____// كفٍ رهاوي// ___جديد وحصري

[محمد بن صويان]

يقولون ماعندك غزل قلت ماحب = ولاهو بشرط إن كل شاعر هواوي
ولو قالوا .. جروح الهوى مالها طب = فأنا معرف جروح الهوى والمداوي
أبنصح ..وبرثي .. ومدح الناس وآسب = وفي مانظمت أصدق ولاني بغاوي
اسب الردي ولا ورا السب مطلب = لكن ودي اردع به ردي الهقاوي
وبمدح مديحٍ يعتلي كل مرقب = وعلى الكايده يضرب بكفٍ رهاوي
مديحٍ بقول وفعل يحسب وينسب = ولادق في عرقة ردي العراوي
وتسعين مستشعر تغزل ويكذب = خيالٍ .. تخيل كن قلبه نحاوي
وهو ضفدعٍ مالاعه اللأل الأشهب =الى غلُق الما للضما مايقاوي
وحب العذارى عند غيره مجرب = زمانٍ مضا فيه المنا والبلاوي
مثل يوم ابن لعبون في مي يلعب = ونمر وغيره من كبار العزاوي
زمان امس غير اليوم رحماك يارب = تموت المشاعر فالزمان السناوي
ولو قيل ماعندك غزل قلت ماحب = ولاهو بشرط ان كل شاعر هواوي