سعد بن جدلان لايريد جوال

[مري كووول]

إنها قوانين الحضارة للشاعر ابن جدلان



قوانين الحضارة

إنها قوانين الحضارة، ربما لا تصلح للبعض ومنهم
الشاعر سعد بن جدلان
حيث يقول معبرا عن نفسه أو غيره، أن قوانينها لا تريده وهو لا يريدها:





ألا يالله عفـوك لا معـي بيجـر ولا جــوال><ولا عنـدي وظيفـة والتجـارة فاشـل فيـهـا

ولا عندي شهـاداتٍ ولا حرفـة تسـد الحـال><ولا حـظٍ كبيـر لا اخطـت الجـرة يقديـهـا

مخابي الثوب تومي ما دخلها من زمان ريـال><بهـا فاتـورة الكهـرب ولا يمدينـي أقضيهـا

على ذيك العراوي تتعب الحادي مـع الجمّـال><ثـلاث شهـور فالورشـة وشهريـنٍ مغطيهـا

أبيها لو تجمّـل يـوم وأجلبهـا علـى الـدلاّل><يجيها واحـدٍ حظـه مثـل حظـي ويشريهـا

نصيت العسكرية يـوم قالـوا للنظـام رجـال><وقدمـت الملـف وصـورةٍ متشخـصٍ فيهـا

خذا الأوراق مني واحدٍ مـا عنـد أبـوه دلال><سلوم الناس وأهل المعرفة والطيـب مخطيهـا

قراها في دقيقة والتفـت عجـلٍ علـي وقـال><شهادتك العظيمة يا ولـد ويـن أنـت مخفيهـا

أهز الراس ما عندي تقول إنـي مـن البنغـال><وقمـت أحـب خشمـه بالله انــه يمشيـهـا

حذفها من يده شيـن الطبيعـة والنبـا والفـال><وقال أزيـن تعـوّد صـوب نوقاتـك تعشيهـا

تناوشته من الكرسي وعفت الحـلّ والترحـال><وضربته بالبيالـة عقـب مـا بيّحـت شاهيهـا

خذونـي للسجـن لا نيـب لا ظالـم ولا محتـال><مجـرد واحـدٍ كحـل عيونـه ثـم يعميـهـا

ويوم إني خرجت أقفيت لأرض الله وسيع الجال><علـى بـرٍ هـواه يـداوي العلـة ويبريـهـا

أدور قصعة الجربوع والضب الفتـي يختـال><والأرنب يا شفـاة الـروح محلاهـا وطاريهـا

بـلا كهـرب ولا بيجـر ولا غـازٍ ولا نقّـال><قوانين الحضـارة لا تبـي شوفـي ولا أبيهـا