طويق .. طاروق سريع

[محمد بن دسمه]

طويق

بعد اذنك

تفضل


انا ادور على رجلن تباطيته سبوع ويوم ..= لكونه واحد غالي لزوم انشد عن غيابه ..
رفيقي يارفيقي وانت عارف بالعلوم علوم ..=وكل نارٍ لها سبه وكل رجلٍ على انسابه ..

[فــلاح]

يامرحباا يا بن دسمّه

دام فضلك :)


تدورني وتدري في مكاني يا حفيد القوم=بلاش امن المجامل والمجامل منقفل بابه

(ما شـّب النار غير اللي تذمـّر ، واطلق الحلقوم=بعد ما همّل ركابه ، يبينا نجمع ركابه)
.
.
:)

[محمد بن دسمه]

يالطيف يالطيف ..

طيب طيب





تربينا على حب العوايد .. ونحفظ السلوم ..=ولا جالك واحدٍ غالي لزومٍ تحسب حسابه ..
ترى طبع البني آدم لامنه ما أتم الصوم ..= يبيّن للعرب عيبه حسب صدقه وكذابه ..

[فــلاح]

الله الله

استلم استلم


تربيت وكبرت وما قدرت تغيـّر المقسوم=وحق الصاحب التقدير والحشمه من أصحابه؟

أنا اقول : أوسمو ؟ رأس الجمل يا أصحابنا بوسوم=على شأن إن هدر بين الجمال يزين مضرابه
.
.
:)

[محمد بن دسمه]

يالطيف

طيب طيب




عليك الله لايجاور زمانك من هوال اللوم ..=ترى محدٍ في ذا الدنيا سمح من كلمة اقرابه
تفكّر حسب ماتقدر .. وانا بدعي بصح النوم ..=خذاك النوم ياغالي وعطاك الليل مرقابه ..

[زعفرانه]

<< تصفق بقوهـ


الله الله عليكم

صح ألسنتكم ياشعار

اطربتونا والله

تابعوا

:)

[فلاح بن ملبز]

يا سلالالالالالالالالالالالام

متابع بشغف :)

[محمد بن دسمه]

زعفرانه ..

صح بدنش ..

ومسجلينش متابعه .. :)

[محمد بن دسمه]

فلاح بن ملبز


ارررحب اررحب

متابعتك شرف يابومحمد

مرحبابك ومسهلا

[فهد بن مطلق]

أنا اقول : أوسمو ؟ رأس الجمل يا أصحابنا بوسوم=على شأن إن هدر بين الجمـال يزيـن مضرابـه


ول ول ول ول


صح الله السانكم جميع


وتابعوا تراني متابع

[فــلاح]

يا ما شاء الله قوى عظمك يا بن دسمه وصرت تزوم=على اللي علمك كيف؟ الحسام تجوّد نصابه

أنا اقول : (الشريف احمد) و(ابن دسمه) خوان وتوم=جناسيهم تخالف ، لكن المنهاج متشابه
.
.
:)

[مـزعـّلـة ـآلـنـسآـآ]

8
8

أمآ ذآ البيت .. مآ شآء الله ..

.....

<--- متآبعـه بقووهـ :)

[جرير]

لاهنتو
:)

[جطلي بن فهد]

الله الله

تابعوا تابعوا:)


وانا متابع ايضاً

وصح السنتكم

[محمد بن دسمه]

هههههههههههههههههههههه طويق

استلم ..


ياماشالله طلع ريشك واشوفك ناويٍ اتحوم ..=ترى فرق الطيور انواع وكل حرن ومخلابه ..
علامك ياسعود بشاطي الراحه قعدت اتدوم ..=الى شفتك ذكرتك طويق وانا انشد من يشابه ..
صح الله لسانك نفداك ولاهنت ..

لعب فينا الوقت وحنا نقول طاروق سريع ..

حافظك ربي الله يردك بالسلامه

[محمد بن دسمه]

مزعله النسا ..

كل الشكر ع تواجدش ..

---------

جرير ..

لاهنت ياشيخ ..

وفاقدينك .. :)

----------

سماوي ..

لاهنت نفداك ..

شكرًا ..

[زعفرانه]

هههههههههههههههههه

صح لســانك يابن دسمه

مافيك حيله

:)

[جطلي بن فهد]

صح السنتكم وعزالله ماقصرتوا :)



والجايات واجد ان شاء الله :)

[مناحي الصميل]

يا ما شاء الله قوى عظمك يا بن دسمه وصرت تزوم=على اللي علمك كيف؟ الحسام تجوّد نصابه
أنا اقول : (الشريف احمد) و(ابن دسمه) خوان وتوم=جناسيهم تخالف ، لكن المنهاج متشابه



بلّ :)


صح الله لسانك يا طويق ويابن دسمه


امتعتونا

[فــلاح]

صحت ابداانكم


وشكرا ً لكل من كلف نفسه عناء المرور بهذه الصفحه

[المصطفق]

السلام عليكم


اللـــه اللــــه

صحة اللسنكم طاروق ممتع وشيق




محمد بن دسمه



انا ادور على رجلن تباطيته سبوع ويوم ..=لكونه واحد غالي لزوم انشد عن غيابـه ..
رفيقي يارفيقي وانت عارف بالعلوم علوم ..=وكل نارٍ لها سبه وكل رجلٍ على انسابه ..



طــويق




تدورني وتدري في مكاني يا حفيد القوم=بلاش امن المجامل والمجامل منقفل بابه

(ما شّب النار غير اللي تذمّر ، واطلق الحلقوم=بعد ما همّل ركابه ، يبينا نجمع ركابه)




محمد بن دسمه



تربينا على حب العوايد .. ونحفظ السلوم ..=ولا جالك واحدٍ غالي لزومٍ تحسب حسابه ..
ترى طبع البني آدم لامنه ما أتم الصـوم ..=يبيّن للعرب عيبه حسب صدقه وكذابـه ..



طــويق




تربيـت وكبـرت ومـا قـدرت تغيّـر المقسـوم=وحق الصاحب التقدير والحشمه مـن أصحابـه؟

أنا اقول : أوسمو ؟ رأس الجمل يا أصحابنا بوسوم=على شأن إن هدر بين الجمـال يزيـن مضرابـه




طــويق




يا ما شاء الله قوى عظمك يا بن دسمه وصرت تزوم=على اللي علمك كيف؟ الحسام تجوّد نصابه

أنا اقول : (الشريف احمد) و(ابن دسمه) خوان وتوم=جناسيهم تخالف ، لكن المنهاج متشابه



close




تقبلوا

مروري واعجابي

[sultan-alajmi]

ابن دسمه قنبله وطويق مدفع صح لسانكم