المجموعه الثانيه من الصـور ... /

[محمد بن سعود]

أقدم لكم /

المجموعه الثانيه من الصور / ..

و بالتـووفيـق للجميـع

المجموعه الاولي من الصـور ... / وتعليق الشعراء (http://www.alajman.net/vb/showthread.php?t=63962)

[محمد بن سعود]

http://alajman.net/up/uploads/287779c6b0.jpg (http://alajman.net/up/)

http://alajman.net/up/uploads/6a365bc1d6.jpg (http://alajman.net/up/)

http://alajman.net/up/uploads/ca777b448f.jpg (http://alajman.net/up/)

http://alajman.net/up/uploads/75581baf2f.jpg (http://alajman.net/up/)

http://alajman.net/up/uploads/e0a97549b8.jpg (http://alajman.net/up/)

[محمد بن دسمه]

شكـرًا يابوسعود ..

وراجع لك .

[محمد بن دسمه]

باك يابوسعود ..

الصوره الاولى .

http://alajman.net/up/uploads/287779c6b0.jpg



وسّمت سكنيك على أرخى حناياي = واقفيت مني ماتبيّنت سبه .!
تتكوبر دموعي لامن جاني بكاي = وخسارتن غبني من اللي أحبه .!
الصوره الاخيره

http://alajman.net/up/uploads/e0a97549b8.jpg


مرات يذبحني حنينك وانا أتوق .= لجنتك وأدرآ لواهيب نارك .!
كبدي عليك من الزمن لاغدا عوق . = وكبدي لحالي لاذبحني إنتظارك .!

[مناحي الصميل]

السلام عليكم ورحمة الله وبركاته


صور رائعه يابو سعود

والله يعطيك العافيك


اول مشاركه على الصوره الاخيره والأبيا جات بـ عجاله :


http://alajman.net/up/uploads/3364796dc9.jpg (http://alajman.net/up/)



وش حيلتي .. وأنا ادري ان وصلك ( مُحال ) ؟؟ = غير إنّي .. انتظرك وأتوق لـ/ جيّتك !!
البُعد .. ( شمس ) .. وقربك لـ/ عندي .. ظلال ! = والى متى وانا .. ارتجي ( حنّيتك ) ؟؟
تدري ... شـ / يصير .. اذا تباطيت الوصال ؟! = أصيح بالعالم ... ( تراني ميّتك ) !!


والمشاركه الثانيه قريب انشالله

[فلاح بن ملبز]

السلام عليكم ورحمة الله وبركاته

مسيكم بالخير

بما ان المجموعه الثانية من الصور تم تنزيلها

للأخوان الشعراء مهوب لازم تكون الابيات مكتوبة على الصور ، تقدرون تسوون مثل محمد ومناحي فالمشاركة اللي فوق ، تحط الصورة والابيات تحتها ، او تذكر رقم الصورة وتكتب الابيات ،،


أخواني الشعراء هالمسابقة للشعراء المشاركين فقط ،


واي مشاركة لغير الشعراء المشاركين سوف يتم حذفه مباشرة


والشعراء الغير مشاركين فالمسابقة يستطيعون نسخ الصورة ووضع ابياتهم وتعليقاتهم هنا


هنـآ / التعليق علي مشاركات الشعراء في المسابقه .. (http://www.alajman.net/vb/showthread.php?t=63963)


واتمنى لكم التوفيق جميعا ً

[احمد بن جوفآن]

السلام عليكم ورحمة الله وبركاته

..

كل الشكر للمبدع محمد بن سعود .. على هالفكره الرائعه والصور الاروع ..

.. وصح لسان الشعـَـار ..

.. .. .. .. ..

ومشاركتي الاولى هي ..

http://alajman.net/up/uploads/ca777b448f.jpg



مهرتي تلعب على ,, دف الدفـوف= واثـقه في مشيَها .. بلحالها
تـنـطـح الجمعـيـن ,, وتـشـق الصفـوف=شـوشـت يـوم اعـتـزا .. خيَالها
كنها بـتـقـول ,, يا شوق الهنـوف=اطـلـق عـنـانـي .. وكـف رجـآلـهـا
ساسها مـوروث ,, فـي حـد السيـوف=خـيـل (اخـو شـبـنـه) ,, وهـو سـلآلهـا

لتوضيـح : ( اخو شبـنـه ) .. عـزوة : خالد بن جوفـآن .

[محمد العزام]

السلام عليكم ابو سعود قواك الله على هالمجهود الواضح و الله لا يهين اخواني الشعراء و صحت السنتكم جمييع و ذي مشاركتي الاولى و انا اخترت صورة الشمعه صوره رقم (2)


ذاب الخفوق بغيبتك كنه الشمعه=اشعلتها لجل تعرف وين راعيها
و هي تشتعل من غيابك... طاحت الدمعه=من حرًها حوًلت تبغي تطفيًها

[عــقــيــد]

كيف نضع الصور في الردووود

وارجو منكم اجابه سريعه

وشكرا.

