حبيبي وعوده ما تشابه وعد بلفور

[البليهي]

.
.


السلام عليكم ورحمه الله وبركاته

احب اهديكم هذي المتواضعه وارجو ان تحوز على رضاكم

وبصراحه انا ما ابخل على هذا المنتدى الغالي علي جدا باي قصيده كانت حتى لو كانت دون المستوى :)


صلوا على النبي







تماديت في هجري وانا اقول لك معذور=اقول الظروف اللي توديه بتردَه
وراحت سنه واقفت وراها ثلاث شهور=وصدتك يبن الناس ما بعدها صدَه
تعال اعترف لك بالغلا يا شبيه الحور=وشوف بعيونك مسكنك ماحدن سدَه
تعال اسكن بقلب(ن) غدا عقبكم مهجور=تلاعب به رياح الهوى نوب وتهدَه
مغير اتصبَر واتعبَر ولا به نور=يزيح الظلام ويبعد الباس والشدَه
ونا ما يسليني سوى شوفه المخبور=جميل المحيَا ريحه المسك من خدَه
ابو ضحكه(ن) تسحر ولو ماني بمسحور=عفيف الشرف ما شربوا الناس من عدَه
عليه احترق قلبي كما الخبز في التنور=تقلب على نار الجفا صار له مدَه
حبيبي وعوده ما تشابه وعد بلفور=وانا خابر العاشق حريص(ن) على وعده
وتالي عرفت انه ما يمشي على الدستور=ولا همه اللي مشتحن لعنبو جدَه
على الله على الله يا حبيبي تجي مجبور=عقب ما جرحت القلب والروح بالصدهَ

[اخو شيخه]

الله صح الله لسانك يالسنافي


تقبل تحياتي

[محمد بن دسمه]

الشحنه تذبح الرجال :)

صح الله لسانك ولاهنت نفداك

جزله .. عوايدك يالشيخ

[فهيد بن عصيدان]

^

اي بالـله اي بالـله :)



وتالي عرفت انه ما يمشي على الدستور
ولا همه اللـي مشتحـن لعنبـو جـدَه
على الله على الله يا حبيبي تجي مجبور
عقب ما جرحت القلب والروح بالصـدهَ


البليهي صح لسانك جدّا
مبدع ووافي

بس خلّ منّك العنجهيّه :)

[**الغالي**]

صح لسانك يالبليهي ولاهنت

[البليهي]

الله صح الله لسانك يالسنافي


تقبل تحياتي



صح بدنك ياخو شيخه



وشرفتنا يالغالي


.

[سعد بن بصيص ال فنيس]

الله الله

:
:

وصح السانك

:
:


والله لايهينك

:
:


وتقبل مروووري :)

[محمد العزام]

البليهي ارررحب تراحيب المطر و لا هنت على ذا القصيده و صح الله لسانك يا الغالي

ابو ضحكه(ن) تسحر ولو ماني بمسحور
عفيف الشرف ما شربوا الناس من عـدَه
مشالله عليك ... تقبل مروري

[ناصر بن فالح]

ول ول

صح لسااانك وبيض الله وجهك

:)

[مناحي الصميل]

البليهي

ابدااااع

صح الله لسانك مليون

ولا هنت

[انتحار]

وبصراحه انا ما ابخل على هذا المنتدى الغالي علي جدا باي قصيده كانت حتى لو كانت دون المستوى
طول عمرك كرييم
:)

وعد بلفوور زاايف يالبليهي..ولا انت مع التطبيع:)
..
صح بؤك
:)

[احمد بن جوفآن]

ارررررحب يالبليهي


.. صح لسانك يالامير ..

.. ومايجي منك غير الجزل طال عمرك ..

.. لاهنت يالشاعر على ذالجزله ..

[زبون كيمو]

صح لسانك يا البليهي

القصيدة ذي مارّة علي من قبل :)،، مدري ويني قاريها او سامعها؟:)

بروح اشيّك على ارشيف ملتقى الشعراء يمكن القاها هناك:)

[البليهي]

الشحنه تذبح الرجال :)

صح الله لسانك ولاهنت نفداك

جزله .. عوايدك يالشيخ



بن دسمه صح بدنك طال عمرك



والجزل مرورك

:)

.

