ديوان الشعر لقصائد راكان بن حثلين

[gft]

الأخوه والأخوات
أعضاء وزوار ومشرفين
منتديات شبكة العجمان
أسعد الله جميع أوقاتكم بكل الخير
هذا الموضوع هو عباره عن بحث لقصائد
الامير الراحل راكان بن حثلين رحمه الله
واسكنه فسيح جناته وسيكون كالمرجع لنا
ولأي باحث في علوم التراث والقصائد نرجو من
من جميع الاعضاء من تكن لديه قصائد لشاعرنا
ان يضعها في رده لتكون مرجعا لنا عند البحث
وسهولة الوصول الى القصائد من خلال هذا الموضوع
اتمنى ان تحوز الفكره على اعجابكم وتساهمون بنجاحها
وستكون البدايه مني ببحث عن القصائد وه انا
أتيت لكم محملا ببعض القصائد التي قالها

الأميـــر راكـــــــان بـــن حثليــــــن
أميـــر قبيلــــــــة العجمـــــــــــان

آملا أن تحوز على اعجابكم
وتصل الى مستوى ذائقتكم
وأن وفقني الله بطرح مايليق
بكم وبموقعكم الأكثر من رائع
ولعلها تكون درسا نستفيد منه
من افعال الاولين من كرم وشجاعه
والحكمه وسرعة البديهه
لا اود الاطاله أتمنى لكم
أمتع الأوقات مع
أروع القصائد
للأمير راكان

ياما حلا الفنجال


يا مـا حلا الفنجـال مـع سيحة البـال = فــي مـجلسن ما فيــه نفسه ثقيـله

هـذا ولــد عـم وهـــذا ولـد خال = وهذا رفيق مـا لـقـيـنـا مـثـيلـه

يـا لـيـت رجـال يـبـدل بـرجــال = ويا ليت فـي بــدلا الـرياجيل حليه

يـا بـو هـــلا طير الهوى خبث البال = الطـيـر نـزر والـحـبــارى قـليله

يـا الله يـا الـلي طـالبه مـا بـعد فال = يا اللي مــن الضـيـفـات نجى دخيله

أفــرج لـمـن قـلبه غـدا فيه ولوال = والنوم ما جـــــا عـيـنه الا قليله

لا مـن ذكـرت ارموس عصر لنا … زال = شـوف الـفياض وفقد عـــز القبيله

يـا زيـن شدتهـم آليـا روح الـمـال = يتلـون بـراق حــقــوق مـخيلـه

يســقـى خصيـفا والثمان أرضها سال = مـرتـع معطره السيــــوف الصقيله

عـجـمـان لا ركـبـوا على كل شملال = يفرح بهم راعـــى الـنـياق الهزيله

مـن جــو سـاقـان إلى السيف همال = وينوش حسنــــا والـرديـفة هميله

ولا قــادنـا مـن يـمـه الـقفر خيال = يـصـبح شديد البدو عــــجل رحيله

قــاد السـلـف واستجنبوا كل مشوال = والعصر يا محـلا تخيبـط نـزيــلـه

وإن شرف البادي عـلى روس الأقـذال = والـمـا كـثـر الـــزول زود جفيله

تـلافـحـت مـا بينــا شهـب الاذيال = ومن ضيع الـــمفتاح يـا عـزتى لـه

ركـبـوا على طوعاتهم كــل عيــال = وكل لبلج يحـرى بـكــــسب النفيله

تـغانـموا المـفزاع ذربيـن الافعــال = مـن قبـل تسبق غارة تنثنـــى لـه

يبغون طوعـه روسـهن قبل الادمــال = وتـغانمـوا خلف كــثـير هـجيلــه

وحال الكمى مــن دون عطرات الاجهال = ومروا ولحقوا مقحــمين الدبيلــــه

واللــى تريض عقبهم يلبـس الشــال = من صنــع داود دروع ثقيــلــــه

يلزم عليهم علة عـقب الانـهــــال = ومن غارته لـزم يـضيع دليـــلــه

والدم مـن قحص الرمـك يثعل اثعــال = يزعج عــلى وروك السبايـا وشيــله

هـذى براعيها مـن المعرقه مـــاله = وهـذى شكـلها مطرق مــا تشيــله

من وقـع كـل مجرب قدله افـعـــال = وفـروخ صـاد الحبارى فـصيــــله

ولـيـا ركبنا فوق عـجــلات الازوال = وبايمنـا حـدب السيوف الصقيلــــه

ومـا حـن نحسب لا شتـبك عج واكتال = وتـرك صـبى يفتنع بالفــشيــلــه

وصلاة ربي عـد مـا زايـــــل زال = على نبى الحـق راعـى الفــضيــله


لازال هناك المزيد
من أروع
القصائد

[gft]

قصيده أخرى
نور بارق


على ديرتي رفرف وأمطر وقد سقأ = بلادي وطهّر أرضنا من سعودها

فيارب يا معبود يا قائد الرجأ = يا عالم بالنفس قاسي لهودها

انك توفقنا على رد عزنا = ما دام باق الروح مامات عودها

يا سعد من يشتم في أنفه الهواء = ويدرج بريضان تنافس ورودها

لنا عادة في أرضنا أن نصونها = ولا نترك الظالم يقّرب حدودها

وإن ضامنا الاعداء في كثر عدّهم = صبرنا.. ولكن.. لين نقوي ردودها

أرعودها البارد والموت ووبلها = وحدب مقاييس البلأ في حدودها

وأنا ذخيرتهم إذ شعّلت بهم = شهب النواصي والنشامى شهودها

عسى جواد ما تعرّج بخلفهم = السيف يبتر في ملاوي عضودها

[gft]

