دعوة عرس(ما شعورك) [الأرشيف] - ::. مـنتدى قبيلـة العجمـان .::

مشاهدة النسخة كاملة : دعوة عرس(ما شعورك)

Computer Eng

30-12-2008, 11:32 PM

اخواني اخواتي

اتمنى اعرف شعوركم في هذا الموقف

اولا بالنسبة للرجال :-

ماذا لو احببت امرأة لحد الجنون وتفاجأة ان صديقك يدعوك لعرسه على هذه الفتاة؟

بالنسبة للبنات:-

ماذا لو احببتي شخص وقامت صديقتك بدعوتك لحضور عرسها على هذا الشخص؟

راعية الونيت

31-12-2008, 02:50 AM

سؤلك حده اكشن

الحمدالله قلبي خالي من داء الحب كش برى وبعيد

يعني خنا اتخيل لوصارت

عزتي الحالي ذيك الساعه

وهذي ماتنتسما صديقه الا عدوه اهب امحق صديقه

بس الي بسويه باخذ تكرم كعبهاا وكسره من شان لما تدخل الشينه تمخطر تعرجب يعني تخذع وطيح علي فيسها الفيس الي يستاهل والله >> موجني عشت الدور هذا كله وانا اتخيل

يعطيك العافيه خيو

دمت بحفظ الرحمن

Computer Eng

31-12-2008, 03:04 AM

والله اني قعدت اضحك لين مت

الله يفرح قلبك مثل ما فرحتي قلبي

وسؤالي هذا درامي يبيله خيال واسع وعلبة كلنكس

عشان نعيش الجو

شاكر تعليقك

راعية الونيت

31-12-2008, 03:54 AM

دووم هالضحكه نهي يوم

معشوقش الراحل

31-12-2008, 04:27 AM

بحضر زفافك ياحياتي بحضر زفاف اللي هويته:)

شدعوه مسلسل مدبلج

كعبــــــول

31-12-2008, 04:33 AM

والله على حسب ان كان خويي يدري انه ودي بها او مايدري

ان كنه يدري والله ان ابرك على حلقه

وان كنه مايدري خربت عرسهم ذاك الليل .... اهم شي مااخليهم يستانسون :D

بس والله ان يغدي ذاك الليل امحق الليالي علي

اسين على كبدي :(

Computer Eng

31-12-2008, 04:55 AM

الله يعين بعد ما ينتهي الاعضاء

بنقلهم شعور من عايش نفس الموقف

بنت الشهم

31-12-2008, 07:35 AM

بالنسبه لي بأذن ربي ماراح يصير لي لاني مثل اختي

راعية الوانيت

واذا اذا اذا اذا عزي لحااااااااااااااااالي ومالت عليهم مقدما>>>>استغفرالله

تحياتي لك يابداح ع هالسؤال

تقبل مروري

$ احلى من العقد لباسه $

31-12-2008, 10:41 AM

البداح
شهالسؤال القوي حده

انا عن نفسي ان كانت تدري اني احبه وتاخذه والله يأن ذاك اليوم بصير ليله محقه عليها و لألعن خيرها وربي ماخليها >>> عشت الدور

واذا كانت ماتدري فأكيد بتمنالهم التوفيق وادعيلهم بالخير حتى لو كان قلبي موجعني

وهذا كله قسمه ونصيب واللي كاتبه ربي بيصير رضيت ولا مارضيت

لاهنت يالبداح

Arrogant man

31-12-2008, 11:35 AM

اولا بالنسبة للرجال :-

ماذا لو احببت امرأة لحد الجنون وتفاجأة ان صديقك يدعوك لعرسه على هذه الفتاة؟

والله احضر العرس وكنه العيـد

وأصور وأرقص ... << البنات تارسين الديره

لاهنت

عزوف

31-12-2008, 12:14 PM

بالنسبة للبنات:-

ماذا لو احببتي شخص وقامت صديقتك بدعوتك لحضور عرسها على هذا الشخص؟

عــــــــــــــــادي

هو اللي اختارها برضاه الله يهنيه فيها وهي رضت فيه الله يهنيهــــــــــــــــا عادي ...

اللي ما عرف قدري ما يستاهلني ولا يستاهل اني اتضايق علشانـــــــــــــــه :)

البــــــــــــــــداح

اختيار موفق كالعاده ,,,,,,

ريف الضعيف

31-12-2008, 12:52 PM

شي اكيد راح انصدم واطيح مريض حمى الحب
ثانيا صبر جميل والله المستعان ماني باول واحد يخسر حبه

انا اقول هذا هو حب من طرف واحد ( يا شينه شيناه )

تسلم يا البداح على السؤال المحرج واللي يعتبر من اصعب
الاختبارات في حياتنا .......

