اللي يحب التصويت يدش ...سفاري×vxr

[راعي الvxr]

ياشباب انا الحين محتار وش الاحسن السفاري والا الفي اكس ار
من ناحية القوة والصلابه والمتانه والاداء المتميز وطول عمر الموتر ياليت شباب تجاوبون بصراحه :(:(:(

[ابو خالد]

اذا كنت تبيه للبر كلهم زينين لكن السفاري افضل

اما اذا كنت تبيه لديره الفي افضل

[ولد ال صالح]

ابشر بالرد

السفاري منت بعارف الدبل إلا على الخفيف

وانكانك تقلص شي ثقيل عليك بالفي اكس ار والله لا يبارك في غيرة

بس لاتحسبني امدحه عشانه عندك

لا انا امدح موتري انا

ههههه

والفي اكس ار

عطايا الله عقب البل

يقول الشاعر :

الله على اللي يقطع الخط فرعين --- يسبق سريعات الرياح الصلايف

صنع آدمي من فصيلت شياطين --- مخه نظيف ولاتهمه كــــــــــلايف

عليه من شبه الجزيرة عناويــن --- دارن بها نسل الموحد خــــــلايف

وتقبل

سلاااااااامي

[كويتي]

اشتــر جيب بورش احسن وريح بالـــك :)

[ابو خالد]

الله عليك يا كويتي

نفس تفكيري

جيب بورش او اسكلد او رنج وقطع

[العماني]

الا الفكسار خذه وانت مغمض

قيمته فيه كنه شيك في المخبى ،وقوة وسوقه ماشي.

النسيان اذا ظهرته من الوكالة راحت نص قيمته وبعد كم سنة يجي فيه رقله.

أخذ فكسار وانت مغمض.

تقبل تحياتي،،

[البخيت]

سفاري 91وبس

[راعي الvxr]

لا انا بنظري الفي احسن من ناحيه العمر والصلابه وشكرا حبايبي على الردود وللعلم انا موتري 2002 :D:D

[qataria]

شوف ياخوي ...... انا سيارتي سفاري .... يعني اسمع نصيحتي

السيارتين كلهم يصلحون للبر ..........

بس السفاري له مميزات عن الفي اكس .....

اولا : اوسع من قدام ( عند السايق واللي جنبه ) ...

ثانيا: الفي اكس يصرف بترول اكثر من السفاري بكثير ...

ثالثا : الحين طلعت سالفة الاكسل ينكسر بسهوله في الفي اكس وتنقلب السيارة ( صارت وايد وماتوا اللي فيها ) .....

بس شوف فيه شي مو حلو ...:(

ان شكل السفاري الجديد 2005 يلوع الكبد يعني الموديل القديم احلى بكثير ....

تقبل تحياتي ..........

[راعي الvxr]

انا وياك انه اوسع بس شكل الفي احسن وارز :D:D والعزم مفيه مثله بالموترين كلهم فيهم الخير :D

[دكتور_الحب_]

vxrلكشخه اما السفاري لكشخه والبر والفي كس ار مايصلح لبر تكون خايف على اكثر من نفسك وانا الصراحه ارشك سفاري

[ال محفوظ]

حبيبي راعي الفي اكس ار انا من ناحيتي السفاري اخف من الفي اكس ار لاكن الفي كشخه وبر بس نصيحتي انا اخذ همر احسن لك بر و كشخه وكل شي تبيه بالهمر:D:D:D:confused:

[الرسي]

