@@@ الاخ العزيز ( ALAJMI ) على كرسي الاعتراف @@@ [الأرشيف]

مـحمـد

10-07-2004, 05:05 AM

السلام عليكم

في الحقيقة والواقع والبحر مليئ بالقواقع ... ابهرني اختيار ابن وعيل ولم اكن اتوقعه .. ولكن حصل الحاصل .. وها انا امامكم لمدة اسبوع نستقبل الاسئله وبصدر رحب انشاءلله .. بس لاحد يثقل علينا تعرفون صيف وحر :)

واشكركم جميعا ..

ونبدا بسؤال الاخ العجمان :

الاسم : ابوفهد او ALAJMI

الجنسيه : الكويت

العمر : شيبة :)

المهنة : مشرف في منتدى العجمان :)

تحياتى لكم

ALAJMI

عـزام

10-07-2004, 05:25 AM

السلام عليكم ورحمة الله وبركاته

إختيار موفق من إبن وعيل لعضو نكن له الإحترام .

وعندى حزمه من الأسئلة وأرجو أنها ما تكون ثقيله على الأخ العجمى.

1_ لو خيرت فى ما يلى ولديك خيار واحد فقط فماذا تختار :

المنصب- المال-الشهادة العليا-الشهرة.

2_أى الأقسام فى منتدى العجمان يجذبك أكثر من غيره؟

3_ما هو رد فعلك لو فاجأك عضو جديد بنشر هويتك الشخصيه بشكل كامل فى المنتدى:) .

4_عندما تكون فى أوج غضبك ويصادفك شخص يحاول مداعبتك بشكل ثقيل,كيف تتصرف معه؟

5_لو سافرت للخارج مع شخص واحد وإكتشفت انه يخالفك فى كل شى, ماذا تفعل؟

6_لو إتصلت عليك قناة الجزيرة تطلب إستضافتك ومناظرة أحد المثقفين العرب فى موضوع سياسى يخص الكويت فمن يا ترى ستختار لمناظرتك؟

ولى عودة إنشاء الله مرة اخرى

تقبل تحياتى:

الولهـــــان

مـحمـد

10-07-2004, 06:17 AM

الأخ الولهان تفضل اخي حاضرين :

1_ لو خيرت فى ما يلى ولديك خيار واحد فقط فماذا تختار :

المنصب- المال-الشهادة العليا-الشهرة.

الشهاده العليا لأنى بها سوف أحصل على المال والمنصب والشهره :)

2_أى الأقسام فى منتدى العجمان يجذبك أكثر من غيره؟

أخبار القبيله و تاريخ القبيلة .

3_ما هو رد فعلك لو فاجأك عضو جديد بنشر هويتك الشخصيه بشكل كامل فى المنتدى .

لكل حادث حديث .. ولكن لايحق لاحد ان يطلع الاخرين على شيء لا ارغب بذكره .

4_عندما تكون فى أوج غضبك ويصادفك شخص يحاول مداعبتك بشكل ثقيل,كيف تتصرف معه؟

أعطيه كف:) .. ولكن الحمدلله انا اعصابي بارده واعرف اتصرف .

5_لو سافرت للخارج مع شخص واحد وإكتشفت انه يخالفك فى كل شى, ماذا تفعل؟

احاول افهمه واذا ما افتهم مالى الا هو الخوى ما يتخلى :) وان طولها عودت .

6_لو إتصلت عليك قناة الجزيرة تطلب إستضافتك ومناظرة أحد المثقفين العرب فى موضوع سياسى يخص الكويت فمن يا ترى ستختار لمناظرتك؟

أختار عبدالباري دولار و محمد المسفر ومصطفى بكري :) محتار بينهم .

وحياك الله يالولهان ولا تطول علينا :)

بنت راكــــان

10-07-2004, 07:02 AM

السلام عليكم ورحمه الله

واختيار موفق من اخي ابن وعيل

وحياك الله اخي العجمي

وعندي لك كم سؤال وانشاء الله يكونون خفيفين عليك

ـــ قارئ تحب الاستماع اليه؟؟

ـــ كم جزء تحفظ من القران ؟؟

ـــ افضل نصيحه تلقيتها ؟ ومن من؟؟في امان الله

اطياف الماضي

10-07-2004, 09:22 AM

http://www.jaralqamr.com/smiles/smile_files/smile2_data/509.gif

في البداية نشكر الاخ ابن وعيل على حسن اختياره

ثانيا .. ..
http://www.jaralqamr.com/smiles/smile_files/smile2_data/990.gif

اخوي العجمي نور الكرسي وان شاء الله تقضي معنا وقت ممتع

ثالثا .. عندي كم سؤال وان شاء الله تكون خفيفة عليك

ماهو المؤهل العلمي للعجمي ؟؟

ماهي وظيفتك ؟؟

كيف عرفت المنتدى ؟؟

اين تقضي عطله الاسبوع ؟؟

ماهي مواصفات شريكة حياتك ؟؟

ماهي عيوبك وماهي ميزاتك ؟؟

قرار اتخذته وندمت عليه ؟؟

تحيتي لك http://www.jaralqamr.com/smiles/smile_files/smile2_data/509.gif

مـحمـد

10-07-2004, 06:04 PM

ياهلا بنت راكان سعدت بمرورك

وانشاءلله اسالتك تكون خفيفه على الكبد :)ـــ

قارئ تحب الاستماع اليه؟؟

الشيخ عبدالله المطرود .. شيخ فاضل من كبار شيوخ الرياض وصاحب اجمل صوت استمعت اليه وأنصحكم تسمعونه .
ـــ كم جزء تحفظ من القران ؟؟

والله يابنت راكان الفاضله لا احفظ اجزاء كامله ولكني احفظ سور لابأس بها من أجزاء متفرقه والحمدلله .

