سالم بن جلبان

[شامان]

السلام عليكم ورحمة الله وبركاته

هذي القصيده لسالم بن جلبان الحبيشي العجمي

وكان بعيد عن العجمان وتذكر ربعه وأرسل هذه القصيده .


يا راكب اللي ما يداني اللجاجه = أشقر عماني(ن) من الجيش مذعور

ما يدرج الجمال فوقه حداجه = فوقه شداد(ن) بأطيب القد ماسور

يشدي لهيق(ن) ذاير(ن) مع زراجه = مورد النسنوس والورك والزور

وإليا لفا العجمان مازيد حاجه = أهل بيوت(ن) كنها شمخ القور

يا ما غدا في وردهم من زناجه = ومن خير(ن) يرجعله العلم والشور

ويا ما كسوا عدوانهم من عجاجه = بدوان واللي يجعل الجص بالدور

والحر طار ولا بقى إلا الدجاجه = واللي بقى من عقبهم ذاك مثبور

ولا عاد لي من عقبهم ربع حاجه = يتلون صعصاع(ن) شجاع(ن) وممرور

ويا ما حلا بالصبح صوت الصجاجه = قبل صلاة الصبح مع شقت النور

والكل منا زايد(ن) أبتهاجه = كسب(ن) لنا والضد مقفي ومخسور
وسلامتكم

[الـــصـــعــــب]

شامان



لاهنت على القصيده وسلمت يمناك

وصح لسان سالم بن جلبان


تحياتي

المتميز

[اليامي]

لاهنت على القصيده وسلمت يمناك

وصح لسان سالم بن جلبان

والله يعطيك الف عافيه

[شامان]

المتميز واليامي

مرحبا ومسهلا بالجميع نورتوا الموضوع بحضوركم .

[حسايف]

لاهنت ياشامان

على القصيده الجزله ونبيك تعرفنا على سالم متى عصره وش يقرب


للشيخ جريس بن جلبان

[أبو الوليد]

لا هنت اخوي شامان

على القصيدة الجزلة

تحياتي لك

[شامان]

حسايف

يا هلا ومرحبا ونورتي الموضوع

المعروف بأن جريس عنده بنت ويقال ولست متأكدا بأن

جريس كان عنده اربع أبناء صغار وماتوا وهم في بداية سن الشباب .

ولكن المعروف بأن سلالة ال جلبان أستمرت عن طريق محمد بن جلبان شقيق

الشيخ جريس بن جلبان .

ولذلك فإن سالم بن جلبان من سلالة محمد بن جلبان

وبالنسبه للعصر الذي عاش فيه سالم بن جلبان فليس عندي

خبر أكيد عن هذا العصر .

[شامان]

كاتب الرسالة الأصلية أبو الوليد
لا هنت اخوي شامان

على القصيدة الجزلة

تحياتي لك

ـــــــــــــــــــــــــ

ولا أنت يا ابوالوليد

نورت الموضوع بحضورك يا ابوالوليد

[راكان اليامي]

وإليا لفـا العجمـان مازيـد حاجـهأهل بيـوت(ن) كنهـا شمـخ القـور
كفو والله

لاهنت ياذيب

[شامان]

كاتب الرسالة الأصلية راكان اليامي
وإليا لفـا العجمـان مازيـد حاجـهأهل بيـوت(ن) كنهـا شمـخ القـور
كفو والله

لاهنت ياذيب

ــــــــــــــــــــــــ

ولا أنت يا راكان .

نورت الموضوع بحضورك يا راكان

[فهدالعجمي]

لاهنت ياشامان على مواضيعك المميزه

وياليت تقولي منهم العوائل التي تنحدر من محمد ابن جلبان


اخوك فهد

[شامان]

كاتب الرسالة الأصلية فهدالعجمي
لاهنت ياشامان على مواضيعك المميزه

وياليت تقولي منهم العوائل التي تنحدر من محمد ابن جلبان


اخوك فهد

ــــــــــــــــــــــ

يا مرحبا ومسهلا بفهد العجمي

العوائل التي تنحدر من محمد بن جلبان طال عمرك .

محمد بن عامر بن جلبان وتوفي الله يرحمه ويغفر له ولم يعقب أحد من الأبناء

لأنه عقيم وكان مشهور بالكرم الله يسكنه الجنه .

وفهد بن عامر بن جلبان ولا زال موجود الله يعطيه طولت العمر

وعنده الكثير من الأبناء عسى الله يطول في عمارهم جميعا .

وال جلبان لم يبقى منهم حتى وقتنا الحاضر سوى فهد بن عامر بن جلبان

وأبنانه .

تحياتي يا فهد

[العماني]

صح لسان ابن جلبان وما ينلام دام ربعه العجمان.

مشكور اخوي شامان ولا هنت

تقبل تحياتي،،

[شامان]

كاتب الرسالة الأصلية العماني
صح لسان ابن جلبان وما ينلام دام ربعه العجمان.

مشكور اخوي شامان ولا هنت

تقبل تحياتي،،

ـــــــــــــــــــــــــــــ

يا مرحبا ومسهلا بالعماني

وما عليكم زود طال عمرك

[سياتل]

صح لسان الشاعر و لاهنت على النقل
و اسمحلي اوديها ديوان الشعر العام

[شامان]

كاتب الرسالة الأصلية سياتل
صح لسان الشاعر و لاهنت على النقل
و اسمحلي اوديها ديوان الشعر العام

ـــــــــــــــــــــــــــ

يا مرحبا بالأخ سياتل

مسموح طال عمرك .