قصيده أخرى
للأمير


ماذا يفيد (التُرك) من سجن عاشق = لأرض… تغنّى في محاسن انجودها

قنصتوا با آل سعود فيها، وفاتكم = بأنّ قنّاص البُؤم خاب فودها

لابد ما ينكر عليكم عميلكم = ولن تشوفون السّعد من سعودها

[gft]

قصيده أخرى
ردا على قصيدة
أبن رشيد

الهرج يكفي صامله عن كثيره


ياراكب من عندنا فوق شقران =خرزها بالخرج فوق النجيره



أوعل سلامي لاخو نوره ببرزان =وعقب السلام تخبره بالسريره



من باب عمان اليا باب نجران =ماهو انا يا الضيغمي انت اميره



علم لفانا فيه ليل وفوران =استر قلبي يوم جانا بشيره



جا من حمود شوق مياح الاردان =هو شوق من تزها الشقايق نظيره



عضيد اخوه بصادق الفعل ولسان =ودبولر راس اللي دوابه مسيره



فرز الوغا لاجا ثقيلات الاكوان =لاسل مصقول السني من جفيره


خبرتني ياحمود عن طير حوران =يوم على عروا تكسر عويره


هلت مخاييله بدرج وسبهان =ما ينتميز وردها من صديره



تذكز محمد جامع نجع عتبان =ذخيره ياوي والله ذخيره



الامر قدره الولي عالي الشان =والا عتيبه ماعليهم قصيره



كرمان وان ركبوا على الخيل فرسان =اليا اختلط عج الرمك بالمغيره



سبيتنا سب على غير برهان =ماتستوي هذا لزبن العشيره



وحنا بديرتنا ولا حن بجيران =في شايه اللي مايوازي جويره



حامين ديرتنا بخيلى وفرسان =يوم ان كل له حدود وديره



من زان حنا له على الزين خلان =وضر اليا حرك تزايد سعيره



ماقل دل وزبده الهرج نيشان =والهرج يكفي صامله عن كثيره

[gft]

قصيده أخرى
ونتمنى الا
تكون هي
الأخيره

قلب غدا فيه تفريق




الله من قلب غدا فيه تفريق = يتلى ظعون مبعدين المناحى

قسم بتشريق وقسم بتغريب = والقسم الآخر ما درى وين راح

لى صاحب ما يفتق البيت بيويق = ولا عذبه طرد الهوى والطماح

والله يا لولا أفاهق الصبر تفهيق = وارجى عسى دربه يخى لى سماح

أبوى يا حامى عقاب المشافيق = لا طير الذلان ضرب الملاحى

راعى دلال بالوصايف غرانيق = دلال فيهن أشقر البن فاح

وحامى حدود الخيل وقت التزاهيق = وكريم سبلا فى ليال شاح

ذباح حيل علقن بالمشانيق = حيل الغنم مع مسمنات لقاح

سوقوا بها شقح الأبكار الملاهيق = مثل القنوف اللى بها البرق لاح

ترى لها الجرل قروم مطاليق = كسابة العليا طيور الفلاح

الأخوه والأخوات
هذه بعض القصائد
لأمير قبيلة العجمان
التي هي بحوزتي الان
أتمنى أن أرى ردود فعل
مطمئنه ومرتاحه من هذا العمل
الذي قمنا به وتؤيد للفكره المتواضعه
التي طرحتها كلي أمل أن أرى
مساهماتكم لقصائد أميرنا
الشيخ راكان بن حثلين
أمير قبيلة العجمان
وأن أجد لديكم
تعاونا مشجع
لبذل المزيد
من الجهد
أعطر
تحياتي

[cool]

السلاااام عليكم ورحمة الله وبركااااته

تسلم والله يعطيك العااافيه al3jman على مجهوودك في نقل القصااائد

والله لا يهينك .

اما القصاااائد تدري ان ماااقدر اقول فيهااا شي ولو قلت ماني موفيهاااا .

وان شاء الله ماااتكوون الاخير ووننتظر جديدك .


