زود الغـــــــــــلا
14-07-2008, 06:46 AM
يسعد اوقاتكم..
بصراحه مو عارفه كيف اشرحلكم فكرة الموضوع.. ومو عارفه اذا بتتقبلونها او لأ!!
بس اللي اعرفه اني ماقدر اخليها بخاطري.. واذا لاقت قبولكم ولا ماضرني انشاءالله..
السالفه ومافيها يا طويلين العمار.. ان في كثير من القصايد اللي تعبنا وشاركنا فيها.. وانظلمت من ناحية اطلاع الاعضاء او الزوار عليها.. ولــ اسباب كثيره مابي اخوض فيها.. وانا وحده من الناس اشارك بقصايد وعلى مستوى.. وفــ النهايه.. محد يطلع عليها.. يمكن هــ الشي راجع لــ اني ماعرف اختار عناوين مناسبه.. او بالاصح ماعرف ابهرج العنوان.. او لاني نزلتها بوقت غلط.. او لاني انزل اكثر من قصيده بوقت واحد..
في هــ الموضوع برجع ارفع القصايد اللي شاركت فيها.. بالاضافه الى مشاركات جديده .. وكل مشاركاتي بهالقسم راح تكون في هـ الموضوع.. اذا تيسر الموضوع انشاءالله.. وطلع القصيد يستاهل يرفع.. برجع ارفع قصايد لاعضاء غيري وهم نفس القصه..
(تمتعـــــــــــــــــــــــــــــوا..)
[line]
[1]
قالوا حبيبك يسمع الشعر قلت ايــه يقراه بــعــيونــي قبـل تـسمعونـه
لولاه حتـــى طــاري الشـــعر مــابيــــه لولاه حتـــى طــاري الشـــعر مــابيــــه
هـو روح شعـري وامنياتـه ومـاضـــيــه جــذع الشجـر وش كـان لولا غـــصــونــه
أكتــب لغــيره والقصايـد تجي فـــيــه كــن القـصـايــــد حـالفـه مـا تخــونـــــه
هـذاك لا منـــــه زعــل قمــت اهــاديـــــه حــتى وهــو مــخــطــي تـعــذرت دونـــــه
يمــكن لو انـه يلمـس الجــــرح بيــديه يستــغرب ان اللي لمســها طعـونــــه
أبطـــى وهــو غــايــب وزلّــــت حــراويـه وانـــا مــن الــعـــام اتحـــرى مـــزونـــه
هــو مـادرى انـي فــي غيــابه محــاتيه ليتـه نشــد عــن حــالـي اللــي يجــونـه
واقلــبي اللــي تــوه افلــــت عـــراويه كــيــف انــسرق وضلوع صدري حصونه
عجــزت أرده كــن مانـــي بــراعــــيــه يوم انتثر شوقه وهاضت شــجـــونـــه
يـبـســن عروقه لكـن اللي يعـزيـــــه إن اكــثر العــالم تـــردد لـــحــــونـــه
خـافو مــن الله لا تـجــيـبـون طــاريــــه لا صــرت أنــا مـوجــــود لا تـــذكـــرونـه
لــو كــل غــالي جــابـه الله لغــاليـــــه مــاشــفت لك مخــلوق تبـكـي عـيونـه
الشاعر/ متعب التركي
[line]
[2]
بلّغ اللي كل يوم(ن) أيقابلنا بثوب مايخدّرنا كلامه مع من خدّره
لا بغينا اللعب نزحف مع الجوّ اللعوب وان هبطنا سوق طيب(ن) خذينا ندّره
والتجارب عرّفتنا الصّدوق امن الكذوب والجبل لاسال نبته يجي بمغدّره
ولا تجيك الحصبه إلا من فراش امحصوب وحبّة الجدري تجي من فراش مجدّره
المحبّ أذنيه ماهيب تسمع للعيوب والعدو لادرهمت به تجي متحدّره
دامت الأخلاق يملك بها الواحد شعوب ياجب إنها في جميع الأمور مبدّره
إن قدرنا نقفل الباب من دون الهبوب وألا جا درب(ن) لنا والقنيّ امسدّره
الأصايل كل يوم(ن) تلافخ بالكعوب والرّدي لا عيّن اللي يهينه قدّره
ولا تعرف أحسابك إلا أليا جيت امحسوب شرهة القادر على العالم المتقدّره
المقبّل تنفتح له دواليب القلوب والمقفّي " قلعة الوادرين" اتودّره
الشاعر/ سعد بن جدلان الأكلبي
[line]
[3]
طاريك واحداث الغرام ومزايـاك
وفرايد الشعر الجميـل وسنعهـا
معي واحددها علي جال ذكـراك
واقضم غضبها واتهجى ورعهـا
لو كان صدك يفلج بنـود لقيـاك
دورتلك كلمـة وقلـت استمعهـا
لكن ؟ صداتك وهجرك وجفـواك
ماهيب لك بس العناد اصطنعهـا
بعدين يامترف هل الحسن ويـاك
لا انته بشاريها ولا قلـت بعهـا
محبتك .. جيره وحيره ولـولاك
ما اغض عيني والمدامع وجعها
اساير الايام .. من بـاب الادراك
مـن لاتعلـم سيرتـه مانفعهـا
تعال من طيشك ترى القلب ملفاك
وأقلط علي مشاعري وانتزعهـا
تعال سولف عن مقيلك لمسـراك
تراك في بال الخواطـر ومعهـا
محتاج اغنـي وتأمـل محيـاك
واختار لحروف الغلا وابتدعهـا
وعلمك وش صار لى يوم فرقاك
ضرايب الفرقـا خفوقـي دفعهـا
ميت من اشواق الغلا واتحـراك
سنه ونفسي موتها مـن ولعهـا
شفني مابين ادناك واراجع اقصاك
جمع شرايد فكرتـي واقتطعهـا
اقول في نفسي ليا حـل طريـاك
ان كان ماطاعتك الايـام طعهـا
انساك ؟ قلي كيف بالله ابنسـاك
وصلك دواء نفسي وبعدك فجعها
ويلاه ياقربك وشوفـك ولا مـاك
قدام لاروحـي تخالـف سنعهـا
الشاعر/ سعد براك
[line]
[4]
انت يالــلي تدعي لي بالمـــوده المــوده خلها لقــــلـــوب اهــلــها
انت وش جابك لعشق مانت قده اترك حموله ترى مانت بجملها
حبـــل وصلك تقـطعه والا تــمـده ميت الاحساس روحي مـا يصلها
لـيــــه عذرك كل يــومٍ لـي تـــرده مـابقى الا تقاسـم العذرى خجلها
صدري من الهـم جاه اللي يسده مثل ماجا فرحتي حزن وقــتــلـهـا
مـابقى لك في خفـوقي غـير صده تحتمـلـها لا عســـى مـا تحتملهـــــــا
دوّر اكـــــبر شـي في بالــك وبدّه دور اقشــر كلـمــة عــندك وقـلهــــا
الدمــــــوع آخـر مداها للمخـــــده عـيب كفك يالضعيّـف ما حملهـــا
فـــــكّـر بعذر اللــــيالي عقب مـده لـو قـــــتلت احلامها وآخـر أملــها
[line]
[5]
دام الهدب شرّع لك الباب سمّـي يالعبره اللي ملحهـا يجرح العيـن
وان ذلنـي دمـعٍ مسحته بكمي ياكم تـذل المخدجه فرخ شـاهين
على الذلول اردفت حزني بهمّـي لان الذلول الطيبـه تردف اثنيـن
أربع سنين اصيح في اذن اصـمي وآخر شهر بالذات عـن اربع سنين
رحت اتسلّـف مـن زماني لغمي فرحه ومـن مثلي شرى الفرح بالدين
واذكر بمره سربل الشوق دمّي وقمت اتلعثـم وانطـق السين بالشين
واستفغر الله قلت مستثني امي بنات حواء كلبوهن مجانيـن
يا غربتي جيتك ثرى ما يلمّـي ماضرت المقتول كثر السكاكين
لا من غدا التاريخ كذبه بفمّـي وش عـرّف الجغرافيا جيت من وين
وردٍ شرب مر الزمن ما يشمي ويضيع عطره بين هجره وتوطين
المدح صار بتالي الوقت ذمي والذود قدعيوا عليه الشيابين
وما دامني ذليّت الاهـداب سمّي يالعبره اللي ملحها جرّح العين
الشاعر/ محمد الدحيمي
[line]
[6]
مايغير عزمي الجــامح حســود ولايبدل صفوة أفكـــاري خبـل
الليــالي بين بيـــض وبين ســود والرجــال تبــان لا زاد الحمـل
يارفيقي في الحكي نقص وزود ومن تسمع للحكي عاش بجهل
لايغــرك من فرش دربــك ورود للصعــايب ثــابت مثــل الجبــل
المــراجــل في يديــه ماتـكـود وفـي يدينـك ناقـصه قـول وفعـل
ان صبــرنا صبــرنا مالــه حدود وان زعـلنـا نقــلب الدنيــا زعــل
شف جحودك ماعرف مثلك جحود وشف غرورك ماتبدل بك بدل
عــادة الدنيـا على مثــلك تجــود اللــه الي في امتحانه له مثـل
كـل أرض لا زهــرت من كل عـود أزهـرت بعـد الحيـا وعـر وسهل
هـو زمانـك لو نصـف غيـرك يعـود قد خبرت الموت رجـع من رحل
مكسب الدنيا صلاتـك والسجـود والحساب يكون من جنـس العمل
ومــايغيـر عزمي الصــادق حسود ولايكـدر صفــوة أيــامي خبـل
[line]
[7]
لو كان في وجه الهوى ذرة اخلاق
مامت بيدينه من الشوق مخنوق
ولو ماأتوق لقلبك الحين واشتاق
من عاد له في ذمتك بس بأتوق
فتحت قلبي بس من شان لاضاق
قلبك يفل القلب معلوق معلوق
وفهقت موقي لك على شرف الاحداق
وكل ما غفى موقي ألاقيه مفهوق
وشعلت صدري لين ما اتناثر اوراق
وصاح بخفوقي عرق ياصاحبي فوق
ماني بأحبك لكن ورب الاشراق
يا اني بدونك كن ماني بمخلوق
فإن كنت ولهان لعيوني ومشتاق
انا وربي ماذبحني سوى الشوق
[line]
[8]
الله اكبر الله اكبر وش حصـل ياويـش جانـي
كن قلبي مـع طواريـق الهـوى نـاوي بنيـه
قد سليت وقد سمحت وقد خذيت اللـي كفانـي
بـس مـدري ويـن جيتـي يالهمـوم الاوليـه
اشهدني قد نسيتـك مـع تصاريـف الزمانـي
عاصبٍ راسـي عصابـة مـن تقفالـه مطيـه
متعـبٍ حالـي علـى خـوة طليقيـن اليمانـي
ون قصر شبر الردي صديـت لايّشـره عليـه
احتـدي يـم السنـود ولاتلـفـت للطمـانـي
تـاركٍ درب الملـوح عنـد ليلـي العامـريـه
كل مافز الخفـوق اقـول ربـي قـد هدانـي
قمت اسبح بسـم ربـي قبـل لاتكتـب خطيـه
كنت اظن الوقت صافي واثر وقتـي قيلبانـي
وثـر دورات اليالـي سرمـديـه سرمـديـه
والله اني مادريـت الا وانـا فـي جـو ثانـي
عايـشٍ ليـل الهـواوي والحـون السامـريـه
اعترضلي في طريقي من عـن اليمـه حدانـي
ضاعت اعلومي وكل حسنه جات سيه
كنت اغض بطرف عيني مير ربي قـد بلانـي
وبتليـت بحـب منهـو كيّتـه بالفيـن كـيّـه
ان نشدتـه صـد عنـي ون طلبتـه ماعطانـي
ون بغيـت انسـاه ذكرنـي اليالـي الاوليه
أه انا لو طـال قافـي جبـت شـي ماخفانـي
بختصرهـا والمعانـي بالحـروف الابجـديـه
الشاعر / بندر منصور
[line]
[9]
عزي لحالك يا عزيزٍ وأنا ابوك
.................................. كان الزمان اللي وطاني توطـــاك
تراه ما ينفعك خالك ولا اخوك
.................................. لا صار ما تقضي لزومك بيمناك
وربعك اليا بان الخلل فيك عافوك
................................. أقرب قريبٍ لك من الناس يشناك
إن كثر مالك صدقوا لك وطاعوك
................................. وإن قل ما بيديك شانت حلاياك
لو تطلب الماء عندهم منه ما اسقوك
.................................. ابعد مزارك عن وطنهم ومرباك
وإن طاب حظك قرّبوا لك وحبوك
................................. وإن بار بك محدٍ يبي غير فرقاك
وهرّاجة المجلس إلى جيت ورّوك
................................. منازل تطرب نظيرك بدنيـــــــاك
وإلى قضوا منك اللوازم وخلوك
.................................. تفرقّوا وأنت إحتمل كل ماجاك
كنّك سراج البيت للنور شباك
................................ وإلى أنقضى اللازم حدا الربع طفّاك
وإلى جفوك أهل الوطن واستخفوك
.................................. قلّع غريسك منه واهدم ركاياك
تراك لو ترجع على الرجل صعلوك
................................. أحسن من اللي تلتجي له وطاياك
وأصحى لخلان الرخا لو تغالوك
................................. أعرف ترى اطيبهم إلى احتجت يجفاك
تصبح خوي امقيط دهووك واغووك
................................ وكلٍ عطاك ارشاك واقفا وخلاك
واحذر عن العيله ترى الحق مدروك
................................. مثل القضاء يدركك ما منه فكّاك
واحلم على الجاهل ترى الحلم مبروك
................................ وقم للضعيف اللي من الظلم ينخاك
وقم للضيوف اللي عنوا لك وضافوك
................................ واغلا كرامتهم حجاجك وبشراك
واعرف ترى مالك من الضيف مفكوك
................................ لولاه يطلب حاجته منك ما جاك
[line]
[10]
انتشـر حبـك بجسمـي .. لا وحتـى بالعظـام
واختلـط حبـك بدمـي .. فالمعالـيـق يـعـدي
يـا هيـام ٍ فـي هيـام ٍ فـي هيـام ٍ فـي هيـام
يا ضياعي ! يـا اتجاهـي ! يـا دروب المهتـدي
لو تـذوق النـوم .. جفنـي مـا تهنّـى بالمنـام
طاوله فيـك الغـرام .. وطاولـه فيـك سهـدي
لك حبيبي فـي ثنايـا جـوف هالقلـب احتـرام
لك حبيبي ( قولتي ) : لبيه .. آمر .. يـا بعـدي
كيف اصبحك بسلام ! وكيـف امسيـك بسـلام !
وانت في مجـرى وريـدي مـع سواقيـه تغـدي
لك عيوني .. لك حياتي .. لك سنيني .. لك مقـام
لك حلالي .. لك فوادي .. لك ورودي وشهـدي
فـوق كفـك دق حنّـا .. والبـلا فعـل الزمـام
والحلا .. ليـل ٍ تسلـل فـوق الامتـان اجعـدي
لا طويل .. ولا قصير .. ويا حلو زيـن القـوام
جلّ مـن صـوّرك والله فـي غرامـك مولـدي
مـا لقينـا لـك شبيـه ٍ فـي غناديـر الـشـوام
ومـا لقينـا لـك شبيـه ٍ فـي بنـات الاحمـدي
انت دانه .. وانت آيه .. وانت عشـق المستهـام
وانت نـادر فـي عيونـي يـا عيونـي وسعـدي
وانت والله يا ( صغير الحب ) مـن قبـل الفطـام
ما قصرت الفكر دونك .. لا ولا ضـاع جهـدي
انت امسي .. وانت انسي .. وانت جرحي والختام
وانـت والله يـا حبيبـي شمعـة اليـوم لـغـدي
انت غايـة مطلبـي يـا روح روحـي والغـرام
وانت شـف البـال والله وانـت غايـة مقصـدي
احسد البرقـع عليـك .. ولا حسـدت إلاّ لثـام !