استلم ياراعي الvxr


(ول يالي) يستحي من طيب فعله لونـه ... ابلج يجلـى سـواد الليـل باصطاباتـه

الفلك والكـون كلـه .راصـده طبلونـه ... شيب عيني من توا صيفه. ومـن وقفاتـه

لامشى يشتـت فـي خطـه ولا تلقونـه ... ولاوقف في ذمتـي. كنـه يلـم أشتاته

كلمة( ابشر بالسعـد يا صاحبي)عربونـه... (واحتزم بي لاالثنادي)شرط في شكاته

مابقى الا ندخله في( الغرم) لجل عيونـه ... بحشمه. واغليه .جدا من غـلا فزعاتـه

والله العظيـم آنا مـاودي يسوقـونـه ... الرخوم اللـي تجاهـل قـدره وميزاتـه

ومن كثـر ما أقدره ما ودكم يطرونـه... نـادر مـن عادتـه ما تنكسر هقواتـه

ينسي الرجـال مـن حرابتـه وغبونـه ... ويبعده من غبة همومه ومـن حسراتـه

ياصل الحر وه .وقصده ما قصر من دونه ... كم خريم .وكم شعيب. داستـه ويلاتـه

لانوى المنهاج وجنود الحرس يرمونـه ... ماحسب للجمس .وانـواره .ورماقاتـه

ينزرق كنه انزلاق المـاي بالصابونـه ... ويلتطم مثل الشجاع اللي غريمـه فاتـه

يرتكي حمله علـى اليايـاة والكارونـه ... ويهجـد ؟لاحكـت قماشاتـه .بهوباتـه

كل مادقيـت سلفـه .دن. دن .دندونـه ... كن (عبادي )ماسك. عـوده.بتقسيماتـه

وان خذا النمره. رقص يايه. على دلعونه ... والزيـوت تزوعهـا. بساتمـه. بلفاتـه

ولستوى خطه تقـول مخـاوي مجنونـه ... وكن( شكيره )تهز الـردف فـي لفاتـه

نع نبوه الظاهر انهـم بالذهـب يطلونـه ... يمتزج لونه مع لـون الذهـب هيهاتـه

لاوطـى مربـاع بـدو بيتهـم يبنونـه ... رحبـو ثـم قلطـوه وزينـو ماطاتـه

مابقى الا يضبطـون البـن ويقهوونـه ... ويحرقون العود لزرق. تحت شكماناتـه

لاضحك ليته بكـت مساحتـه بجفونـه ... ولابكت مساحته تضحـك لهـا ليتاتـه

كنه الشيخ الشجاع اللي شعـق غليونـه ... وانثنـى للقـوم قبـل اللـوم فيغاراتـه

رايته بيضـاء وربعـه دوم ما ينسونه ... عظم غليونه سليم وما طفـت جمراتـه

وارد اليابـان مايمشـي علـى قانونـه.... في نهـار يعتـزي الرجـال بوخياتـه

كـون رجـل لابتـه للكايـده يقنونـه ... هيبتـه قبـل يتكلـم كامنـه بسكـاتـه

إيه v x r يقضـي لازمـي واصونـه .... اصفطـه للطيبيـن وترتكـز رايـاتـه


وسلامتكم

[راعي الvxr]

صـــــــــــــــــح لسانك اخوي على القصيد الطيب وصدقت:
كنه الشيخ الشجاع اللي عشق غليونه...........وانثنى للقوم قبل اللوم في غاراته
لا هـــــــــــــــــــــــــــــــــــــــــــــــــ ــــــنت.........
تحياتي:D

[عيد بن شدقان]

يا شباب
والله من صدقكم
والله مافيه مقارنه بين السفاري والاند كروز

انا استعملت
الاثنين
VXR
جامد ومركب وممشا
وموتر قيمته فيه مايطيح وكشخه;)
والسفاري
مال تاخذه للبر تجرشه
ولا لا مركب ولا ممشا
بالعربي مروح:D

ولا هنتو

[المان العربN]

سلام عليكم يا عرب مسيكم بالخير جميعن يا مرحبا ومسهلا بالشباب
يا جماعه انا عندي راي بس يا ليت ترضوون فيييه

انا رايي انا خويينا ان كانك تبي الكشخه والشكل الحلووو اللاند كروزر
اما ان كانك راعي مقانيص وراعي بر ما اوصيك بالسفاري 2003
وشكرا لك يا خويي وانا اقوولك اذا تبي موتر زين اشتر لك

دتسن تراها عطيتك ربك هههههه
وشكرا

[راعي الvxr]

لا يرجال مابه ازين من الهايلكس هههههههههه
لا هنت على المرور:D

[جلوي بن سبعان]

عزالله كفا وفا الراسي

وانا اقولك

من ناحيه الرزه ابشر برزه والكشخه

وابشر با القوه والصلابه


اقصد الVXR ماغيره بديل $$$ لعنبو من صممه لين اكتمل


تحياتي
ملك الاحزان

[سمو الامير]

النيسان طلعه من الوكاله ورح عليه مره وحده للبر


ولا ترجع الا كل شي يرقل


حتى لو انه 2004


عليك بvxr


الله لا يبارك بالنيسان

[بن جمران]

في اك ار والله غير الاند قروزر لاتشتريه الاند كروزر سيارة ناصر بن سرحان ابو كروز

[ابو محمد]

والله كلام الاخ العماني صحيح الفكس قيمته فيه