أبو الوليد (يستودعكم الله)

[أبو الوليد]

أخواني إدارة وأعضاء منتدى العجمان

أنا والله العظيم يعز علي فراقكم لأني من جد تعودت عليكم ورغم أني اعيش

بعيد عن الاهل والربع الا ان المنتدى كان بالنسبة لي العوض




تحياتي للجميع

سعود الحبيشي




إلى فهد الحبيشي وشامان الحبيشي


يمنى بلا يسرى تراها ضعيفه=ورجل (ن) بلا ربعن على الغبن صبّار

والطير بالجنحان محلا رفيفه=واليا انكسر حدا الجناحين ما طار

[راكان اليامي]

افا يالعلم وينك غادي يابو الوليد:(

اذا كانت ضورف خاصه وبتروح لااهلك فبصرك ودربك سمح
اما اذاكان في خاطرك شي فهذا الشي اللي مانباه


ياليت تعطينا اسباب الرحيل



اخيك

[بخـــــــــــوت]

وليه ابو الوليد سلا مااات

المنتدى والله بيفقد امثاالك

نشوفك على خيرر اخوي



بخــــــــــوت

[هند]

السلام عليكم ورحمة الله وبركاته

( أبو الوليد )
ليه بتترك المنتدى ،
إعتدنا على وجودك بيننا أخ نكن له كل احترام وتقدير ،
أتمنى أن تعدل عن رأيك ،
وإن كانت ظروف ، إن شاءالله تنتهي على خير


في انتظارك دوماً


أختك ،
السؤدد

[ابو خالد]

افا والله ابو اليد وشذل علم

يهون عليك تروح وتخلينا

اتمنى انك تعدل عن قرارك وترجع لنا

واتمنى انك توضح الاسباب

لانك ما تهون علينا يا سعود

[أم ثامر]

يعز علينا فراقك يابوالوليد...بس إن كانت للرجوع لأهلك فماعليه...تمنياتي لك بالتوفيق الدائم إنشاالله...

[الأدوح]

افا
افا
افا
افا
افا
افا
لــــــــــــــيه
كذا
يابو الوليد
تخلي لابتك
وعزوتك
بلا اتصال
ان كان ذهابك برجعه
بنسمحلك
وان كنك تبي تخلينا ترانا
مانخلي رفيقنا الطيب

تحياتي لك
الأدوح الشامري

[شادن]

ابو الوليــــــــــــــــــــــــــــــد

علامك ياكل الغلا وش اللي صار لا مستحيل نوافق على هالشي

طيب اذا رحت انت مع مين انا بتهاوش

لا تكفى فديتك فكر وراجع نفسك ـــــــــــــــــــــــــ> حيل حزنتها:(

[ابوتركى]

لالالالالالالالالالا يابو الوليد اذا كان عذرك بشغل مو معناها انك

تلغى عضويتك بالمنتدى ولااعتقد انك راح تستغنى عن النت

على العموم حنا بانتظارك وانشالله غيبتك ماطول ومهما يكن

السبب ترى مو حل انك تتركنا وحنا بانتظارك ياابو الوليد

[ابوحمد الشامري]

ليه يا ابو الوليد وش اللي مضايقك وترى انا خابر انك وسيع صدر وغلاك ماهوب اللي تسطره ذا الكلمات ولا وش قصدك من ذا الابيات يا السنافي:


يمنـى بـلا يسـرى تراهـا ضعيفـه=ورجل (ن) بلا ربعن على الغبن صبّار
والطيـر بالجنحـان محـلا رفيـفـه=واليا انكسر حدا الجناحين مـا طـار

وجهت ذا الابيات لي بني عمي وعمك ال حبيش فقط من دون ربعك وبني عمك. والعجمان ويام كافه ليه ماهوب ربعك يا السنافي ولا انت شايف غير ذا الشيء وترى كلامك هذا يوجع ولاهوب حق منك تقول ذا الكلام وتخصه للاخوان ونعم فيهم وهم ( فهد-وشامان) وشهادتي فيهم مجروحه وهم يعرفون ذا الشيء بس انك تخصهم في ذا الابيات يحمل علامات إستفهام كثيره يا السنافي؟؟؟؟؟
ولا توقعت انك تقول ذا الكلام وبعد الاخوان والاخوات اللي في المنتدى يعتبرون ربعك بحكم الصداقه في المنتدى.
وترى كلامك هذا يمكن طاف على الجماعه بس ما طاف علي يا ابو الوليد.
وظلمتنا بذا الكلام وظلمت نفسك:

وظلم ذوي القربى أشد مضاضة=على النفس من وقع الحسام المهنّد

[راكان اليامي]