[Najla]

عليه احترق قلبي كما الخبز في التنـور=تقلب على نار الجفـا صـار لـه مـدَه


صـح لساانـك يالبليهي ..

ولآهنـت ..

تحياتي لك .. نجلآ.,

[البليهي]

^

اي بالـله اي بالـله :)



وتالي عرفت انه ما يمشي على الدستور
ولا همه اللـي مشتحـن لعنبـو جـدَه
على الله على الله يا حبيبي تجي مجبور
عقب ما جرحت القلب والروح بالصـدهَ


البليهي صح لسانك جدّا
مبدع ووافي

بس خلّ منّك العنجهيّه :)


ارحب يبو محمد


صح بدنك طال عمرك


وعز الله شرفت القصيده بمرورك :)


وبالنسبه للعنجهيه غصب بخليها :)

.

[نـاصـر]

وتالي عرفت انه ما يمشي على الدستور=ولا همه اللـي مشتحـن لعنبـو جـدَه

يازين ذا الطرق وزودٍ عليه ذا المزيونه:)

البليهي مبدع مبدع

ليه مانزلتها من زمان !!

لمين مخبيها
:)

[جـْوُزيٌفُ الْعجٌميٍ]

وتالي عرفت انه ما يمشي على الدستور
ولا همه اللـي مشتحـن لعنبـو جـــــــــدَه

البليهي لآ هنت على ذا القصيده ..

جزل يآ البليهي ..

ولآ هنت وننتظر جديدكـ ..

[جرير]

حجز

يالبليهي


ولو انه متاخر

[البليهي]

صح لسانك يالبليهي ولاهنت


صح بدنك يالغالي



ولا انت

[البليهي]

الله الله

:
:

وصح السانك

:
:


والله لايهينك

:
:


وتقبل مروووري :)



سعد


صح بدنك


ولاهنت على المرور


:)

.

[البليهي]

البليهي ارررحب تراحيب المطر و لا هنت على ذا القصيده و صح الله لسانك يا الغالي

ابو ضحكه(ن) تسحر ولو ماني بمسحور
عفيف الشرف ما شربوا الناس من عـدَه
مشالله عليك ... تقبل مروري



صح بدنك اخي الغالي محمد العزام


ولاهنت على المرور المشرف



حياك الله يا محمد.

[البليهي]

ول ول

صح لسااانك وبيض الله وجهك

:)


ارسطو


صح بدنك


ولاهنت على المرور المشرق :)

.

[الوضحه]

تماديت في هجري وانا اقول لك معذور=اقول الظـروف اللـي توديـه بتـردَه
تعال اسكن بقلب(ن) غدا عقبكم مهجـور=تلاعب به رياح الهـوى نـوب وتهـدَه
مغير اتصبَـر واتعبَـر ولا بـه نـور=يزيح الظـلام ويبعـد البـاس والشـدَه
عليه احترق قلبي كما الخبز في التنـور=تقلب على نار الجفـا صـار لـه مـدَه
على الله على الله يا حبيبي تجي مجبور=عقب ما جرحت القلب والروح بالصـدهَ

امتعتني الصراحه بهالجزاله اللي مو غريبه عليك..

صــح لسانك مدد يالبليهي,,

ونتحرى ابداعاتك,,

ولاهنت..

[سعد بن سريّع]

.
.
.

البليهي صح لســـانك يا جزل


مغير اتصبّر واتعبـّر ولا به نور = يزيح الظلام ويكشف الباس والشدّه

احسنت يالشيخ ابدعت

لا تحرمنا من تواصلك وجديدك



دمت بخير

الغناوي

[فــلاح]

ياسلام ياسلام



مبــدع يا البليهي

قصيــده جزله ولاهنــت عليهاا


ولاعااد تبطي عليناا تراا نشفق لقصيـدك :)



صــح ألســانك مدد وبلا عدد

[البليهي]

البليهي

ابدااااع

صح الله لسانك مليون

ولا هنت


مناحي


ارحب :)


صح بدنك

ولاهنت على المرور

.