كـووول

[شبيب ابن شبنان]

العجمان

بيض الله وجهك وهذا الموضوع بثبته لانه يستاهل التثبيت وانا اخيك

والله يرحم الامير والشاعر والفارس راكان بن حثلين

[بنت راكــــان]

السلام عليكم ورحمه الله


ياجعل يمناك ماتعرض على الناار اخـــــي ِ al3jman

ومثل ماقالوا الاخوان والله مانوفيه حقه لو نكتب ثم نكتب

ومانقول الله الله يرحمه ويسكنه فسيح جناته

وانشاء الله تشوف مساهماتنا قريب

في امان الكريم

[gft]

الغالي
كول
الشكر موصول لك استاذي الفاضل
وعساني مانحرم من طلتك على مواضيعي
واني ارى بك العضو المجتهد الذي يهمه الرد
على كل المواضيع وهذه ميزه لايحملها الكثيرون
وهي للمتميزون فقط والمحبين لمعرفة مايدور حولهم
شكرا لك استاذي الفاضل على مرورك وتشجيعك
ونتمنى ان نرى لك عدد من القصائد هنا
في هذا الديوان كي تزيده جماليته
بمشاركتك معنا يكفيني شرف
مداخلتك لي بالموضوع
ويزداد تشرفي
بقصائد الامير
راكان من
يمناك
اعطر تحياتي

الغالي
كريم سبلا
اهلا بك وبكرمك الحاتمي
فقد اخجلتني بمشاركتك لي
من اول مشاركه تثبت لهو كرم حاتمي
بالفعل هذا ماعهدناه من العجمان وافعالهم كلها طيبه
لاعنت ياسنايدي وجعلني ماخلى منك
وننتظر مشاركاتك بجمع ديوان
الامير الراحل راكان بن حثلين
بالتاكيد سيكون لها
طابعها الخاص
اعطر تحياتي

الغاليه
بنت راكان
ولايمناش لاعدمناش
وجعل يمناش ماتمر على الضو
لاهنتي يالسنافيه على التشجيع
ومرورش على مواضيعي له وقعه الخاص
خاصه وانتي تحملين هذا الاسم
والذي وبكل صراحه شدني
للغايه واحسست معه
بشيء غريب لم
اعهده من
ذي قبل
اعطر
تحياتي

الأخوه والأخوات
المداخلات ليست مقتصره
على تقديم الشكر والثناء
فهذا الموضوع طرح كي نتعاون
مع بعضنا البعض لجمع قصائد الامير راكان
وتكون مرجعا لمن يود ان يقرأويتعلم
من قصائد اميرنا الراحل رحمه الله
ارجو من الجميع تقديم يد
العون والمساعده في
جمع هذا الكنز
وهو قصائد
راكان بن
حثلين
أعطر وأرق
تحياتي

[اللزيزي]

مجهود تشكر عليه
يعطيك العافيه

[gft]

الغالي
اللزيزي
الشكر موصول
لك استاذي الفاضل
على مرورك وتشجيعك
لاخلى ولاعدم
أعطر تحياتي

كما وعدتكم سابقا
باني سابذل جهدي ماستطعت
كي احاول جمع اكبر قدر ممكن لشاعرنا
الامير الراحل راكان بن حثلين
وقد وجدت لكم أحدى نوادره
وجئت مسرعا بها لكم
كي تستمتعوا بها
كما امتعتني
هذه القصيده
لكم ماقال
الأمير