ـــ افضل نصيحه تلقيتها ؟ ومن من؟؟في امان الله

أفضل نصيحه تلقيتها من والدي اطال الله عمره الا وهي لاتعطي ظهرك للناس بل واجهم حتى لايطعن بك احد .

وحياك الله وسعدنا بلقائك .

ALAJMI

مـحمـد

10-07-2004, 06:17 PM

ياهلا اطياف الماضي وحياك الله وانا والله اسعد بقضاء هذا الوقت معكم

وسعدت بمرورك .

ماهو المؤهل العلمي للعجمي ؟؟

بكالوريوس حقوق جامعة الكويت .

ماهي وظيفتك ؟؟

وكيل نيابه قادم :)

كيف عرفت المنتدى ؟؟

عرفته في اول يوم له لأنى كنت صاحب الفكره ولكن لم اطبقها .

اين تقضي عطله الاسبوع ؟؟

أقضيها في الديوانيه ومع الوالد اذا ماكان فيه بعض الطلعات الخفيفه .

ماهي مواصفات شريكة حياتك ؟؟

الجمال المبهر والالتزام بالدين والاخلاق الحميده والنسب

ماهي عيوبك وماهي ميزاتك ؟؟

الحمدلله الله خلق وفرق وماحد يتكلم عن نفسه بالشكل هذا ولو بطريقه اخرى ولكن انا اعصابي بارده واحب اضحك ولكن لكل شيء اوقات .

قرار اتخذته وندمت عليه ؟؟

[color=0000FF]قرارات كثيره ولكن لاتحضرني الآن ومنها انى تركت سنه بدون دراسه وراحت من عمرى هباء منثورا .

وحياك الله وسعدت بمرورك .

ALAJMI

كويتيه

10-07-2004, 07:00 PM

يعطيك العافيه العجمي..
وينهم اللي طلعت روحهم اساله .. خل يطلعوون حرتهم بالاساله:)...

انا اسألتي سهله:)..

1. العمر.. الصجي...
2. عمرك الانترنتي
3. لونك المفضل
4. اكلتك المفضله
5. احب اسماء البنات والاولاد الى قلبك
6. طولك.. و وزنك
7. هوايتك
8. مثلك الاعلى
9. تاريخ ماتنسى.. و بشنو يذكرك هالتاريخ
10. اوصفلناا شخصيتك.. بالي انت تشوفه.. لي قلتلك منو بو فهد.. شتقول:)..

لك مني كل التحيه

غــ الديارــريب

11-07-2004, 12:02 AM

http://msm11.jeeran.com/ورد%20%201.gif
اهلين بخونا الغالي العجمي

نورت كرسي الاعتراف بوجودك

وعندي كم سؤال أتمنى الإجابه عليها ولك كل التقدير ولاحترام

http://msm11.jeeran.com/ورد11.gif
أحم

أحم

س1/لو قررت السفر الى اين تحب أن تسافر ومع من ؟

س2/;):p أعلى نسبة حصلت عليها في حياتك في الدراسة او العمل ؟

س3/ طموحاتك المستقبلية ؟

س4/ناديك المفضل

س5/ مثلك الأعلى في

الثقافه + السياسية + الرياضة + الأخلاق 0

ولك خالص تحياتي

غريب الديار

روووووعه

11-07-2004, 02:16 AM

وينهم اللي طلعت روحهم اساله .. خل يطلعوون حرتهم بالاساله...

هذااااني جييييييييييييت ياكويتييييييه :cool:

ياهلا بالعجمي نورت الكرسي ,,

عندي لك شويه اسئله اتمنى تكوووووووون خفيييييييفه :)

؟**********

اول شي في البطاقه الشخصيه نبي نعرف ,,

اسمك الكامل ,, عمرك ,, الحاله الاجتماعيه ,, المؤهل الدراسي ,,

المدينه ,, ياليت تجاوب بكل صررراحه ووضوح .. لانك جاوبت باختصاار مره ,,

************

ثاني شي ابيك تجاوب على الاسئله التاليه :::

1-ماهي نظرتك للنت بصفه عامه ؟ هل فوائده أكبر ام سلبياته ؟ ولماذا ؟

2-أقرب شخص لك.. داخل النت ؟؟

3-شخص عزيز صار بينك وبينه مشكله هل تسامحه لأنه عزيز على قلبك ولا ماتتنازل وتبدأ بالسلام ؟؟

4-مَن مِن الأعضاء تود رؤيته قريباً ؟؟

5-من هو كاتم أسرارك .. ؟؟

6- من أنت وكيف تصف نفسك بأيجاز ؟؟

7-ولمن يطرب في الفن .. ولمن يستمتع في الرياضة ..؟؟

8- متى تسقط دمعة الرجل وهل حدث ذلك معك؟؟

9- ما هو اطرف موقف صار لك في المنتدى؟

10-رب اخً لم تلده امك ،،،، لمن تقول هذي العباره ؟؟

برب :cool:

مـحمـد

11-07-2004, 02:36 AM

ياهلا وغلا كويتيه سعدت بمرورك ..

اي والله ياكويتيه انا لابس نظاره ومتلطم بالشماغ مابيهم يشوفونى :)

وعندى خبر اسالتك تكون سهله وسلسه على الكبد :)

1. العمر.. الصجي.