[البليهي]

طول عمرك كرييم
:)

وعد بلفوور زاايف يالبليهي..ولا انت مع التطبيع:)
..
صح بؤك
:)



وانت تستاهل :)



وعد بلفور يا سيد انتحار صار حقيقه وهذي فكره البيت :)


والا انا مع اخوانا الزلمات :)



صح بدنك و شرفت القصيده بطلتك البهيه :)

[سعد بن ثقل العجمي]

أهلا بالشاعر البليهي


نصٌ رائق ماتع رائع

وجميلةٌ هي روح التجديد في قولك

حبيبي وعوده ما تشابـه وعـد بلفـور
وانا خابر العاشق حريص(ن) على وعده


على أن العرب قديماً كان يضربون المضرب في إخلاف الوعد بقولهم

: فلانٌ مواعيده مواعيد عرقوب

ومن ذلك قول كعب بن زهير بن أبي سلمى المزني

في قصيدته البرده التي مدح فيها الرسول وتشبب في أولها (أي تغزل)

فكان مما قاله يذكر إخلاف حبيبته سعاد لوعدها

كانت مواعيد عرقوبٍ لها مثلاً

وما مواعيدها إلا الأباطيل


كل الشكر لقلبك وإبداعك

وأنا بالقرب استمتع

[أبوناصر العبداني]

ارحبووووو ياوجه آل عبدان




وش ذا الزييييييييييييييييييييييييين


وقصيدك كله مستواه فوق النجووووم ياحزامي



صح لسانك



يالبليهي

[الجلمود]

البليهي

ابدااااع

صح الله لسانك مليون

ولا هنت

[حمود بن فطيس]

صح السانك يالبليهي

وبيض الله وجهك على ذالدره


تقبل تحيات مودعك



حمود بن فطيس

[البليهي]

ارررررحب يالبليهي


.. صح لسانك يالامير ..

.. ومايجي منك غير الجزل طال عمرك ..

.. لاهنت يالشاعر على ذالجزله ..



تبقى يبن جوفان



صح بدنك طال عمرك



وما عليك زود وعز الله شرفت الموضوع بمرورك

.

[البليهي]

صح لسانك يا البليهي

القصيدة ذي مارّة علي من قبل :)،، مدري ويني قاريها او سامعها؟:)

بروح اشيّك على ارشيف ملتقى الشعراء يمكن القاها هناك:)



صح بدنك يا زبون كيمو




مافهمت شنو قصدك بالضبط ؟:)


على العموم حياك الله وبياك


واستر على ما واجهت:)

[البليهي]

عليه احترق قلبي كما الخبز في التنـور=تقلب على نار الجفـا صـار لـه مـدَه


صـح لساانـك يالبليهي ..

ولآهنـت ..

تحياتي لك .. نجلآ.,




نجلا النواعس


صح بدنش



ولاهنتي على المرور العذب



حياش الله

.

[كرباج]

ابو ضحكه(ن) تسحر ولو ماني بمسحور
عفيف الشرف ما شربوا الناس من عـدَه

البليهي سجل اعجابي الشديد بشاعريتك


صح السانك طال عمرك

[العجمي كوم]

السلام عليكم ورحمة الله وبركاته
..
..
صح لسانك يالمبدع

وبيض الله وجهك

والله يعطيك العااافية ... وشكرا

[سعود الجوفان]

صح لسانك يالبليهي

ولو إني وقفت عند الشطر اللي تقول فيه

( وانا خابر العاشق حريص(ن) على وعده )

لاحظت عدم وجود الشدَّه في كلمة .. وعده

مدري توافقني بذالملاحظه يالشيخ :)

لاهنت على النص الفاخر

تحيتي

[الــشــآمــخ]

صـــح لـــســـآآآنكـ واعتلىى شــــــآنكـ ..


