ابداعات الشاعر متعب التركي

[سيده الذوق الاولى]

هذه إهداء لكل من تجاهل مشاعري في يوم من الأيام؟؟




نسيتنـي علّمنـي شْلـون ابنسـاك
في هالزمن نسيان الاحباب عـادي
وشلون لامرّت على البال ذكـراك
وطيفك سرق مني لذيـذ الرقـادي
وشْلون لاقالوا لي الناس وش جاك ؟
من كنت في لّـذة منامـك تنـادي
وشْلون اعيش اللـي بقالـي بليّـاك
لا من غدينا كل واحد بـوادي !!!
لو قلت اداوي جرحي اللي تباطـاك
ماكلّ جرح يْفيـد فيـه الضمـادي
اعلنـت حبـك ليـن كـلٍ تمنـاك
غلطة وغيري من خطاي استفـادي
لو لي مثل قلبـك تمنيـت فرقـاك
واكيد قبلك بالجفـا صـرت بـادي
حلوه عذاريبـك وحلـوه مزايـاك
حتى بيـوم فراقنـا كنـت هـادي
كنّ الليالي ودها تكسـب رضـاك
وأنا يطول مـع الليالـي جهـادي
في ذمتي ماهي غريبـة خطايـاك
مبطي وقلبك لـو تنبّهـت غـادي
سهلة على من كان مثلك وشـرواك
مثـل الثيـاب يغيـرّون المبـادي
علمني اكـره ذكرياتـك وطريـاك
وانسى من الليله صدوق الـودادي !
ولاني بقايل عقبها ويـن ابلقـاك ؟
راضي لو ان جروح قلبي جـدادي
ولاّ القصايد جعلها مـن فدايـاك ؟
لبّستهـا مبطـي ثيـاب الحـدادي
باكر على المخطي يدورنّ الافـلاك
ونشوف من يصعب عليه البعـادي