كيف ما يخجل ! وليله ما غـدى عنـه اجـودي!
فوق خدك .. حب خالك ! وازعلوا منه العمـام !
كيـف يقـدر يستبيـح الخـد يـا خـد ٍ نــدي!
ترتدي ثوب ( الشرف ) و ( العز ) من فوقه وسام
كيف ما يصبح وسامك ! وانت ( عـزّه ) مرتـدي
بنت شيخ ٍ ما ( توانى ) .. ما يفك إلاّ ( الزحام )
فزعة اللي ينتخـي ويصيـح تكفـى يـا سنـدي
و ( الحظيظ ) اللي قرب حظه من حظوظ الكـرام
ما خشى شر الزمان .. ولا خشى الحظ الـردي!
اتـرك الواقـع واعيشـك فـي خيالـي بنسجـام
واربـط الواقـع بأحـلام الخـيـال السـرمـدي
مـا بغيتـك فالظـلام .. ولا بغيتـك بالحـرام !
مـا بغيتـك غيـر بالعـز الشريـف المقـتـدي
مـا بغيتـك بالتلاعـب .. مـا بغيتـك بالـكـلام
مـا بغيـت إلاّ اخـوك يصيـر خـال ٍ لولـدي
لك جنوني .. لك ظنوني .. يا حبيبـي والسـلام
وانت غالي .. ثم غالي .. ثم غالي .. يا سعـدي
الشاعر/ جزا البقمي
[line]
[11]
قالوا جديدك قلت أنا لي مـدةٍ مـا مـن جديـد
قفلت بيبان القريحـة واسترحـت مـن العنـا
كله لجل لا يحلل المعنـى راع الفكـر الزهيـد
اللـي يـدوّر للمداخـل جعـل عظمـه بالونـا
لو كان ما هو لاقي ٍ مدخـل ولا هـو مستفيـد
إلا لجـام ٍ يلجمـه أشـد مـن ضـرب القنـا
من كل من ينطق كلام الحق والـرأي السديـد
اللي يقول الحق مـا جامـل رفيـق ٍ وأخدنـا
ومن فضل ربي ما علي دام البناء ساسه جويد
ومهندسـه يحمـل شهـاداتٍ تؤهـل للبـنـا
شهادة الوافين عنـدي تعتبـر أكبـر رصيـد
وألا خدوش الخلق لو قالـت تـرى مـا همنـا
ما همنا قول الخدوش أهل الـدوادي والهبيـد
اللي تحاول تنتقـد لـو كـان مـا هـي قدنـا
ناس ٍ تـرز أنفوسهـا ولا لهـا فعـل ٍ مجيـد
تقصر يمانيها عن الطـولات وأتمـوت أغبنـا
أقلوبها فيها الحسد يجري مـع حبـل الوريـد
وأكفوفها ما حاشت الناموس والـروس أجبنـا
ناس ٍ تغث الكبد وتحلل على مـا هـي تريـد
لو كان مـا تنظـم لهـا بيـتٍ وحيـدٍ متقنـا
لا شفت شعر ٍ تكتبه عفت القوافـي والنشيـد
وقلت أشهد أن اللي زرع وسط الصباخي ما جنا
يموت زرعه ما جنا غير التعـب هـذا الاكيـد
لو طالت الأيـام مـا حصـل جزيـل ولا ثنـا
وأنا على منهج هل الجـزلات والمجـد التليـد
أنظر وراء سطح القمـر والفكـر لله مـا دنـا
أطلق خيالي وأبعد النظرة ولي عقـل ٍ رشيـد
يختار من عـذب القوافـي كـل قـافٍ يقتنـا
يقنونه اللي يعشقون الجزل من نظـم القصيـد
اللي يحفظون الجـزال مـن القصايـد وأفطنـا
لا سمعه الناقد يقول هذا هـو الشعـر الفريـد
لله در أهـل الجزالـة شعرهـم يحفـظ لـنـا
مثل الجواهر مع مرور الوقت لا يمكـن تبيـد
لو بادت الأجيـال منتـوج الجزالـة مـا فنـا
وهذا قصيدي حلله يا للـي تحلـل مـن بعيـد
لو كان ما بيّنت راسـك جعـل راسـك يدفنـا
الشعر له من يفهمه يا صاحـب الفكـر البليـد
مالـك ومالـه دام فكـرك للجزايـل مـا قنـا
وأختامها يا هاجسي تبقـى مـع الأيـام سيـد
للشعر دام الشعر لـه شعـار وأعقـول أرزنـا
الشاعر/ الحميدي سعد السبيعي
[line]
[12]
ياإليّ ليا جيت شيٍ تكمل أوصافه وإلّي بلا أياك ماتهواه الأخلاقي
ترى صوابي لجا وابطيت بسعافه يامنجّح الكيّ لاتلحق على الباقي
عامين والحال من فرقاك ملاّفه لوف أشهب الال عشبٍ نبته أدقاقي
كمّ ليلةٍ من سببك العين ذرّافه من غيبة الشمس لين الصبح ينساقي
ياعين حرٍ على العسرات مشرافه عيطٍ لحاليحها تصعب على الراقي
والعنق عنق أدميّ عاود لميلافه متذيّرٍ عقب ما أروّح ريح تفّاقي
مالك من الجسم غير المتن وأردافه زاويه خصرٍ عليه الشبر متلاقي
لفيتني لفّ سيرٍ فوق حذاّفه وصرفتني من هوى تلعات الأعناقي
فأدخل على امّك وأبوك من التزلافه تبتنّي بالعذاب وتقطع أرزاقي
البرق لجا المشعّف زوّد أشعافه وأنا مشعّف غرامك وأنت برّاقي
الشاعر/ سعد جدلان
[line]
[13]
لا وصلت الغيره إلى مستوى الشك ،،
تبيع عمرك والحياة بدقايق ..
لاتفك بابن صعب عقبين ينصك ،،
وتجيك ريحن منه وتصير عايق ..
وتزيد نفسك ضك زودن بعد ضك ،،
وتضيع مابين التهم والحقايق ..
اما تدقق لين صاحبك يتركك ،،
ولا على موج السعاده توايق ..
الجرح يدمى لا كثر فوقه الحك
وإلى دمى جرحك لزوم اتضايق
خله يدك بداخل النفس مادك ،،
والفكر خله دايم الدوم رايق ..
[line]
[14]
الحلم تفسيره صعب تتعب مـن الحلـم العقـول
مثل السنين اللي مضت شفهـا هذيـك أطلالهـا
والناس من خلقت وكل واحد ولـه راي وميـول
لا تزعـل مـن البارحـه قـول الوعـد بقبالهـا
بقول لك حاجه وابـي منـك لحسـادي تقـول
وان كان ما تقدر تقول قـل ثامـر اللـي قالهـا
من جيت للساحة وانا واصل ولا بحاجة وصـول
قصايدي توصـل ولـو قلـت دروب اوصالهـا
قصايدي ارضت لها ناس وزعـل منهـا زعـول
قصايـدي أبكـت قلـوب الله عليـم بحالـهـا
قصايدي خلت لها شيخان مـن بـاب الفضـول
تسأل عن اسمي وحالتي احساسـي شاغـل بالهـا
كم بنت ابوها ما عرفت اسمي عطت شعري قبول
ابيـات شعـري مخزنـة فـي محفظـة جوالـهـا
ما هو غرور ولا كبر بس انزعجت مـن الطبـول
اللـي تـدن اطبولهـا وشعارهـا تـبـرا لـهـا
يبقى الصحيح هو الصحيح الروس ما تتبع ذيـول
وجه الرجـال وقدرهـا يحسـب بقـد أفعالهـا
والبارحه يوم اقصرت عني وأنـا كفـي تطـول
علمتهـا لا تقـتـرب بقصـارهـا لطوالـهـا
سقت الحمول اللي اشتكى من حملها طير وذلـول
ما خفت من غدر القلوب اللـي غـدرت بعيالهـا
اصول فالساحه وأجول أجول فالساحه وأصـول
مـا همنـي لاجدهـا ولا عمـهـا ولا خالـهـا
انا كذا من الله خلقني ما عرفـت درب النـزول
عودت رجلي للصعب صار الصعـب يحـلا لهـا
هذا وأنا لحالي اجل وشلون لـو جيـت محمـول
شفت الثريا لـو أصيـح لعبـس راح أرقـا لهـا
ربعي ليا صكت علي يبكي على الحكـم معـزول
لي لابتن من دون قاصـر مـا نشـرب فنجالهـا
بني رشيد ليا اصطفق موج البحر سالـت سيـول
يا سعد عين أم الضعيـف اللـي تكـون بجالهـا
يوم انها بالسيف والشلفا علـى ظهـور الخيـول
كـم مـن قبيلـة طيبـه امسـت بـلا خيالهـا
يـا مـا عفينـا لخاطـر العقـال زلات مهبـول
ندمـح وعقـال المهـبـل تلـفـت لهبالـهـا
لكن ليا منا بطشنـا بطشنـا مـا هـو معقـول
ندعـس علـى روس المهبـل ورقبـة عقالـهـا
قلته وانا ماني بمن قـوم ابهتـه بحكـي معسـول
مـن روس قومـن اثبتـت افعالـهـا اقوالـهـا
اكرم الطيب ولا تسـوى الفحـول الا الفحـول
مـا تلحـق الشكـه فحـل بدقاقهـا واجلالهـا
اما الـردي اجنبـه مـال الخبـول الا الخبـول
مثـل المـره مالـي حكـي الا مـع رجالـهـا
بعض الرجال ليا مشى ويـاك خـذ ويـاك زول
بعض النسا تومـي عليـه ليـا وقـف واومالهـا
يعجبك في زوله ولكن بالفعـل مـا مـن فعـول
يا كثرها افعال الرجال اللـي خدعتـك ازوالهـا
استغفر الله ونعمتك يـا الله عساهـا مـا تـزول
لـو النعـم فـي يـد غيـر الله علينـا زالـهـا
يالله ياللي ترمـي اللقمـة علـى فـم معقـول
تغنيـه عـن مـد العـرب اجوادهـا وانذالهـا
انـك تسامحنـي اذا زليـت فـي قـوة وحـول
انا الضعيف اللـي تـرك نفسـه علـى موالهـا
كل ما ذكرت ان البدو كانت من اصحاب الرسول
استغـرب ان التفرقـة كيـف اقـدرت تغتالهـا
ويا صاحبي كثر الحكي ضيق على الصدر الملـول
هـذي البـلاد ان ظامتـك دور ابـلاد ابدالهـا
هذا بخصوص الشعر حمل اخذه وباقي لك حمـول
مثلك حمولـه كـل مـا زادت نهـض واشتالهـا
واذا خلصت من الشعر حول على اللي ما تجـول
الا بصـدري يـوم صـدري بيتهـا وظلالـهـا
سولف لها عنـي تـراه لسانهـا طبعـه خجـول
اقـرا كـلام عيونهـا وجـاوب علـى سؤالهـا
اذا اسألت عن عهدنا بنـت الاكابـر والاصـول
قل شاعرك ما صافـح كفـوف الرجـال لمالهـا
واذا اسألت عن حالتي طمنها كـان انهـا جفـول
قل حالتي في خيـر دام انهـا فـي خيـر احوالهـا
واذا اسألت عن الوصل تبغى من يديـك الحلـول
قل شهـر كـان الله كتـب لازم اكـون قبالهـا
واذا اسألت عن الشعر تبيك من شعـري تقـول
قل هذي اخر ما كتب من قلـب صـادق قالهـا
الشاعر/ ثامر شبيب
[line]
[15]
سلام ياللي كنت احسبنك سلاحـي لااعتزيـت
ذخري ليا ساقـت علـي المعظـلات سنينهـا
جاك الشعر يحمل مشاريه العتب مع كل بيـت
قصيـدة سببـت معناهـا وسـبـك حينـهـا
اليـا رجعنـا للحقيقـه والله انـي مادريـت
ابطيـت ادور خـوة الطيـب ولا ادري وينهـا
جرحتني جرح لـو اداوي جروحـي كمبليـت
في ذمتي ذمـه ماتبـرى علتـه مـن بينهـا
لو ان دمع العين بيخفف من الصدمـه بكيـت
الله يقدرني علـى زيـن الظـروف وشينهـا
بس ابشر اني ياضعيف الراي فووق اللي هقيت
ولا خير فـي نـاس بدنياهـا تضيـع دينهـا
اذا حلقت الدقن قلطنـي عليهـم بيـت بيـت
وان ما حلقت الدقن مكرمهـا مانيـب اهينهـا
المعذره ناظرت وجهـي فالمرايـه واستحيـت
مانيب مثـل اللـي يباريهـا ويلطـم عينهـا
[line]
[16]
قال المثل من شق له شق يرفاه
ماني وراء وصل الرديين ساعي
خله يرّوح روحة امقيط وارشاه
اخير من وصل الردي لنّقطاعي
البعد عن مثله ملذه ومشهاه
اقولها من تجربه واطلاعي
ألذ لي من شربة الماء اني انساه
تعوضني فيه الفجوج الوساعي
مادامني لحتجت شئ اتعداه
لاهوب من جنبي ولا من ذراعي
فرقاه عيد وشوفته شئ ماابغاه
وحقرانه اطيب ويش ابي بالنزاعي
الصاحب اللي نافخ شين علباه
فعلت فيه الطيب والطيب ضاعي
ماني براسم بسمتي في محياه
بعطيه من نظرات عيني وداعي
وان بار حظي بي وصادفت لقياه
بينت له كرهي وطولت باعي
لنذال في الدنياء سواة المعاناه
مامن وراها إلآ المرض والصداعي
تعبت اجامل والمجامل مرض داه
لو سار في دمي قتل لندفاعي
واصير مثل اللي نقل داه برداه
معاد افرق بالثني والرباعي
لشك هذا آخر كلامي ومعناه
بعدٍ عن الهيّن دواي ومتاعي
ورزقي من الله لو مع الموت بنصاه
ولو كان في بطون الحيايا الجياعي
الشاعر/ حسن المسعودي
[line]
[17]
هذي طبوعي كل ما عسعس الليل
________ أصلّـح الدلـة وأجـــر اللحونــــي
بريـةٍ موزونـة البـنّ والهـيـل
________ والماء بوزن وحيّ هاك الوزونـي
منهـا تكيّفنـي ثلاثـة فناجـيـل
________ وأرتاح ويطير السهر من عيونــي
وأراجع الذكرى وأجـرّ المواويـل
________ والذكريـات بكـلّ شكـلٍ ولونــي
البعض منها يشرح الصدر بالحيل
________ والبعض لا والله يجـدد طعونـي
وأرجع وأفكّر في الليال المقابيـل
________ لعل وقتـي مـا يخيّـب ظنونـــي
وأدخل على الله من حياة الغرابيـل
________ حيث إن همّي ما تشيلـه متونـي
كنّك مفصّل فوقي الهـمّ تفصيـل
________ لين إلتبسني مثل لبـس الجنونـي
حالي كما حال القلوب المشاغيـل
________ اللي من أطرف شـيء يتـأثّرونـي
لو يشتكون الغبن والجور والميـل
________ للغيظ وسط صدورهـم يكتمونـي
فكّرت الا الموضوع يحتاج تحليـل
________ وفنّ الدراسة واحـدٍ مـن فنونـــي
عرفت وش عكّر مزاج المشاكيـل
________ يوم إنهم مـن وقتهـم يشتكونـي
أول سبب: نقالـة القـال والقيـل
________ الطغمة اللـي جعلهـم يذهبونـي
قلوبهـم بالحقـد سـودٍ مغاليـل
________ ومن طبعهم بالمشكلة يفرحونـي
وثاني سبب: ناسٍ على مثل ما قيل
________ لا يقطعـون الشّـر ولا ينفعونـــــي
والله ما يرفع ضغطك إلا المهابيـل
________ العالم اللي في النحـر ينشبونـي
وثالث سبب: ناسٍ سوات المخاييل
________ على سلوم الطّيب ما يحرصونـي
خلّو سلوم أجدادهم رغو مع سيـل
________ وفي عالم التقليد جو يركضونـي
طشّوا عمايمهم ولبسـوا بناطيـل
________ والموس فال أشنابهـم والدقونـي
وأرقابهم ما سلمت من السلاسيـل
________ تطبّعوا بطبـوع هيـم البطونــــي
في ذمتي ماعـاد باقـي رياجيـل
________ إلا القليـل وجعلهـم يثــــبتـونـي
صفّة بعد صفّة وجيلٍ بعـد جيـل
________ كلٍ من اللي قبله أنقص وأدونـي
هذي هي الأسباب من دون تفصيل
________ شرحت روس أقلام بس أعذرونـي
واللي يبي تفصيل بالحيل بالحيـل
________ يقـدر يكلمنـي علـى تيلفونــــي
الشاعر/ وصل العطياني
[line]
[18]
مفواح شوقي من على النار راكن
فاح وطفى جمر الغلى وانت ماجيت
وليل السهر وظروف الايام حاكن
ثوب الفراق اللي لبسته وقفيت
سكنتني بيت الحزن وانت ساكن
ارض الغلا روض الفكر والتناهيت
خنجر غيابك داخل الروح ماكن
يتوغل بصدر الغلا كل ماابطيت
في غيبتك عوج الضلوع يتباكن
والموت لا منك على البال مريت
اتنفسك واحيا بقربك ولكن
ابقى جسد ينبض معك واكثري ميت
غبت ومشاعر لهفتي بك تحاكن
وليتك على صوت الأحاسيس لبيت
تشتاق لك كل السكك والاماكن
ويميل لك غصن الوله كل ماغضيت
يوم الأمل مركاي عشقك مساكن
واليوم لامركا يسند ولا بيـت
غير الهموم اللي علي يتراكن
وبذور حزنن في خفوقي منابيت
[line]
[19]
يـضـيـق صـدري كــل مــا هـبــت عـلــي مــن الـجـنــوب
.............................. نـســايــمٍ مـامــلــت طـعــونــي وقـلــبــي مـلّــهــا..