قال المعيضي بالضحى يبدع القاف = في دار سمحين الوجيه الكرام

عسى لهم بآيات من حج وطاف = عز لحاضرهم وللحي دام

ياركب من عندنا فوق هياف = بتيل ساج ومقتفيه الولام

فلا دعم صدره على بعض الاسياف = والا ثلاث يشتهن الولام

بواطن يشدن الادمى بالاوصاف = وان زرفلن يشدن لجول النعام

يمشن ثلاث عقب الاوما والاصلاف = والرابعه يلفي لولد الامام

سلم على ربع كما وصف الاشراف = واختص ابة تركي برد السلام

سلام احلا من لبن كل مشعاف = واحن وانوج من عنابير شامي

ولفتها ياشيخ من كل الاطراف = نمرا كما وصف الجراد التهامي

والله لولا جمعك اللي له ارداف = دولة هل العوجا سواة النظام

لني لاعد لهم على كل مزقاف = علم يردونه جديد وعام

مطارق فيها غلب كل هياف = وحدب الظهور اللي تقص العظام

والكل ينكس عايف عقب ماشاف = غصب ودورات السبايا دوام

عاداتنا لاما التفت دلق الاشناف = ثم رودعوا سرد الرمك بالاولام

في ماقف خطر على الروح باتلاف = في روشن غني بركنه حمام

ودموع عيني فوق الاوجان ذراف = وفي الرجل طبيلن حلقهن احكام

ننسف على الطوعات زينات الاطراف = مابين مصري وما بين شامي

ودروع منعات ثقيلات لصاف = متحزمين فوقهن بالحزام

ولا اقبلت حومه زرفهن كما القاف = ثم حل ستر معورجات الوشام

عاداتنا عند المظاهير تنشاف = ونركض مراكيض ترمي الكهام

ونحري برمي الشيخ وان جن زلاف = نرميه بين الخيل مثل المقام

ماهي بهرجة شاعر يبدع القاف = طول لسانه فعل ولد الامام

حنا ترانا علته بين الانجاف = نقزي عيونه عن لذيذ المنام

وقبله لو نازح يرجف ارجاف = ونصبحه لا اباج نور الظلام

والله ان ننزل بين بوشه والاسلاف = ونودعه يترك حلته والجهام

زيجنب الخفرات زينات الاوصاف = وبيض الترايب زاهيات الزمام

كنه خريش بدل العقل باهفاف = واسباب ما خفه فعول قدام

ليتك لنا ياشيخ بالعين تشتاف = يوم اقبلت دولات صبين يام

معهم افرنجي لحسه تقصاف = مثل الرعد في مدلهم الغمام

حنا ذرا الديرة عن البرد ولحاف = ومن زارها زرناه قدنا شمام

ياشيخ نا ارسلنا نبي منك محذاف = قوم تبني من ورانا الخيام

بين الضفيري والمطيري وعساف = ننزل ولو جانا النذر والزحام

ويروح في زملة كثير التعجاف = ولا خير في هرج بليا تمام

حنا كما حر تعلى بمشراف = وصيده من الجل الحباري الجسام

جاه اسمر في صايده جداه التلهاف = فعلك جعل للي مغل كلام

وصلاة ربي عد من حج وطاف = على النبي ما حج بيت الحرام

نتمنى مشاركة الجميع
في جمع ديوان
راكان بن
حثلين
أعطر وأرق
تحياتـــ ي

[gft]

اخواني اخواتي
لازال هناك الكثير
من قصائد الأمير الراحل
راكان بن حثلين رحمه الله
وأسكنه فسيح جناته الواسعه
ويسعدني ان اضع بين ايديكم كل
مايقع بين يدي واقدمه لكم كهديه
متواضعه مني لكم ولهذه الشبكه الشامخه
بجهود القائمين عليها وبجهود اعضاؤها المخلصين
لها ويودون خدمتها من اي طريق كان
وكلنا مجتهدون في سبيل الوصول
الى اعلى مراتب لما تحمله
من اسم لامع يحمل
قبيلة العجمان
نرجو تكاتف
الجميع في
البحث عن
القصائد
اليكم احدى اروع
قصائد الأمير الراحل
راكان بن حثلين ردا على
امير قبيلة قحطان أبن قرمله
ارجو ان تحوز على اعجابكم
وهي من اروع قصائده
رحمة الله عليه


ياراكب حر تذرب سنامه = عليه ني راكب نيه العام

ماصك لحيه في ليالي فطامه = وعظمه قوي من لبن كل مرزام

الى ورد عد يطير حمامه = جا للصريمه من لحيه تقصام

تلفي لابن هادي كبير العمامه = شيخ ورمحه مع هل الخيل مرسام

مر يواعدنا بحرب وقوامه = ومر يجينا منه هرج وتسلام

حي ذا الكلام ومن هو كلامه = اللي لفانا منه هرج التوهام

وش الجزا ياشوق زاهي الوشامه = بالسابق اللي ماعرفنا له اوقام

كزيت لك نور السلف والجهامه = باغيه ذخر في مقابيل الايام

وغديت انا وياك مثل النعامه = جاها بلاها من ثقيلات الاقدام

ان كان تبغي سابقك والسلامه = فلا تحول بالجحادر على يام

حرم عليكم النوط تطلق بلامه = مادام عنده واحد من ضنى يام

معنا الطويل اللي تجيكم علامه = مثل العديم اللي على الجول صرام

الترك قبلك زارنا به زعامه = وقد عافنا واختار عنا هل الشام

ان كات تطري حدرتك بالجهامه = لما توصل بك لهذيك الارجام

ذي ديرة الحاكم كبير العمامه = اللي نحى عنها طوابير الاورام

قدامكم شيخ رفيع مقامه = الخيل قرح وابيض الخد قدام

وان رادها غيره ضربنا رثامه = عود يبدل هفوته بالتندام

يالله عسى الفردوس ملقى عظامه = اللي بعث دين النبي دين الاسلام

مثل الدويش اللي يقدي الجهامه = عرقت جواده فوق رجله والاقدام

وان كان حدر لابته من تهامه = حنا لهم في مقطع الصلب قدام

اقبل وحنا لك نسوي كرامه = شلف على شهب سريعات الاولام

تسعين رمح كسرن في عدامه = عشلاين منهن بين راكان وحزام

كم ثار عند ركابنا من كتامه = ياما هلك من ضدنا من سبب يام

كم من حريب دارج الدم دامه = يشبع بها السرحان والطير لا حام

حنا كمنا سيل تنحى غمامه = هامل بردها بالفرنجي والاورام

سيله يقزي مانحا من عدامه = ورعودها منها المدن له تقصام

كم سيف هندي فضخنا لجامه = بايماننا كنه مقابيس الاظلام

نروي من ارقاب السكاري جيامه = في هية يشبع بها كل حوام

ونطعن لعين عريض سنامه = شقح مفاليها مباكير الاوسام

ان كان ودك عندنا لك كلاامه = وتدري بضيفتنا لك الشرق والشام

اقبل علينا حي سوق المسامه = وعاداتنا نغلي جلب كل سوام

حريبنا تصبح بكبده ندامه = وبراية الله والقدم ناحر يام

وصلاة ربي عد ما انشي غمامه = على النبي خصة الله بالاكرام

وســـلامتكـــــم
نرجو تعاون الجميع
في جمع ديوان
الأمير راكان
بن حثلين
أعطر
تحياتــــ ي

[الخويطري]

لأهنت يالعجمان


وبيض الله وجهك على الجهد ولأهنت مليار , ولي رجعه هنا انشالله



وتقبل تحياتي


الخويطري

[gft]

الغالي
الخويطري
ولانت ياسنايدي
الشكر موصول لك
استاذي الفاضل
اتمنى تكون عودتك
محمله بالقصائد الجزله
كما هي عادتكم
لاتاتون سوا
بالسمين
اعطر
التحايا

[admin]

هلا باخي العجمان وحياك الله وشكرك علي هذه المشركه اللي اكثر من رائعه
واتمنى من الاخوه الاعضاء من لديه قصائد لشيخ راكان ان يضعها في هذا الموضوع ليصبح كا ديوان نتعرف علي قصائده كما اسماها الاخ عجمان نوادر راكان بن حثلين .