من مواليد الف وتسع مائه وحطبه :) بس يقولون 22 عام

2. عمرك الانترنتي

اول دخول لي على الانترنت بالقرن الماضى :) اواسط عام 1999

3. لونك المفضل

اللون الاسود او الازرق

4. اكلتك المفضله

الباشاميل :)

5. احب اسماء البنات والاولاد الى قلبك

الاولاد : فهد البنات : دلال

6. طولك.. و وزنك

الطول 171 الوزن 79 :)

7. هوايتك

الاطلاع وكسر الروتين

8. مثلك الاعلى

الرسول صلى الله عليه وسلم ووالدي

9. تاريخ ماتنسى.. و بشنو يذكرك هالتاريخ

والله التواريخ واجد .. ولكن يحضرنى حاليا 4/10 .. اول دخولى للجامعه

10. اوصفلناا شخصيتك.. بالي انت تشوفه.. لي قلتلك منو بو فهد.. شتقول

غامض بعض الشيء ولكن وفي والاعصاب بارده والحمدلله على كل حال .

وحياج الله كويتيه وسعدنا بلقائك :)

ALAJMI

مـحمـد

11-07-2004, 02:57 AM

اهلا بالاخ غريب الدار وحياك الله وسعدت بلقائك :)
س1/لو قررت السفر الى اين تحب أن تسافر ومع من ؟

احب السفر بالشتاء الى وادي العجمان . والصيف الى لبنان . مع ابن عمى او خالي :)

س2/ أعلى نسبة حصلت عليها في حياتك في الدراسة او العمل ؟

عند تخرجي من الثانويه العامه كانت نسبتي 90 أدبي .

س3/ طموحاتك المستقبلية ؟

ان اعمل بالتجاره واجتهد اكثر لاعادة النظر فيما مضى .

س4/ناديك المفضل

انا متابع غير جيد للأنديه وان كان ولابد فأفضل الدوري الالماني .

س5/ مثلك الأعلى في

الثقافه + السياسية + الرياضة + الأخلاق 0

الثقافه : الحاجب محمد بن ابي عامر

السياسه : الملك فهد وبسياسته الخارجيه فقط

الرياضه : اى رياضه تقصد واذا الكوره افضل اللاعب الارجنتينى باتيستوتا

الاخلاق : الرسول الكريم صلى الله عليه وسلم وان كان قدوه في شتى مرافق الحياه .

تحيتى لك وسعدت بلقائك :)

مـحمـد

11-07-2004, 03:16 AM

ياهلا وسهلا بروووووووووووووووووووعه جايه تاخذين الثار ها :)

الله يعينا عليك ووووانا حاضر لو تعطينى موسوعه كلها اساله :)
اول شي في البطاقه الشخصيه نبي نعرف ,,

اسمك الكامل ,, عمرك ,, الحاله الاجتماعيه ,, المؤهل الدراسي ,,

المدينه ,,

الاسم ابو فهد العجمي .. العمر 22ربيعا :) .. اعزب وادور عروس :) .. بكالوريوس حقوق .. دولة الكويت في منطقة هدية .

ثاني شي ابيك تجاوب على الاسئله التاليه :::

1-ماهي نظرتك للنت بصفه عامه ؟ هل فوائده أكبر ام سلبياته ؟ ولماذا ؟

النت شبكه عنكبوتيه على اسمها ان عاملتها بالطيب استفدت الكثير .. وعن الشق الثاني من السؤال اعتقد لو يكون السؤال لانفسنا نحن لكان افضل لان فيه فوائد ومساوئ .. لأنه يأثر على الفكر وعلى الاخلاق وعلى الالتزام بالدين وحتى على الصحه .

2-أقرب شخص لك.. داخل النت ؟؟

Alajman

3-شخص عزيز صار بينك وبينه مشكله هل تسامحه لأنه عزيز على قلبك ولا ماتتنازل وتبدأ بالسلام ؟؟

طبعا الدين والاخلاق تفرض السماحه والبدأ في السلام فحديث رسول الله خير مثال حين يقول بمامعناه لايتخاصم ولا يهجر احد المسلمين اخاه اكثر من ثلاث ايام ويبدا بالسلام .

4-مَن مِن الأعضاء تود رؤيته قريباً ؟؟

المستشار و ابوحمد الشامري وفهد العجمي مع انى رأيتهم :)

5-من هو كاتم أسرارك .. ؟؟

في الحقيقه زقارتي تكتم اسراري اكثر من اى شخص عرفته لان صارت لي مواقف عديده حتى من اقرب الناس .

6- من أنت وكيف تصف نفسك بأيجاز ؟؟

الحمدلله انى رضيت بالاسلام دينا وبمحمد رسولا وبالله ربا .. وسبق وان اجبت على هذا السؤال .

7-ولمن يطرب في الفن .. ولمن يستمتع في الرياضة ..؟؟

الفن محمد عبده وبالشيء القليل .. الرياضه كورة القدم والسباحه .

8- متى تسقط دمعة الرجل وهل حدث ذلك معك؟؟

تسقط حين يذل ويقهر .. ولن لم تسقط من العين فإنها تسقط بداخل قلبه ونعم حصلت لي مواقف استدعت نزول الدمعه وان كان بعضها ضحكا :)

9- ما هو اطرف موقف صار لك في المنتدى؟

ان اخوى مسجل بالمنتدى وسوا فينى مقلب بس ماراح اقوله وتونى ادرى اليوم :)

10-رب اخً لم تلده امك ،،،، لمن تقول هذي العباره ؟؟

اقولها لكل شخص وفي .. وان كنت اقولها للعضو شقران .