وارقــى عـلــى مـرقــاب حــزنــي واتــحــرى لـلــغــروب
.............................. وامـســك جـدايــل هـالـحــيــاه الـمــدبــره وافـلّــهــا..
واشـوف وشـلــون الـلـيــال ادور فــ الــوقــت الـلــعــوب
............................. واجـمــع مـسـائــل هـالـبـشــر فــي دفـتــري واحـلّـهــا ..
والـعـن ابـو الـحـظ الردي !! واسـتـغـفـر المولــى واتــوب
................................ وآقــول يــا ربــي تـعـيــن الـلــي صـبــر ثــم شـلّـهــا ..
ويـا سـعـود قـرب لــي مــدام الـوقــت والـعـمــر مـحـســوب
............................. واسـمـع يـا خــوك ابـيــات مــن جـوفــي نـويــت اتـلّـهــا ..
لا صـارت الـدعـوه مـابـيـن : ( ضـلـوع صـدري ) و(الـهـبــوب ) !
................................ بـقـولـهـا و : (( الـلـي عـقــد روووس الـحـبــال يـحـلّـهــا ))
وش عــاد نـرجــي مــن زمــن صــارت بــه اكـبــر الـذنــوب
................................ انـك عـلـى الـبـاطــل سـيــوف الـحــق تـونــي سـلّـهــا !!
اسـلامـك اصـبـح (( مـتـهـم ! )) والـنــور غـيّــب ومـحـجــوب
................................. دروووبـهــم يــا كـثـرهــاا ؟؟ وادروبــنــا يـــا قـلّــهــا !!
خـويّـنــا تـصــلاه نـــار الـكــفــر ونـشــوفــه يـــذوب
................................ وحـنّـا نـتـرجـى مـن (( عـجـوز الـغـرب )) تـرهــي ظـلّـهــا !!
لا عـادبــه فــزعــه ولا غــيــره ؟! وحـيـلـتــنــا يـــا دوب
.................................. ( نـشـجـب ونـسـتـنـكـر ) عـسـاهـا تـنـسـمــع او عـلّـهــا ..
صــار الـتـنـافــس ع الـطــرب مــن اولـويــات الـشـعــوب !
..................................... (( الـغـانـيــه صـفـقـلـهــا ؟؟ والـراقـصــه طـبـلّــهــا !! ))
والـمـوضـه تـحـاصـر تـقـالـيــد الـعــرب مــن كــل صــوب
............................................. تــفــوح دلـتــنــا زعــــل واعــوانــهــم تــزلّــهــا ..
والـكـل مـنّــا يـشــوف نـفـســه ع الـتـخــاذل مـغـصــوب
......................................... احـلـوقـنــا مـيّـتــه عـطــش ! يالله طـلـبـتــك بـلّــهــا ..
يالله سـتــرك مـــن عــلــومٍ فـــي خـواطــرنــا تــجــوب
....................................... رحـمــاك سـهـلـهــا عـلـيـنــا دقـهــا مـــعٌ جـلّــهــا ..
ويـا سـعـود اخـذهـا مـن نـمـط (حـكـيٍ عـلـى لـسـان الـقـلـوب)
.................................. اربــع نـصـايــح لـحـيـاتــك يــا عــســى تـوصـلّــهــا ..
الـمـرجـلـه هــي ( الـبـلــد ) وافـعــال يـمـنــاك ( الــدروب )
.................................... والادمـــي يــولــد ( غــريــب ) ولاتــســنّــع دلّــهـــا ..
والـكـايــده تـبـغــى ولــد مــاهــوب طــمــاع وكـــذوب
....................................... والـرابــح الــلــي نـفــســه لــربــه قـــدر يـذلّــهــا ..
وتــرى الـكــرم عـنــد الـعــرب يـغـطــي آلاف الـعــيــوب
.................................. وانــك بـخـيــل تـســاوي عـيــوب الـعــرب ذي كـلّــهــا ..
واحـذر تـحـسـب ان كـل بـيـر ابـدنـيـتـك بــه ( مــا ) شــروب
...................................... واذا تـجـاهــلــت الــعــواذل ابــتــمــوت بـغــلّــهــا ..
وانــــا بــــوّدع راس مــرقــابــي اذا حــــل الــغـــروب
.................................. وبـقـول يـا ربــي تـعـيــن الـلــي صـبــر ثــم شـلّـهــااااا !!
[line]
[20]
يا رب صبرني على امرك وبلـواك
واجبر عزا من شاف ضيم العزايـر
مثل الدريك اللي على حوض الادراك
يبكي ودمعه فـوق الأوجـان جايـر
يا عين هلـي ذارف الدمـع سفـاك
وابكي وهاتي ما خفـا مـن عبايـر
يـا عيـن لا تبكيـن هــذا ولا ذاك
لا ولا فرقـا الأهــل والعشـايـر
ابكي على سمح النبا حسن الاسـلاك
اللـي عليـه مغـوزر الدمـع فايـر
قلبي عليه مـن الولـع فيـه دكـاك
والحـال منـي خلصـت بالحسايـر
كني ربيط الروم فـي وسـط شبـاك
ولا كسـيـرٍ موجعـتـه الجبـايـر
قدم العرب غادي بشـوشٍ وضحـاك
والكبـد يصلاهـا لهيـب السعايـر
يالله يـا والـي تصاريـف الافـلاك
يـا مطفـيٍ نـار السنيـن العسايـر
يا مـن لعسـرات الشرابيـك فكـاك
والي السماء والي جميـع البصايـر
اسألك من جودك وفضلك وحسنـاك
تجمع بشملـي مـع ظبـي الزبايـر
الجادل اللي يصقـل السـن بالـراك
حاوي محاسن محصنـات الخدايـر
سبه عزاي وصـار للـروح مـلاك
وارخصت له عمري ومـا بالذخايـر
يا زين روحي يا أريش العين تفـداك
حيثك هواي وعن هوى الغيـر ذايـر
علـي نـذرٍ ان ولـف الله بلامـاك
لا رزّ رايـات الفـرح والبشـايـر
واصـوم لله مـا تيـسـر لعيـنـاك
وابنـي لحبـك بالضمايـر منـايـر
يا زين يا عذب اللمـا كيـف بنسـاك
والحب سلطانه علـى الحـال جايـر
يا مورد الخديـن محلـى سجايـاك
يـا سيـد كـلّ المترفـات النضايـر
يا زين شفني من غرامـك وفرقـاك
كني علـى جـالٍ مـن اليـام هايـر
سهرٍّ ونوح بنوح ورقٍ علـى الـراك
معـذا تصفقنـي ركـون العـوايـر
يا بو محمد يا فتـى الجُـود بنخـاك
يا فرحـة المضيـوم يـوم الكسايـر
شف لي طبيـبٍ شاطـرٍ لا عدمنـاك
كـوده يـداوي عـلـةٍ بالضمـايـر
والا فنـا يـا معـدن الجُـود ويـاك
نركب على ثنتيـن عـوصٍ حرايـر
نركب عليهن يا فتى وقت الامسـاك
من دار أبو جابـر عزيـز القصايـر
والعصر حول مريخ وبيمـة اشيـاك
ومنكبـيـن المـزهـره والنقـايـر
يا بعـد والله يـا القعيمـي معشـاك
ان سلـم الله مـردمـات القفـايـر
يومين والثالث علـى الهـون ملفـاك
هجر منازل من لـه القلـب طايـر
فيـلا لقينـا ديـرة الربـع ذولاكـا
لوصل يطفي مـا لجـا مـن زفايـر
وامسي لكني مالـكٍ كـلّ الامـلاك
امـلاك سلطـان البحـر والجزايـر
والـى لفينـا دافــع الله منـايـاك
مرخوص يا مروي السيوف الشطاير
الا ان يطيب الكيف لك فانت برضاك
اتـم انـا ويـاك للـحـول دايــر
عند السياسب لابـةٍ مثـل شـرواك
الكـل منهـم يحتـمـل بالخسـايـر
اهـل دلال كالغرانـيـق ودكــاك
وحِيـلٍّ تقلـط للوجـيـه السفـايـر
يا بـو محمـد عانـك الله وعافـاك
وذراك ربي مـن حتـوف الدوايـر
شفني من الفرقا ولا الحـال يخفـاك
مثل المريض انهض ولانيـب ثايـر
مـن فقـد طفـلٍ للمعاليـق مسـاك
الجادل اللـي مـا يـدوس الوزايـر
كامل تواصيفـه ولا هـوب حشـاك
الا ولا يــومٍ لقـيـتـه مـكـايـر
منـزهٍ عرضـة ولا هـوب دكـاك
بالشين حاشا ما سمـع شـور شايـر
من صلب شغمومٍ ضحى الكون سفاك
لادما العدى يـوم اشتعـال الذخايـر
سمـحٍ سلوكـي ولا هـوب شكـاك
ومغفلٍّ مـا هـوب راعـي عبايـر
ربي كساه من المحاسـن والابـراك
ثـوب الجمـال وكمّلـه بالستـايـر
الخـد كالقنديـل واللـحـظ فـتـاك
يغري الضمايـر والذوايـب حدايـر
متعثكـلاتٍ يسهجـن روس الاوراك
مثل الدجـى فـوق الردايـف نثايـر
علمي بشوفـه يـوم الاثنيـن هـذاك
قبـل المديـد بعشـرة أيـام زايـر
سَلّْم علـي وقـال بالـك و حـذراك
تفضي السدود ولو تشـوف النكايـر
واعرف ترى ما لي عزى عن ملاماك
الله يبـور بملـزمـة كــل بـايـر
ليـاك تطرينـي ولا جِيـب طريـاك
عنـد العـرب والله عليـم السرايـر
وارجـي عسـى ربٍّ بلانـا بهـذاك
اللي وداده في حشا الـروح صايـر
يجمع بشملي بأريش العيـن وهنـاك
هالعمـر خيـره لـو بقـى للودايـر
والختم صلى الله على المصطفى ذاك
محمـد المبعـوث مـا سـار سايـر
الشاعر/ حمد المغلوث
[line]
[21]
رح فـمـان الله والـذمّـه مـــن الـذمّــه بـريّــه
لا تخاف من المفارق.. رح عليك الله و امانه
رح بعيد.. أبعد من الدمعه على العين الخليّـه
رح بعيد.. أبعد من الشرهه على مزح الميانه
وابعد مـن الحلـم للـي خـاب ظنّـه فـي خويّـه
وابعد من الياس للي طـاب حظـه فـي زمانـه
لـو تـروح أبعـد مـن حـدود السمـا والجاذبيّـه
والله ان تبقى قريب أقرب مـن القلـب لحنانـه
تنتشر فيني شتات جـروح مثـل الـروح حيّـه
تختفي في كـل عـرق ولا فقدتـك قـال: عانـه
يابعـد عـذر الفـراق اللـي قبـل فرقـا الخطيّـه
يابعـد ذنـب الزمـان اللـي قبـل عـذر الخيانـه
ليلـة وداعـك علـى كثـر الحـروف الأبجـديّـه
مالقـى مـن ودّعـك حرفيـن ينطقهـا لسانـه
ليلةٍ كنت انت ماهوب انت.. هي ماهيب هيّـه
ليـلـةٍ يـكـرم بـهـا مــن حبّـهـا قـبـل امتحـانـه
قلت لـي: بنسـاك. قلـت: الله يهنيـك و هنيّـه..