هلا والله يابو الوليد والله انا رديت عليك ولا انتبهت للبيت اللي كاتبه

افا والله يابو الوليد يعني ماحن بقد المقام ؟؟

انت يوم خصصت بني عمك كانك تقول حنا محن بكفو

ولا يهون شامان ولا فهد
بس اللي يقرا ذالبيت يقول ان حن منزلين في قدرك وحن ماحن بكفو لك

والله ان كلامك حز بخاطري يابو الوليد
بس الله يسامحك


سبيتنا سب(ن) على غير برهان= ما يستوي هذا لزبن العشيره

الذم ما يهفي للاجواد ميزان=والمدح ما يرفع يدين(ن) قصيره

[كويتي]

ابو الوليـــد يا اخي كنــت قبــل لا تكتــب الموضوع هذى عطني
خبـــر خبري فيك كل شي تسألني فيه الى هذى الموضوع طلعت
وماعلمتني بس تصدق اذى طلعت وخليت المنتدى مافيك خيــر والله

على العموم انا ناطرك واتمنا اذى دشيت اقل شي دش على بالماسنجر
ابيـــك ،،

بنتظــارك..

[فيصل بن حجرف]

السلام عليكم
الاخ ابو الوليد اتمنى ان يكون المانع خير

ولكن مانقول الا ان شالله تعدل ضروفك ونشوفك معانا من جديد

تحياتي

[العماني]

[QUOTE]كاتب الرسالة الأصلية السؤدد
[B][color=0033CC][align=center][size=4][font=Times New Roman]السلام عليكم ورحمة الله وبركاته

( أبو الوليد )
ليه بتترك المنتدى ،
إعتدنا على وجودك بيننا أخ نكن له كل احترام وتقدير ،
أتمنى أن تعدل عن رأيك ،
وإن كانت ظروف ، إن شاءالله تنتهي على خير


في انتظارك دوماً



العماني،،

[السلاطين]

أبــــو الولـــــــيد

يقـــــولــــون الغــــالي يتغـــــلى

ويقــــولـون اللي يتغــلى يخــــلى

أنـــت عـــزيــز وخـــروجك عزيـــز

أمـــا البيــتين اللي ذكــــرت فرأيـي

أنـــك ما ســندتــها لفهـــد و شــامان

إلا أحــــد أمـريـــن : إمـــا أنــــكم

دخلتــــم المنتــــدى وأنتـم تعرفــون بعـــــض

و هـــذا نعــــذرك علــيه بأبيــــاتك

و إلا إن وراء الأكمــــة مــا وراءهــا

( مثل توديع جماعي للمنتــدى )

و هــذي ما تجــــي منــــــــــــــك.

ويجــب على الإدارة مراجعة اللي زعل

ابوالوليد ( أكيد مشرف مزعلك ـ شفت

الإشاعات بـدأت تنتشــر ).

والواحــد ما يستفزع بالقريبــين إلا

يبي الفزعـــة وكلنـا جاهزيــن ، بس

بالحــق.....والإدارة صدورهم مفتوحة

بعد و ش تبـــي

[مـحمـد]

السلام عليكم
الاخ ابو الوليد اتمنى ان يكون المانع خير

ولكن مانقول الا ان شالله تعدل ضروفك ونشوفك معانا من جديد

والاخوان .. الاخ رجل لاتعاتبونه على ابيات شارده يمكن مو القصد

تحياتى العجمي
ALAJMI

[كويتيه]

بو وليد افا ليش؟؟؟؟؟؟؟؟؟

يعني اذا انت بتروح حق اهلك و ترجع مو مشكله قول برب :) بنقولك تروح و ترد بالسلامه و بننطرك.. .. بس جذي تروح و مع السلامه وتودع توحي انك ماراح ترجع للمنتدى ابد؟؟؟؟؟؟؟ من صجك؟؟؟

الله يوفقك يارب بس والله نتمنى انه نشوفك مره ثانيه بيناا..

اختك: كويتيه

[الحر النداوي]

افا يابووليد

تنخي الحبيش وعلى من؟ على عيال عمك!