أخيكم ابوفيصل

[الخويطري]

(((((((( يافاطــــــــري ))))))))))

يا فاطري ذبي خرايم طميـّة // الى اشمخرت مثل خشم الحصاني

ذبـي طمية والفياض العذية // تنحّـري برزان زيـن المبانـي

سلام اخو نورة لزوم ٍ عليّه // قبل القريب وقبل قاصي وداني

والى قضيت اللازم اللي عليّه // اللازم اللـي ما قضاه الهداني

الجدي حطيته بورك المطيّة // وافرق نحرها عن سهيل اليماني

نبغي ندور الطفلة العسوجية // ريحة نسمها كالزباد العماني

تباشروا بي عقب سابع ضحية // وانـا علـيّ ابرك ليالي زماني

خبـّي وانا راكان زبن الونيّه // ما ياخذ الفضلات كود الهداني

خبـّي خبيب الذبيب بالجرهدية // ليا طالع الشيهان واللي داني

لومي على الطيّب ولومه عليّه // هو ليه ياخذ عشقتي ما تناني

ليته صبر عامين والا ضحيه // يـما يـميّز غربتي ويش جاني

إما غـدا راكـان بالمهمهية // والا ظهر يصهل صهيل الحصاني

حريبنا اليا اهدى علينا هدية // عندي مجازاته مثل ما جزاني

نسهج محله لين يخلف نويّـه // يصبر كما يصبر جديع الاذاني

من القطيف الى النفود محميّه // الا ان يـمشيها خوي ٍ وعاني

افعالنا هذي علينا وصـيـة // فرض علينا مثل فرض رمضاني

الصدق يظهر من حباله رديّه // والكذب يقطع من حباله متاني

[الخويطري]

((((((( لا واهني ))))))))


لا واهني يا طير منهو معك حـام // والا انـت تنقل لي حمايض علومي

إن كان لامن حمت وجهك على الشام // أيسر مغيب سهيل تبغى تحومي

باكتب معك مكتوب سر ولا لام // ملفـاه ربـع ٍ كل ابوهم قرومي

سلم على ربعٍ تنشّد بالاعـلام // لا واهنـي مـن شافهـم ربع يومي

ومن سايلك عني فانا من بنـي يام // من لابـة ٍ بالضيق تقضي اللزومي

ربعي ورا الصمان وانـا بالاروام // من دونـهم يزمـي بعيد الرجومي

ومن دونهم حوران ضلع ٍ بعد زام // دار ٍ اهلها ما تعـرف السلومـي

حال البحر من دونـهم له تليطام // ومن دونـهم مايات موج ٍ تعومـي

من عقب ما سيفي على الضد حطام // اليـوم سيفي جادعه صار شومي

صارت سوالفنا معه مثل الاحـلام // مالـي جـدا يكود عد النجومي

لامن ذكرت رمـوس عصر ٍ دام // قمت اتـململ والخـلايق نيومي

يالله ياللي طالبه ماهـو يـظـام // تفـرج لشخص ٍ لاجي ٍ عند قومي

الله من عين ٍ لها سبـعـة اعـوام // تسهـر وتبكي من كثير الهمومي

الحال باد وباقي ٍ جسم واعظـام // كنـه مـريض ٍ واقع ٍ ومحمومي

وقعت انا في ديرة ٍ ما بـها اسـلام // والبـن الاشقـر ما يدار معدومي

سجين سجن ولاجي ٍ عند ظـلاّم // ودونـي بـحور وبالحديد محزومي

والجفن يسهر تالي اللي مـا نـام // ومن جملة الكيفات صرت محرومي

وعزي لمن مثلي عليه الدهر هام // مقصور رجل ولا جزع ما يشومي

وصلاة ربي عد من يلبس حـرام // وعداد مـا تذري ذواري سمومي

[الخويطري]

{يـا ونـتـــي }
يـا ونـتـي ونـت خـلـوج تـسوفـي &&& عـلى مـكان حوارها تعول اعوال

لأبو دليقي فوق متنه صـفـوفـي &&& راعـي أشـقر مـتثيني كنه حبال

في عينه اليمنى جموعا وقوفي &&& وفي عينه اليسرى ثمانين خيال

وكن القلايد في نحرها شنـوفـي &&& في لابة كنها قراطـيـس عـمـال

وكن الردايف لا قـفتها شـفـوفـي &&& تـشــبـه بـواكـيـر تـحنـا الجـهـال

إن قـلـت ديــان فـلا هـو بـيـوفـي &&& أمـا الحـديـث الـزيـن كـل بـيكتال

[الخويطري]