لا هــنت علىى الابداااع ...



تقبل مروري وتحياتي ،،

[البليهي]

صح لسانك يالبليهي

ولو إني وقفت عند الشطر اللي تقول فيه

( وانا خابر العاشق حريص(ن) على وعده )

لاحظت عدم وجود الشدَّه في كلمة .. وعده

مدري توافقني بذالملاحظه يالشيخ :)

لاهنت على النص الفاخر

تحيتي



هلا بك يا شاعرنا :)



انا ما اوافقك على رايك


طبعا بتنشدني ليه وانا بدوري رح اجاوبك :)


لاني يا طويل العمر ومحفوظ السلامه ملزم باخر حرفين فقط

اللي هي ( ده )

سواء بشده والا من غير شده


لانها مع الشده تعتبر ثلاث احرف ( دده)


وانا ملتزم باخر حرفين


وفي بعض النقاد يرون انه لامانع من الالتزام باخر حرف اذا كان اخر حرف ساكن :)



لاهنت يا شاعرنا الكبير على الملاحظه وننتظر طلاتك الحلوه


وياهلا بك هلا
.

[البليهي]

وتالي عرفت انه ما يمشي على الدستور=ولا همه اللـي مشتحـن لعنبـو جـدَه

يازين ذا الطرق وزودٍ عليه ذا المزيونه:)

البليهي مبدع مبدع

ليه مانزلتها من زمان !!

لمين مخبيها
:)




ناصر


ارحب تراحيب المطر


مرورك وتعليقك بحد ذاته نجاح للقصيده :)



وكنت مخبيها لنفسي فقط وقلت اخليكم تشاركوني مشاعري <<< شفيه :)


مرحبا بك ومسهلا

.

[سعود الجوفان]

البليهي

صدقني القصيده فاخره

لذلك دونت ملاحظتي .. لو تلاحظ ردودي على اغلب الشعار

وبعض القصايد المكسره .. تلقى فيها شوي من العبور والمجامله

لكن من جمال قصيدتك .. قلت في قرارة نفسي لازم أنوه :)
..

انت قلت ركزت على آخر حرفين .. ده

هذا يعني ..

دّه
دَه
دّه

شوف الـ دَ اللي بالوسط :)

هذا واحد

الشي الثاني .. تقول ( بعض النقاد )

لو تركز على بعض النقاد بتواجه خطأ يثير الشك

مادام فيه اختلاف من البعض الآخر

والخطأ .. بالتأكيد بيختلفون عليه

أما الصح .. لا يختلف عليه إثنان :)

البليهي .. مما لا شك فيه انت شاعر وقصايدك فاخره

ولا تحتاج لشهادتي

لكنني عند رأيي بوجود الخطأ ذاته

هذي وجهة نظري اتمنى انها ماتضايقك يالشيخ :)

آسف على الإطاله

تحيتي

[البليهي]

البليهي

صدقني القصيده فاخره

لذلك دونت ملاحظتي .. لو تلاحظ ردودي على اغلب الشعار

وبعض القصايد المكسره .. تلقى فيها شوي من العبور والمجامله

لكن من جمال قصيدتك .. قلت في قرارة نفسي لازم أنوه :)
..

انت قلت ركزت على آخر حرفين .. ده

هذا يعني ..

دّه
دَه
دّه

شوف الـ دَ اللي بالوسط :)

هذا واحد

الشي الثاني .. تقول ( بعض النقاد )

لو تركز على بعض النقاد بتواجه خطأ يثير الشك

مادام فيه اختلاف من البعض الآخر

والخطأ .. بالتأكيد بيختلفون عليه

أما الصح .. لا يختلف عليه إثنان :)

البليهي .. مما لا شك فيه انت شاعر وقصايدك فاخره

ولا تحتاج لشهادتي

لكنني عند رأيي بوجود الخطأ ذاته

هذي وجهة نظري اتمنى انها ماتضايقك يالشيخ :)