واحــدٍ خــلاك مــن ربــاك تنسـانـي عشـانـه
قلت لي: قلبك لاينسى. قلت: ليت القلـب فيّـه
دوّره والـيــا لقـيـتـه وصّـــه و ردّه مـكـانــه
وص نفسك والاّ انا مانيب في حاجـة وصيّـه
واعتبـر فرقـاك أمانـه.. والله الله بالأمـانـه
الشاعر/ رشيد الدهام
[line]
[22]
لا تسل عن ضيقـة ايامـي وقلبـي لا تمـره
ضاعت دروبك على اخر ليل وجروحي عطايب
وان لمحت اسمي ترفّـق بـه وبادلـه المبـره
كثر مابادلك شوق وكثـر مـا ودّعـك هايـب
لك على يمة عروق القلـب يالمغـرور جـره
ماتواريهـا السنيـن ولا تغيـرهـا النـوايـب
والله ان قربك يسر الـروح وفراقـك مضـره
وأنت علّة خافقي وأنت القريب مـن القرايـب
ماقدرت اتوب عن ذكرك وعن حلـوك ومـره
ليه عن ذبح الغلا ياصاحبـي مانتـه بتايـب؟
هـاك ميـزان الجـروح وقيسهـا ذرة بـذرة
ماوزنت الا غـلاك ولا طعنـت الا الحبايـب
كل مايطري علي ظلمـك تشـب الكبـد حـره
كن في صدري رماح القوم وسيوف وحرايـب
كيف ابنسى ليلة زعزعـت قلبـي مـن مقـره
انفرت كبدي وخفاّقـي غـدا قبـر ونصايـب
هلت دموعـي وحلّفتـك بربـك الـف مـره
يابن آدم خف من الله مـاورا ذبحـي كسايـب
أنت شخصٍ ماقدرت استوعبـه خيـره وشـره
من عرفتك والدموع دمـوع والخفـاق ذايـب
لا تصدق كذبـة الايـام فـي وجـه المسـره
بسمة في عين طفل ودمعة فـي عيـن شايـب
وان تذكرت الهنوف اللي على صوتـك تشـره
ضمها في صدرك الموحش وعرّضه الهبايـب
انكسر حلم الليـال وطاحـت نجـوم المجـره
أبتدت شمس وتوارت شمس وجروحي عطايب
انت ماتـدري ولاعنـدك مـن الاحسـاس ذره
أشهد ان مصيبتى بك من عظيمات المصايـب
الشاعره/ ابعاد التركي
[line]
[23]
[color=#FF9900]هبت هبوب القريحـه وانفتـح بابـي
يا ليتني ما عرفت الشعـر وطروقـه
شيبّي الشعر ميـر القـاف ماشابـي
دايم يجـدد صبـاه ويحيـي عروقـه
يشيل من لحيتي ويحـط ف أشنابـي
وأشيل مـا حطّهـا وأحطّهـا فوقـه
عديّت بالصـوت والمرقـاب مرقابـي
وكل ٍ حسب منطقه يبـدي بمنطوقـه
يا صاحبي في عيونك سجلّ إعجابـي
وبلغّ لي صبيّ عينك يفطـن لموقـه
وأسلم وسلّم عليها واحسب حسابـي
وأحفظ عهود الغرام الصـح وحقوقـه
وشلون خليّتني عايش على اعصابـي
ومكانتي في عيون الحـب مرموقـه
قابلتنـي بالجفـا وافتـرّ دولابــي
والهجر خيلّ سمـاه ولاحـت بروقـه
عز الله انك معـي صـادق وكذابـي
دايـم هقاويـك مطـروده وملحوقـه
أحسنت ف الظن مير الظن ما صابـي
وانا جروحي لهـا عاميـن مفتوقـه
كم ليلـة ٍ مرّنـي طاريـك واومابـي
يسوقني مع هجوع الخلـق وأسوقـه
مع نجمة الصبح كم غنيّت ممـاّ بـي
( يا نجمة الصبح كبدي منك مرهوقه )
هذا حصيلي من أول وآخـر أحبابـي
ورده وذبلانه .. وشمعه ومحروقـه
الشاعر/ سداح
[line]
[24]
ماغير انا وياك والثالث ابليـس
وش تنتظر لا صار معنا شياطين
اما دخلنـا بالهـوى فالدهاليـس
والا طلعنا مـن لقانـا مجانيـن
نتبادل النظره لفحص المقاييـس
وفي كل نظره للمحبـه عناويـن
الشوق زايد والمشاعر محابيـس
حتى وحنـا بالوصـال متفانيـن
مادام انا وياك خلـف الكواليـس
بعطيك عن صادق غرامي براهين
حلمٍ حلمته حلم ماهـو كوابيـس
اني انـا ويـاك بالـود صافيـن
يافاتني مالك ومـال الوساويـس
كل الذي حولك بالاشواق لاهيـن
مصيبة الشعار في عرش بلقيس
يبنون من طوب المشاعر دكاكين
القاف خاوي والمعاني مفاليـس
ماتنقري لو جمعت في دواويـن
راحت قصايدهم بوسط القراطيس
ولا قراها ربع روضـه وداريـن
وانا قصيدي في وصوفك نواميس
لجل ان حسنك للقوافي نياشيـن
استغفر الله واتعوذ مـن ابليـس
اظن لاشفتك تغيـب الشياطيـن
[line]
[25]
في فن علم النفس وانماط الحيـاه
00000000000مصيبتـك طلّـع وراهـا فـايـده
لاينتثر فكرك علـى كـذا اتجـاه
000000000الخصخصه فن العقـول الرايـده
وان ساد من حولك شعور الاشتباه
000000000خذلك شعورك بمنطقـه محايـده
والحب ذروة كل شـي ومنتهـاه
00000000ومحلا من وضوحه سوى مكايـده
يبكـي الرجـال ويبحّـث خفـاه
000000000ويعلمه شـرح الحظـوظ البايده
واللي يحب احد ٍ ماهو في مستواه
000000000يبطي وعينـه بالمدامـع جايـده
والحزن طاقـه للدعـاة وللطغـاه
00000000وانا طلعت من الجـروح بفايـده
ان لم تزد شيئا ً على هذه الحيـاه
000000000فتأكد أنـك انـت حاجـه زايـده
[line]
[26]
ياولد عمي نخيتك .. والقصيد أسنده يمك
.. .. .. .. .. عدّها نخوة حميـــّا .. عدّها نخوة ميانه
وأعرف إني لانخيتـــك فاض بالفزعات جمك
.. .. .. .. .. وأعرف إنك ماتقول الراي إلا في مكــانه
إحتميــني ياولد عــــمي إذا فعلاً أهمك
.. .. .. .. .. أوقف بوجه المواجـع والظـلايم والمهانه
زمني حد النجــوم اللي عليها كنت أزمك
.. .. .. .. .. عـالم الحـرمان هـذا ذللــه وإقـطع لسـانه
عـالم الخـذلان هـذا ذوّقه لحـظــات سمك
.. .. .. .. .. عـالم البهتـان والطغيان ماعنده أمانه
بنت عـمك ياولد عـمي تـراهــا بنت عمك
.. .. .. .. .. تارد الموت الحمر ماهي عن الوقفه جبانه
دمي اللي في عروقي هو ترا من نفس دمك
.. .. .. .. .. دم نـشـمـيٍ إلامـن فـــار مـادور مـعانه
والـجـفـا لالـم خطـواته طلبتـك لا يلـمك
.. .. .. .. .. الجفا كافر وأنا وإنته على نفس الديانه
إنخـذلـت بـكـل مـن حـولي وخـذلاني يعمك
.. .. .. .. .. وإنطعـنت بكـل سكـينٍ نـوت طـعـني خيانه
طـعـنة الـــدنيا بجوفي عن ندايه لاتصمك
.. .. .. .. .. طعنـةٍ تثـعـل جــروحي ثم تمثناها لعانه
يـاولـد عمـي نخيتك بنت عمك 00 بنت عمك
.. .. .. .. .. عالم الخـذلان والنـكران مـاعـنده أمانه
[line]
[27]
الاجواد واجـد والمراجـل لهـا كسـاب "****"لكن واعـد العشـرة ليـا صـرت جمالـي
يطيـر الشـرار وكـل نـارٍ لهـا شبـاب "****"ومن ولع النيـران يصبـر علـى الصالـي
تجارب حياتي معجـزة ودروب صعـاب "****"ولقيت الرجـال انـواع والـوان وشكالـي
صديق الشدايد ما خذا منـك علـم وجـاب "****"وسيع الصـدر يضحـك ولا هـو بزعالـي
صديـق الشدايـد لا ينافـق ولا يغـتـاب "****"يدلـه غريـب الـدار ويـزبن الجـالـي
وصديق الرخى عقـاب ومصادقـته عقـاب "****"شجـاع الحكـي والمـدح بالقيـل والقالـي
وصديق الرخى ما غير صورة ولبس ثياب "****"يـا ليتـه يبرقـع مالـه شمـاغ وعقـالـي
وعنـدي نصيحـه جـد ماقلتهـا لـعـاب "****"أقـول الصحيـح ونايـم القلـب يصحالـي
ترا خوة أهـل الطيـب يالطيبيـن أطبـاب "****"يطيـب السقيـم وخــوة الاش سـلالـي
تغانم شبابك يا بيض الوجـه دامـك شـاب "****"ترى البدر لو يطلـع قمـر عـود أهلالـي
فلا تهجر المسجد وخلـك ورى المحـراب "****"ترى روضة المسجـد لهـا منـزلٍ عالـي
ولا تترك اللـي يزهمـك خايـفٍ مرتـاب "****"ترى الذل مـا نجـى الثعـل بـا لتحيالـي
ولا لندى غير الفدى لـو تـروح أرقـاب "****"ومن ضاع شوره يا خـذ الشـور ويمالـي
ومن با شـرك بالعـذر لاتلحقـه بعتـاب "****"ولا تشوف نفسـك شيـخ والنـاس عمالـي
ولا تهين نفسك لو تجي بين ضرس ونـاب "****"وهيبتـك لا تنقـص ولـو ربـع مثقـالـي
وبنت الـردي لا يعجبـك زينهـا الجـذاب "****"تراهـا كمـا المخيـال خـيـل وتخيـالـي
ولو شفت حمر خدودهـا وثمـان أعـذاب "****"لا بـدك تمنـى ليـت مـا جالـك أعيالـي
ولدها لا ياشاف النقـى والملاقـى هـاب "****"ذليـلٍ بخيـلٍ فيـه خفـخـاف وجفـالـي
أخذ بنت قـرمٍ طيـبٍ ساسهـا مـا عـاب "****"تنومسـك بنـت الشبـل ويجيلـك أشبالـي
أعيال الذياب تصير مثـل الذيـاب أذيـاب "****"وعيـال الثعالـب مثلهـا زهـر الاذيالـي
وفرخ الصقر مثله وفرخ الغـراب غـراب "****"وبـوم الخـراب ايقابـل العـش ويـلالـي
الى صار راسك فوق يا طيـب الا نسـاب "****"فـلا ينحنـي لقـدام رجلـيـن ونعـالـي
لكن الله اللي يكتـب الـرزق يـا خطـاب "****"هو اللي يفـك البـاب ويقـص الا قفالـي
ولا يهمـل الا واحـدِ عايـفٍ الاشـبـاب "****"ولا ضيع أحقوق البشـر غيـر الاهمالـي
وترى للقصايد كيف والكيـف لـه شـراب "****"وانا ما اشرب الا كيـف راسـي بفنجالـي
ولا طاوع الجاهـل ولا جامـل النصـاب "****"أقـدم يميـن الـحـق واحــط معـذالـي
ولا ني بو الله طيبن لـه مـع مـن طـاب "****"ومن طاب لي برخص له الحـال والمالـي
أكذب وانا خابـر واجامـل وانـا كـذاب "****"سنين مضـت هـي صـدق والا يورالـي
تلخبط جهاز المـخ وانهـارت الاعصـاب "****"وفـورت دمـي وارتفـع ضغطـه العالـي
لكن في رجى اللي من رجى رحمته ماخاب "****"هـو الواحـد العالـي وهـو ربناالـوالـي
وهو الخالق الرازق وهو المعطي الوهـاب "****"لـه الملـك كلـه والكمايـل والاكمـالـي
رئـوفٍ رئيـفٍ رحمتـه تنقـذ المنصـاب "****"يغيـث الديـار الممحلـه عقـب المحالـي
شديد العقاب ويعتـق المذنـب اللـي تـاب "****"عسـى مـا يوخذنـا بسيـات الاعمـالـي
كما قالـه الله فصبـروا يأولـي الالبـاب "****"ترى الصبر زيـن وكلمـة الحـق تنقالـي
واصلي واسلم عـد مـا تنبـت الاعشـاب "****"ومـا لاح بـراقٍ سـرى يشعـل أشعالـي
على المصطفى اللي وحد الدين والاحزاب "****"شفيـع أمتـه يـوم الهوايـل والاهـوالـي
الشاعر /عبدالله بن شايق
[line]
[28]
البارحه ليلـي همـوم و كوابيـس
وأبعد من الجـوزا علـي الوناسـه
نفسي وأنا والليـل والهـم وابليـس
كـلٍ علـى الثانـي يبيلـه رياسـه
مدري ظروف الحب و لا هواجيس
أو الثلاثـه كلهـن فـوق راســه
أو ان عقلي صايرن فيـه تنكيـس
وللعقل في بعض الأمـور انتكاسـه
يا لايمي لاتلومنـي قبـل ماتقيـس
اللـوم للمهمـوم يـزود قيـاسـه
والشر طبعـن للرجـال الهلابيـس
أهل الهـدف والنمنمـه والبلاسـه
وأنا معي عقل ومشاعر واحاسيـس
وعيون وأخلاقن وقلـب وشراسـه
لكن حصلي من زمانـي عواكيـس
وعجزت تالي الوقت لعرف لناسـه
هـذا يموهـا بهـرجـن تبالـيـس
وهذا يتجاهلهـا عنـاد و خساسـه
وهـذا يغـرك مظهـره بلملابيـس
وهذاك البس منـه شمـاغ ولباسـه
وهذا تذعذعلـه هبـوب النسانيـس
وهـذاك تقـل مغمغم لـه بطاسـه
وللناس بالدنيا حظـوظ وقواميـس
اللي يغرف بـدرام واللـي بكاسـه
وليا حصلك من زمانـك تعاميـس
اصبر وللصبـر الجميـل انعكاسـه
ودرسك دنياك مـن غيـر تدريـس
ماهو لزوم أنـك تـدرس دراسـه
وناسن على ناسن تجنـد جواسيـس
لجل الطمع والسيطـره والنجاسـه
وناسن تهجس من غثا الوقت تهجيس
وناسن على ناسن تجيـد السياسـه
وناسن تبي عرشن مثل عرش بلقيس
وناسن تبي لو يوم فرقـا التعاسـه
والتيس مثل العنز كانه خفى التيـس
والتيس ماهو تيـس لـولا التياسـه
[line]
[29]
يانور عـــــينــــــي فرقـتـنـا الليالــــــــي=واســقم حـالـي من صدوف المقادير
غـديـت فـــــي يوميـن مثل الخلالـــي=وان طالت الفـرقـا فنا كيف اباصــير
المشكــل انك تحسـب القلب ســالي=وانت الـــذي شيــدت به لك مقاصير
لو مابــــقلـــبي لك يحـــوشـه مقالـــــي=مليــــــت صفحـــــات الدفاتر بتسطير
هـذا جزا اللي بــــالموده صـــــفا لـــي=مـاطاع فـــي حقي كثير المشـــــاوير
وان غبــــــت عن عينه لبيــــتي عنالي=دمـــــاح زلاتي ولو شـــــاف تقصيــــر
لا يــــابعد حيي خلف من غــــدا لــي=الا صلــــيب الراس وافــي التشابــير
الامير/ عبدالله الفيصل
[line]
[30]
يا غايبه وان كان فيها جماله
.. .. .. .. .. .. تجمّلي يا أم الحلا و الظفاير
بالله شوفي صاحبك كيف حاله
.. .. .. .. .. .. شوفيه في غيبتك وشلون صاير ؟!
صارت حياته ضيق خلق و بطاله
.. .. .. .. .. .. هم وسهر و أوراق شعر و زقاير !
يعني حبيبك صار حالته حاله
.. .. .. .. .. .. ما باقي آلا انه يدن العباير
الله لآمنه ذكر ما مضاله
.. .. .. .. .. .. قبل الدواير ما تجر الدواير
يوم الطفولة والشقا و الجهاله
.. .. .. .. .. .. يوم الصغاير في عيونه كباير
أيام كان معانده راس ماله
.. .. .. .. .. .. ويسوق لهبال الشقاوه بشاير
ياما امتلى بالحب والطيش باله
.. .. .. .. .. .. و ياما امتلت من شخبطته العواير
يكتب عليها عاشقك للثماله
.. .. .. .. .. .. ويخط توقيعه جريح الضماير
ياما اشتكاه ابوك في بيت خاله
.. .. .. .. .. .. وياما تحصّل من هواك العزاير
مره حلف بأنه يبّطل هباله
.. .. .. .. .. .. وقبل يكمّل فك اخوه الستاير
ثم طالع الشباك لينك قباله
.. .. .. .. .. .. وفي اقل من لمح البصر جاك طاير
على صغر سنه ممّيل عقاله
.. .. .. .. .. .. كاشخ وناسي لايصك الزراير
لاشافك تمتم لحاله بحاله
.. .. .. .. .. .. لعيون هالشوفه تهون الخساير
ولاشاف زول ابوك حذّف نعاله
.. .. .. .. .. .. الحب جاير.. لكن العود جاير
طفلٍ يتيم ورغم الاحزان داله
.. .. .. .. .. .. مايدري ان حظه مع الوقت باير
كنتي طموحه كنت اغلى حلاله
.. .. .. .. .. .. كنتي وصرتي بس يا ام الظفاير
طفلٍ زرع من ضحكتك في خياله
.. .. .. .. .. .. لين اثمرت شعرٍ هزاله حراير
لاتتركينه في غيابك لحاله
.. .. .. .. .. .. بالله شوفي كيف هالطفل صاير
و وحده بوحده كان عندك عداله
.. .. .. .. .. .. اتبّطلي غيبه و ابطّل زقاير
الشاعر/ فهد المساعد
بصراحه مو عارفه كيف اشرحلكم فكرة الموضوع.. ومو عارفه اذا بتتقبلونها او لأ!!