وحياك الله ياروعه وسعدنا بلقائك :)

ALAJMI

كويتيه

11-07-2004, 07:47 AM

لالا احناا لازم نعرف شسالفه اخوووووووووووووك.. :D.. .. شكلهاا خوش سالفه:)..
بعدين ولايهمك ندور لك مره.. :)..

زين عندي بعد جم سوال..

1. جم ساعه تقعد على النت يوميا؟؟؟

2. هل تجيد اللغه الانجليزيه؟

3. بجم منتدى مشترك؟؟ غير العجمان؟؟

4. شنو الدول اللي زرتهم.. واي دوله عجبتك؟

اوكي خل نحول على المنتدى

5. اي قسم يعجبك؟.. و قسم ماتحبه:)

6. عضو تشدك كتاباته؟ و يعجبك اسلوبه

7. موضوع كنت تتمنى لو انت اللي كاتبه؟

8. عضو يبط جبدك:)

وسلامتك:)

اطياف الماضي

11-07-2004, 08:41 AM

وشلون العجمي اليوم ان شاء الله مبسوط http://www.jaralqamr.com/smiles/smile_files/smile1_data/005.gif

بس سؤالين وطالعه http://www.jaralqamr.com/smiles/smile_files/smile1_data/005.gif

وش هو اسم اخوك المستعار ؟؟

وش الموقف اللي سواه فيك ؟؟ http://www.jaralqamr.com/smiles/smile_files/smile1_data/0143.gif

وبس

تشااااااااااااو

مـحمـد

11-07-2004, 06:26 PM

اى كويتيه السالفه لالالاتطوفج :/)

ويعطيج العافيه شكلج متقعده لي .. اوكى شوفي لى كنديه مزيونه اخذها :)

1. جم ساعه تقعد على النت يوميا؟؟؟

.من 5 الى 6 ساعات على فترتين اذا ماكان عندي شغل .

2. هل تجيد اللغه الانجليزيه؟

لا اجيدها كامله ولكن بكميه لابأس بها وامشى حالى :)

3. بجم منتدى مشترك؟؟ غير العجمان؟؟

والله كنت مشترك بمنتدى واحد وقعدت فيه سنتين وتقفل :) وحاليا منتدى العجمان وبس .

4. شنو الدول اللي زرتهم.. واي دوله عجبتك؟

دول الخليج كلهم .. مصر .. الشام كلها :) .. اسبانيا . فقط لاغير .

5. اي قسم يعجبك؟.. و قسم ماتحبه

اخبار القبيله وتاريخ القبيله .. قسم الموبايلات والاتصالات .

6. عضو تشدك كتاباته؟ و يعجبك اسلوبه

العضو فهد العجمي

7. موضوع كنت تتمنى لو انت اللي كاتبه؟

جميع المواضيع الهادفه وليس الكلام الفارغ .

8. عضو يبط جبدك

سياتل :D

وتحياتى لكويتيه وسعدنا بلقائك :)

مـحمـد

11-07-2004, 07:01 PM

هلا وغلا اطياف الماضي سعدت بلقائك

وابشرك العجمي باحسن حال مرتز على الكرسي وطاق البشت :)

وش هو اسم اخوك المستعار ؟؟

هو نكه فيه حروف عربي وانجليزي شلون صارت مدرى الاخ معبوط :)

وش الموقف اللي سواه فيك ؟؟

يعنى انه يتعامل معاي بضحك وانا اتعامل بجديه جنني واخر ما اتوقع انه يطلع اخوي سواء بالرسائل الخاصه او ردود المشاركات وكذلك كتب موضوع عني ولكن بطريقه غير مباشره وكذلك موضوع اخر مباشر :)

وتحياتى لك

ALAJMI

فيصل بن حجرف

12-07-2004, 03:55 PM

العجمي ممكن تقولي شنو نك اخوك:)

بعدين ماقلت لي شلت الفايروس اللي في جهازك ولا لا؟

ومتى ناوي ان شاءالله تتزوج على كلامك؟ عشان ندور لك مره

اخر سؤال

شنو اكثر موضوع شد انتباهك واعجبك في المنتدى؟

مـحمـد

12-07-2004, 04:35 PM

هلا العجمان سعدنا بلقائك

العجمي ممكن تقولي شنو نك اخوك؟

لا نك اخوى للحين فيه شد وربط وتوجد مفاوضات لتعديله وسوف اوافيكم بالجديد :)
بعدين ماقلت لي شلت الفايروس اللي في جهازك ولا لا؟

ايه افا عليك الفايرس شلته من ساعته تعرف ناس لهم اغراض معروفه ومشبوهه والحمدلله .

ومتى ناوي ان شاءالله تتزوج على كلامك؟ عشان ندور لك مره

ابد انا حامى زوجنى وتشوف العرس .. مادرى ثلاث اربع سنين تقريبا .
اخر سؤال

شنو اكثر موضوع شد انتباهك واعجبك في المنتدى؟

المواضيع الهادفه وليس الكلام الفارغ .. وافضل موضوع كرسي الاعتراف انصحكم فيه :)

تحياتى لك وسعدنا بمرورك
ALAJMI

كويتيه

12-07-2004, 05:34 PM

العجمي شرايك انا اقول نك اخوك;)..

انا عن نفسي عرفته:)..
بعدين انت تبي كنديه الله يهداك الكنديات جياكر... و صفر يلوعون الجبد.. انا اقول بنات الديره وايد احلى:)..

