الإدعشري
13-06-2008, 08:56 PM
ض+ي+د+ا+ن= جزاله عذوبه
كمل جوازي مـن ختـوم النويصيـب=وأخـذت مـن عنـد المحافـظ بطاقـه
لو ماعطاني كان ماردنـي ((البيـب))=اليـا أرتكـى كـلٍ علـى مـخ ساقـه
أطمر من اللكزس وأطوح على الجيـب=ولا نيـب فالخفجـي عليمـي سواقـه
وإن مافهقت عصير ((رغوه)) فلا نيب=شـوق الهنـوف العيطمـوس الدقاقـه
بنـت الشيـوخ مفرقيـن الأصاحيـب=اللـي يعشقـون المـراجـل عشـاقـه
لعيونها تبـدي لـي الشمـس وتغيـب=ويلحق بهـا عمـري مـداه وغلاقـه
قلبي وفلذة كبـدي اللـي بـدا الشيـب=مـن يـوم ماصـار المواجـه شفاقـه
يا الهاجري ((مطلق)) كثير التراحيـب=في وجه ضيـفٍ قـام حظـه وساقـه
وضواه حظه مـن خيـار المعازيـب=والفـا علـى أهـل المرحبـا واللباقـه
ملفاه(( أبو ناصر )) قديـم التجاريـب=اللـي علـى الدنيـا وثيـق العـلاقـه
فـمشـيِّـدٍ ومثـبـتٍ بالأطـانـيـب=امروبـعٍ يـذري حجـابـه رواقــه
مـن بيـن ربـعٍ يكملـون المطاليـب=وكلٍ يسـوق الطيـب خـارج نطاقـه
((هواجـرٍ)) مايجهلـون المواجـيـب=ولا لهـم عقـب الهـجـوم انفهـاقـه
كبيرهـم سوالـفـه شـمّـخ النـيـب=لاسولـف الأحمـق علـوم الحمـاقـه
وأوسطهـم إن دارت عليـه الدواليـب=ماطـار بحقـوق الوفـا والصـداقـه
واصغيرهم لا أقبلت رحـب بترحيـب=خطـرٍ يسلبـق مرحـبـاه بطـلاقـه
يا صاحبي ((مطلق)) عطيب المضاريب=من قبـل لا يخلـي العراقـي عراقـه
لازم تجي لـو يزعلـون المناصيـب=لـو دونهـا مـوجٍ يهـول إصطفاقـه
البارحه مـن بيـن خضـر الهناديـب=غنـى حمـام الـورق علـى رواقـه
وعـدّا المغنـي نايفـات المراقـيـب=وعنـده علـى مبـدا الطويلـه لياقـه
والموهبـه ماهيـب تحتـاج تدريـب=والــذ شــيٍ فالحـيـاة الـذواقـه
ومن سلـم اللحيـه لبيـض العذاريـب=لابـد مانعطـيـه كــف الحـلاقـه
يا مطلق إرفعها عـن الشـك والريـب=ومن كب ((ما)) الحيضان ماعاد حاقـه
وانت الذي يرمي بك الظـن ويصيـب=وإلا الردي مالـه علـى الظـن طاقـه
ساسك عريب وراسك أطيب من الطيب=وأبيـك يـرخـي للثقيـلـه شقـاقـه
والبل ليـا اقفـت ماتجـي بالمناديـب=وحنـا علـى ماقيـل ربـع ورفاقـه
وأنا الخبير بسـوق عـوج المصاليـب=ومـن جـل ذودك ماتنـقـى دقـاقـه
نهبـت مفـرودٍ يعشـى علـى الذيـب=سلـف... ومردودهـا الحـول ناقـه
كمل جوازي مـن ختـوم النويصيـب=وأخـذت مـن عنـد المحافـظ بطاقـه
لو ماعطاني كان ماردنـي ((البيـب))=اليـا أرتكـى كـلٍ علـى مـخ ساقـه
أطمر من اللكزس وأطوح على الجيـب=ولا نيـب فالخفجـي عليمـي سواقـه
وإن مافهقت عصير ((رغوه)) فلا نيب=شـوق الهنـوف العيطمـوس الدقاقـه
بنـت الشيـوخ مفرقيـن الأصاحيـب=اللـي يعشقـون المـراجـل عشـاقـه
لعيونها تبـدي لـي الشمـس وتغيـب=ويلحق بهـا عمـري مـداه وغلاقـه
قلبي وفلذة كبـدي اللـي بـدا الشيـب=مـن يـوم ماصـار المواجـه شفاقـه
يا الهاجري ((مطلق)) كثير التراحيـب=في وجه ضيـفٍ قـام حظـه وساقـه
وضواه حظه مـن خيـار المعازيـب=والفـا علـى أهـل المرحبـا واللباقـه
ملفاه(( أبو ناصر )) قديـم التجاريـب=اللـي علـى الدنيـا وثيـق العـلاقـه
فـمشـيِّـدٍ ومثـبـتٍ بالأطـانـيـب=امروبـعٍ يـذري حجـابـه رواقــه
مـن بيـن ربـعٍ يكملـون المطاليـب=وكلٍ يسـوق الطيـب خـارج نطاقـه
((هواجـرٍ)) مايجهلـون المواجـيـب=ولا لهـم عقـب الهـجـوم انفهـاقـه
كبيرهـم سوالـفـه شـمّـخ النـيـب=لاسولـف الأحمـق علـوم الحمـاقـه
وأوسطهـم إن دارت عليـه الدواليـب=ماطـار بحقـوق الوفـا والصـداقـه
واصغيرهم لا أقبلت رحـب بترحيـب=خطـرٍ يسلبـق مرحـبـاه بطـلاقـه
يا صاحبي ((مطلق)) عطيب المضاريب=من قبـل لا يخلـي العراقـي عراقـه
لازم تجي لـو يزعلـون المناصيـب=لـو دونهـا مـوجٍ يهـول إصطفاقـه
البارحه مـن بيـن خضـر الهناديـب=غنـى حمـام الـورق علـى رواقـه
وعـدّا المغنـي نايفـات المراقـيـب=وعنـده علـى مبـدا الطويلـه لياقـه
والموهبـه ماهيـب تحتـاج تدريـب=والــذ شــيٍ فالحـيـاة الـذواقـه
ومن سلـم اللحيـه لبيـض العذاريـب=لابـد مانعطـيـه كــف الحـلاقـه
يا مطلق إرفعها عـن الشـك والريـب=ومن كب ((ما)) الحيضان ماعاد حاقـه
وانت الذي يرمي بك الظـن ويصيـب=وإلا الردي مالـه علـى الظـن طاقـه
ساسك عريب وراسك أطيب من الطيب=وأبيـك يـرخـي للثقيـلـه شقـاقـه
والبل ليـا اقفـت ماتجـي بالمناديـب=وحنـا علـى ماقيـل ربـع ورفاقـه
وأنا الخبير بسـوق عـوج المصاليـب=ومـن جـل ذودك ماتنـقـى دقـاقـه
نهبـت مفـرودٍ يعشـى علـى الذيـب=سلـف... ومردودهـا الحـول ناقـه