ارحبو ياجماعه من بغا اللعب يقدم

[بن حسيان العازمي]

الطاروق الصيافي يسمونه طاروق صياف نسبه للشاعر صياف الحربي رحمه الله لكثرة مايلعب عليه واظن انه معروف

زان يوم الملاقى زان يوم القصـــــيد***باغي اخذ لي جوله والليالي مديه

باغي اخذ لي علمن منه افيد استفيد***ولو تطول المعاني مانجيب الرديه

[فــلاح]

الله الله يابن حسيــّان



صــح ألســـانك ومبدأ كايف


<< عنده طاروق ولا ودّه يرد عليك

وفأنتظاار الشعاار



تحيــااتي

طويــــق :)

[علي أل فطيح]

ابن حسان صح لسانك وبانتظار الشعار

[بن حسيان العازمي]

صح ابدانكم وبنتظــــــــــــــــار الشعار

[ولد]

مرحبا مرحبا والعلم عندي وكيد ---السطر وسط راسي والرسن في يديه
قول ياعازمي من جولتك وش تريد ---ياعسى جولتك يالعازمي اجوديه

[محمد بن عرار]

مع الله ياشعار..


متابعين ومنتظرين.

تقبلوا مروري.

[بن حسيان العازمي]

مرحبا مرحبا والعلم عندي وكيد ---السطر وسط راسي والرسن في يديه
قول ياعازمي من جولتك وش تريد ---ياعسى جولتك يالعازمي اجوديه


ااااااااااااااااااااستلم@@@


والبقا بك ياولد جعل عمرك مــــــــديد_ _ _الرسن في يدينك زايدن في نديــــــه
جان عندك حساب البنك هات الرصيد_ _ _باغي اخذلي علمن منك وانته هنيه

[بن حسيان العازمي]

الله لايهينكم على المرور طويق وعلي ال فطيح والشامري بيض الله وجيهكم

[سلطااان العتيبى]

مع الله يالشعار لاهنتو



تقبلو مروري

[عزّام]

الله الله


واصلوا يشعار


والمتابعه مطلوبه منا

[ولد]

لاترجع سؤالك لاتعيد وتعيد==عارفين الحرار وعارفين الحديه
فاتحن عند بنكي لي رصيد جديد==لالفاني سواتك ذاخرن له هديه

[بن حسيان العازمي]

الله لايهنكم سلطان وعزام على المرور ولاتحرمونه من مروركم

[بن حسيان العازمي]

لاترجع سؤالك لاتعيد وتعيد==عارفين الحرار وعارفين الحديه
فاتحن عند بنكي لي رصيد جديد==لالفاني سواتك ذاخرن له هديه

هالله هالله هيه خلوووووها استلم ياولد@@@@@@

مانعيد السوالف مير اظنك بليــــــــد_ _ _الحرار امعروفه فالملاقى قويه

بنكك اللي فتحته دارعن به عبيـــد_ _ _قدمولي شاعرن غير هالمهمهيه

[ااالعصيمي]

لاهنتو يالشعار ومع الله



تقبلو مروري مع التحيه

[ولد]

اثر راسك رخو وانا احسبنه شديد==وما لفاك الا حقك ياصحيبي عليه
الله الله عليك شلون جبت القصيد==تجبر البيت يبغيلك تعلم شويه

[بن حسيان العازمي]

اثر راسك رخو وانا احسبنه شديد==وما لفاك الا حقك ياصحيبي عليه
الله الله عليك شلون جبت القصيد==تجبر البيت يبغيلك تعلم شويه

استلـــــــــــــــــــــــــــــــــــــــم@@@@
مايفك الحديد اليوم كود الحديد_ _ _حسنتك ياصحيبي كلبوها مسيــــــــه
الله اكبر ترانا نعرف اللي عنيد_ _ _بلغ اطويق ينظر في مساوي خويه

[ولد]

العذر منك خذتني الاشغال والدوام


وابشر بالعوض


وشرفني اللعب معك

[بن حسيان العازمي]

الله يوفقك بدنيتك وانا لي الشرف العب معاك والجايات اكثر انشالله

[sultan-alajmi]

الله الله
الله لايهينكم