المهم.. خل نسال.. بنتحجى عن المدرسه:).. ايام قبل..

1. كنت شاطر ولا كسلان؟؟
2. كنت شيطان ولا عاجل
3. جم مره نففصلت
4. اذكر لناا موقف من ايام الدراسه.. نبي موقف شي:).

نطلع من المدرسه:)..

5. وين كنت ايام الغزو
6. شنو تفضل اللبس الرسمي ولا السبورت؟
7. تلبس نظارات ولا لا؟

واخر سوال.. .. لو لقيت مصباح علاء الدين.. و طلعلك المارد... و قالك اطلب 3 طلبات شنو تطلب:
)

فيصل بن حجرف

12-07-2004, 09:32 PM

العجمي تبي اقولك لمك تخطب لك؟

ترى حاضر ياولدي:)

مـحمـد

13-07-2004, 04:06 AM

اهلا كويتيه شالختنى تشلخ :) اهلا وسهلا كويتيه

اوكى احتفظي فيه لنفسك النك :)

بعدين انا مابى كنديه من قالج .. انا ابي سعوديه امها لبنانيه :)

1. كنت شاطر ولا كسلان؟

والله في بداياتى كنت كسلان ومهمل لدرجة انى سقطت بثانيه ابتدائي .. ولكن ايام الثانويه كنت الاول على القسم كله والحمدلله و بالجامعه جيد جدا .

2. كنت شيطان ولا عاجل؟

كلها :) كان اللعب له وقت والجد له وقت يعنى ماكنت مشتد عنصر على الاخر.

3. جم مره نففصلت؟

بالابتدائي مره .. وبالثانوي مره .. وبالجامعه انذار واحد :)

4. اذكر لناا موقف من ايام الدراسه.. نبي موقف شي؟

والله المواقف كثيره مايحضرنى شى الان وانتى ماحددتى موقف طريف او شى ثانى ولكن اذكر موقف انى كنت متابع جيد للمدرس بس اذا التفت وراه او غاب شوى كنت اتشيطن :)

5. وين كنت ايام الغزو؟

طلعت بعد الغزو باسبوعين ورحنا الامارات وبعدين السعوديه :)

6. شنو تفضل اللبس الرسمي ولا السبورت؟

لا انا كلي رسمي :) بس مايمنع بالسنه حسنه سبورت شاليه او بر :) .

7. تلبس نظارات ولا لا؟

لا الحمدلله بس البس نظارات شمسيه :cool:

8-واخر سوال.. .. لو لقيت مصباح علاء الدين.. و طلعلك المارد... و قالك اطلب 3 طلبات شنو تطلب؟

كلمت لو من عمل الشيطان للعلم :)

وان كان ولا بد فأول شى اطلب سبايك البنك المركزي كلها .. وثانيا امممم اعطيش سلف :) وثالثا اقوله لاتغيب واجد :)

ALAJMI

مـحمـد

13-07-2004, 04:13 AM

هلا العجمان

العجمي تبي اقول لامك تخطب لك؟

ترى حاضر ياولدي

ايه عندك اياها ياخال علمها تشوف لي مزيونه صاروخ وانا بانتظار عانياتكم :)

كويتيه

13-07-2004, 07:01 AM

يعطيك العافيه العجمي... بس الله يهداك ماخذهم من المارد و تقول سلف.. كلش مو بخيل.. الا جعص.. :)..

زين ادري تعبتك اساله بس لا خلاص ماراح اسال بس اخر سوال والله خفييف وايد..

لمن تهديهم...

باقه ورد

باقه شووك

احبك

مشتاقلك

الله يسامحك

يعطيك العافيه

مـحمـد

14-07-2004, 01:58 AM

هلا وسهلا كوووووووووويتيه

لا خلاص يمكن خاني التعبير .. ابشري بالعطيه :)

واسالتك حلوه مثلك :)

اوكى نجاوب على سؤالك
لمن تهديهم...

اهديهم كلهم لش :)

باقه ورد

أهديها الى كويتيه

باقه شووك

أهديها الى العجمان

احبك

أهديها الى (.....) كل من يحبني :)

مشتاقلك

أهديها الى قارئ الموضوع

الله يسامحك

الى كل من تطفل علي وعلى المنتدى

يعطيك العافيه

أهديها لكويتيه مع التحيه :)

اطياف الماضي

14-07-2004, 08:41 AM

مراحب العجمي الله يعطيك العافية على سعة صدرك

هاه بشر وشلونك ان شاء الله مبسوط

عندي سؤال :D

كاتب الرسالة الأصلية ALAJMI
هلا العجمان

ايه عندك اياها ياخال علمها تشوف لي مزيونه صاروخ وانا بانتظار عانياتكم :)

وش صلة القرابة بينك وبين العجمان ؟؟

تحيتي لك

مـحمـد

14-07-2004, 11:24 AM

هلا وغلا باطياف الماضي .. هلا والله بهالطله والله انى صادق

وابشرك العجمي باحسن حال وينوز ويسابق البنوز

وش صلة القرابة بينك وبين العجمان ؟؟

تحيتي لك

صلة القرابه هو قريب لي من الدرجة الثانية حسب القانون المدني الكويتي .. يعنى خالو :)

من جديييييد والغلا دددددايم يزيدددددد

وبانتظار اسألتكم :)

ALAJMI

كويتيه

14-07-2004, 06:01 PM

يعطيك العافيه العجمي...
و مشكور وايد :)

