الخ

[فهيد فهد فهاد]

لعنباش يام الهكي

[بنت البوادي]

اخخخخخخخخخخخخخخخخخخ والله الموضوع ايموت من الضحك مشكور اخوي شنكوتي على طرح الموضوع اللي يفيدنا على معرفة الكثير من الكلمات اللي نسمعها احيانآ ولا نفهمها بس انعديه مثل الهنود نهز هالراس وبس >>>>>>>>>>تتكلم عن نفسها
واسمحلي شنكوتي اشارك معاكم في موضوعك المثير للجدل>>>>>> حشى ماصرت لعبه سويتها قضية الشرق الاوسط


انا بقول كلمات سمعتها من زمااااان بس مادري وش معناتها

الوحد
اهوه
البليه
هفي
ياطش مريري واحيانا ياطش كبدي طشاه

فيدوني بالمعنى..............

[ابو ندا]

حلو موضوعك وجميل وفي محله
ولكن اجمل الكلام كلام العجمان تعرف ليش
لانه يشابه الكلام العربي الفصحه
..... لهذا الموضوع اضع لك بعض المواقف !!! في المدرسه ايام زمان
مدرس مصري : حاط صوره الدوه على الطوفه !! اللى هي المنقد لنار




تعرفون الكثير يسميها !!! دوه وماشبه هذا ؟ بالاسماء الخاطئه
المهــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـم
كانت ترجتها 10 % 10
والكل قال .... دوه والبعض قال مشب نار والى اخر
وانا ساكت ورفعت ايدي
























































وقلت





















منقد


































وهذا الصحيح واخذت الدرجه والباقي قام يضحك عليه قبل لا يقول صح وبعدين انقدو على انفسهم
ههههههههههههههههههههههه
مشكور موضوعك مميز

[تريكي]

ذلول حزام مردوفه=تراء في الجو غيم

[تريكي]

احق الله عليك ذاالليل=تهديد بضرب مبرح

[Abdullah-Alajmi]

لبه خراطيش كبدش :)

[نـاصـر]

والله خوش موضوع ولازم نترك بصمه فيه

جعلك سلال فهيد

وسلال فهيد مرض السكري الله لايبلانا الا بلواً حسن انشالله


أيك خبل=فعلاً انت احمق


جعل أبيك في الضو


لاغير=وأذا


مثلاً بعض المسميات

مثل شجرة أرطى

يسمونها العجمان العبل وباقي القبايل يسمونها أرطى

وفي اللغة العربيه اسم هذه الشجرة أرطى واسم اوراقها عبل

ويبدو اننا اسمينا الشجرة بأسم ورقها وقد لاحضة بعض شيبان العجمان يقولون لها تارة ارطى وتارة اخري عبل

والسؤال اللذي يطرح نفسه هل جميع العجمان يسمون شجرة الرطى عبل ام الاسمين معاً

انا عن نفسي من عرفة العلم وانا اسميه عبل

[ferrari zeer]

يا جعلني ما ذوق حزنك ... تقال لشخص لا تريد ان تراه حزين

ابكيك ... تقال لشخص انت ندمان بتعرفك إليه

جعلك تحيا ... تقال لشخص تريده باقٍ في تفوقه بجميع النواحي

العكاريش ... شعر المرأءه الطويل او الجدائل

واترك المجال لباقي الاخوه لموافاتنا بكلمات العجمان الجميله الاخرى :)

[Shankoti]

ههههههههههههههههههاي

لبى خراطيش كبدش


مشكوور عالمروور يا عبد الله

[Shankoti]

أنا داايم أسمع العجمان يقوولون

لبى
لبة قلبك
لبى عينك
لبى كبدك
لبى زوولك
لبى خشتك
خخخخخخخخخخ

[المستقل]

إبي = أبوي
إخي = أخوي
قبيلا = قبل شوي
عوال = عيال
نفداك = فديتك
مالك لوى = يعني أغسل أيدك :)
عسا ماخلاف = عسا أمورك طيبه
وحتيش = وماقالت :)

وسلامتكم :)

[المستقل]

إبي = أبوي
إخي = أخوي
عوال = عيال
مالك لوا = أغسل أيدك :)
عسا ماخلاف = عسا أمورك طيبه
قبيلا = قبل شوي

وشكراً