بس اللي اعرفه اني ماقدر اخليها بخاطري.. واذا لاقت قبولكم ولا ماضرني انشاءالله..
السالفه ومافيها يا طويلين العمار.. ان في كثير من القصايد اللي تعبنا وشاركنا فيها.. وانظلمت من ناحية اطلاع الاعضاء او الزوار عليها.. ولــ اسباب كثيره مابي اخوض فيها.. وانا وحده من الناس اشارك بقصايد وعلى مستوى.. وفــ النهايه.. محد يطلع عليها.. يمكن هــ الشي راجع لــ اني ماعرف اختار عناوين مناسبه.. او بالاصح ماعرف ابهرج العنوان.. او لاني نزلتها بوقت غلط.. او لاني انزل اكثر من قصيده بوقت واحد..
في هــ الموضوع برجع ارفع القصايد اللي شاركت فيها.. بالاضافه الى مشاركات جديده .. وكل مشاركاتي بهالقسم راح تكون في هـ الموضوع.. اذا تيسر الموضوع انشاءالله.. وطلع القصيد يستاهل يرفع.. برجع ارفع قصايد لاعضاء غيري وهم نفس القصه..
(تمتعـــــــــــــــــــــــــــــوا..)
[line]
[1]
قالوا حبيبك يسمع الشعر قلت ايــه يقراه بــعــيونــي قبـل تـسمعونـه
لولاه حتـــى طــاري الشـــعر مــابيــــه لولاه حتـــى طــاري الشـــعر مــابيــــه
هـو روح شعـري وامنياتـه ومـاضـــيــه جــذع الشجـر وش كـان لولا غـــصــونــه
أكتــب لغــيره والقصايـد تجي فـــيــه كــن القـصـايــــد حـالفـه مـا تخــونـــــه
هـذاك لا منـــــه زعــل قمــت اهــاديـــــه حــتى وهــو مــخــطــي تـعــذرت دونـــــه
يمــكن لو انـه يلمـس الجــــرح بيــديه يستــغرب ان اللي لمســها طعـونــــه
أبطـــى وهــو غــايــب وزلّــــت حــراويـه وانـــا مــن الــعـــام اتحـــرى مـــزونـــه
هــو مـادرى انـي فــي غيــابه محــاتيه ليتـه نشــد عــن حــالـي اللــي يجــونـه
واقلــبي اللــي تــوه افلــــت عـــراويه كــيــف انــسرق وضلوع صدري حصونه
عجــزت أرده كــن مانـــي بــراعــــيــه يوم انتثر شوقه وهاضت شــجـــونـــه
يـبـســن عروقه لكـن اللي يعـزيـــــه إن اكــثر العــالم تـــردد لـــحــــونـــه
خـافو مــن الله لا تـجــيـبـون طــاريــــه لا صــرت أنــا مـوجــــود لا تـــذكـــرونـه
لــو كــل غــالي جــابـه الله لغــاليـــــه مــاشــفت لك مخــلوق تبـكـي عـيونـه
الشاعر/ متعب التركي
[line]
[2]
بلّغ اللي كل يوم(ن) أيقابلنا بثوب مايخدّرنا كلامه مع من خدّره
لا بغينا اللعب نزحف مع الجوّ اللعوب وان هبطنا سوق طيب(ن) خذينا ندّره
والتجارب عرّفتنا الصّدوق امن الكذوب والجبل لاسال نبته يجي بمغدّره
ولا تجيك الحصبه إلا من فراش امحصوب وحبّة الجدري تجي من فراش مجدّره
المحبّ أذنيه ماهيب تسمع للعيوب والعدو لادرهمت به تجي متحدّره
دامت الأخلاق يملك بها الواحد شعوب ياجب إنها في جميع الأمور مبدّره
إن قدرنا نقفل الباب من دون الهبوب وألا جا درب(ن) لنا والقنيّ امسدّره
الأصايل كل يوم(ن) تلافخ بالكعوب والرّدي لا عيّن اللي يهينه قدّره
ولا تعرف أحسابك إلا أليا جيت امحسوب شرهة القادر على العالم المتقدّره
المقبّل تنفتح له دواليب القلوب والمقفّي " قلعة الوادرين" اتودّره
الشاعر/ سعد بن جدلان الأكلبي
[line]
[3]
طاريك واحداث الغرام ومزايـاك
وفرايد الشعر الجميـل وسنعهـا
معي واحددها علي جال ذكـراك
واقضم غضبها واتهجى ورعهـا
لو كان صدك يفلج بنـود لقيـاك
دورتلك كلمـة وقلـت استمعهـا
لكن ؟ صداتك وهجرك وجفـواك
ماهيب لك بس العناد اصطنعهـا
بعدين يامترف هل الحسن ويـاك
لا انته بشاريها ولا قلـت بعهـا
محبتك .. جيره وحيره ولـولاك
ما اغض عيني والمدامع وجعها
اساير الايام .. من بـاب الادراك
مـن لاتعلـم سيرتـه مانفعهـا
تعال من طيشك ترى القلب ملفاك
وأقلط علي مشاعري وانتزعهـا
تعال سولف عن مقيلك لمسـراك
تراك في بال الخواطـر ومعهـا
محتاج اغنـي وتأمـل محيـاك
واختار لحروف الغلا وابتدعهـا
وعلمك وش صار لى يوم فرقاك
ضرايب الفرقـا خفوقـي دفعهـا
ميت من اشواق الغلا واتحـراك
سنه ونفسي موتها مـن ولعهـا
شفني مابين ادناك واراجع اقصاك
جمع شرايد فكرتـي واقتطعهـا
اقول في نفسي ليا حـل طريـاك
ان كان ماطاعتك الايـام طعهـا
انساك ؟ قلي كيف بالله ابنسـاك
وصلك دواء نفسي وبعدك فجعها
ويلاه ياقربك وشوفـك ولا مـاك
قدام لاروحـي تخالـف سنعهـا
الشاعر/ سعد براك
[line]
[4]
انت يالــلي تدعي لي بالمـــوده المــوده خلها لقــــلـــوب اهــلــها
انت وش جابك لعشق مانت قده اترك حموله ترى مانت بجملها
حبـــل وصلك تقـطعه والا تــمـده ميت الاحساس روحي مـا يصلها
لـيــــه عذرك كل يــومٍ لـي تـــرده مـابقى الا تقاسـم العذرى خجلها
صدري من الهـم جاه اللي يسده مثل ماجا فرحتي حزن وقــتــلـهـا
مـابقى لك في خفـوقي غـير صده تحتمـلـها لا عســـى مـا تحتملهـــــــا
دوّر اكـــــبر شـي في بالــك وبدّه دور اقشــر كلـمــة عــندك وقـلهــــا
الدمــــــوع آخـر مداها للمخـــــده عـيب كفك يالضعيّـف ما حملهـــا
فـــــكّـر بعذر اللــــيالي عقب مـده لـو قـــــتلت احلامها وآخـر أملــها
[line]
[5]
دام الهدب شرّع لك الباب سمّـي يالعبره اللي ملحهـا يجرح العيـن
وان ذلنـي دمـعٍ مسحته بكمي ياكم تـذل المخدجه فرخ شـاهين
على الذلول اردفت حزني بهمّـي لان الذلول الطيبـه تردف اثنيـن
أربع سنين اصيح في اذن اصـمي وآخر شهر بالذات عـن اربع سنين
رحت اتسلّـف مـن زماني لغمي فرحه ومـن مثلي شرى الفرح بالدين
واذكر بمره سربل الشوق دمّي وقمت اتلعثـم وانطـق السين بالشين
واستفغر الله قلت مستثني امي بنات حواء كلبوهن مجانيـن
يا غربتي جيتك ثرى ما يلمّـي ماضرت المقتول كثر السكاكين
لا من غدا التاريخ كذبه بفمّـي وش عـرّف الجغرافيا جيت من وين
وردٍ شرب مر الزمن ما يشمي ويضيع عطره بين هجره وتوطين
المدح صار بتالي الوقت ذمي والذود قدعيوا عليه الشيابين
وما دامني ذليّت الاهـداب سمّي يالعبره اللي ملحها جرّح العين
الشاعر/ محمد الدحيمي
[line]
[6]
مايغير عزمي الجــامح حســود ولايبدل صفوة أفكـــاري خبـل
الليــالي بين بيـــض وبين ســود والرجــال تبــان لا زاد الحمـل
يارفيقي في الحكي نقص وزود ومن تسمع للحكي عاش بجهل
لايغــرك من فرش دربــك ورود للصعــايب ثــابت مثــل الجبــل
المــراجــل في يديــه ماتـكـود وفـي يدينـك ناقـصه قـول وفعـل
ان صبــرنا صبــرنا مالــه حدود وان زعـلنـا نقــلب الدنيــا زعــل
شف جحودك ماعرف مثلك جحود وشف غرورك ماتبدل بك بدل
عــادة الدنيـا على مثــلك تجــود اللــه الي في امتحانه له مثـل
كـل أرض لا زهــرت من كل عـود أزهـرت بعـد الحيـا وعـر وسهل
هـو زمانـك لو نصـف غيـرك يعـود قد خبرت الموت رجـع من رحل
مكسب الدنيا صلاتـك والسجـود والحساب يكون من جنـس العمل
ومــايغيـر عزمي الصــادق حسود ولايكـدر صفــوة أيــامي خبـل
[line]
[7]
لو كان في وجه الهوى ذرة اخلاق
مامت بيدينه من الشوق مخنوق
ولو ماأتوق لقلبك الحين واشتاق
من عاد له في ذمتك بس بأتوق
فتحت قلبي بس من شان لاضاق
قلبك يفل القلب معلوق معلوق
وفهقت موقي لك على شرف الاحداق
وكل ما غفى موقي ألاقيه مفهوق
وشعلت صدري لين ما اتناثر اوراق
وصاح بخفوقي عرق ياصاحبي فوق
ماني بأحبك لكن ورب الاشراق
يا اني بدونك كن ماني بمخلوق
فإن كنت ولهان لعيوني ومشتاق
انا وربي ماذبحني سوى الشوق
[line]
[8]
الله اكبر الله اكبر وش حصـل ياويـش جانـي
كن قلبي مـع طواريـق الهـوى نـاوي بنيـه
قد سليت وقد سمحت وقد خذيت اللـي كفانـي
بـس مـدري ويـن جيتـي يالهمـوم الاوليـه
اشهدني قد نسيتـك مـع تصاريـف الزمانـي
عاصبٍ راسـي عصابـة مـن تقفالـه مطيـه
متعـبٍ حالـي علـى خـوة طليقيـن اليمانـي
ون قصر شبر الردي صديـت لايّشـره عليـه
احتـدي يـم السنـود ولاتلـفـت للطمـانـي
تـاركٍ درب الملـوح عنـد ليلـي العامـريـه
كل مافز الخفـوق اقـول ربـي قـد هدانـي
قمت اسبح بسـم ربـي قبـل لاتكتـب خطيـه
كنت اظن الوقت صافي واثر وقتـي قيلبانـي
وثـر دورات اليالـي سرمـديـه سرمـديـه
والله اني مادريـت الا وانـا فـي جـو ثانـي
عايـشٍ ليـل الهـواوي والحـون السامـريـه
اعترضلي في طريقي من عـن اليمـه حدانـي
ضاعت اعلومي وكل حسنه جات سيه
كنت اغض بطرف عيني مير ربي قـد بلانـي
وبتليـت بحـب منهـو كيّتـه بالفيـن كـيّـه
ان نشدتـه صـد عنـي ون طلبتـه ماعطانـي
ون بغيـت انسـاه ذكرنـي اليالـي الاوليه
أه انا لو طـال قافـي جبـت شـي ماخفانـي
بختصرهـا والمعانـي بالحـروف الابجـديـه
الشاعر / بندر منصور
[line]
[9]
عزي لحالك يا عزيزٍ وأنا ابوك
.................................. كان الزمان اللي وطاني توطـــاك
تراه ما ينفعك خالك ولا اخوك
.................................. لا صار ما تقضي لزومك بيمناك
وربعك اليا بان الخلل فيك عافوك
................................. أقرب قريبٍ لك من الناس يشناك
إن كثر مالك صدقوا لك وطاعوك
................................. وإن قل ما بيديك شانت حلاياك
لو تطلب الماء عندهم منه ما اسقوك
.................................. ابعد مزارك عن وطنهم ومرباك
وإن طاب حظك قرّبوا لك وحبوك
................................. وإن بار بك محدٍ يبي غير فرقاك
وهرّاجة المجلس إلى جيت ورّوك
................................. منازل تطرب نظيرك بدنيـــــــاك
وإلى قضوا منك اللوازم وخلوك
.................................. تفرقّوا وأنت إحتمل كل ماجاك
كنّك سراج البيت للنور شباك
................................ وإلى أنقضى اللازم حدا الربع طفّاك
وإلى جفوك أهل الوطن واستخفوك
.................................. قلّع غريسك منه واهدم ركاياك
تراك لو ترجع على الرجل صعلوك
................................. أحسن من اللي تلتجي له وطاياك
وأصحى لخلان الرخا لو تغالوك
................................. أعرف ترى اطيبهم إلى احتجت يجفاك
تصبح خوي امقيط دهووك واغووك
................................ وكلٍ عطاك ارشاك واقفا وخلاك
واحذر عن العيله ترى الحق مدروك
................................. مثل القضاء يدركك ما منه فكّاك
واحلم على الجاهل ترى الحلم مبروك
................................ وقم للضعيف اللي من الظلم ينخاك
وقم للضيوف اللي عنوا لك وضافوك
................................ واغلا كرامتهم حجاجك وبشراك
واعرف ترى مالك من الضيف مفكوك
................................ لولاه يطلب حاجته منك ما جاك
[line]
[10]
انتشـر حبـك بجسمـي .. لا وحتـى بالعظـام
واختلـط حبـك بدمـي .. فالمعالـيـق يـعـدي
يـا هيـام ٍ فـي هيـام ٍ فـي هيـام ٍ فـي هيـام
يا ضياعي ! يـا اتجاهـي ! يـا دروب المهتـدي
لو تـذوق النـوم .. جفنـي مـا تهنّـى بالمنـام
طاوله فيـك الغـرام .. وطاولـه فيـك سهـدي
لك حبيبي فـي ثنايـا جـوف هالقلـب احتـرام
لك حبيبي ( قولتي ) : لبيه .. آمر .. يـا بعـدي
كيف اصبحك بسلام ! وكيـف امسيـك بسـلام !
وانت في مجـرى وريـدي مـع سواقيـه تغـدي
لك عيوني .. لك حياتي .. لك سنيني .. لك مقـام
لك حلالي .. لك فوادي .. لك ورودي وشهـدي
فـوق كفـك دق حنّـا .. والبـلا فعـل الزمـام
والحلا .. ليـل ٍ تسلـل فـوق الامتـان اجعـدي
لا طويل .. ولا قصير .. ويا حلو زيـن القـوام
جلّ مـن صـوّرك والله فـي غرامـك مولـدي
مـا لقينـا لـك شبيـه ٍ فـي غناديـر الـشـوام
ومـا لقينـا لـك شبيـه ٍ فـي بنـات الاحمـدي
انت دانه .. وانت آيه .. وانت عشـق المستهـام
وانت نـادر فـي عيونـي يـا عيونـي وسعـدي
وانت والله يا ( صغير الحب ) مـن قبـل الفطـام
ما قصرت الفكر دونك .. لا ولا ضـاع جهـدي
انت امسي .. وانت انسي .. وانت جرحي والختام
وانـت والله يـا حبيبـي شمعـة اليـوم لـغـدي
انت غايـة مطلبـي يـا روح روحـي والغـرام
وانت شـف البـال والله وانـت غايـة مقصـدي
احسد البرقـع عليـك .. ولا حسـدت إلاّ لثـام !