آسف على الإطاله

تحيتي



مافيه مضايقه يالغالي ولا شي



لان الشعر ماهو باكبر همي


اكتب ابياتي لمجرد الوناسه لا اكثر :)



على العموم لا تاخذ بكلامي

واسال لك شاعر معروف واذا قال لك ان الشطر خطا عطني خبر ولا تعلمه من انا ولا وين قريت القصيده عطه القصيده وبس وخله يقول رايه وبعدها اكتب لي اسم الشاعر
( علشان ياخذ راحته في اعطاء رايه ) وياليت يكون من الشعار الفاهمين


وما فيها شي الدنيا اخذ وعطى


بالعكس يمكن تكون معلومه جيده بالنسبه لي


وحياك الله يا سعود



ولا هنت على كل حال

.


ملاحظه / يوم اقول بعض النقاد لا تاخذ كلامي اني اقول لك الكلام هذا وانا مركز :)

اقوله وانا قاعد اتذكر ماده القراءات والنصوص الادبيه اللي بالجامعه وما اذكر بالضبط شنو كلامهم بالضبط بس حسب خبرتي المتواضعه انه لا باس في سرد الابيات والالتزام باخر حرفين فقط

[البليهي]

وتالي عرفت انه ما يمشي على الدستور
ولا همه اللـي مشتحـن لعنبـو جـــــــــدَه

البليهي لآ هنت على ذا القصيده ..

جزل يآ البليهي ..

ولآ هنت وننتظر جديدكـ ..


جوزيف العجمي


يشرفني انك تكون متواجد بقصايدي



وصح بدنك


وابشر بالجديد انشالله

.

[سعود الجوفان]

السلام عليكم ورحمة الله وبركاته

الاخ العزيز .. البليهي

احب ابين لك إني واثق من قدراتي كما اثق بالمراجع اللي موجوده عندي

وانا ماقلت لك عن ملاحظتي هذي الا من باب النصيحه

وانت عندما قلت

7
7


لانها مع الشده تعتبر ثلاث احرف ( دده)

وانا ملتزم باخر حرفين


هنا يبين لي إنك جاوبت على نفسك :)

او بالاحرى اعترفت بالخطا اللي ارتكبته

لانك على حسب كلامك تقول انك ملتزم بآخر حرفين فقط

والقصيده قافيتها كلها على ثلاث حروف .. ماعدا الشطر المذكور طبعا ,

بإعتبار ان آخر حرفين مع الشده سيصبح .. د د ه

وهنا بالاسفل إقتباس جايبه لك وماحبيت اجيب الرابط حتى لا ادخل في

متاهات بخصوص الدعايه لموقع آخر وانت عارف هالشي :)




عندما تكون القافيه مشدده ( المعزّه , حزّه , رزّه , كزّه .... الخ ) لايصح أن نستخدم معها كلمات مثل ( ركزه , فرزه , غرزه ....الخ ) لأن الأصل هو تناغم الموسيقى وليس الكتابه

فعندما يقول الشاعر

يا صاحبي والله يا لك معزّه /// في وسط قلبي والمخاليق تدري
رمحك بوسط القلب يا زين ركزه //// يا زين ركز الرمح في وسط صدري

نجد أن قافية الصدر كانت ( معزّه , ركزه ) وجميعها تنتهي بحرف الزاء والهاء ولكن تعتبر القافيه هنا خطأ , ولتوضيح السبب نقول أن القافيه في كلمة معزّه كانت ثلاثيه لأن الشدّه بمثابة الحرف ( م ع ز ز ه ,,, ر ك ز ه ) , ونلاحظ في قافية العجز ( تدري , صدري ) أن القافيه كانت ثلاثيه وهي أحرف الدال والراء والياء وهو إلتزام سليم ولا يدخل في قاعدة ( لزوم ما لايلزم ) والسبب في ذلك أننا نستطيع أن نجد قوافي عديده تلتزم بهذه الأحرف الثلاثه ( قدري , صدري , بدري , تدري , غدري , حدري .... الخ ) فإذا كانت القصيده لاتتجاز ابياتها ستة ابيات مثلاً يكون من الأولى أن التزم بهذه الأحرف الثلاثه , ولكن عندما تكون القصيده 15 بيت مثلاً عندها لايمكنني أن ألتزم بحرف الدال ويحوز لي حينها أن أكتفي بحرفي الراء والياء لتصبح القافيه ( صدري , كبري , عذري .......الخ )


