ســـطام الروقي
08-09-2008, 11:05 PM
ساقت مشاوير الشقا واردف الليل=وسريت ودروب السهر سرمديـه
ازريت اسوق الهم واحط وأشيـل=وتعبت أكابـر والمواجـع نديـه
والحيل مل من التعب مابقا حيـل=والجفن مالـه بالسهـر مقدريـه
الهبذله والليل صـارت غرابيـل=أبطال وسنيـن العمـر مسرحيـه
والهم والحرمان والحزن والويـل=ضيوف وجروح الوفـاء شاذليـه
والصمت والهوجاس بوح التعاليل=والخوف مسرى والليالـي مطيـه
يالله عسا درب السنـع بالمقابيـل=وألا الليالي اللي مضت جرهديـه
حرن كفخ واستاسرتـه المحابيـل=وعقب السماء الرحبه هوى للوطيه
حرن غدر فيه الزمن والمداخيـل=مقرود وكفـوف العطايـا رديـه
غلطت عمر منها جنيت البهاذيـل=وذنوب غيري حطهـا الله عليـه
غلطه ودحدرها الزمن بالمحاصيل=ورضيت بالمسوم غصبن وجبريه
تناقلتهـا شلـة القـال والقـيـل=وحطوا عليها لين صارت قضيـه
وقامت تناهشني رخوم الرياجيـل=أهل الملامـه والعلـوم الرديـه
اللي تجيك أخبارهـم بالتفاصيـل=ويحرفون الهرج عـن سو..نيـه
بالله قلي يا أسـود الوجـه ياليـل=وضح النوايا كيف صارت خطيـه
قل لي من اللي ضلل الحق تظليل=ومن علم الوافي يخـون بخويـه
ومن بروز الأوهام خدعه وتمثيـل=ومن طلسم الواقع وخان الوصيـه
ومن قال لي دربك سهود وتساهيل=ومن علم الضحكات تمشي عليـه
ومن كفن دموع الوفاء بالمناديـل=ومن هو جزاء الحسنه بمليون سيه
ازريت اسوق الهم واحط وأشيـل=وتعبت أكابـر والمواجـع نديـه
والحيل مل من التعب مابقا حيـل=والجفن مالـه بالسهـر مقدريـه
الهبذله والليل صـارت غرابيـل=أبطال وسنيـن العمـر مسرحيـه
والهم والحرمان والحزن والويـل=ضيوف وجروح الوفـاء شاذليـه
والصمت والهوجاس بوح التعاليل=والخوف مسرى والليالـي مطيـه
يالله عسا درب السنـع بالمقابيـل=وألا الليالي اللي مضت جرهديـه
حرن كفخ واستاسرتـه المحابيـل=وعقب السماء الرحبه هوى للوطيه
حرن غدر فيه الزمن والمداخيـل=مقرود وكفـوف العطايـا رديـه
غلطت عمر منها جنيت البهاذيـل=وذنوب غيري حطهـا الله عليـه
غلطه ودحدرها الزمن بالمحاصيل=ورضيت بالمسوم غصبن وجبريه
تناقلتهـا شلـة القـال والقـيـل=وحطوا عليها لين صارت قضيـه
وقامت تناهشني رخوم الرياجيـل=أهل الملامـه والعلـوم الرديـه
اللي تجيك أخبارهـم بالتفاصيـل=ويحرفون الهرج عـن سو..نيـه
بالله قلي يا أسـود الوجـه ياليـل=وضح النوايا كيف صارت خطيـه
قل لي من اللي ضلل الحق تظليل=ومن علم الوافي يخـون بخويـه
ومن بروز الأوهام خدعه وتمثيـل=ومن طلسم الواقع وخان الوصيـه
ومن قال لي دربك سهود وتساهيل=ومن علم الضحكات تمشي عليـه
ومن كفن دموع الوفاء بالمناديـل=ومن هو جزاء الحسنه بمليون سيه