[@ فــهــد @]

لا هنت يا بو سعود على الصور الجميله وانا اخترت صورة الخيل والثانيه بالطريق وهذا ابياتي الأولى

بسم اللهhttp://alajman.net/up/uploads/c6dd55ea5e.jpg (http://alajman.net/up/)


يا شوق عيني للخيول الأصيله=اليعربيه لا غدت تنطح القوم
النادره ذات العيون الكحيله=الفارقة عن دابة الفرس والروم
من زينها تشفي القلوب العليله=ومن قوها يفخر بها كل زيزوم

وسلامتكم

[مبارك بن مجروب]

شكر متجدد لصاحب الابداع المتجدد شكرا يامحمد ع الصور الحلوه :)

وهذي الابيات للصوره الاولى وان شاء الله تعجبكم :


سكينك الي سلها الصد ,,, جارت=الدم دمي .. شوفه شلون قآآطر
حارت مابين ضلوع مغليك حارت=وانا على رغم التناهيت نآآطر
الله على الايام .. وشلون دارت؟؟=طعنتني بالصد ؟ مبروك ,, شآآطر
وتبي احبك ؟؟ هذي وشلون صآآرت؟؟=محد يحب انسان من دون خآآطر
...............................

وهذي الابيات للصوره الرابعه :


تذكر حبيبي بضمتك كيف كنّا ؟؟=اطفال عشاق وصغارن مساكيين
ماجت ليالينا على ما انتمنّى=وانا على ذكراك سهرتلك عين
رحنا ,, وضعنا ,, والسبابيب { اهلنّأ }=لوضيعوا قربك اهلنّا وغآآليين
مدري من الغلطات والا زمنّا=بس المهم انك على البآل للحين

وسلامتكم ...

[البليهي]

السلام عليكم


بيتين اتمنى ان تنال اعجابكم :)



http://alajman.net/up/uploads/7fc11c0293.jpg (http://alajman.net/up/)
8
8

حبيبتي مهره بلا سرج وعنان=تتبع هواها لن محدن عسفها
من عادها طفله وهي شانها شان=رفيعه المنسب عفيف(ن) شرفها

[@ فــهــد @]

استلم طال عمرك الثنتين كلها عساها ترقى لذائقتكم الشعريه الراقيه

بسم الله

http://alajman.net/up/uploads/8dbf6b3188.jpg (http://alajman.net/up/)


يا شوق عيني للخيول الأصيله=اليعربيه لا غدت تنطح القـوم
النادره ذات العيون الكحيله=الفارقة عن دابة الفرس والروم
من زينها تشفي القلوب العليله=ومن قوها يفخر بها كل زيزوم


http://alajman.net/up/uploads/ba3ab8c0f8.jpg (http://alajman.net/up/)



رحتي على اول قطار وتركتي=شخصٍ يحبك ما بعد قالها لك
رحتي على اول قطار وجرحتي=قلبٍ رهيفٍ بالمحبه عنالك
ابكي بوسط الناس والسبّه انتي=هالك عسى دمعي يزيح المهالك

وسلامتكم.

[سعد بن سريّع]

http://alajman.net/up/uploads/9f3cdae406.jpg (http://alajman.net/up/)


لو ان حب الطفولة . . ما يردك علي ّ = ابعتذر للغرام ، اللي نســاه الحنيــن . . !
لا صار ما تعني الصوره لك الحيـــن شي ّ = دريت بــان الهوى بادي على / كذبتين
الاولى يوم احســـبك باقي العمر ( لــيّ ) = والثانيه وانت تحضــني بــ / ذيك السنين

[فلاح بن ملبز]

كيف نضع الصور في الردووود

وارجو منكم اجابه سريعه

وشكرا.


مرحبا يا عقيد

مهوب لازم تحط الصورة ، شوف رقمها بالترتيب واذكر رقم الصورة :)

والله يوفقك

[الوضحه]

لاهنت ع الصور الرائعه..

وتفضل:)

كان لي مثل الوساده لاشكيت=كان لي شمعة حياتي والامل
انجرحت من الفراق ولابريت=مازهدت الصبر بس هو مني مل

http://alajman.net/up/uploads/c18615c2d6.jpg (http://alajman.net/up/)




أنا مهرة ٍ من لابة ٍ مابها عوجي=مرازيق والتاريخ بأفعالها يوقّع
وضيحية ٍ وأحب سمنات الهروجي=وأكب الهزيل اللي يجي حبكه مرقّع
وياعاذلي هاك القفا..والوعد موجي=باخط لي بصمات بأنحاء هالموقع



http://alajman.net/up/uploads/181394477b.jpg (http://alajman.net/up/)

وسوالم..