كيف ما يخجل ! وليله ما غـدى عنـه اجـودي!
فوق خدك .. حب خالك ! وازعلوا منه العمـام !
كيـف يقـدر يستبيـح الخـد يـا خـد ٍ نــدي!
ترتدي ثوب ( الشرف ) و ( العز ) من فوقه وسام
كيف ما يصبح وسامك ! وانت ( عـزّه ) مرتـدي
بنت شيخ ٍ ما ( توانى ) .. ما يفك إلاّ ( الزحام )
فزعة اللي ينتخـي ويصيـح تكفـى يـا سنـدي
و ( الحظيظ ) اللي قرب حظه من حظوظ الكـرام
ما خشى شر الزمان .. ولا خشى الحظ الـردي!
اتـرك الواقـع واعيشـك فـي خيالـي بنسجـام
واربـط الواقـع بأحـلام الخـيـال السـرمـدي
مـا بغيتـك فالظـلام .. ولا بغيتـك بالحـرام !
مـا بغيتـك غيـر بالعـز الشريـف المقـتـدي
مـا بغيتـك بالتلاعـب .. مـا بغيتـك بالـكـلام
مـا بغيـت إلاّ اخـوك يصيـر خـال ٍ لولـدي
لك جنوني .. لك ظنوني .. يا حبيبـي والسـلام
وانت غالي .. ثم غالي .. ثم غالي .. يا سعـدي
الشاعر/ جزا البقمي
[line]
[11]
قالوا جديدك قلت أنا لي مـدةٍ مـا مـن جديـد
قفلت بيبان القريحـة واسترحـت مـن العنـا
كله لجل لا يحلل المعنـى راع الفكـر الزهيـد
اللـي يـدوّر للمداخـل جعـل عظمـه بالونـا
لو كان ما هو لاقي ٍ مدخـل ولا هـو مستفيـد
إلا لجـام ٍ يلجمـه أشـد مـن ضـرب القنـا
من كل من ينطق كلام الحق والـرأي السديـد
اللي يقول الحق مـا جامـل رفيـق ٍ وأخدنـا
ومن فضل ربي ما علي دام البناء ساسه جويد
ومهندسـه يحمـل شهـاداتٍ تؤهـل للبـنـا
شهادة الوافين عنـدي تعتبـر أكبـر رصيـد
وألا خدوش الخلق لو قالـت تـرى مـا همنـا
ما همنا قول الخدوش أهل الـدوادي والهبيـد
اللي تحاول تنتقـد لـو كـان مـا هـي قدنـا
ناس ٍ تـرز أنفوسهـا ولا لهـا فعـل ٍ مجيـد
تقصر يمانيها عن الطـولات وأتمـوت أغبنـا
أقلوبها فيها الحسد يجري مـع حبـل الوريـد
وأكفوفها ما حاشت الناموس والـروس أجبنـا
ناس ٍ تغث الكبد وتحلل على مـا هـي تريـد
لو كان مـا تنظـم لهـا بيـتٍ وحيـدٍ متقنـا
لا شفت شعر ٍ تكتبه عفت القوافـي والنشيـد
وقلت أشهد أن اللي زرع وسط الصباخي ما جنا
يموت زرعه ما جنا غير التعـب هـذا الاكيـد
لو طالت الأيـام مـا حصـل جزيـل ولا ثنـا
وأنا على منهج هل الجـزلات والمجـد التليـد
أنظر وراء سطح القمـر والفكـر لله مـا دنـا
أطلق خيالي وأبعد النظرة ولي عقـل ٍ رشيـد
يختار من عـذب القوافـي كـل قـافٍ يقتنـا
يقنونه اللي يعشقون الجزل من نظـم القصيـد
اللي يحفظون الجـزال مـن القصايـد وأفطنـا
لا سمعه الناقد يقول هذا هـو الشعـر الفريـد
لله در أهـل الجزالـة شعرهـم يحفـظ لـنـا
مثل الجواهر مع مرور الوقت لا يمكـن تبيـد
لو بادت الأجيـال منتـوج الجزالـة مـا فنـا
وهذا قصيدي حلله يا للـي تحلـل مـن بعيـد
لو كان ما بيّنت راسـك جعـل راسـك يدفنـا
الشعر له من يفهمه يا صاحـب الفكـر البليـد
مالـك ومالـه دام فكـرك للجزايـل مـا قنـا
وأختامها يا هاجسي تبقـى مـع الأيـام سيـد
للشعر دام الشعر لـه شعـار وأعقـول أرزنـا
الشاعر/ الحميدي سعد السبيعي
[line]
[12]
ياإليّ ليا جيت شيٍ تكمل أوصافه وإلّي بلا أياك ماتهواه الأخلاقي
ترى صوابي لجا وابطيت بسعافه يامنجّح الكيّ لاتلحق على الباقي
عامين والحال من فرقاك ملاّفه لوف أشهب الال عشبٍ نبته أدقاقي
كمّ ليلةٍ من سببك العين ذرّافه من غيبة الشمس لين الصبح ينساقي
ياعين حرٍ على العسرات مشرافه عيطٍ لحاليحها تصعب على الراقي
والعنق عنق أدميّ عاود لميلافه متذيّرٍ عقب ما أروّح ريح تفّاقي
مالك من الجسم غير المتن وأردافه زاويه خصرٍ عليه الشبر متلاقي
لفيتني لفّ سيرٍ فوق حذاّفه وصرفتني من هوى تلعات الأعناقي
فأدخل على امّك وأبوك من التزلافه تبتنّي بالعذاب وتقطع أرزاقي
البرق لجا المشعّف زوّد أشعافه وأنا مشعّف غرامك وأنت برّاقي
الشاعر/ سعد جدلان
[line]
[13]
لا وصلت الغيره إلى مستوى الشك ،،
تبيع عمرك والحياة بدقايق ..
لاتفك بابن صعب عقبين ينصك ،،
وتجيك ريحن منه وتصير عايق ..
وتزيد نفسك ضك زودن بعد ضك ،،
وتضيع مابين التهم والحقايق ..
اما تدقق لين صاحبك يتركك ،،
ولا على موج السعاده توايق ..
الجرح يدمى لا كثر فوقه الحك
وإلى دمى جرحك لزوم اتضايق
خله يدك بداخل النفس مادك ،،
والفكر خله دايم الدوم رايق ..
[line]
[14]
الحلم تفسيره صعب تتعب مـن الحلـم العقـول
مثل السنين اللي مضت شفهـا هذيـك أطلالهـا
والناس من خلقت وكل واحد ولـه راي وميـول
لا تزعـل مـن البارحـه قـول الوعـد بقبالهـا
بقول لك حاجه وابـي منـك لحسـادي تقـول
وان كان ما تقدر تقول قـل ثامـر اللـي قالهـا
من جيت للساحة وانا واصل ولا بحاجة وصـول
قصايدي توصـل ولـو قلـت دروب اوصالهـا
قصايدي ارضت لها ناس وزعـل منهـا زعـول
قصايـدي أبكـت قلـوب الله عليـم بحالـهـا
قصايدي خلت لها شيخان مـن بـاب الفضـول
تسأل عن اسمي وحالتي احساسـي شاغـل بالهـا
كم بنت ابوها ما عرفت اسمي عطت شعري قبول
ابيـات شعـري مخزنـة فـي محفظـة جوالـهـا
ما هو غرور ولا كبر بس انزعجت مـن الطبـول
اللـي تـدن اطبولهـا وشعارهـا تـبـرا لـهـا
يبقى الصحيح هو الصحيح الروس ما تتبع ذيـول
وجه الرجـال وقدرهـا يحسـب بقـد أفعالهـا
والبارحه يوم اقصرت عني وأنـا كفـي تطـول
علمتهـا لا تقـتـرب بقصـارهـا لطوالـهـا
سقت الحمول اللي اشتكى من حملها طير وذلـول
ما خفت من غدر القلوب اللـي غـدرت بعيالهـا
اصول فالساحه وأجول أجول فالساحه وأصـول
مـا همنـي لاجدهـا ولا عمـهـا ولا خالـهـا
انا كذا من الله خلقني ما عرفـت درب النـزول
عودت رجلي للصعب صار الصعـب يحـلا لهـا
هذا وأنا لحالي اجل وشلون لـو جيـت محمـول
شفت الثريا لـو أصيـح لعبـس راح أرقـا لهـا
ربعي ليا صكت علي يبكي على الحكـم معـزول
لي لابتن من دون قاصـر مـا نشـرب فنجالهـا
بني رشيد ليا اصطفق موج البحر سالـت سيـول
يا سعد عين أم الضعيـف اللـي تكـون بجالهـا
يوم انها بالسيف والشلفا علـى ظهـور الخيـول
كـم مـن قبيلـة طيبـه امسـت بـلا خيالهـا
يـا مـا عفينـا لخاطـر العقـال زلات مهبـول
ندمـح وعقـال المهـبـل تلـفـت لهبالـهـا
لكن ليا منا بطشنـا بطشنـا مـا هـو معقـول
ندعـس علـى روس المهبـل ورقبـة عقالـهـا
قلته وانا ماني بمن قـوم ابهتـه بحكـي معسـول
مـن روس قومـن اثبتـت افعالـهـا اقوالـهـا
اكرم الطيب ولا تسـوى الفحـول الا الفحـول
مـا تلحـق الشكـه فحـل بدقاقهـا واجلالهـا
اما الـردي اجنبـه مـال الخبـول الا الخبـول
مثـل المـره مالـي حكـي الا مـع رجالـهـا
بعض الرجال ليا مشى ويـاك خـذ ويـاك زول
بعض النسا تومـي عليـه ليـا وقـف واومالهـا
يعجبك في زوله ولكن بالفعـل مـا مـن فعـول
يا كثرها افعال الرجال اللـي خدعتـك ازوالهـا
استغفر الله ونعمتك يـا الله عساهـا مـا تـزول
لـو النعـم فـي يـد غيـر الله علينـا زالـهـا
يالله ياللي ترمـي اللقمـة علـى فـم معقـول
تغنيـه عـن مـد العـرب اجوادهـا وانذالهـا
انـك تسامحنـي اذا زليـت فـي قـوة وحـول
انا الضعيف اللـي تـرك نفسـه علـى موالهـا
كل ما ذكرت ان البدو كانت من اصحاب الرسول
استغـرب ان التفرقـة كيـف اقـدرت تغتالهـا
ويا صاحبي كثر الحكي ضيق على الصدر الملـول
هـذي البـلاد ان ظامتـك دور ابـلاد ابدالهـا
هذا بخصوص الشعر حمل اخذه وباقي لك حمـول
مثلك حمولـه كـل مـا زادت نهـض واشتالهـا
واذا خلصت من الشعر حول على اللي ما تجـول
الا بصـدري يـوم صـدري بيتهـا وظلالـهـا
سولف لها عنـي تـراه لسانهـا طبعـه خجـول
اقـرا كـلام عيونهـا وجـاوب علـى سؤالهـا
اذا اسألت عن عهدنا بنـت الاكابـر والاصـول
قل شاعرك ما صافـح كفـوف الرجـال لمالهـا
واذا اسألت عن حالتي طمنها كـان انهـا جفـول
قل حالتي في خيـر دام انهـا فـي خيـر احوالهـا
واذا اسألت عن الوصل تبغى من يديـك الحلـول
قل شهـر كـان الله كتـب لازم اكـون قبالهـا
واذا اسألت عن الشعر تبيك من شعـري تقـول
قل هذي اخر ما كتب من قلـب صـادق قالهـا
الشاعر/ ثامر شبيب
[line]
[15]
سلام ياللي كنت احسبنك سلاحـي لااعتزيـت
ذخري ليا ساقـت علـي المعظـلات سنينهـا
جاك الشعر يحمل مشاريه العتب مع كل بيـت
قصيـدة سببـت معناهـا وسـبـك حينـهـا
اليـا رجعنـا للحقيقـه والله انـي مادريـت
ابطيـت ادور خـوة الطيـب ولا ادري وينهـا
جرحتني جرح لـو اداوي جروحـي كمبليـت
في ذمتي ذمـه ماتبـرى علتـه مـن بينهـا
لو ان دمع العين بيخفف من الصدمـه بكيـت
الله يقدرني علـى زيـن الظـروف وشينهـا
بس ابشر اني ياضعيف الراي فووق اللي هقيت
ولا خير فـي نـاس بدنياهـا تضيـع دينهـا
اذا حلقت الدقن قلطنـي عليهـم بيـت بيـت
وان ما حلقت الدقن مكرمهـا مانيـب اهينهـا
المعذره ناظرت وجهـي فالمرايـه واستحيـت
مانيب مثـل اللـي يباريهـا ويلطـم عينهـا
[line]
[16]
قال المثل من شق له شق يرفاه
ماني وراء وصل الرديين ساعي
خله يرّوح روحة امقيط وارشاه
اخير من وصل الردي لنّقطاعي
البعد عن مثله ملذه ومشهاه
اقولها من تجربه واطلاعي
ألذ لي من شربة الماء اني انساه
تعوضني فيه الفجوج الوساعي
مادامني لحتجت شئ اتعداه
لاهوب من جنبي ولا من ذراعي
فرقاه عيد وشوفته شئ ماابغاه
وحقرانه اطيب ويش ابي بالنزاعي
الصاحب اللي نافخ شين علباه
فعلت فيه الطيب والطيب ضاعي
ماني براسم بسمتي في محياه
بعطيه من نظرات عيني وداعي
وان بار حظي بي وصادفت لقياه
بينت له كرهي وطولت باعي
لنذال في الدنياء سواة المعاناه
مامن وراها إلآ المرض والصداعي
تعبت اجامل والمجامل مرض داه
لو سار في دمي قتل لندفاعي
واصير مثل اللي نقل داه برداه
معاد افرق بالثني والرباعي
لشك هذا آخر كلامي ومعناه
بعدٍ عن الهيّن دواي ومتاعي
ورزقي من الله لو مع الموت بنصاه
ولو كان في بطون الحيايا الجياعي
الشاعر/ حسن المسعودي
[line]
[17]
هذي طبوعي كل ما عسعس الليل
________ أصلّـح الدلـة وأجـــر اللحونــــي
بريـةٍ موزونـة البـنّ والهـيـل
________ والماء بوزن وحيّ هاك الوزونـي
منهـا تكيّفنـي ثلاثـة فناجـيـل
________ وأرتاح ويطير السهر من عيونــي
وأراجع الذكرى وأجـرّ المواويـل
________ والذكريـات بكـلّ شكـلٍ ولونــي
البعض منها يشرح الصدر بالحيل
________ والبعض لا والله يجـدد طعونـي
وأرجع وأفكّر في الليال المقابيـل
________ لعل وقتـي مـا يخيّـب ظنونـــي
وأدخل على الله من حياة الغرابيـل
________ حيث إن همّي ما تشيلـه متونـي
كنّك مفصّل فوقي الهـمّ تفصيـل
________ لين إلتبسني مثل لبـس الجنونـي
حالي كما حال القلوب المشاغيـل
________ اللي من أطرف شـيء يتـأثّرونـي
لو يشتكون الغبن والجور والميـل
________ للغيظ وسط صدورهـم يكتمونـي
فكّرت الا الموضوع يحتاج تحليـل
________ وفنّ الدراسة واحـدٍ مـن فنونـــي
عرفت وش عكّر مزاج المشاكيـل
________ يوم إنهم مـن وقتهـم يشتكونـي
أول سبب: نقالـة القـال والقيـل
________ الطغمة اللـي جعلهـم يذهبونـي
قلوبهـم بالحقـد سـودٍ مغاليـل
________ ومن طبعهم بالمشكلة يفرحونـي
وثاني سبب: ناسٍ على مثل ما قيل
________ لا يقطعـون الشّـر ولا ينفعونـــــي
والله ما يرفع ضغطك إلا المهابيـل
________ العالم اللي في النحـر ينشبونـي
وثالث سبب: ناسٍ سوات المخاييل
________ على سلوم الطّيب ما يحرصونـي
خلّو سلوم أجدادهم رغو مع سيـل
________ وفي عالم التقليد جو يركضونـي
طشّوا عمايمهم ولبسـوا بناطيـل
________ والموس فال أشنابهـم والدقونـي
وأرقابهم ما سلمت من السلاسيـل
________ تطبّعوا بطبـوع هيـم البطونــــي
في ذمتي ماعـاد باقـي رياجيـل
________ إلا القليـل وجعلهـم يثــــبتـونـي
صفّة بعد صفّة وجيلٍ بعـد جيـل
________ كلٍ من اللي قبله أنقص وأدونـي
هذي هي الأسباب من دون تفصيل
________ شرحت روس أقلام بس أعذرونـي
واللي يبي تفصيل بالحيل بالحيـل
________ يقـدر يكلمنـي علـى تيلفونــــي
الشاعر/ وصل العطياني
[line]
[18]
مفواح شوقي من على النار راكن
فاح وطفى جمر الغلى وانت ماجيت
وليل السهر وظروف الايام حاكن
ثوب الفراق اللي لبسته وقفيت
سكنتني بيت الحزن وانت ساكن
ارض الغلا روض الفكر والتناهيت
خنجر غيابك داخل الروح ماكن
يتوغل بصدر الغلا كل ماابطيت
في غيبتك عوج الضلوع يتباكن
والموت لا منك على البال مريت
اتنفسك واحيا بقربك ولكن
ابقى جسد ينبض معك واكثري ميت
غبت ومشاعر لهفتي بك تحاكن
وليتك على صوت الأحاسيس لبيت
تشتاق لك كل السكك والاماكن
ويميل لك غصن الوله كل ماغضيت
يوم الأمل مركاي عشقك مساكن
واليوم لامركا يسند ولا بيـت
غير الهموم اللي علي يتراكن
وبذور حزنن في خفوقي منابيت
[line]
[19]
يـضـيـق صـدري كــل مــا هـبــت عـلــي مــن الـجـنــوب
.............................. نـســايــمٍ مـامــلــت طـعــونــي وقـلــبــي مـلّــهــا..