للعلم إن الكلام ينطبق على عكس الصدر والعجز

:)

البليهي .. اتمنى اني من خلال هذا الإقتباس اكون وصلت لك المعلومه

مع اني طولت وخذيت شوط كبير بهذا الموضوع وهذا من دواعي سروري . :)

سبق وقلت لك اعجابي بالقصيده خلاني اعلق هنا ..

وانت حر يالغالي وسامحني على الاطاله

تحيتي

[البليهي]

سعود حياك الله


ولاهنت


وانا ما اعتبر نفسي شاعر وسبق ان قلت هذا الكلام



بغض النظر عن كلامك صحيح والا لا



مارح امشي عليه :)



لاني اللي يطري على بالي اكتبه


ولا لي نيه انشر


انا اكتب عشان استانس فقط



ولاهنت على اهتمامك وحياك الله

.

[البليهي]

حجز

يالبليهي


ولو انه متاخر


جرير حجزك اوكيك


باي لحظه


بس مانت درجه اولى













































لك طياره خاصه :)


حياك الله يا جرير

.

[البليهي]

تماديت في هجري وانا اقول لك معذور=اقول الظـروف اللـي توديـه بتـردَه
تعال اسكن بقلب(ن) غدا عقبكم مهجـور=تلاعب به رياح الهـوى نـوب وتهـدَه
مغير اتصبَـر واتعبَـر ولا بـه نـور=يزيح الظـلام ويبعـد البـاس والشـدَه
عليه احترق قلبي كما الخبز في التنـور=تقلب على نار الجفـا صـار لـه مـدَه
على الله على الله يا حبيبي تجي مجبور=عقب ما جرحت القلب والروح بالصـدهَ

امتعتني الصراحه بهالجزاله اللي مو غريبه عليك..

صــح لسانك مدد يالبليهي,,

ونتحرى ابداعاتك,,

ولاهنت..




الوضحه


وجودش ومرورش على القصيده يزيد من جمالها


وشهادتش وسام على صدري



الوضحه


فعلا اسعدني مرورش

فمان الله

[عبدالناصر آل عبدان]

ارحب يابومهدي



عليه احترق قلبي كما الخبز في التنـور
تقلب على نار الجفـا صـار لـه مـدَه
حبيبي وعوده ما تشابـه وعـد بلفـور
وانا خابر العاشق حريص(ن) على وعده






الله الله


صح الله لسانك واعتلا شانك


مايجي منك الا الجزله


تقبل

مروري


واعجابي


ودعتك الله

[البليهي]

.
.
.

البليهي صح لســـانك يا جزل


مغير اتصبّر واتعبـّر ولا به نور = يزيح الظلام ويكشف الباس والشدّه

احسنت يالشيخ ابدعت

لا تحرمنا من تواصلك وجديدك



دمت بخير

الغناوي


الغناوي

الابداع هو مرورك وتعليقك الرائع


والابداع ماهو غريب عليك فانت شاعر عذب


مرحبابك يالغناوي

[أبوجواهر]

.
.


السلام عليكم ورحمه الله وبركاته

احب اهديكم هذي المتواضعه وارجو ان تحوز على رضاكم

وبصراحه انا ما ابخل على هذا المنتدى الغالي علي جدا باي قصيده كانت حتى لو كانت دون المستوى :)


