قصيدة كتبتها عجوز بعد أن اودعها أبنها في دار المسنين

[منصور الحيان]

حمدان يا حمدان . أمك توصيك
قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء الي يحرضون الاولاد على عقوق أمهاتهم
والدنيا دوارة
اترككم مع القصيده



_____________________________

ويـن انـت يـا حمـدان امـك تنـاديـك .. وراك مــا تسـمـع شكـايـا ونـدايـا



يا مسندي قلبي على الدوم يطريك .. ما غبت عن عينـي وطيفـك سمايـا



هـذي ثـلاث سنيـن والعيـن تبكيـك .. مـا شفـت زولـك زايـر يـا ضنايـا



تذكـر حياتـي يـوم اشيلـك واداريـك . . والاعبـك دايــم وتمـشـي ورايــا



ترقد على صوتي وحضني يدفيك .. مـا غيـرك احـدٍ ساكـن فـي حشايـا



واليا مرضت اسهر بقربك واداريك .. ما ذوق طعم النوم صبح ومسايا



يامـا عطيتـك مـن حنانـي وبعطيـك .. تكـبـر وتكـبـر بـالأمـل يــا منـايـا



لكن خساره بعتني اليـوم وشفيـك .. واخلصـت للزوجـه وانـا لـي شقايـا



انـا ادري انهـا قاسيـه مــا تخلـيـك .. قـالـت عـجـوزك مــا ابيـهـا معـايـا



خليتني وسط المصحه وانا ارجيك .. هـذا جـزا المعـروف وهـذا جزايـا



يـا ليتنـي خدامـة بيـن اياديـك . مــن شــان اشـوفـك كــل يــوم برضـايـا



مشكـور يـا ولـدي وتشكـر مساعيـك .. وادعــي لــك الله دايــم بالهـدايـا



حمدان يـا حمـدان امـك توصيـك .. اخـاف مـن تلحـق تشـوف الوصايـا



اوصيـت دكتـور المصحـه بيعطيـك .. رسالتـي واحروفـهـا مــن بكـايـا



وان مـت لا تبخـل علـي بدعاويـك .. واطلـب لـي الغفـران وهـذا رجايـا



وامطـر تـراب القبـر بدمـوع عينيـك .. مـا عـاد ينفـعـك الـنـدم والنعـايـا

------------------------------------------------------------------------

[سمان الهرج]

برررررررررررررري حالي وفووووووووح كبدي

اشهد انها تبكي وربي

لالالالالاهنت عالنقل المفيد

وعسى ان شاء الله تتحرك القلوب الميته

عسى ربي يكسبنا وياكم والمسلمين جميع رضا والدينا

لان رضا الله من رضا الوالدين

وعلى فكره..كل ذنب تسويه على وجه الارض وتاخذ جزاك بالدنيا ماتاخذه بالاخره

يعني مثلا:الزنا والعياذ بالله زنيت..ترجم حتى الموت خلاص لامت ورحت لربك ولا كانك زنيت..ليش؟لانك خذيت جزاك بالدنيا..

الاااااااااااااااااااااااااا العقوق

عقـــــــــــــــــوق الوالدين تاخذ جزاك بالدنيا وبالاخره..

امك ثم امك ثم امــــــــــــــــــــــــــــــــــــــــــك ثم ابوووووك

انتبهوا تكفوووووووووووووون العقوق العقوق هلاااااااااااااك


وهذي هي بالصوت والسموحه..

قصيدة عجوز في دار المسن (http://bent.alqsed.com/1/%de%d5%ed%cf%c9%20%da%cc%e6%d2%20%dd%ed%20%cf%c7%d 1%20%c7%e1%e3%d3%e4%20.3gp)

[منصور الحيان]

الله لايهينك على المرور