وارقــى عـلــى مـرقــاب حــزنــي واتــحــرى لـلــغــروب
.............................. وامـســك جـدايــل هـالـحــيــاه الـمــدبــره وافـلّــهــا..
واشـوف وشـلــون الـلـيــال ادور فــ الــوقــت الـلــعــوب
............................. واجـمــع مـسـائــل هـالـبـشــر فــي دفـتــري واحـلّـهــا ..
والـعـن ابـو الـحـظ الردي !! واسـتـغـفـر المولــى واتــوب
................................ وآقــول يــا ربــي تـعـيــن الـلــي صـبــر ثــم شـلّـهــا ..
ويـا سـعـود قـرب لــي مــدام الـوقــت والـعـمــر مـحـســوب
............................. واسـمـع يـا خــوك ابـيــات مــن جـوفــي نـويــت اتـلّـهــا ..
لا صـارت الـدعـوه مـابـيـن : ( ضـلـوع صـدري ) و(الـهـبــوب ) !
................................ بـقـولـهـا و : (( الـلـي عـقــد روووس الـحـبــال يـحـلّـهــا ))
وش عــاد نـرجــي مــن زمــن صــارت بــه اكـبــر الـذنــوب
................................ انـك عـلـى الـبـاطــل سـيــوف الـحــق تـونــي سـلّـهــا !!
اسـلامـك اصـبـح (( مـتـهـم ! )) والـنــور غـيّــب ومـحـجــوب
................................. دروووبـهــم يــا كـثـرهــاا ؟؟ وادروبــنــا يـــا قـلّــهــا !!
خـويّـنــا تـصــلاه نـــار الـكــفــر ونـشــوفــه يـــذوب
................................ وحـنّـا نـتـرجـى مـن (( عـجـوز الـغـرب )) تـرهــي ظـلّـهــا !!
لا عـادبــه فــزعــه ولا غــيــره ؟! وحـيـلـتــنــا يـــا دوب
.................................. ( نـشـجـب ونـسـتـنـكـر ) عـسـاهـا تـنـسـمــع او عـلّـهــا ..
صــار الـتـنـافــس ع الـطــرب مــن اولـويــات الـشـعــوب !
..................................... (( الـغـانـيــه صـفـقـلـهــا ؟؟ والـراقـصــه طـبـلّــهــا !! ))
والـمـوضـه تـحـاصـر تـقـالـيــد الـعــرب مــن كــل صــوب
............................................. تــفــوح دلـتــنــا زعــــل واعــوانــهــم تــزلّــهــا ..
والـكـل مـنّــا يـشــوف نـفـســه ع الـتـخــاذل مـغـصــوب
......................................... احـلـوقـنــا مـيّـتــه عـطــش ! يالله طـلـبـتــك بـلّــهــا ..
يالله سـتــرك مـــن عــلــومٍ فـــي خـواطــرنــا تــجــوب
....................................... رحـمــاك سـهـلـهــا عـلـيـنــا دقـهــا مـــعٌ جـلّــهــا ..
ويـا سـعـود اخـذهـا مـن نـمـط (حـكـيٍ عـلـى لـسـان الـقـلـوب)
.................................. اربــع نـصـايــح لـحـيـاتــك يــا عــســى تـوصـلّــهــا ..
الـمـرجـلـه هــي ( الـبـلــد ) وافـعــال يـمـنــاك ( الــدروب )
.................................... والادمـــي يــولــد ( غــريــب ) ولاتــســنّــع دلّــهـــا ..
والـكـايــده تـبـغــى ولــد مــاهــوب طــمــاع وكـــذوب
....................................... والـرابــح الــلــي نـفــســه لــربــه قـــدر يـذلّــهــا ..
وتــرى الـكــرم عـنــد الـعــرب يـغـطــي آلاف الـعــيــوب
.................................. وانــك بـخـيــل تـســاوي عـيــوب الـعــرب ذي كـلّــهــا ..
واحـذر تـحـسـب ان كـل بـيـر ابـدنـيـتـك بــه ( مــا ) شــروب
...................................... واذا تـجـاهــلــت الــعــواذل ابــتــمــوت بـغــلّــهــا ..
وانــــا بــــوّدع راس مــرقــابــي اذا حــــل الــغـــروب
.................................. وبـقـول يـا ربــي تـعـيــن الـلــي صـبــر ثــم شـلّـهــااااا !!
[line]
[20]
يا رب صبرني على امرك وبلـواك
واجبر عزا من شاف ضيم العزايـر
مثل الدريك اللي على حوض الادراك
يبكي ودمعه فـوق الأوجـان جايـر
يا عين هلـي ذارف الدمـع سفـاك
وابكي وهاتي ما خفـا مـن عبايـر
يـا عيـن لا تبكيـن هــذا ولا ذاك
لا ولا فرقـا الأهــل والعشـايـر
ابكي على سمح النبا حسن الاسـلاك
اللـي عليـه مغـوزر الدمـع فايـر
قلبي عليه مـن الولـع فيـه دكـاك
والحـال منـي خلصـت بالحسايـر
كني ربيط الروم فـي وسـط شبـاك
ولا كسـيـرٍ موجعـتـه الجبـايـر
قدم العرب غادي بشـوشٍ وضحـاك
والكبـد يصلاهـا لهيـب السعايـر
يالله يـا والـي تصاريـف الافـلاك
يـا مطفـيٍ نـار السنيـن العسايـر
يا مـن لعسـرات الشرابيـك فكـاك
والي السماء والي جميـع البصايـر
اسألك من جودك وفضلك وحسنـاك
تجمع بشملـي مـع ظبـي الزبايـر
الجادل اللي يصقـل السـن بالـراك
حاوي محاسن محصنـات الخدايـر
سبه عزاي وصـار للـروح مـلاك
وارخصت له عمري ومـا بالذخايـر
يا زين روحي يا أريش العين تفـداك
حيثك هواي وعن هوى الغيـر ذايـر
علـي نـذرٍ ان ولـف الله بلامـاك
لا رزّ رايـات الفـرح والبشـايـر
واصـوم لله مـا تيـسـر لعيـنـاك
وابنـي لحبـك بالضمايـر منـايـر
يا زين يا عذب اللمـا كيـف بنسـاك
والحب سلطانه علـى الحـال جايـر
يا مورد الخديـن محلـى سجايـاك
يـا سيـد كـلّ المترفـات النضايـر
يا زين شفني من غرامـك وفرقـاك
كني علـى جـالٍ مـن اليـام هايـر
سهرٍّ ونوح بنوح ورقٍ علـى الـراك
معـذا تصفقنـي ركـون العـوايـر
يا بو محمد يا فتـى الجُـود بنخـاك
يا فرحـة المضيـوم يـوم الكسايـر
شف لي طبيـبٍ شاطـرٍ لا عدمنـاك
كـوده يـداوي عـلـةٍ بالضمـايـر
والا فنـا يـا معـدن الجُـود ويـاك
نركب على ثنتيـن عـوصٍ حرايـر
نركب عليهن يا فتى وقت الامسـاك
من دار أبو جابـر عزيـز القصايـر
والعصر حول مريخ وبيمـة اشيـاك
ومنكبـيـن المـزهـره والنقـايـر
يا بعـد والله يـا القعيمـي معشـاك
ان سلـم الله مـردمـات القفـايـر
يومين والثالث علـى الهـون ملفـاك
هجر منازل من لـه القلـب طايـر
فيـلا لقينـا ديـرة الربـع ذولاكـا
لوصل يطفي مـا لجـا مـن زفايـر
وامسي لكني مالـكٍ كـلّ الامـلاك
امـلاك سلطـان البحـر والجزايـر
والـى لفينـا دافــع الله منـايـاك
مرخوص يا مروي السيوف الشطاير
الا ان يطيب الكيف لك فانت برضاك
اتـم انـا ويـاك للـحـول دايــر
عند السياسب لابـةٍ مثـل شـرواك
الكـل منهـم يحتـمـل بالخسـايـر
اهـل دلال كالغرانـيـق ودكــاك
وحِيـلٍّ تقلـط للوجـيـه السفـايـر
يا بـو محمـد عانـك الله وعافـاك
وذراك ربي مـن حتـوف الدوايـر
شفني من الفرقا ولا الحـال يخفـاك
مثل المريض انهض ولانيـب ثايـر
مـن فقـد طفـلٍ للمعاليـق مسـاك
الجادل اللـي مـا يـدوس الوزايـر
كامل تواصيفـه ولا هـوب حشـاك
الا ولا يــومٍ لقـيـتـه مـكـايـر
منـزهٍ عرضـة ولا هـوب دكـاك
بالشين حاشا ما سمـع شـور شايـر
من صلب شغمومٍ ضحى الكون سفاك
لادما العدى يـوم اشتعـال الذخايـر
سمـحٍ سلوكـي ولا هـوب شكـاك
ومغفلٍّ مـا هـوب راعـي عبايـر
ربي كساه من المحاسـن والابـراك
ثـوب الجمـال وكمّلـه بالستـايـر
الخـد كالقنديـل واللـحـظ فـتـاك
يغري الضمايـر والذوايـب حدايـر
متعثكـلاتٍ يسهجـن روس الاوراك
مثل الدجـى فـوق الردايـف نثايـر
علمي بشوفـه يـوم الاثنيـن هـذاك
قبـل المديـد بعشـرة أيـام زايـر
سَلّْم علـي وقـال بالـك و حـذراك
تفضي السدود ولو تشـوف النكايـر
واعرف ترى ما لي عزى عن ملاماك
الله يبـور بملـزمـة كــل بـايـر
ليـاك تطرينـي ولا جِيـب طريـاك
عنـد العـرب والله عليـم السرايـر
وارجـي عسـى ربٍّ بلانـا بهـذاك
اللي وداده في حشا الـروح صايـر
يجمع بشملي بأريش العيـن وهنـاك
هالعمـر خيـره لـو بقـى للودايـر
والختم صلى الله على المصطفى ذاك
محمـد المبعـوث مـا سـار سايـر
الشاعر/ حمد المغلوث
[line]
[21]
رح فـمـان الله والـذمّـه مـــن الـذمّــه بـريّــه
لا تخاف من المفارق.. رح عليك الله و امانه
رح بعيد.. أبعد من الدمعه على العين الخليّـه
رح بعيد.. أبعد من الشرهه على مزح الميانه
وابعد مـن الحلـم للـي خـاب ظنّـه فـي خويّـه
وابعد من الياس للي طـاب حظـه فـي زمانـه
لـو تـروح أبعـد مـن حـدود السمـا والجاذبيّـه
والله ان تبقى قريب أقرب مـن القلـب لحنانـه
تنتشر فيني شتات جـروح مثـل الـروح حيّـه
تختفي في كـل عـرق ولا فقدتـك قـال: عانـه
يابعـد عـذر الفـراق اللـي قبـل فرقـا الخطيّـه
يابعـد ذنـب الزمـان اللـي قبـل عـذر الخيانـه
ليلـة وداعـك علـى كثـر الحـروف الأبجـديّـه
مالقـى مـن ودّعـك حرفيـن ينطقهـا لسانـه
ليلةٍ كنت انت ماهوب انت.. هي ماهيب هيّـه
ليـلـةٍ يـكـرم بـهـا مــن حبّـهـا قـبـل امتحـانـه
قلت لـي: بنسـاك. قلـت: الله يهنيـك و هنيّـه..