يازين ياللى

زين ياللي في ذراعك نقاريش = الحكم حكم الله وامرك على الراس

ان ردتني حشاش سيد الحواشيش = وان ردتني حطاب قرب لي الفاس

وان ردتني خيال اروي المراييش = نثني وراهم يوم الارياق يباس

والفرح لا يغويك في صفة الريس = طير الحبارى ياريش العين قرناس

[$ابوعبدالعزيز$]

لاهنت ياخي العجمان
وبشر انا احضر
قصيد لشيخ راكان ابن حثلين
يوم طلع من اسره في تركيا
ولاهنت مره ثانيه
اخوك$ ابوعبدالعزيز$]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]

[gft]

الغالي
ابو فيصل
شكرا لك أستاذي الفاضل
على مرورك وتشجيعك لي على
مشاركتي المتواضعه وأشكر فيك حسن
تعاونك معنا لبذل المزيد من الجهد للرقي
بهذا الصرح الشامخ لنعتلي به الى أعلى
شكرا لك أستاذي الفاضل لمطالبتك
الاعضاء بوضع القصائد التي
يعرفوها للأمير راكان
لتكون ديوانا له
عبر ديوان
العجمان
لاهنت

الغالي
الخويطري
الف الف الف شكر
لك أستاذي الفاضل
على هذه النوادر التي
طرحتها لنا وزدت من نور
هذا المتصفح بنور مشاركاتك
قصائد جميله ومن أروع ماقاله الأمير
راكان بن حثلين لاهنت يالسنافي
وأنتظر منك المزيد من هذه
المشاركات الفعاله بحق
وهي مفيده للغايه
وأرجو أن يحذو
حذوكم أخوانك
الأعضاء ويساهمون
بطرح القصائد
التي يعرفونها
لك مني
اعطر
تحياتي

استأذنك أخي الخويطري
بتعديل شطر احد الابيات فلا بد
انه خطأ أملائي وجب تصحيحه للمحافظه
على وزن وكلام وقصائد الأمير راكان بن حثلين
ونتمنى تعاون الجميع معنا في هذا الخصوص

ان ردتني حشاش سيد الحواشيش *-*-* وان ردتني حطال قرب لي الفاس

والصحيح هو

ان ردتني حشاش سيد الحواشيش وان ردتني حطاب قرب لي الفاس

فقط وقع الخطأ في حرف واحد
بدلا من ان يكتب باء كتب لا
وكان السبب قرب الحرفين
من بعضهما في الكيبورد
وهذا يعني ان من وقع
به كان يعرف القصيده
الا انها كانت غير
مقصوده وحدثت
دون علم منه
ارجو الا
يضايقك
التعديل

الغالي
$ابوعبدالعزيز$
اهلا بك وبمرورك الكريم
وشاكر لك تشجيعك
وننتظر مشاركتك
اعطر وارق
تحياتــ ي

[Mox]

السلام عليكم
شكراً ولاهنت مليوووووووون على القصائد اللي عرفنا الشيخ راكان بن حثلين رحمه الله عليها القصائد التي لم اسمع ولم ارى اجمل منها الا الآن

وشكراً مره اخرى اخي العجمان

[admin]

بالنسبه للبيت اللي صار فيه الخطا تم تعديل الحرف
وتسلم علي هذه الملاحظه اخي العجمان
والله يعطيكم العافيه جميعاً



أخيكم ابوفيصل

[gft]

الغالي
ابوفيصل
شكرا لك ولجهودك
المثمره معنا وتصحيحك
لبعض الاخطاء التي قد نقع
بها لا خلى ولا عدم ولاهنت
شاكر لك حسن تعاونك
ورحابة صدرك على
مانطرحه من
امور تخص
شبكتنا
أعطر وأرق
تحياتي

[عامر العجمي]

الله يطول في عمرك وعمر راعي العشوا وصراحه مجهود قيم الله لايهينكم وفيه قصيده ماني بحافظها ياليت احدن يعرفها قالو خيار وقلت ماهو بخيارا قالها الشيخ يومه في السجن عندما قدمو له الاكل عباره عن صحن خيار

[المجازف]

العجمان بيض الله وجهك عمل تشكر عليه اخوي
توجد كثير من القصائد
لكن ماتحضرني الان عن قريب انشالله بنزله

اخوك المجازفّ

[gft]

الغالي
عامر العجمي
يامرحبا مليون ولايكفون
الشكر موصول لك أستاذي الكريم
على مرورك القيم والهادف والمشجع
القصيده التي طلبتها ستكون بين يديك
خلال الايام القليله القادمه بتكاتف
جميع الاخوه والأخوات معنا
سبق ومرت علي هذه
القصيده الرائعه
أن لم تكن
فستجدها
خلال ايام
قليله
أعطر وأرق
تحياتي

الغالي
مرحبا مليون
هلا بالغالي حياك
الف شكر لك لمرورك
وتشجيعك وننتظر القصائد التي
بحوزتك ونتمنى الا تتأخر علينا بها
سعيد جدا بمشاركتك ونتمنى
الا تطيل علينا فنحن
يسعدنا مرورك
وتواصلكم
المثمر
أعطر وأرق
تحياتي

[الهنووووف]

