ألــقــاب الـــدواســر (اهداء الى الاخ القديرالعماني)

[راكان اليامي]

ألــقــاب الـــدواســر


هذه بعض من ألقاب الدواسر نطرحها لكم .




وداية جارها من جدارها



وهذا اللقب لقب به الدواسر عندما كان أحد المستجيرين بالدواسر سقط عليه جدار فقتله فلم يكن من مجيره الا أن ساق ديته لأولاده وفاء بحق الجيرة مع أن الجيرة لاتتطلب ذلك.

قال الامير محمد السديري

أشادوا فعول بالفضايل وسلمهم *&*&*&*&* للجــار كل باللسان حكــــاه

بـني زايد ادَوا جـارهم من جداره *&*&*&*&* ولا أحدٍ من أسبـاب الإله وداه


ويقول أبن لعبون

حــنا هـل الــوادي وحنا المناعير *&*&*&*&* وحنا ودينا جارنا من جداره





خطلان الايدي



ولقبوا بهذا اللقب لكرمهم وطول أيديهم على العطاء وشجاعتهم

يقول ابن لعبـــون أيضا

خـطلان الأيدي كالأسود الهزابير *&*&*&* مقابـس للحرب وان شب ناره

ويقول أحد الشعراء

وجينا بخطلان اليدين آل زايد *&*&*&*&* ربع تراثع في الأحدة ركابها





مقيدة الجمل



وذلك انهم يركبون المزين البنات الجميلات على الجمال مع تقييدها بالحديد ويسوقونها أمام الجموع نهار القتال وذلك لشحذ هممهم للصبر في القتال كما هي العادة عند جميع القبائل العربية ومنذ العصر الجاهلي وحتى منتصف القرن الثالث عشر .




مزبنة المجرم



وهي عادة عند معظم القبائل العربية أجارة المستغيث فهم يجيرون ويحمون المستجير
يقول ابن جلبان العجمي

ديرة مصانيم الدروع آل زايد *&*&*&*&* هل كرمة من قل ماله نصاها

أهــــــل بيوت كنهن الفرايد *&*&*&*&* يامن بها المجرم لامن وزاها




قوم رماحهم جريد وزرقهم بعيد



يقول الشيخ حمد الجاسر

رماحهم جريد أي كجريد النخل لطولها وزرقهم بعيد لقوتهم عندما يوجهون الرماح لأعدائهم .

وفي ذلك يقول شاعر معاتبا ابنه عندما عقر الدواسر فرسه

يابوك ماخليتها تركب العان*&*&*&*&* وابعدتها عن زرق خطلان الايدي

وقد سأل أحد فرسان الدواسر علام رمحك جريدة فأجاب : ان أصبت فمجيدة

وأن أخطات فجريدة.
منقــول لعيون العماني;)

[العماني]

بيض الله وجهك أخوي راكان وجعلني ما أبكيك ،جزل وما تجيب الا جزل ،والله لا يهينك على الاهداء الطيب يا كحيلان.ولا هيب غريبة عليك.


وعندي بعض الاضافات بعد أذنك:

مقيدة الجمل:لقب لقبيلة الدواسر وذلك انها يقيدون ابلهم أيام الحروب لثبات في المعركة.
يقول الشاعر علي بن الحفيف العجمي في الدواسر :

وجينا بخطلان الأيدي آل زايد=ربعٍ تراثع في الأحدة ركابها

مزبنة المجرم:وهي عادى عند معظم القبائل العربية اجارة المستغيث فهم يجيرون ويحمون المستجير:يقول الشيخ جريس بن جلبان العجمي:

ديرة مصانيم الدروع آل زايد=هل كرمة من قل ماله نصاها
أهل بيوت كنهن الفرايد=يامن بها المجرم لا من وزاها

ويقول شاعر العجمان الكبير عبلان آل مصرا :
نص الركايب غلمة زايدية=يانعم من تلفي عليه الركايب
هشيشين بشيشين باليسر والقسا=وفرسان لا شبت ضوي الحرايب
ومن كان مضيوم يزبن جالهم=حتى تقطع منه كل الطلايب

يقول ابن لعبون:


يشهد لنا جريس اليماني بتفخير=يومٍ عن هل الدين محدٍ أجاره

مخايلة البروق موسعة الخروق

أي يتعبون المراعي والأمطار ولا يهابون الخطر، وأقوياء في الحرب حيث انهم شديدون في الطعن.
يقول دخيل ابن قويد:

مع لابة نكسب بهم عز وأفراح=ألاد زايد سِعد منهم عضوده
كم واحدٍ منهم على صابره طاح=من ضربنا سحم الضواري تروده
وحريبهم يقزي من الفعل ينزاح=من ذاق ضرب ايمانهم ما يعوده

يقول الشاعر:

