يــزود غ ـــلاهـ الـوشـوشـه تـالي الــمنــطووقـ

[شيخة الغلا]

الـ ـوشـ ـوشـ ـه

للشـــــاعــر حمد بن قريان الخويطر




سرا الليل يالنايف وعيني تخيل بروق
جنوبن من المشروع ياسعيد للقبله

على دار ملهوف الحشا ياعساه حقوق
تشوف الحدب كنه الزوالي من الربله

مرابيع معشوقي ليا قلت لي معشوق
غلاه استخف القلب والروح منهبله

يقولون يا (بارود) مالك عليه حقوق
وانا اقول عذالي من الناس ياخبله

جمعني معه حبن وجدن قبل (مرزوق)
إلا قيض الوادي مشتاه في حبله

صغيرن وسنه عشر مع خمس مامن فوق
كبيرن بقدره حظ منهو تقربله

عطاه الولي زينن بعيدن من المسحوق
جمال البني كنه من الصغر ينهبله

تفاصيل جسمه نايفه للهواوي عوق
خلق بس كتف وردف زينه تعجبله

يزود غلاه ((الوشوشه)) تالي المنطوق
على سلم ابيه بلهجته ما تجنبله 7

[فلاح بن ملبز]

شيخه الغلا

صح لسانش ولسان شاعرها / حمد بن قريان

ويعطيش العافيه

ولش جزيل الشكر

[كنتـ هايم ـرول]

.. صح لسانك ولسان قايلها .. شووكرن على الجزل

[محسن بن خميّس]

:)

صح الله لسان الشاعر حمد بن قريان
والقصيده معجبتني منذو مبطي .. والدليل توقيعي :)

لاهنتي ياشيخه على النقل الذوق
والرائع .. وتسلم يمينش


/\

/|

ღ

[D0LAR]

صح لسان الشاعر وتسلمين على النقل تقبلي مروري