يالله يا معطي العطايا الخيارا = يا معطي الجنه عبيدك من النار
ويالله يا خلاق ليل ونهارا=متعاقبات دب الايام سيار
والى طلعت شمسه وبان النهارا=والناس تسعى بالدلايل والانظار
قالوا خيار وقلت ماهو خيارا=ولا في خيار كود زينات الاثمار
خيار المــــــلا الملتقي بالزيارا=محمد نبي الله ناتيه زوار
وخيار البيوت كبارها والصغارا=تزور بيت الله حجاب عن النار
وخيار السبايا مسرجات المهارا=لى روحت مع أول الخيل عبار
وخيار الاباعر طيبات البكارا=وخطوا رجوح بأول الذود معطار
وخيارتي ربع قروم سطارا=يفرح بهم قلبي إلى صار ما صار
لى طار ستر مخبيات العذارا=والى شبك صوت الزغاريت والثار
والى تعلوا فوق قب تبارا=فزعاتهم تجلي عن الكبد الامرار
وما قلطوا للضيف كثر العذارا=والكل منهم يكرم الضيف والجار
وصيانين فيها الشحم والفقارا=ودلال فيهن أشقر البن وبهار
وانا لقيت خيار بيض العذارا=ما هازها راعي الردى سر وجهار
أبو قرون كاسياته نثارا=متحدر من فوق الامتان نثار
وحجيجه مثل القلم يوم سارا=بين الطلاحي يصبغ الحبر وان سار
والعين عين موحشات الحرارا=والحر الاشقر لابرق الريش عفار
.................................................. .=.........................................
.................................................. =..........................................
ويا شبه ريم لى جفل واستذارا=يشبه لريم مرتعه عشب الاقفار
وصلاة ربي عد رمل الزبارا=على نبي داس غبات الاخطار

قصيدة للشيخ راكان بن حثلين عندما رأى الخيار لأول مرة في سجن الاتراك

[بخـــــــــــوت]

يما ل العافيه وبعطيك بيت حا فظته اشااركك فيه


معنى الطويل الي تجيكم علامه مثل العديم الي على الجول صرام

اختك بخووت

[gft]

الهنووووف
مرحبا مليون ولايكفون
اهلا بهذا المرور المثمر والرائع
أتيتي لنا بقصيده من أروع قصائد
الأمير راكان بن حثلين رحمه الله وأسكنه
فسيح جناته كنت قبل أيام أقوم بالبحث عن
هذه القصيده وأتقصى عن أي معلومه
وكأنك علمتي ما أستر في صدري
وأتيتي بها كي تتحفيننا بها
الف شكر لكي أستاذتي
ولاخلى ولاعدم ونرجو
أن يتكرر التواصل
بجمع أكبر قدر
ممكن من
روائع
الأمير
راكان بن حثلين
كي تكون شبكتنا
مرجعل لكل من يبحث
عن كل مايتعلق بنا
من قصيد وقصص
ونسب ومعلومه
الشكر الجزيل
لكي لاهنتي
يالسنافيه
تقبلي أعطر وأرق
تحياتـــــ ي

الغاليه
بخـــــــــــوت
مرحبا مليون يلحقها
غلا مثلها ولايكفون ويزيدون
الف شكر على مشاركتك لنا بجمع
أكبر عدد ممكن من قصائد للأمير راكان
ويكفيني مرورك وقد عطرتيه في بيت شعر
أكثر من رائع وفيه يمتدح الفارس محمد الطويل
لما له شأن وبأس في حروب العجمان
وغزواتهم وكان من خيرة فرسان
قبيلة العجمان والكثير يعمل
له الف حساب كونه
يحتذي بالشجاعه
والفروسيه
مرورك
أستاذتي الفاضله
زادني فرحا لما حمله
في طياته من بيت شعر رائع
ونتمنى أن أرى مشاركتك
القادمه معي هنا بقصيده
وبعدها سأطلب منك
قصيدتان وهلم جر
الف الف شكر
ونتمنى
تواصلك
أعطر وأرق
تحياتي

[زبون كيمو]

ياذيب ياللي لك مع الصبح لجلاج....... دوك الدويش وخل عنك الدنافيس
لعيناك يالصفرا ذبحت ابن فراج......... بشلفا حداها عود سبر المناسيس
خليت دمه بين الاضلاع زعاج........... كل لعينا وقفتك بالمناسيس
جونا وجيناهم مع الحزم دفلاج......والكثر بذ مدورين النواميس

[ال محفوظ العجمي]

أيضا له عندما كان يجلس في مجلس ابن رشيد قال له ابن رشيد اسمعنا يا أبى فلاح بعضا من قصائد الغزل فقل هذه القصيدة التي لا يحضرنا منها سوى هذان البيتان


خيل مشاهير تـطارد بـأهلها

وأخلي اللي في محاجر عيونه



ردوا سلامي نافذ اللي نقلها

يا أهل مراديم النضا اللي تجونه



تحياتي
سفير عجمان القصيم

[الهنووووف]