[نمران]

اولاً ارجو قبول عذري عن الغياب في المجموعه الاولى
وهذي اول مشاركاتي وعسى ان تحوز على الرضا

http://alajman.net/up/uploads/5d46ac1d72.jpg (http://alajman.net/up/)



كانك تبي شوف المحب وضياعه .! = وشَوف انكساره .! شِوف وشلون قاعد .!
ان كان ذا حالي لتأخرْك ساعه .! = وشلون اجل حالي عقب .. منتباعد ؟!!

[جرير]

http://alajman.net/up/uploads/9f3cdae406.jpg






قلَبت بصور الطفوله وأتضح=ان الخيانه فيك من ذاك الزمان
تظمني وانا اللي في ظمك فرح=واثرك تضم عويشقك كله عشان
ايذوب من صدرك ولا منه سرح=اتشوفلك معشوق في ذاك المكان
دققت فعيونك وتاليها اتضح=ان الخيانه طبع من ذاك الزمان

[جرير]

http://alajman.net/up/uploads/8dbf6b3188.jpg





مهرةِ كنها تذب الريح يدَها=من جلدها عن جميع الخلق طامح
كنها فكره وهاجوسي هجدَها=وكان مسرج ظهرها ماني مسامح
وآبل الافكار خفف من جلدَها=لين قامت تتجه حسب الملامح

[خالد بن رمثان]

السلام عليكم ..وآسف على التأخير
وهذي مشاركتي الأولى على الصورة الأولى (السكين) ...




الله لا يهينك ولا منك قصور=على طعونك يوم جتني طعونك
أدميتني بالجرح ما عندك شعور=وأنت الذي قد قلت : مقدر أخونك
عيشتني في عالم الكذب والزور= وخليت ناس(ن) فالمحبه يبونك
لكن .. بعد هذا ترا منت معذور=ولا عاد أحبك لا .. و لا أقدر أصونك

[خالد بن رمثان]

وهذي المشاركه الثانيه على الصورة الرابعه ..



كنا حبايب يوم كنا بزارين=واليوم كلن صار له بيت و عوال
و ضمة دفا تجمع قلوب المحبين=تاتي وتاخذنا سواليف (ن) طوال
والحين لا ضمه .. ولا نظره بعين=( يا عزتي) لي شلتها وسط موال
راحت ليالينا ومرت بنا سنين=وتفكيرنا في ذيك الأيام جوال

[فــلاح]

الســلام عليكم ورحمة الله وبركاته


عذرا ً على التأخير


ومحمد بن سعود حسبي الله عليك على ذالصوّر اللي هيضتناا فيهاا :)
http://alajman.net/up/uploads/71b350ebe9.jpg (http://alajman.net/up/)



حقيقه يوم شفت الصوره هذي كتبت قصيده كامله وبما ان شروط المسابقه تحتم عليناا عدم الزياده على الاربع ابيات لكم اربع ابيات من القصيده وراح انزل لكم القصيده كامله قريبا ً في صدى المشاعر .. :)



خلاص كل الغلأ والود فالقلب زال=من فعل يمناك يوم جروحي اهملتها

تعال باقي معي حاجه وخذها تعال=سكينك اللي بدم القلب خضبتهـّا

ما بي لذكراك شي يرد عمر الوصال=ولو تعتذر كامل اعذارك ما قمنتها

يحرم علي غير ظلك يالمفارق ظلال=وتحرم علي كان طعناته تساهلتها.
.
:)

[عــقــيــد]

اسمحلونا على التأخير وهذا بيتين بسيطه عساها تلاحق المستوى:
الصوره خامسه





قفّيت وتلي عهدي وامض عيونك=مغورقه فالدمع تغتال عبرى
وثــقـت ّ رجلي ويدي وقلـت دونك=مابور في عهدك ولا الجرح يبرى

[مناحي الصميل]

السلام عليكم ورحمة الله وبركاته


المشاركــه الـثـانــيــه ...

( والسموحه على التأخير ) !!


الصوره الثانيه :

http://alajman.net/up/uploads/a7bae7876d.jpg (http://alajman.net/up/)



الزمن حاكم علينا .. بالرحيل .! = ما تهمّه دمعتي .. ( او ) دمعتك . ؟!
من غيابك .. اسهر الليل الطويل = واتحرّى يا وليفي ... ( رجعتك ) .
وكلّ ما سرّتني الذكرى .. بـــ/ ليل ؟؟ = أمسح الدمعه .. ( وأخايل ) .. شمعتك . !!!


وعسى اني وفّقت في الأبيات .

[محمد العزام]

السلام عليكم العذر و السموحه على التاخير و هاذي مشاركتي الثانيه و انشالله تحوز على اعجابكم
انا اخترت صورة ( السكين ) صوره رقم (1)


ذبحت خلك يوم خنته و بعته=هو ما كفتك ازوال ذيك الجروحي
سكين غدرك بالحنايا ركزته=يوجع و لا من شلته تروح روحي