تقبل تحياتي ومروري

# أم أطياب #

31-12-2008, 01:06 PM

عزوف :)

انتي صح والله

..

لاهنت يالبداح والله يعين قلبك :(

Computer Eng

31-12-2008, 04:16 PM

الله يجزاكم خير

جميعا

على مشاركتكم

وان شاء الله راح انقلكم خبر من طاح في هالموقف

بصورة كاملة

ولكن بعد ان اقراء اراء اكثر

شـمـوخ مـطـيـر

31-12-2008, 04:24 PM

آممممممممممم

بنسبه لـىى .. :)

صحيِح بيوجعنىى قلبـىآ . !!

بس من بآعني ورضآ يرخصنـىىآ

بترآب ينبآع .. :)

واحضرٍ العرسِ واهنيهآ به :)

.
.

لاهنت البدآح

Computer Eng

31-12-2008, 04:42 PM

يا جماعه انتوا فاهمين غلط الموضوع

انك تحب شخص وهالشخص مايدري انك اتحبه

وقام هالشخص وتزوج من اعز صديقاتك

او ان صديقك العزيز تزوج البنت اللي في خاطرك

كـــ حلاااا ـــــلى

31-12-2008, 04:43 PM

اذا دريت وانا في العرس

اقعد مكاني بس خانقتني العبره

واذا دريت قبل ما احضر اعتذر لها

مـزعـّلـة ـآلـنـسآـآ

31-12-2008, 06:14 PM

بدعيله بالتوفيق

وأكيد ببكي لأنهآ بتكون صدمـه ... ومآ رآح أحضر ( مآني خبله أروح وأقطّع قلبي )

:

وبـس

كل الشكر على هالسؤآل اللي
مآ حلووو.. :p

قلب_مهجور

31-12-2008, 06:32 PM

بسم الله الرحمن الرحيم

هذه القصيده تعبر عن كل الشعور اللي فيني

ابد ماجيت ابارك ولكن جيت باوصيك
على الله ناوي ٍ تدخل بهـا الليلـه مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا ... تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
. تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي

صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
اغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي

البداح

دمت بود

Computer Eng

31-12-2008, 10:42 PM

لا هنتوا جميعا

ولكن قلب مهجور

انت غير

بارك الله فيك

غرور

31-12-2008, 11:49 PM

قلبى مايعطينى احضر العرس..

ولا ادعي لهم,,ولا عليهم,,

ابتعد عنهم,, واحاول اتناساهم,,

مشكور البداح

Computer Eng

31-12-2008, 11:57 PM

غرور

الكلام سهل

بس ياترى هل اذا صار الموقف حقيقة

بتسوين اللي قلتي عليه

وشاكر مرورك

شـمـوخ مـطـيـر

01-01-2009, 12:07 AM

اها ..

يعني كذآ .. :)

بـد ع ـيٍ آن ربي يوفقهـٍم ويسعدهـٍم

وصحيٍح بتضآيـق .. :)

بس يمكـن تكوٍن خيرٍه آآآآآآآو نصيب :)

لاهنت من جديد

Computer Eng

01-01-2009, 12:11 AM

شاكر مرورك شموخ

والله لا يطيحك في هالموقف

Under_Construction

01-01-2009, 12:14 AM

الله يوفقهم مع بعض

والله يصبر قلبي :)

بحضر العرس ولاتعليق فيه

الظبــــــــــي

01-01-2009, 01:59 AM

البــــداح ليتنـــي مادخلت ع موضوعك:)

بس ع قولتهم من باعك برخيص نبيعه بترااااب دامه خلاني اروح لغيره

وقدام نظره ولاتحرك 000عاااااااااادي اللي ماهتم لي مانيب مهتمه له بس اكيد مااحضر

العرس 00 وكلها فتره وبسج منه لانه مايستاهل تفكيـــــــر فيه00

واللي بقووووله00

يــــاجعــــل قسمـــي عنــــد ربـــي مــن خيــــار القســـوووم

واحـــد[ن]يعطــــي العطــــايـــــا ولايــرتــدهـــــاااااا

دااانة البحرين

01-01-2009, 02:16 AM

الله لايقول طبعا :rolleyes:

ووووالله ماأرووووح
:(

بقفل على روحي غرفتي وبتحلف وبقعد ابجي لين الله يكتب لي الفرج

والله يوفقهم
:cool:

((البداح))

تسلم على هالحظات اللي خليتنا اتخيل فيها

يعطيك العافيه اخوي

تقبل مروري أختك دااانة البحرين

Computer Eng

01-01-2009, 02:22 AM

اهل المنتدى

انقسموا الا قسمين

قسم حبيبه

و

قسم قلوبهم قاسية

دمتم بود

:)

وان شاءالله الله يكتبلكم النصيب اللي تبون

سَيِد شَجره

01-01-2009, 03:40 PM

اللي يبينى عية النفس تبغيه
واللي نبي عيآ البخت لايجيبه
.. ..
..
.