واحــدٍ خــلاك مــن ربــاك تنسـانـي عشـانـه
قلت لي: قلبك لاينسى. قلت: ليت القلـب فيّـه
دوّره والـيــا لقـيـتـه وصّـــه و ردّه مـكـانــه
وص نفسك والاّ انا مانيب في حاجـة وصيّـه
واعتبـر فرقـاك أمانـه.. والله الله بالأمـانـه
الشاعر/ رشيد الدهام
[line]
[22]
لا تسل عن ضيقـة ايامـي وقلبـي لا تمـره
ضاعت دروبك على اخر ليل وجروحي عطايب
وان لمحت اسمي ترفّـق بـه وبادلـه المبـره
كثر مابادلك شوق وكثـر مـا ودّعـك هايـب
لك على يمة عروق القلـب يالمغـرور جـره
ماتواريهـا السنيـن ولا تغيـرهـا النـوايـب
والله ان قربك يسر الـروح وفراقـك مضـره
وأنت علّة خافقي وأنت القريب مـن القرايـب
ماقدرت اتوب عن ذكرك وعن حلـوك ومـره
ليه عن ذبح الغلا ياصاحبـي مانتـه بتايـب؟
هـاك ميـزان الجـروح وقيسهـا ذرة بـذرة
ماوزنت الا غـلاك ولا طعنـت الا الحبايـب
كل مايطري علي ظلمـك تشـب الكبـد حـره
كن في صدري رماح القوم وسيوف وحرايـب
كيف ابنسى ليلة زعزعـت قلبـي مـن مقـره
انفرت كبدي وخفاّقـي غـدا قبـر ونصايـب
هلت دموعـي وحلّفتـك بربـك الـف مـره
يابن آدم خف من الله مـاورا ذبحـي كسايـب
أنت شخصٍ ماقدرت استوعبـه خيـره وشـره
من عرفتك والدموع دمـوع والخفـاق ذايـب
لا تصدق كذبـة الايـام فـي وجـه المسـره
بسمة في عين طفل ودمعة فـي عيـن شايـب
وان تذكرت الهنوف اللي على صوتـك تشـره
ضمها في صدرك الموحش وعرّضه الهبايـب
انكسر حلم الليـال وطاحـت نجـوم المجـره
أبتدت شمس وتوارت شمس وجروحي عطايب
انت ماتـدري ولاعنـدك مـن الاحسـاس ذره
أشهد ان مصيبتى بك من عظيمات المصايـب
الشاعره/ ابعاد التركي
[line]
[23]
[color=#FF9900]هبت هبوب القريحـه وانفتـح بابـي
يا ليتني ما عرفت الشعـر وطروقـه
شيبّي الشعر ميـر القـاف ماشابـي
دايم يجـدد صبـاه ويحيـي عروقـه
يشيل من لحيتي ويحـط ف أشنابـي
وأشيل مـا حطّهـا وأحطّهـا فوقـه
عديّت بالصـوت والمرقـاب مرقابـي
وكل ٍ حسب منطقه يبـدي بمنطوقـه
يا صاحبي في عيونك سجلّ إعجابـي
وبلغّ لي صبيّ عينك يفطـن لموقـه
وأسلم وسلّم عليها واحسب حسابـي
وأحفظ عهود الغرام الصـح وحقوقـه
وشلون خليّتني عايش على اعصابـي
ومكانتي في عيون الحـب مرموقـه
قابلتنـي بالجفـا وافتـرّ دولابــي
والهجر خيلّ سمـاه ولاحـت بروقـه
عز الله انك معـي صـادق وكذابـي
دايـم هقاويـك مطـروده وملحوقـه
أحسنت ف الظن مير الظن ما صابـي
وانا جروحي لهـا عاميـن مفتوقـه
كم ليلـة ٍ مرّنـي طاريـك واومابـي
يسوقني مع هجوع الخلـق وأسوقـه
مع نجمة الصبح كم غنيّت ممـاّ بـي
( يا نجمة الصبح كبدي منك مرهوقه )
هذا حصيلي من أول وآخـر أحبابـي
ورده وذبلانه .. وشمعه ومحروقـه
الشاعر/ سداح
[line]
[24]
ماغير انا وياك والثالث ابليـس
وش تنتظر لا صار معنا شياطين
اما دخلنـا بالهـوى فالدهاليـس
والا طلعنا مـن لقانـا مجانيـن
نتبادل النظره لفحص المقاييـس
وفي كل نظره للمحبـه عناويـن
الشوق زايد والمشاعر محابيـس
حتى وحنـا بالوصـال متفانيـن
مادام انا وياك خلـف الكواليـس
بعطيك عن صادق غرامي براهين
حلمٍ حلمته حلم ماهـو كوابيـس
اني انـا ويـاك بالـود صافيـن
يافاتني مالك ومـال الوساويـس
كل الذي حولك بالاشواق لاهيـن
مصيبة الشعار في عرش بلقيس
يبنون من طوب المشاعر دكاكين
القاف خاوي والمعاني مفاليـس
ماتنقري لو جمعت في دواويـن
راحت قصايدهم بوسط القراطيس
ولا قراها ربع روضـه وداريـن
وانا قصيدي في وصوفك نواميس
لجل ان حسنك للقوافي نياشيـن
استغفر الله واتعوذ مـن ابليـس
اظن لاشفتك تغيـب الشياطيـن
[line]
[25]
في فن علم النفس وانماط الحيـاه
00000000000مصيبتـك طلّـع وراهـا فـايـده
لاينتثر فكرك علـى كـذا اتجـاه
000000000الخصخصه فن العقـول الرايـده
وان ساد من حولك شعور الاشتباه
000000000خذلك شعورك بمنطقـه محايـده
والحب ذروة كل شـي ومنتهـاه
00000000ومحلا من وضوحه سوى مكايـده
يبكـي الرجـال ويبحّـث خفـاه
000000000ويعلمه شـرح الحظـوظ البايده
واللي يحب احد ٍ ماهو في مستواه
000000000يبطي وعينـه بالمدامـع جايـده
والحزن طاقـه للدعـاة وللطغـاه
00000000وانا طلعت من الجـروح بفايـده
ان لم تزد شيئا ً على هذه الحيـاه
000000000فتأكد أنـك انـت حاجـه زايـده
[line]
[26]
ياولد عمي نخيتك .. والقصيد أسنده يمك
.. .. .. .. .. عدّها نخوة حميـــّا .. عدّها نخوة ميانه
وأعرف إني لانخيتـــك فاض بالفزعات جمك
.. .. .. .. .. وأعرف إنك ماتقول الراي إلا في مكــانه
إحتميــني ياولد عــــمي إذا فعلاً أهمك
.. .. .. .. .. أوقف بوجه المواجـع والظـلايم والمهانه
زمني حد النجــوم اللي عليها كنت أزمك
.. .. .. .. .. عـالم الحـرمان هـذا ذللــه وإقـطع لسـانه
عـالم الخـذلان هـذا ذوّقه لحـظــات سمك
.. .. .. .. .. عـالم البهتـان والطغيان ماعنده أمانه
بنت عـمك ياولد عـمي تـراهــا بنت عمك
.. .. .. .. .. تارد الموت الحمر ماهي عن الوقفه جبانه
دمي اللي في عروقي هو ترا من نفس دمك
.. .. .. .. .. دم نـشـمـيٍ إلامـن فـــار مـادور مـعانه
والـجـفـا لالـم خطـواته طلبتـك لا يلـمك
.. .. .. .. .. الجفا كافر وأنا وإنته على نفس الديانه
إنخـذلـت بـكـل مـن حـولي وخـذلاني يعمك
.. .. .. .. .. وإنطعـنت بكـل سكـينٍ نـوت طـعـني خيانه
طـعـنة الـــدنيا بجوفي عن ندايه لاتصمك
.. .. .. .. .. طعنـةٍ تثـعـل جــروحي ثم تمثناها لعانه
يـاولـد عمـي نخيتك بنت عمك 00 بنت عمك
.. .. .. .. .. عالم الخـذلان والنـكران مـاعـنده أمانه
[line]
[27]
الاجواد واجـد والمراجـل لهـا كسـاب "****"لكن واعـد العشـرة ليـا صـرت جمالـي
يطيـر الشـرار وكـل نـارٍ لهـا شبـاب "****"ومن ولع النيـران يصبـر علـى الصالـي
تجارب حياتي معجـزة ودروب صعـاب "****"ولقيت الرجـال انـواع والـوان وشكالـي
صديق الشدايد ما خذا منـك علـم وجـاب "****"وسيع الصـدر يضحـك ولا هـو بزعالـي
صديـق الشدايـد لا ينافـق ولا يغـتـاب "****"يدلـه غريـب الـدار ويـزبن الجـالـي
وصديق الرخى عقـاب ومصادقـته عقـاب "****"شجـاع الحكـي والمـدح بالقيـل والقالـي
وصديق الرخى ما غير صورة ولبس ثياب "****"يـا ليتـه يبرقـع مالـه شمـاغ وعقـالـي
وعنـدي نصيحـه جـد ماقلتهـا لـعـاب "****"أقـول الصحيـح ونايـم القلـب يصحالـي
ترا خوة أهـل الطيـب يالطيبيـن أطبـاب "****"يطيـب السقيـم وخــوة الاش سـلالـي
تغانم شبابك يا بيض الوجـه دامـك شـاب "****"ترى البدر لو يطلـع قمـر عـود أهلالـي
فلا تهجر المسجد وخلـك ورى المحـراب "****"ترى روضة المسجـد لهـا منـزلٍ عالـي
ولا تترك اللـي يزهمـك خايـفٍ مرتـاب "****"ترى الذل مـا نجـى الثعـل بـا لتحيالـي
ولا لندى غير الفدى لـو تـروح أرقـاب "****"ومن ضاع شوره يا خـذ الشـور ويمالـي
ومن با شـرك بالعـذر لاتلحقـه بعتـاب "****"ولا تشوف نفسـك شيـخ والنـاس عمالـي
ولا تهين نفسك لو تجي بين ضرس ونـاب "****"وهيبتـك لا تنقـص ولـو ربـع مثقـالـي
وبنت الـردي لا يعجبـك زينهـا الجـذاب "****"تراهـا كمـا المخيـال خـيـل وتخيـالـي
ولو شفت حمر خدودهـا وثمـان أعـذاب "****"لا بـدك تمنـى ليـت مـا جالـك أعيالـي
ولدها لا ياشاف النقـى والملاقـى هـاب "****"ذليـلٍ بخيـلٍ فيـه خفـخـاف وجفـالـي
أخذ بنت قـرمٍ طيـبٍ ساسهـا مـا عـاب "****"تنومسـك بنـت الشبـل ويجيلـك أشبالـي
أعيال الذياب تصير مثـل الذيـاب أذيـاب "****"وعيـال الثعالـب مثلهـا زهـر الاذيالـي
وفرخ الصقر مثله وفرخ الغـراب غـراب "****"وبـوم الخـراب ايقابـل العـش ويـلالـي
الى صار راسك فوق يا طيـب الا نسـاب "****"فـلا ينحنـي لقـدام رجلـيـن ونعـالـي
لكن الله اللي يكتـب الـرزق يـا خطـاب "****"هو اللي يفـك البـاب ويقـص الا قفالـي
ولا يهمـل الا واحـدِ عايـفٍ الاشـبـاب "****"ولا ضيع أحقوق البشـر غيـر الاهمالـي
وترى للقصايد كيف والكيـف لـه شـراب "****"وانا ما اشرب الا كيـف راسـي بفنجالـي
ولا طاوع الجاهـل ولا جامـل النصـاب "****"أقـدم يميـن الـحـق واحــط معـذالـي
ولا ني بو الله طيبن لـه مـع مـن طـاب "****"ومن طاب لي برخص له الحـال والمالـي
أكذب وانا خابـر واجامـل وانـا كـذاب "****"سنين مضـت هـي صـدق والا يورالـي
تلخبط جهاز المـخ وانهـارت الاعصـاب "****"وفـورت دمـي وارتفـع ضغطـه العالـي
لكن في رجى اللي من رجى رحمته ماخاب "****"هـو الواحـد العالـي وهـو ربناالـوالـي
وهو الخالق الرازق وهو المعطي الوهـاب "****"لـه الملـك كلـه والكمايـل والاكمـالـي
رئـوفٍ رئيـفٍ رحمتـه تنقـذ المنصـاب "****"يغيـث الديـار الممحلـه عقـب المحالـي
شديد العقاب ويعتـق المذنـب اللـي تـاب "****"عسـى مـا يوخذنـا بسيـات الاعمـالـي
كما قالـه الله فصبـروا يأولـي الالبـاب "****"ترى الصبر زيـن وكلمـة الحـق تنقالـي
واصلي واسلم عـد مـا تنبـت الاعشـاب "****"ومـا لاح بـراقٍ سـرى يشعـل أشعالـي
على المصطفى اللي وحد الدين والاحزاب "****"شفيـع أمتـه يـوم الهوايـل والاهـوالـي
الشاعر /عبدالله بن شايق
[line]
[28]
البارحه ليلـي همـوم و كوابيـس
وأبعد من الجـوزا علـي الوناسـه
نفسي وأنا والليـل والهـم وابليـس
كـلٍ علـى الثانـي يبيلـه رياسـه
مدري ظروف الحب و لا هواجيس
أو الثلاثـه كلهـن فـوق راســه
أو ان عقلي صايرن فيـه تنكيـس
وللعقل في بعض الأمـور انتكاسـه
يا لايمي لاتلومنـي قبـل ماتقيـس
اللـوم للمهمـوم يـزود قيـاسـه
والشر طبعـن للرجـال الهلابيـس
أهل الهـدف والنمنمـه والبلاسـه
وأنا معي عقل ومشاعر واحاسيـس
وعيون وأخلاقن وقلـب وشراسـه
لكن حصلي من زمانـي عواكيـس
وعجزت تالي الوقت لعرف لناسـه
هـذا يموهـا بهـرجـن تبالـيـس
وهذا يتجاهلهـا عنـاد و خساسـه
وهـذا يغـرك مظهـره بلملابيـس
وهذاك البس منـه شمـاغ ولباسـه
وهذا تذعذعلـه هبـوب النسانيـس
وهـذاك تقـل مغمغم لـه بطاسـه
وللناس بالدنيا حظـوظ وقواميـس
اللي يغرف بـدرام واللـي بكاسـه
وليا حصلك من زمانـك تعاميـس
اصبر وللصبـر الجميـل انعكاسـه
ودرسك دنياك مـن غيـر تدريـس
ماهو لزوم أنـك تـدرس دراسـه
وناسن على ناسن تجنـد جواسيـس
لجل الطمع والسيطـره والنجاسـه
وناسن تهجس من غثا الوقت تهجيس
وناسن على ناسن تجيـد السياسـه
وناسن تبي عرشن مثل عرش بلقيس
وناسن تبي لو يوم فرقـا التعاسـه
والتيس مثل العنز كانه خفى التيـس
والتيس ماهو تيـس لـولا التياسـه
[line]
[29]
يانور عـــــينــــــي فرقـتـنـا الليالــــــــي=واســقم حـالـي من صدوف المقادير
غـديـت فـــــي يوميـن مثل الخلالـــي=وان طالت الفـرقـا فنا كيف اباصــير
المشكــل انك تحسـب القلب ســالي=وانت الـــذي شيــدت به لك مقاصير
لو مابــــقلـــبي لك يحـــوشـه مقالـــــي=مليــــــت صفحـــــات الدفاتر بتسطير
هـذا جزا اللي بــــالموده صـــــفا لـــي=مـاطاع فـــي حقي كثير المشـــــاوير
وان غبــــــت عن عينه لبيــــتي عنالي=دمـــــاح زلاتي ولو شـــــاف تقصيــــر
لا يــــابعد حيي خلف من غــــدا لــي=الا صلــــيب الراس وافــي التشابــير
الامير/ عبدالله الفيصل
[line]
[30]
يا غايبه وان كان فيها جماله
.. .. .. .. .. .. تجمّلي يا أم الحلا و الظفاير
بالله شوفي صاحبك كيف حاله
.. .. .. .. .. .. شوفيه في غيبتك وشلون صاير ؟!
صارت حياته ضيق خلق و بطاله
.. .. .. .. .. .. هم وسهر و أوراق شعر و زقاير !
يعني حبيبك صار حالته حاله
.. .. .. .. .. .. ما باقي آلا انه يدن العباير
الله لآمنه ذكر ما مضاله
.. .. .. .. .. .. قبل الدواير ما تجر الدواير
يوم الطفولة والشقا و الجهاله
.. .. .. .. .. .. يوم الصغاير في عيونه كباير
أيام كان معانده راس ماله
.. .. .. .. .. .. ويسوق لهبال الشقاوه بشاير
ياما امتلى بالحب والطيش باله
.. .. .. .. .. .. و ياما امتلت من شخبطته العواير
يكتب عليها عاشقك للثماله
.. .. .. .. .. .. ويخط توقيعه جريح الضماير
ياما اشتكاه ابوك في بيت خاله
.. .. .. .. .. .. وياما تحصّل من هواك العزاير
مره حلف بأنه يبّطل هباله
.. .. .. .. .. .. وقبل يكمّل فك اخوه الستاير
ثم طالع الشباك لينك قباله
.. .. .. .. .. .. وفي اقل من لمح البصر جاك طاير
على صغر سنه ممّيل عقاله
.. .. .. .. .. .. كاشخ وناسي لايصك الزراير
لاشافك تمتم لحاله بحاله
.. .. .. .. .. .. لعيون هالشوفه تهون الخساير
ولاشاف زول ابوك حذّف نعاله
.. .. .. .. .. .. الحب جاير.. لكن العود جاير
طفلٍ يتيم ورغم الاحزان داله
.. .. .. .. .. .. مايدري ان حظه مع الوقت باير
كنتي طموحه كنت اغلى حلاله
.. .. .. .. .. .. كنتي وصرتي بس يا ام الظفاير
طفلٍ زرع من ضحكتك في خياله
.. .. .. .. .. .. لين اثمرت شعرٍ هزاله حراير
لاتتركينه في غيابك لحاله
.. .. .. .. .. .. بالله شوفي كيف هالطفل صاير
و وحده بوحده كان عندك عداله
.. .. .. .. .. .. اتبّطلي غيبه و ابطّل زقاير
الشاعر/ فهد المساعد