زان وقت اللعب والمعنى وجيت ***

[theebalwadi]

السلام عليكم..


زان وقت اللعب والمعنى وجيت %%%%

والملاعب تفتقد حضارها

من يدور للمعاني لا يبيـــت %%%%

شب نار الملعبه وانوارهــا.

[عـزام]

طيب طيب يا ذيب

استلم لا هنت

مرحبا يا ذيب وإن كانك عويت && القوافى عندنا وامهارها

والمعانى فى يدينى ما تهيت && مير برز دلتك وبهارها

الولهـــــان

[البخيت]

ياااسلااااااااااااااااااااااااااااااااااام ياسلام

متابع ياشعار

[عـزام]

أررررررحب يا البخيت

متابعك تشريف لنا طال عمرك

[ولد ال صالح]

الله الله

في صفك يالولهان ولافي

ذيب الوادي قصور

بس نبي الحماس

[عـزام]

ولد ال صالح

ما تشوف صرت عضو نشيط علشانك فى صفى:)

أررررررحب يا ولد ال صالح والله لا يهينك على المتابعه

الولهــــــان

[theebalwadi]

حياك الله يالبخيت اسعدتني متابعتك.

ومرحبا يالولهان والله اني صادق.

استلم:

مرحبابك ياعميلي بيت بيت$$$$ ابشر بهيلن مع مسمارها

لاتغرك ضحكتي يومن بديت$$$$ الذيابه ما تهز اوكا رها

[ولد ال صالح]

الله الله


كفووو والله يالذيب

[theebalwadi]

ارررحب ياولد ال صالح.

والله شيشتنا :)

[عـزام]

تبقا يا الذيب

إستلم لاهنت

كفو من ربعن لهم فعلن وصيت && تذبح الحايل وتكرم جارها

انت ذيبن بس انا حر إعتليت && وما يصيد الصيد كون احرارها


الولــهــــــان

[theebalwadi]

استلم لاهنت:

انتبه واحذر حذاري لاغويت $$$ ولا تعذر ماتفيد اعذارها.

الحرار انواع وضح وش بغيت$$$ والذيابه ثابت مقدارها

[عـزام]

طيب طيب يا ذيب

إستلم لاهنت

يا غليم لا تلفّت فى الفتيت && وانظر العليا وخل اقصارها

الحرار أحرار لو فيها حكيت && والذيابه ما تعدى جحارها

الولهــــان

[theebalwadi]

ها يالولهان عادك معي على الخط ؟؟؟

[عـزام]

جاك الرد ما قريته

وان كان قصدك المواصل هذا شى راجع لك انت اللى بادى الطاروق

[theebalwadi]

طيب طيب

اها

ماوليت امر الذيابه ماوليت $$$ وما تردد للطيور اشوارها

انتبه صوب الحباري لا بغيت $$$ والذيابه ماغفت عن ثارها


ذيب الوادي

[عـزام]

يا سلالالالالالام يا سلالالالالالام يا ذيب

إستلم لا هنت

والله انى ما بعد يمك نويت && بس يا مقرود تبحث نارها

الثريا منزلى فيها لقيت && والسهل بومه يخالط فارها


الولــــهـــــان

[theebalwadi]

اخوي الولهان لاهنت

استحى وجه القضيه واستحيت $$$ والمحبه طولت مشوارها

ياعريب الساس كفيت ووفيت $$$ ماتهون ولا تهون احرارها

تحياتي

ذيب الوادي

[عـزام]

ذيب الوادي تشرفت باللعب معك

لاهنت...لاهنت


وصح الله لسانك

تحياتي يا الغالي

الولــــهـــــان

[جالس بن مبارك]

لا هنتو يا النشامى
شكرا لكم

[عيد بن شدقان]

theebalwadi
الولهان
لا هنتو يالشعار الله يجزاكم خير والله انكم امتعتونا

[قرناس]

السلام عليكم

اخواني الولهان وذيب الوادي احب ان اهنيكم على هاذا الانجاز الرائع وصراحتا

اعجبتني محاورتكم التي في غاية القمه






اخــوكــم ^^ القرناس ^^ :p

[theebalwadi]

اخي لورنس شاكر مرورك.

الراكد لاهنت.

قرناس ارررحب ولاهنت.

[البخيت]

اهب اهب اهب اهب


للاهنتو ياشعار

[هند]

ذيب الوادى ، الولهـــان
صح لسانكم ، ولاهنتوا
تسلمون على المحاورة الرائعة
ونتمنى تتكـــرر

أسعدتونا
جزاكم الله خير



السؤدد

[theebalwadi]

مرحبا اخوي البخيت واسعدني مرورك بالغالي

اختي السؤدد حياك الله وتشرفنا بمرورك

تحياتي للجميع ذيب الوادي