مايخون الحـر

[سعود بن مهدي]

( مايـخـون الـحـر )



مساء الخير

متواضعه ارجو ان تنال القبول


__________








أعـاذل كفـاك عتـاب .. كثـر العتـب مابـيـه=وليفـي وابـيـه .. وكــل ماشتـقـت بـمٌـره
احــد ودك بقـربـه .. واحــد ودك تخلـيـه=واحـد ودك .. يكافيـك مـن خـيـره وشــرٌه
يالبيـه ,, لاجيتـه وايدينـي تحـضـن ايـديـه=ولاسولفـت عيـنـه .. ولا ابتسـمـت الـغًـره
خذا الزين شي ٍ ( منه ) وأعطاه شـي ٍ ( فيـه )=خذا من النحل ( شهد ) وعطـى للبحـر ( درٌه )
اجيه آتغيصب ضحكتـي ! .. والحـزن مخفيـه=مـاودي يحـس ؟ بضيـق مغليـه لــو مــرٌه
لو ان ( ضيق صدري ) .. يحتوي العظم ويغٌطيه ؟=انكسـرت ضلوعـي .. مثـل ماتكسـر الجـرٌه
يطول الغياب !! وراعي الشـوق ! مـا يمديـه !=يبي ( رشفه ) من الوصـل .. كـرٌه ورى كـرٌه
تموت السنيـن .. وخاطـري مـا سـلا طاريـه=ولا فيه شـي ؟ مـن مغريـات الزمـن .. غٌـره
خذا مني ,, ( الراحـه و الافـراح و الترفيـه )=وخلا لي ,, ( الضيقـه و الاحـزان و الحٌـره )
أدور من الأصحاب ؟ ( صاحب وفـي ) وآجيـه=لقيـت الدمـوع اصحـاب .. بأيـامـي الـمٌـره
تغـيٌـر زمـانـك يارفيـقـي .. وذا تـالـيـه=ولاتقـول : وش بـاقـي ؟ .. لأن مابـقـى ذرٌه
ولاتقول : صرنـا نعشـق ( الـذل ) ؟ ونواليـه=مـدام ( أمتـك ) صـوب المـلـذات مجـتٌـره
طبيعي ,, ان حنا ( قبل ) .. مجد ٍ محـد يمحيـه=قبل .. ( مايخون الحـر ) ( ولاتزنـي الحٌـره )
يازين البخت .. لا طـاب مـره ! معـا راعيـه=ولا انـه .. يشيـن بـوجـه راعـيـه بالـمٌـره
ماهوب البـلا ! ( شخص ٍ يسٌـرك ) ولا تجزيـه=لكن البلا !! من يجحـد الطيـب .. و ( تسٌـره )
ماهوب البـلا ! ( شخص ٍيضـرٌك ) ولا تعاديـه=لكـن البـلا !! ( شخص ٍ يواليـك) و ( تضٌـره )
ماهـوب البـلا ! ( شخصٍ يمٌـرك ) ولا تبغيـه=لكن البـلا !! ( شخص ٍ مايبغيـك ) و ( تمٌـره )



وسامحونا ع القصور













________