صلوا على النبي







تماديت في هجري وانا اقول لك معذور=اقول الظروف اللي توديه بتردَه
وراحت سنه واقفت وراها ثلاث شهور=وصدتك يبن الناس ما بعدها صدَه
تعال اعترف لك بالغلا يا شبيه الحور=وشوف بعيونك مسكنك ماحدن سدَه
تعال اسكن بقلب(ن) غدا عقبكم مهجور=تلاعب به رياح الهوى نوب وتهدَه
مغير اتصبَر واتعبَر ولا به نور=يزيح الظلام ويبعد الباس والشدَه
ونا ما يسليني سوى شوفه المخبور=جميل المحيَا ريحه المسك من خدَه
ابو ضحكه(ن) تسحر ولو ماني بمسحور=عفيف الشرف ما شربوا الناس من عدَه
عليه احترق قلبي كما الخبز في التنور=تقلب على نار الجفا صار له مدَه
حبيبي وعوده ما تشابه وعد بلفور=وانا خابر العاشق حريص(ن) على وعده
وتالي عرفت انه ما يمشي على الدستور=ولا همه اللي مشتحن لعنبو جدَه
على الله على الله يا حبيبي تجي مجبور=عقب ما جرحت القلب والروح بالصدهَ




رووووووووووووووووووعه و ابداااااااااااااااااااااااع

ذووووووووووووووووووق و جزااااااااااااااااااااااااله


بيض الله وجهك ولا هنت على هالابداع وفي أنتظار جديدك
وتقبل مروري ,,,,,,,,,,, :)

[عبير]

حبيبي وعوده ما تشابـه وعـد بلفـور
وانا خابر العاشق حريص(ن) على وعده
وتالي عرفت انه ما يمشي على الدستور
ولا همه اللـي مشتحـن لعنبـو جـدَه


الفاضل البليهي .
قصيدة رائعه وغير مستغرب منك
وأنت قادر على أن تتفادا "اللعن"
لاهنت

[^فتي الوادي المطنوخ^]

البليهي


صح السانك وسلم فكرك


شاعر مبدع رغم الازمة التى تمر بها الذائقة



لك كل التقدير

[البليهي]

ياسلام ياسلام



مبــدع يا البليهي

قصيــده جزله ولاهنــت عليهاا


ولاعااد تبطي عليناا تراا نشفق لقصيـدك :)



صــح ألســانك مدد وبلا عدد



طويق

مرحبا بك ومسهلا


ومرورك هو الابداع


اطراءك اسعدني

وياهلا وميه هلا

[^فتي الوادي المطنوخ^]

البليهي



مبدع وجزل



صح السانك




تحياتي

[المربوعه]

اما كذا والا بلاش صح لسانك يالبليهي قصيده روعه
على الله على الله ياحبيبي تجي مجبور عقب ماجرحت القلب والروح بالصده
ياسلام يالبليهي لا هنت

["اعتذار"]

مساك / صباحك عطر هناااا إبداع عانق القمة ,,,


حروف تلألأت في أفق الجزالة ,,,

احساس متمكن من الترجمة الصادقة,,,


البليهي لا هنت " متألق دائماااااا"

لك خالص التقدير

دمت كماااا أنت " ذرب"

[البليهي]

أهلا بالشاعر البليهي


نصٌ رائق ماتع رائع

وجميلةٌ هي روح التجديد في قولك

حبيبي وعوده ما تشابـه وعـد بلفـور
وانا خابر العاشق حريص(ن) على وعده


على أن العرب قديماً كان يضربون المضرب في إخلاف الوعد بقولهم

: فلانٌ مواعيده مواعيد عرقوب

ومن ذلك قول كعب بن زهير بن أبي سلمى المزني

في قصيدته البرده التي مدح فيها الرسول وتشبب في أولها (أي تغزل)

فكان مما قاله يذكر إخلاف حبيبته سعاد لوعدها

كانت مواعيد عرقوبٍ لها مثلاً

وما مواعيدها إلا الأباطيل


كل الشكر لقلبك وإبداعك

وأنا بالقرب استمتع



سعد بن ثقل

مرور جميل واضافه رائعه

حياك الله شاعرنا القدير

وياهلا

[البليهي]