حمزة مشينا من ديار المحبين = الله يرجعنا عليهم سلومي
مشوا بنا العسكر لدار السلاطين = في مركب جزواه ترك ورومي
عشرين ليل يمة الغرب مقفين = ماحن نشوف إلا السما والنجومي
والنوم يامشكاي مالاج في العين = والقلب ياحمزة تزايد همومي
من الخداعة واحتيال الملاعين = هيهات لو اني عرفت العلومي
هيا اركبو من عندنا فوق ثنتين = وخلوا نجايبكم مع الدو تومي
لازوعن بالوصف مثل القطاتين = تبغى الشراب ولايعنها السمومي
اليا اصبحن كنهن جريد البساتين = نحال من كثر الحفا وارثومي
تلفي على ربع عساهم عزيزين = اهل الشجاعه والكرموالعزومي
ربعي ضنا مرزوق بالعسر واللين = لطامةٍ للي عليــهم يزومـــي
عجمـــان لا رد البرا للمــعادين = حريبهم من هــمهم ماينومــي
يوم الخيانة ليت هم لي قريبين = من فوق زلبات تبوج الحزومي
وليا تعلوا فوق مثل الشياهين = مركاظهم يشبع وحوش تحومي
نوب سلاطيـن ونــوب شيــاطين = وكم شيخ قومٍ توهم مايقومي
يالله ياقابل ســـوال المصـــلين = يا اللي له التقدير في كل يومي
انك تثبتــنا على اــلحق والدين = وانك تروف بحالنا يارحومي
وعسى مقابيل الليالي لنا زين = من عقـــب مانوسن العلـومي
وصلوا على اللي وضح الزين والشين = وشيد منار الدين واعلى الرسومي



اششششششششششششششششششششش

سرقتها لكم من شبكة العجمان بس لحد يخبرهم :D

[تــركي]

فـــــلاح دوك النــو نـفـــض ربــابــه ... يـازيـن برقــه شــارق فـي رفـــايـــــاه

جــعــلــه عالصـــلب الحمر واللـهـابـه ... وعلـى جـــويـــات الهــمل نــاثــر مـــاه

نــــوه على الصقــري ينثـر سحابــه ... وانحــت مقاديـــمه على الطـف واسقــاه

ديــــرة بنــي عمــي زمــام الحرابـه ... كم شيــخ قــوم خـــربوه زيــــن مبنـــاه

يـا ســعد من هـم لــه صديـق ولابــه ... يوم اعلـنوا بالحــــرب عقـــب المســـاداه

اعــــوي كما يعـوي جويع الذيابـه ... بين عمــــود الصبــــح والكلب ينـــحــــاه

مـادري بـلاه الجـــوع ما علـق نابه ... والا رفــيــقــه راح مــنـــه ولا جــــــــــاه

يـاحــشــر من عقبــك يفـك الطلابه ... لا جــــات مـن عـــين طـــروقــــه مخــــلاه

يـاطــول ماسيفـــي وريع دِبابـــه ... أدب بــه الـعـــايــل ولا ادري قــفــيـــــاه

مـن عقــبهم صندوق قلبي خرابــه ... لعـــب دواليـبــه الهــبايـــب بـــمـــجـــراه

عجــمـــان يوم الحرب شب التهابه ... جــــلابــــة للروح والـــرب يـــاقــــــــــاه

كم من خفيف قد مشوا في ذهابه ... تـــوخــذ مواشــيــــه ولابـــه مــــــــراواه

حريـبهم يسعون له في عــذابـــه ... عقب الطمـــع تصــبح عيـــونـــه مـــداواه

يبـكـي على ماله وفقد القرابـــه ... وفي المعـــركه يصبــح يحسب جثـــايـــاه

[ابن درجان]

الاخ العجمان --- راعي العشوا
ان مايحفظ التاريخ هو القصص الموثوقه بالقصائد واشكر لك هذا المجهود والشكر موصول الى جميع من شارك في هذا المنتدي واهديكم احدى قصائد الشيخ الفارس - راكان الحثلين
ياراكب من عندنا فوق شقران ----- سواج مواج بعيد المراحي
ينشر من القرعا على قد الاذان ----- والعصر تشرف له خشوم وضاحي
كز القعود للشيخ من نسل وطبان ----- زيزوم علوى مبعدين المناحي
الذم مايهفي للجواد ميزان ----- والمدح ما يرفع ردي المشاحي
بشر ليا جيته بكبش من الضان ----- ودلال فيهن اشقر البن فاحي
يمشي وينشد عن منازل فنيسان ----- يبغي بداري قامه وانبطاحي
الدار حاميه الولي رافع الشان ----- من حمد ربي سدنا ما يباحي
الدار نحماها بخيل وفرسان ----- يا اهل القنازع دايثين الملاحي
بالله عليك امسيت يا نسل وطبان ----- تصبح عليك من الهواشم صباحي
مخيلة تاتيك من صوب نجران ----- مشروبها سم ذبوح ذحاحي
اول مطرها رشة الخيل باكوان ----- ترمي العشا للطير رفض الجناحي
خليت عشب الصلب يومي بالاردان ----- تلعب بريضانه هبوب الرياحي
والعذر منك يالصبي يا ابن درجان ----- حنا فهقنا الكون نبغي الصباحي
ياما حدينا عند حلوات الالبان ----- وياما كسرنا قفوها من الرماحي
لامركبنا فوق طوعات الارسان ----- عدونا يبطي وهو ما استراحي

[ابن مكتوم]

العجمان الله لا يهينك على فتح مثل هذه المواضيع
وعدم التهاون فيها
وصح لسانك يا ابن درجان



بن مكتوم