أنا على شانك هويت الفحيحيل ؟؟؟!!!

[سالم الفروان]

عسى أن تنال إعجابكم ..



ياللي هجرت وطال هجرك ولا زال
أرحم خفوقن ذاب ماعاد يحتال


يرجي وصالك كل يومن وليله
وحبل الرجى مبعد وماعاد ينطال


في كل عام أنا شعل الشمع وأطفيه
في عيد ميلادك وشوف الدمع !! سال


أذكر لي أيامن مضت عشتها فيك ؟
وأذكر ليالينا وسهرات عالجال


وأذكر سواليفك ومزحك والعتاب !
وأذكر لي حبّه كنّها حبة الخال


في خدّك الأيسر تحت جفنة العين
كنها رسم فنان يبدع بتمثال !


سبحان من صوّرك وأعطاك سبحان
وخلاك تمشي في وريدي وتختال


كل ذا نسيته ياهوى البال وش جاك ؟
وش جاك مني قول ياطيّب الفال ؟


أنا !! على شانك هويت الفحيحيل
ولا لي بها عمن ولا لي بها خال !


وأنته تزيد بهجرك وتهتني فيه
وأنا تصبّر شايل حمولن ثقال


وأنته تنام وتهتني في منامك
وأنا منامي بس حسره وموّال


وأنته تسلي خاطرك في مماتي
وأنا شرب همومي مثل شرب فنجال !


بأول حياتك كنت كل أمنياتك
وكنت لك منبع بطولات وأمثال


الله يسامح قلبك اللي جفاني
يومه سمع للقيل والقيل والقال


واليوم يا غاية محبن شقاوي !
خل الهجر منّك وبدّله بوصال


وكانك هجرت وطال هجرك ولا زال
ترا خفوقي ذاب ماعاد يحتال !!
ترا خفوقي ذاب ماعاد يحتال !!
ترا خفوقي ذاب ماعاد يحتال !!




وسلامتكم اتمنى انها تحوز على رضاكم