الله أكبر
بالله شلون رآح أحبها
لايكون الأخت تمشي متكشفه ؟!
..
.

أن كآنها كذا أول من يآطى على غآلبها أنآ
..
.

تحيـ آتي لكـ يآشيخنا البدآح
:)

غرور

01-01-2009, 11:37 PM

غرور

الكلام سهل

بس ياترى هل اذا صار الموقف حقيقة

بتسوين اللي قلتي عليه

وشاكر مرورك

ماينجبر قلب على قلب,,

هو اختار طريقه,,

والله يكتب لنا اللى فيه الخير,,

وكل شى قسمه ونصيب,,

Computer Eng

01-01-2009, 11:38 PM

شاكر مروركم

جميعا

واختي غرور

اللهم امين

شموخ العجمية

03-01-2009, 06:36 PM

انا بصراحة مع قلب مهجور كفى ووفى

البداد دايماا مبدع بمواضيعك

طعنات الغلا

03-01-2009, 07:40 PM

مرحبا

انا الصراحه آمن بهالمقوله

الي نساك انساه والي هواك اهواه و الي قدرعلى فرقاك تقدر على فرقاه

واذا كانت رفيجتي ما تدري ما اقول الا الله يوفقهم

وهذا النصيب مقدر على الانسان من قبل لا يطلع ع هالدنيا

البداح الله يهداك خليتنا نعيش الموقف

تقبل مروري ولا هنت ع الموضوع الدرامي

تحياتي: طعونه

Computer Eng

03-01-2009, 07:41 PM

شموخ شاكر مرورك الكريم

بس كأنك غيرتي بسمي :)

Computer Eng

03-01-2009, 07:42 PM

اختي طعنات

بس والله الكلام سهل بس الفعل صعب

ومثل ما قال اسأل مجرب ولا تسأل طبيب

طعنات الغلا

03-01-2009, 07:45 PM

اختي طعنات

بس والله الكلام سهل بس الفعل صعب

ومثل ما قال اسأل مجرب ولا تسأل طبيب

:rolleyes:

البداح

شكلك انت الي مار بهالتجربه :cool:

Computer Eng

03-01-2009, 07:49 PM

:rolleyes:
البداح

شكلك انت الي مار بهالتجربه:cool:

منو يقول

:)

طعنات الغلا

03-01-2009, 07:53 PM

كلامك هو الي يقول<<< دكتوره نفسيه

Computer Eng

03-01-2009, 07:59 PM

لا الحمدالله ما عايشتها

بس وقفت على احداثها عندما مرت على صديقي

وكان من اقوى الناس وصاحب رباطة جأش

بس عقب اللي شفته من الصدمة اللي اثرت عليه

عرفت ان هذا الامر صعب

وهذا وهو رجال

فكيف بحال البنات ويا جماعه في بعض البنات او الشباب عبالهم الحب تلفون وخرابيط

بس فيه حب من القلب الى القلب وكما قيل حب عذري

وصدقوني ان اكثر من حب هم اهل القبائل

ولا ماكان الغزل اخذ مساحه كبيرة في اشعارهم

وقال عمر بن عبدالعزيز رضي الله عنه

ان كانت لي نفس تواقه (تشتاق)

فتاقت الى فاطمة بنت عبدالملك وتزوجتها

وهذا عمر بن عبدالعزيز الخليفة العادل

اسف على الاطاله ولكن لا بد من وضع النقط على الحروف

لما رأيته من تحفظ في الرد والمشاركة من قبل البعض

وصدقوني اللي ما يتأثر في مثل هذه المواقف فأنا اعتبر انه ماله قلب

لان الحب حلو مر واللي يفقد هالاحساسين فيسمحلي

ماحب

وشكرا

ابكي على وقتن مضى

03-01-2009, 08:16 PM

ألف شكر على السؤال الحلو

انا وبكل صراحه اعترف انا حبيت شخص وبعد فتره تزوج بس البنت ماتدري اني احبه يعني مافيه مشاكل بس علي انا اكيد تعبت ونفسيتي راااااحت ولو في احد يسمعني واسمعه كانت خذيت راحتي بالشرح المفصل والمطول