فيصل بن حجرف

15-07-2004, 01:20 AM

السلام عليكم
احب اقولكم اني لا اعرفه ولا شي

بس عندي له كم سؤال
اول شي هل انت تدخن؟ ياويلك كانك اتدخن بقطع اذ********

ولا تشرب شيشه؟

بعدين ماقلت لنا نك اخوك خلنا نتصرف معاه:)

مـحمـد

15-07-2004, 05:19 AM

عليكم السلام

والله يعافيك كويتيه :) حاااضرين

ALAJMI

مـحمـد

15-07-2004, 05:26 AM

عليكم السلام

هلا العجمان

افا تنكر علاقة الدم ...لا مالك خاتمه ..لكن ابلغ الوالده عليك :D

اول شي هل انت تدخن؟ ياويلك كانك اتدخن بقطع اذ********.

نعم انا مدخن مالبورو بوكس ابيض .

ولا تشرب شيشه؟

الشيشه مره او مرتين بالشهر تقريبا معسل بحرينى .

بعدين ماقلت لنا نك اخوك خلنا نتصرف معاه.

نك اخوى لامن شفته انت انشده مالى علاقه انا :)

كويتيه

15-07-2004, 06:54 AM

التدخين مضر بالصحه:)..

مـحمـد

15-07-2004, 07:13 AM

لا اتغشمر على قولتج كويتيه

وشكراااااا :)

ابو خالد

15-07-2004, 07:21 AM

التدخين زين يمدحون فيه :)

يا عجمي الاسئلة بدات البس حزام الامام وسم بسم الله وجاوب على الاسئلة السهله اولاَ .. وقبل الاجابه اقرا السؤال اكثر من مره .. ولا تخلي سؤال فاضي .. واذا ما كنت تعرف الاجابه شير او اتصل بصديق :)

1. اين تعرعرت ؟

2. وين بتصيف هالسنه ؟

3. شنو مطعمك المفضل بالكويت ؟

4. منو النادي الي تشجعه محلياَ ؟

5. شنو لون بيتكم ؟

6. شنو اخر شيء شاريه ؟

7. شنهي قناتك المفضله ؟

8. وش رايك بديوان الترفيه هاليومين ؟

9. كم ساعه تنام باليوم ؟

10. وش رايك بالفلوس ؟ هل هي وصخ دنيا او احلى شيء بالدنيا ؟ وهل انت تطبق المقوله الي تقول اصرف مافي الجيب ياتيك ما في الغيب ؟

11. منهو شاعرك المفضل ؟

12. منهو مغنيك المفضل ؟

13. هل تتطقن اللغه الايطاليه ؟

انتهت الاسئلة

والقادم مذهل ! :cool:

مـحمـد

15-07-2004, 05:36 PM

هلا الاخ ابو خالد حياك الله وسعدنا بمرورك

والله ياخي لو داخل امتحان فاينل بكلية الحقوق :)

1. اين تعرعرت ؟

ترعرعت في السعوديه ثلاث سنوات والبقية في الكويت :)

2. وين بتصيف هالسنه ؟

والله احتمال بيروت او اسبانيا مع الوالد . (لاحد يقول مهايطي ترا صحيح ) .

3. شنو مطعمك المفضل بالكويت ؟

مطعم ميس الريم على شارع الخليج العربي :)

4. منو النادي الي تشجعه محلياَ ؟

ماجشع احد وان كان ولا بد اشجع القادسيه :)

5. شنو لون بيتكم ؟

بيتنا لونه ابيض فاقع او ابيض ثلجي :)

6. شنو اخر شيء شاريه ؟

والله جوتى تكرم بس ماركه وغالي .

7. شنهي قناتك المفضله ؟

قناة الجزيرة والعربية .نحبها ونكرهها

8. وش رايك بديوان الترفيه هاليومين ؟

والله اشوفه نشيط هاليومين وان كنت اتمنى ان لايصل الامر أبعد من ذلك .

9. كم ساعه تنام باليوم ؟

والله من 7 الى 8 ساعات تقريبا .

10. وش رايك بالفلوس ؟ هل هي وصخ دنيا او احلى شيء بالدنيا ؟ وهل انت تطبق المقوله الي تقول اصرف مافي الجيب ياتيك ما في الغيب ؟

لا ياخي الفلوس وسيله غاليه وان كان وقتك اليوم اصبحت هي الوسيله والغايه معا . ولا اوافقك الراي بقولك انها وصخ دنيا ياخي لو لاها لما عاش الناس .

11. منهو شاعرك المفضل ؟

ضيدان بن قضعان و خالد الفيصل .

12. منهو مغنيك المفضل ؟

محمد عبده وفيروز مع الصباح بس :)

13. هل تتطقن اللغه الايطاليه ؟

لا ياخي الانجليزيه والفرنسية طبعا بجانب العربيه :)

وحياك الله وبانتظار اسلتك :)

ابو خالد

15-07-2004, 05:59 PM

طيـب نعود لمحور حديثنا :)

1. منهو المحلل السياسي الذي ينال على اعجابك ؟

2. منو ممثلك المفضل ؟

3. شنهي جريدتك المفضله ؟

4. برأيك ماذا سيحصل لصدام ؟

5. شنو اكثر مكان يعجبك في الكويت ؟

6. شرأيك في البوم أبو نورة الجديد ؟

7. شنهي أحلى اغاني فيروز بالنسبة لك ؟

8. ماهي سلبيات وايجابيات منتدى العجمان ؟

9. متى اخر مره داخل فيها السينما ؟ وشنو كان الفلم ؟

10. من تتوقع راح يأخذ كأس آسيا ؟

وفي النهاية أشكرك على سعة صدرك

كويتيه

15-07-2004, 06:12 PM

عاش والله بو خالد.. اي عندك ايااه.. :D
بس خوش اساله
يالله خل اسال انا مثل بو خالد...

