الصوره اللى بجوالى تعذبنى ؟؟؟؟؟؟؟؟؟؟؟

[نايف العجمي]

قصيده اعجبتنى ولا اعرف شاعرها ؟؟؟؟؟؟؟؟




الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا




ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا



من يوم حبك .. غزى القلـب وتملكنـي
قطعـت كـل العـلاقـات وطواريـهـا



اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا



انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا



لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا



ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا



من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا



تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا



تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا



بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟



مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا



يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا



اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا



واهديتني جرح .. موجعني ؟ وعاجبني ؟
لــن الهـدايـا عـلـى مقدارمهديـهـا



صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا



مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا



لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا



ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا



فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا



مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا



اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا



نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا



تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا



مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا



اشوف ( صورتك ) .. ودموعي تسابقني
وياكثـر ماجيـت أبمسحهـا ؟
وأخليهـا



صح السان شاعرها امانه ما اعرفه

[(سعد بن محمد)]

لاهنت يانايف على هذا النقل

وتسلم يمنااااااااك يالغلاا

وصح السان شاعرها

وبالتوفيق

تحياتي

[موادعك خيره..!]

يابري حالي


لاهنت طال عمرك

[مناحي الصميل]

السلام عليكم ورحمة الله وبركاته




يعطيك العافيه على القصيده



وصح الله لسان ابو عبدالله :)



صاحب القصيده / سعود بن مهدي



لا هنت

[برنسيسة القلوب]

مناحي سبقتني فالرد

والله جايه الموضوع ابا اقوول اسم الشااعر


ولكن


دامك سبقتني >> ومن الضيقه صار لها سااعه تدور تبا تعرف اسم الشاعر << بجيبها لبنت العجمان صوتية



:)

[سيده الذوق الاولى]

بصرااحه القصيده رووووعه صح لسان شاعرها

[عبدالله ال شامر]

تسلم على النقله الرائعه والله لا يهينك
تقبل مروري

[عضو عتيبي]

الله عليك أخوي نايف عزالله ماقصرت يالغالي ..

وبصراحه أقدر أقولك أنك جبتها ع الجرح بهالقصيده اللي تعنيلي الشئ الكثير ..

قصيدة قد أوقفتني فيما سبق وأوقفتني هُنا .. لتعلن حالة حزن خاصه بي ..

صح لسانك وعلا شانك وبيض الله وجهك ..

دمت بخير ..