ترى الدنيا ماتسوى واناخوك راجع نفسك صحيح انا جديد عليكم في المنتدى

لاكن والله حبيتك من ردودك على المشاركات واتمنا منك عدم الاستعجال في هذا

القرار

اخوك الحرالنداوي

[غــ الديارــريب]

اخي الفاضل /ابو لوليد

بأسم اخواني واخواتي في منتديات العجمان

أقول لك
كم هو صعب فراقك علينا بعد هذا المشوار الطويل وبعد ان تغلغلت

وسكنت بمحبتك

وبعبير همساتك

ونفحات مشاعرك

واحساسك الجميل

وتواصلك الراائع

في قلوبنا جميعا0

والله لا يجيب العتب والزعل بين الأحباب وانت تبقا غالي 0

ولك منا كل التقدير والاحترام على ما خطتة أناملك في سبيل الرقي والتميز في هذا المنتدى0

وفاح بأريج قلبك الممزوج بصفاء والمودة وكلنا امل ان تزول هذاه الضروف

وتبفا معنا في منتداك

اخوك الذي لن ينساك

غــــــــــ الديــــــــــــــارـــــــــــريب

[بنت راكــــان]

لا تقول حيل وانااختك

قل الى لقاء قريب

وانشاء الله اول ماتتعدل ضروفك ترد لنل بالسلامه

في امان الله

[روووووعه]

لا تقول حيل وانااختك

قل الى لقاء قريب

وانشاء الله اول ماتتعدل ضروفك ترد لنل بالسلامه

في امان الله

رووووووعه,,

[اليامي]

السلام عليكم
الاخ ابو الوليد اتمنى ان يكون المانع خير

ولكن مانقول الا ان شالله تعدل ضروفك ونشوفك معانا من جديد

وفي انتضارك

[فهدالعجمي]

السلام عليكم

اخي وابن عمي ابو الوليد

توديعك للمنتدى بدون ابداء اي سبب مرفوض


واذا حصلت لك مشكله في المنتدى فاكيد الاداره وعلى راسها ابو عبدالله
وابو فيصل بحلونها فانت من الاعضاء المميزين واللي نهض المنتدى بسببهم

(أمـــا البيــتين اللي ذكــــرت فرأيـي

أنـــك ما ســندتــها لفهـــد و شــامان

إلا أحــــد أمـريـــن : إمـــا أنــــكم

دخلتــــم المنتــــدى وأنتـم تعرفــون بعـــــض

و هـــذا نعــــذرك علــيه بأبيــــاتك

و إلا إن وراء الأكمــــة مــا وراءهــا

( مثل توديع جماعي للمنتــدى )

هذا ردك اخي السلاطين

انا وابو الوليد نعتبر من الاعضاء القدامى نسبيا ولم اعلم انه ينتمي الى الفخذ
الذي انتمي اليه الا من موضوعه هذا وحتى الاخ شامان لم اعلم انه من فخذي الى من كتاباته... فارجوا انك تحسن الظن

اخوكم فهد

[شامان]

السلام عليكم ورحمة الله وبركاته

الأخ العزيز ابو الوليد

أنت من الأعضاء الذين لهم مكانه في المنتدى ولك كل الأحترام والتقدير

عند جميع الأعضاء وهذا ما لاحظته من تفاعل الأعضاء مع ردودك ومواضيعك .

وبالنسبه للأبيات التي كتبتها فأنت وضعت علامات أستفهام كثيره عند القاريء

وأعتقد بأن الكثير من الأخوه والأخوات أعتقدوا من الأبيات المكتوبه

بأن ابو الوليد لا يهمه في هذا المنتدى سوى شامان أو فهد وأنا أجزم

بأن هذا غير صحيح لأنني من الأساس لا أعلم بأنك حبيشي .

أو ساورهم الشك بأن هناك مشكله بين فهد وشامان من جهه

وبين ابوالوليد من جهه وهذا ما كدر خاطري من الأبيات

لأنني لا أسمح لنفسي بأن أترك أثر سيء عن نفسي عند أي

أنسان سواءا كان أبن عمي أو عند شخص غريب .

الأخ ابو الوليد أتمنى أن تراجع نفسك فجميع الأخوه والأخوات

يحزنهم بأن تبتعد عنهم ، أتمنى من كل قلبي أن لا تبتعد .

تحياتي

[اطياف الماضي]

ابو الوليد

انت بصراحة من الناس اللي لهم مكانتهم بينا في هالمنتدى ويعز علينا انك تروح وتخلينا

بس ان شاء الله انها بس مسألة وقت وترجع لنا

فارجو ان لاتطول فترة غيابك علينا

فنحن في انتظار ابو الوليد

تحيتي لك

[أبو الوليد]

الى كل الاخوان والاخوات اللي اسألواا عن ابو الوليد

احب اقولهم هذا والله العشم فيكم

واحب اقول حق راكان اليامي ياخوك اقرا االموضوع قبل ماترد

ولا تأثر عليك بعض الردود وانت اكبر من ذا الشئ وانا يوم اذكر

الابيات لغاية في نفسي بس انت شكلك تحب التأويلات وان الخلاف

اللي سبب تركي للمنتدى هو سوء فهم بيني وبين احد المشرفين

وانشالله ان الموضوع انحل