1. شنو موديل سيارتك و لونهاا طبعاا.. (.. ما افهم بالسيايير خير شر ولو تقول موديلهاا ما راح اعرفهاا) .. بس ميخالف قول:)..

2. شلونك مع التواريخ؟.. هل ذاكرتك قويه.. ولا تنسى؟؟.. وشنو التاريخ اللي ماتنساه كل سنه..

3. تحب اليهال؟؟... و بالك طويل معاهم ولا مالك خلقهم:)...

4. ترتيبك بالعايله؟؟.

5. بيتكم باي منطقه؟؟؟

6. لو انت مدير عام المنتدى..:) يعني بايدك الحل والربط..:) منو تشيل من المشرفين و منو المشرفين الجدد اللي تختارهم:)

مـحمـد

15-07-2004, 07:09 PM

يبيلكم عفسه انتو :)

شغلى معاكم بالليل

ولنا عوده

مـحمـد

16-07-2004, 06:13 AM

هلا ابو خالد حاضرين حياك الله :)

1. منهو المحلل السياسي الذي ينال على اعجابك ؟

الدكتور سعد بن طفله وكذلك محمد الجاسم رئيس تحرير جريدة الوطن .

2. منو ممثلك المفضل ؟

جيم كاري المضحك :)

3. شنهي جريدتك المفضله ؟

الوطن بلا منازع .

4. برأيك ماذا سيحصل لصدام ؟

الاعدام لا محاله .. وان كنت اتمنى التعزير والتعذيب قبله .

5. شنو اكثر مكان يعجبك في الكويت ؟

الشاليهات ومارينا مول واليوم لقيت فيه العجمان ابو عبدالله حاجز لفلم يدوج تالي الليل :)

6. شرأيك في البوم أبو نورة الجديد ؟

والله لا بأس فيه يقولون اسمه علمتها :)

7. شنهي أحلى اغاني فيروز بالنسبة لك ؟

سلملي عليه وبوس لي عينيه :)

8. ماهي سلبيات وايجابيات منتدى العجمان ؟

الايجابيات ان اعضائه مترابطين وممتازين .. السلبيات اشوف فيه كلام فارغ بدأ يتزايد .

9. متى اخر مره داخل فيها السينما ؟ وشنو كان الفلم ؟

والله رحت اليوم بشوف عوكل بالفنار بس فل مافيه مقاعد .. واخر مره رحت شباب كوول :)

10. من تتوقع راح يأخذ كأس آسيا ؟

انشاءلله الكويت :)

وحيااك الله

مـحمـد

16-07-2004, 06:29 AM

ليه ليه ياكويتيه :)

بس تدرين اسالتك عسل

1. شنو موديل سيارتك و لونهاا طبعاا.. (.. ما افهم بالسيايير خير شر ولو تقول موديلهاا ما راح اعرفهاا) .. بس ميخالف قول.. ؟

سيارتي فورد قراند ماركيز موديل 2002 لونها رصاصي للبيع تشترين :)

2. شلونك مع التواريخ؟.. هل ذاكرتك قويه.. ولا تنسى؟؟.. وشنو التاريخ اللي ماتنساه كل سنه.. ؟

ايه انا احب التاريخ وكنت بتخصص تاريخ بس مارحت .. وسبق ان اجبت على الشق القاني من السؤال :)

3. تحب اليهال؟؟... و بالك طويل معاهم ولا مالك خلقهم... ؟

والله مو كلهم فيه بعضهم ازعاج وبعضهم حلو وجهه برائه

4. ترتيبك بالعايله؟؟.

الأول :)

5. بيتكم باي منطقه؟؟؟

المنطقه العاشره منطقة هديه :)

6. لو انت مدير عام المنتدى.. يعني بايدك الحل والربط.. منو تشيل من المشرفين و منو المشرفين الجدد اللي تختارهم؟

كلمت لو من عمل الشيطان .. والحمدلله حاليا بايدنا الحل والربط جميعا مو مسأله فرض رأي أكثر منها ان الواحد يفرض نفسه .. وبشيل سياتل وراكان اليامي .. وبحط دماء جديده :)

وحيااج الله مابغيتي :)

سياتل

16-07-2004, 07:57 AM

8. عضو يبط جبدك

سياتل :D

6. لو انت مدير عام المنتدى.. يعني بايدك الحل والربط.. منو تشيل من المشرفين و منو المشرفين الجدد اللي تختارهم؟

كلمت لو من عمل الشيطان .. والحمدلله حاليا بايدنا الحل والربط جميعا مو مسأله فرض رأي أكثر منها ان الواحد يفرض نفسه .. وبشيل سياتل وراكان اليامي .. وبحط دماء جديده

افا افا شفيك علي يا العجمي

ترى بكتب عليك شكوى و بخليهم يخصمون عليك:D

بالتوفيق و مشالله على طولت بالك و الله يعينك على الاساله

admin

16-07-2004, 03:41 PM

مرحبا العجمي ويعطيك العافيه علي سعت صدرك لهذه الاسأله اللي تفضلو فيها الاخوان والاخوات الاعضاء .

