من يعرفها ايكملها ولا عليه امر

[سلطان بن جفن]

من يعرف ذلقصيده ولا عليه امر ايكملها لاني اعتبرها
شيخه القصيد
ون ابن جدلان من لايعن لاعه==كن في قلبه دوافير صناعي
=
=
=
=
=
لرفيق انخلي انفس خضاعه ==مانوريه الجفى وتمطاعي
=
=
=
=
=
==مخبل الي للمقفين تباعي

[الخويطري]

مرحبا بك يا ابن جفن


غالي والطلب رخيص

استلم لاهنت :

ون أبن جدلان من لايعٍ لاعه=كن في كبدي دوافير صناعي

ألعب المنكوس وأحب روباعه=مملٍ في الوقت والوقت خداعي

مادريت أن ضحكة الوقت خداعه=شفت مدخالي ولاشفت مطلاعي

لابغيت أسج والا انبصط ساعه=دق قلبي من وراء حدب الأضلاعي

كم من بين الضلوع آلة طباعة=تشتغل لانمت وأقوم مرتاعي

هم قلبي مايفرق تجمَاعه=غير جر الصوت والناس هجاعي

فاقدٍ لي سلعةٍ وأكبر أبضاعه=سلعةٍ تشراء ولاهيب تنباعي

رفقة الطيب ليا غير أطباعه=أشهد أنها كيةٍ توجع أوجاعي

راكب إلي صممه صاحب أصناعه=جمس بيك أب من حديثات الأنواعي

الغريب الي جديدٍ من أنواعه=حوض رفرف مايبي شد وشراعي

لا أنس البنزين عجلٍ تفرقاعه=مخطرٍ من سرعته يقلع أقلاعي

لاتحرك شفت في القاع مشلاعه=والتواير تظهر الماء من القاعي

ينعش القلب الحزين أبتهملاعه=لامشا قام يتهملع تهملاعي

لاوطى الأرض العتش كن تهزَاعه=بنت شيخٍ طامحٍ من ولد راعي

في رجاء الغايب تحَرا لمرجاعه=تنقد العشاق وتطق الأصباعي

نفسها من جملة الناس منصاعه=ماتبي إلا واحدٍ ذكره أيشاعي

ينحر اللي يأخذ الطيب بذراعه=الصديق الصافي الصامل الواعي

الوفاء والطيب ساسه ومنباعه=يوم بعض الطيب تقليد وصناعي

لاوصلتوا فأخبروني عن أوضاعه=وأخبروا راعي السمارا عن أوضاعي

أنشدو ويش السبايب بمهزاعه=لاعلي ناقص ولا أبيه فزَاعي

ودَنا نرضيه ونحاول أقناعه=كان بن مهمل بعد يسمع الداعي

كان يبغا حق للحق قطَاعه=نقعة والحق ماعنه مجزاعي

وكان مبغضٍ في الرياجيل بتَاعه=لايجي ناقد ويلحقني أرياعي

لصَديق نخلَي النفس خضَاعه=مانوريه الجفا والتمطَاعي

الصداقة عندنا ذخر وطماعه=صحبةٍ ماهيب صحبة تمتاعي

حد جدتها على البرق لماعه=وإن خذت يومين مفعولها ضاعي

فإن تليمنا على العز والطاعه=وأن تفرقنا فجوج الله أوساعي

ما أطرد المقفي ليا صفط أشراعه=مخبل اللي للمقفين تبَاعي

من يحط أذنه على كل سماعه=جاه فرقاً مابعدها تجمَاعي

والزباد أختام هرجي ومطلاعه=يدفعه من ريحة المسك ذعذاعي

تقبل تحياتي

[ولد ال صالح]

كفو الخويطري والله اللي جبتها

ماشاءالله

ابن جفن

تقبل

سلاااااااااااامي

[مـحمـد]

ماشاءلله الخويطري ولاهنت

والقصيــده هذي تســمى (بنت شيخ طامحه في ولد راعي)

والشاعر هو سعد بن جدلان

تحياتى العجمي
ALAJMI

[سلطان بن جفن]

الخويطري لاهنت ولا تستغرب منك

بيض الله وجهك