لازم وضروري تدخل وتعطي رأيك

[دسمان79]

يقول الرسول صلى الله عليه وسلم (البيعان بالخيار مالم يتفرقا) حدثت قصه قبل 5ايام ان رجل معروف عند ربعه وعند قبيلته وله سمعه طيبه بين ربعه اشترى هذا الرجل ناقه من ابن عم له حمرا من ابل معروفه وقد تدرج بها السوم الى 400 الف ريال عند هذا الرجل ثم شراها و حملها ونزلها عند ابله وبعد يوم المفروض الفلوس توصل بس اللي وصلت للأسف الناقه مرجعها ضارب بعرض الحائط اخلاق الرجال وشيمتهم نصدموا اهل الناقه في الليل يعني براظيهم داز ناقه معها هديه رجعوا الهديه له اعتقد ان السلعه اذا ردها احد بارت او شرايكم شوف الفرق الامير ندى بن عشوان شرى ناقه من احد رجال مطير عقب ماشراها اكتشف ان عينها عوره شراها طبعا 900 الف ريال قال ماني راجع بكلمتي الناقه شريناها ويباركنا بالله وشكرا اترك لكم التعليق بدون اي كلام جارح شكرا......مع العلم ان الناقه سالمه العذاريب وخوينا هو اللي وصلها هذا السعر محققه مركز في مزاين نـــــــــــوفا

[قرنداااااااااايـزر]

حركة بااااايخه الظاهر يبي لها بقس :)



اوووه امزح لا احد يصدق:) ==بس صراحة عيييييب و شق جيييييب بري حالي الناس ماعاد تستحي :(:(

[فلاح بن ملبز]

رجل معروف عند ربعه وعند قبيلته وله سمعه طيبه



انت ما ذكرت اسمه بس !!

من توقيعك بين من اللي شراها ورجعها !!

[مـحمـد]

السلام عليكم ورحمة الله وبركاته

لا ننصب انفسنا حكام على امور لانعرف ادق تفاصيلها
ولكن في ظاهرها امر غير مستحب ولم تجر العاده عليه
نتمنى للجميع التوفيق .

[هاجري خاله عجمي]

لنلتمس العذر للرجل اللي شراها ونحسن الظن فيه


ممكن الرجل بعد ما شراها اكتشف انه لايملك المبلغ بالكامل((400الف))

او حصلت له ظروف قاهره


ورجعها بعد يوم والرجال جزاه الله خير طيب ماردها الحالها رد معه ناقع ثانيه لحفظ ماء الوجه

والله اعلم

وعلى قولة القايل لافاح قدر ولا انتثر ماه

ناقتكم عندكم وفلوسه عنده

وهذا رايي يومك طلبت ارائنا

وفمـــــــــــــــــــــــان الله

[amarebha]

رجل طيب



ما يفتخر من طاب جده وخاله




يمكن الرجال اكتشف ان حسابه بالبنك اقل من قيمتها وانصدم



قام ورجعها ورد معها رضاوه



المهم المسامح كريم

[بـ عقاب ـو]

السلام عليكم ورحمة الله وبركاته

((لا ننصب انفسنا حكام على امور لانعرف ادق تفاصيلها))

لاتعليق ماني شايف في الموضوع شي

[%مـالـك الا الـصبر%]

السلام عليكم ورحمة الله وبركاته



اخي الكريم الموضوع هذا رده معروف ودك الرجال مايرجع بكلمته وخاصة اذا كان رجال معروف وما عليه قاصر وبالنسبه للاخوان الذين يقولون انه ماديته ضعيفه اقولكم رجال ما عليه قاصر وعنده خير الله يزيده ويباركله بس استغربنا الموقف الذي حصل منه.


وتقبل مروري,,,,,,,