تالى ضربنا العظـم صوابـه ماجبر = ننشي لاجـا الملاقـا وكثـر اكوانها

أهل المثلوثة:
يقول الشاعر الغوينمي:


يالقـون بشاشـه وهشاشه=وفرش يقلـط فوقهـن ادلالها
وصحون سريٍ وبينهن نحوتها=سمن يـداري دفقهـا شيالها
وشحوم ضانٍ فوق صفر فتاتها=والافقـار دايـم يعبـا لها

ويقول الشاعر عبدالله بن حسين الودعاني الدوسري:


بامر الولي فتنا القبايل كلها=بثلاث معاني وافي ميزانها
الاوله افهم جوابي يافتى=اداى جار البيت من جدرانها
والثانيه التارده توخذ بيان=على القبايل حضرها وبدوانها
والثالثه الضيف عاين وجبته=مثلوثة تعبا عزيزا شانها

تقبل تحياتي،،

[ابوحمد الشامري]

اررررررررررحب يا ابو سالم انت من اتكلم عنه انت تتحدث عن جبال شاهقه حتى النسور والعقبان لن ولن تصل الى قمم هذه الجبال وهم اشهر من نار على علم وهل يخفى القمر إنهم طيور شلوة ( قبيلة الدواسر ).

تحياتي للجميع

اخوكم ابو حمد الشامري

[فيصل بن حجرف]

ونعم
وكلمة نعم ماتوفيهم حقهم
ولاهنت اخوي راكان اليامي على الموضوع الأكثر من رائع اخي العزيز

وفي انتظار جديدك

[ولد ال صالح]

كفوووو

في ذمتي ماكذبت يالربع

والله انها شوي في حق الدواسر

لاهنت ياراكان على الالقاب الجزله منك

ولاهنت العماني على الاضافه

تقبلوا

سلااااااااامي

[ضيف الديوان]

والله والسبعة انعام بقبيلة الدواسر

اشهر من نار على علم وما قيل فيهم هنا قليل

تحية لك اخوي راكان على تقديمك لمحة عن احدى القبائل المعروفه واللتي نعتز

بها

[العماني]

أبوحمد الشامري

Alajman

ولد ال صالح

ضيف الديوان


الله لا يهينكم على الأطراء الطيب وما اقول غير بيض الله وجيهكم وماعليكم زود.

تقبلوا تحياتي،،،

[راكان اليامي]

لاهنتو على الرد جميع
ومهما تكلمنا لن نوفي الدواسر حقهم
اخيكم

[ي ا م 0 0 1]

يالبيه يالدواسر

والله ونعم ومافيهم شك ذيابه وخوتهم تنشرى

ولا هنت ياراكان في الموضوع الطيب عن عيال زايد

[جالس بن مبارك]

ونعم بالدواسر وبالجميع
وشكرا لك يا راكان

[راكان اليامي]

اررررحب يايام ويالورنس
ولاهنتو على الرد

[فاشق]

ونعم
وكلمة نعم ماتوفيهم حقهم
ولاهنت اخوي راكان اليامي على الموضوع الأكثر من رائع اخي العزيز

[تركي المري]

ونعم يستاهلون الأجواد



تركي المري

[نايف الدوسري]

اخوي \ راكان الياااامي ..... بيض الله وجهك ياالسناافي على هالموضوع



وجعل يمناك مايجيها العطب ... وأشكر الجميع على الثناء - جعل عماااركم طويله -



وأسمح لي بألاضافه


1- مكرمه الجار مهمله الحضار :


اي انهم يشتهرون بأكرام جيرانهم . و[مهمله الحضار ] اي يهملون نخيلهم فيأكل منها الضيف.. والجار والطرقي



ويقول ابن كليب ال عمار :


يااغرس ياللى بالفضا كنه اقطاع = مثل الجهام اللى على العد مقروع

لمن دخله الجار مهوب يرتاع = وبناءه مهوب دون الادنين مرفوع


ماخز بالجدران عن كل طماع = ولو كان في برً فلا هوب مطموع




اما مقوله [ ان صابت فمجيده وان اخطت فجريده ] هذي لها سالفه شهيره


وهي ان احد شيوخ قحطان توعد الدواسر فقال واحدً منهم :


عندنا له ميه جريده انا صابت فمجيده وان أخطت فجريده ..






وتقبل سلاااااامي ياااركان نسل الاحراار وسمي كحيلان

[مناحي الصميل]

الله ونعم بالدواسر ( شيوخ وخوتهم تبري العله )

وهم كفو للألقاب اللي قيلت فيهم ..

ولا هنت راكان على الموضوع الطيب ..

[سراب الصيف]

ونعم في الدواسر ربعنا واخوانا
لكن عندي استفسار للاخ العماني
مامعنا (أهل المثلوثة) يعني انت والاخ راكان وضحتو جميع الالقاب الا هذا اللقب
ولكم جزيل الشكر .