ارحبووووو ياوجه آل عبدان




وش ذا الزييييييييييييييييييييييييين


وقصيدك كله مستواه فوق النجووووم ياحزامي



صح لسانك



يالبليهي


بو ناصر

ارحب تراحيب المطر


مرورك اكبر شرف لي يالامير

تسلم على المرور والتعليق الرائع

وياهلا

[البليهي]

البليهي

ابدااااع

صح الله لسانك مليون

ولا هنت



ارحب يالجلمود

الابداع مرورك يالشيخ


وصح بدنك

[البليهي]

صح السانك يالبليهي

وبيض الله وجهك على ذالدره


تقبل تحيات مودعك



حمود بن فطيس



بن فطيس

صح لسانك

وبيض الله وجهك على المرور الرائع


ياهلا

[البليهي]

ابو ضحكه(ن) تسحر ولو ماني بمسحور
عفيف الشرف ما شربوا الناس من عـدَه

البليهي سجل اعجابي الشديد بشاعريتك


صح السانك طال عمرك



كرباج

مرحبا بك ومسهلا


وشهادتك وسام على الصدر لانها جات منك


وياهلا:)

[البليهي]

السلام عليكم ورحمة الله وبركاته
..
..
صح لسانك يالمبدع

وبيض الله وجهك

والله يعطيك العااافية ... وشكرا



ارحب يا نواف


صح بدنك وبيض الله وجهك على المرور المشرف


.

[البليهي]

صـــح لـــســـآآآنكـ واعتلىى شــــــآنكـ ..


لا هــنت علىى الابداااع ...



تقبل مروري وتحياتي ،،

صح بدنك يالشامخ


وانت فعلا شامخ في مرورك وتعليقك



ياهلا

[البليهي]

ارحب يابومهدي



عليه احترق قلبي كما الخبز في التنـور
تقلب على نار الجفـا صـار لـه مـدَه
حبيبي وعوده ما تشابـه وعـد بلفـور
وانا خابر العاشق حريص(ن) على وعده






الله الله


صح الله لسانك واعتلا شانك


مايجي منك الا الجزله


تقبل

مروري


واعجابي


ودعتك الله


بو حمد


اررررررحب :)


لبى المرور وراعيه

مرورك يزيد من حلاوه القصيده


صج بدنك


ومرحبا بك ومسهلا

[البليهي]

رووووووووووووووووووعه و ابداااااااااااااااااااااااع

ذووووووووووووووووووق و جزااااااااااااااااااااااااله


بيض الله وجهك ولا هنت على هالابداع وفي أنتظار جديدك
وتقبل مروري ,,,,,,,,,,, :)


بو جواهر


ارحب ثم ارحب :)


ومرورك صدقني اسعدني اكثر مما تتصور


ونتمنى نشوفك في المنتدى عما قريب انشالله


وياهلا

[البليهي]

حبيبي وعوده ما تشابـه وعـد بلفـور
وانا خابر العاشق حريص(ن) على وعده
وتالي عرفت انه ما يمشي على الدستور
ولا همه اللـي مشتحـن لعنبـو جـدَه


الفاضل البليهي .
قصيدة رائعه وغير مستغرب منك
وأنت قادر على أن تتفادا "اللعن"
لاهنت




عبير


وجود متابعين مثلش يسعدني


صح بدنش ولا هنتي

[غصن الذهب]

صح لسانك ملايين


دائما متمكن ومبدع


نتابعك باستمرار

[البليهي]

اما كذا والا بلاش صح لسانك يالبليهي قصيده روعه
على الله على الله ياحبيبي تجي مجبور عقب ماجرحت القلب والروح بالصده
ياسلام يالبليهي لا هنت


المربوعه


حياش الله على هلاطلاله الحلوه


ولاهنتي

[البليهي]

مساك / صباحك عطر هناااا إبداع عانق القمة ,,,


حروف تلألأت في أفق الجزالة ,,,

احساس متمكن من الترجمة الصادقة,,,


البليهي لا هنت " متألق دائماااااا"

لك خالص التقدير

دمت كماااا أنت " ذرب"


اعتذار

مرور راقي وذرب :)


صح بدنك ولاهنت على المرور والاشاده