يمكن الكثير ملاحظ اني مادخل علي كرسي الاعتراف
ولكن هذي المره لن اطوف الفرصه بان اسألك سؤال عابر واتمنى اجابتك عليه بكل حريه ;)

لو انت من يملك هذا الموقع ما تفعل من اجله وماهي الوسيله التي تساعد في انتشاره اكثر ؟

سؤال مختصر ولكن اتمنى ان لا تكون اجابتك عليه مختصره

اخوك ابوفيصل

كويتيه

16-07-2004, 08:11 PM

العجمي.. خلاص انا بشتري.. بس انت طرشهاا كندا و بو عبدالله اللي يدفع.. لوول شكو مادري :D

فيصل بن حجرف

17-07-2004, 01:28 AM

:)

كويتيه انا شكو

على العموم اليوم اخر يوم للعجمي على كرسي الأعتراف
وعشان هالشي نطلب منه كلمه اخيره بعد مايجاوب على اسألتكم
وبعدين نبيه يختار عضو يجلس على الكرسي من بعده

مـحمـد

17-07-2004, 01:52 AM

افا افا شفيك علي يا العجمي

ترى بكتب عليك شكوى و بخليهم يخصمون عليك

بالتوفيق و مشالله على طولت بالك و الله يعينك على الاساله

والله يا سياتل انا مشيت على قاعدة من سبك حبك .. والله يسلمك وساعدتنا بلقائك واذا عندك سؤال ولا شى ترا حاضرين والوضع عادي جدا وحاضرين للمواجهه وللخصومات بس ماتقزر بهالصيفيه ومانوصيك بالهدايا :)

مـحمـد

17-07-2004, 02:01 AM

ابو فيصل حياك الله واسعدتنا بمرورك

وشكرا لك ولبقية الاخوان والحمدلله الي انعم علينا بسعة الصدر بس مهوب على كل حال :)

لو انت من يملك هذا الموقع ما تفعل من اجله وماهي الوسيله التي تساعد في انتشاره اكثر ؟

سؤال مختصر ولكن اتمنى ان لا تكون اجابتك عليه مختصره

الاخ ابوفيصل سؤالك عدة أساله بسؤال واحد ولكن انا لها

فالبدايه الشبكه على احسن ماتكون ماقصرتو وبقية الاخوان ..

اول شى راح اغير السيرفر الثقيل والبطيء وكذلك اغير الستايل وأبدأبتغيير الواجهة وتوجد كذلك بعض الملاحظات ولكن سوف اذكرها بوقتها بالتفصيل

وتوجد طرق دعائيه كثيره في بعض المواقع الكثيره .. وكذلك توجد طريقه جميله الا وهي انه هناك شركة تبعث برسائل خاصه لآلاف المستخدمين للشبكه العنكبوتيه على بريدهم الاكتروني بطرق عشوائيه وانصحكم فيها فأكثر أعضائ المنتدى عرفوه بطريق الصدفه ربما صدفه خير من الف ميعاد .

وكذلك الاعلان بالمواقع وانا ماخليت موقع الا ماصدعتهم:)

وشاكر لك مرورك

مـحمـد

17-07-2004, 02:07 AM

كويتيه حاضرين يبا برسلها عن طريق الشركات الدوليه سناس :) snas

ومانبى فلوس اتركي ابو عبدالله القعيطي امس شفته بالسينما ومادفع حتى التذكره ولا عزم :)

مـحمـد

17-07-2004, 02:12 AM

على العموم اليوم اخر يوم للعجمي على كرسي الأعتراف
وعشان هالشي نطلب منه كلمه اخيره بعد مايجاوب على اسألتكم
وبعدين نبيه يختار عضو يجلس على الكرسي من بعده

الشكر موصول لكم على مروركم جميعا وتحيتي لكل من مر وسأل وكذلك الشكر مووصل للعجمي على سعة باله وصدره عليكم

واقولكم الكرسى دافى وبارد مرات :)

ودع الاختيار بعد قليل :)

عريبة الجدين

17-07-2004, 05:16 AM

السلاام عليكم

العجمي
الخال حسب القانون المدني الكويتي يصير قريبك من الدرجه الثالثه وتسمى (( قرابة الحواشي ))

تحيااااتي ...

اطياف الماضي

17-07-2004, 05:24 AM

http://www.jaralqamr.com/smiles/smile_files/smile2_data/88.gif
العجمي

الله يعطيك العافية على روحك الحلوووووووة وعلى تقبلك للاسئلة

بكل رحابة صدر ..

وفي انتظار اختيارك

تحيتي لك http://www.jaralqamr.com/smiles/smile_files/smile2_data/88.gif

مـحمـد

17-07-2004, 06:36 AM

عريبة الجدين ارحب بحضورك

وأشكرك على تصحيح المعلومه تعرفين لنا فتره طويله يوم درسناها :)

السلاام عليكم

العجمي
الخال حسب القانون المدني الكويتي يصير قريبك من الدرجه الثالثه وتسمى (( قرابة الحواشي ))

الاخت عريبة فعلا كلامك صحيح فالقرابه في القانون المدنى الكويتي تنقسم الى نوعان قرابة النسب وقرابة المصاهرة

وقرابة النسب تنقسم الى قسمين قرابة مباشره وقرابه غير مباشرة

والغير مباشرة تسمى بـ(الحواشي) تحتب الفروع دون الرجوع الى الاصل

وفعلا احتساب قرابة الحواشي للدرجة الثالثه وشكرا لك :)

#المصدر : شرح القانون المدنى الكويتي للدكتور ابراهيم ابو الليل :)