المساعد الشخصي الرقمي

مشاهدة النسخة كاملة : لاحد يدخل الا اذا كان متواجد في امريكا هالايام

qataria
23-06-2004, 09:39 PM
الاخوان والاخوات....

ارجو انه ماتبخلون علي بنصيحتكم اذا كنتو تعيشون او تدرسون في امريكا...

حبيت اسأل عن الاوضاع الامنية في امريكا حاليا يعني هل الوضع يناسب للذهاب هناك للدراسة والالتحاق بالجامعات.....

خصوصا بعد حوادث قطع االرقاب اللي صارت مؤخرا....

يعني بالمختصر المفيد اخاف اروح ادرس ويقطعون رقبتي.....

افيدوني افادكم الله ....

اختكم ....
زبون كيمو
23-06-2004, 10:03 PM
النسوان ما يسافرن لحالهن
اما ان كنتي رايحة مع رجال محرم فلا تخافين
بس اهم شي انش تلبسين عباة راس وبوشية وصدقيني محد راح يقوولش شئ
لان الله يحميش
وشكرا
badr
23-06-2004, 10:11 PM
انا اخوى يدرس هناك وقال لى
ان فيه جمعات مسيحيه متعصبه تخطف المسلمين وتذبحهم

ولكن بالنسبه للخليجى اذا ابرز هويته بس يكتفون بقطع اذانيه الثنتين

وبالنسبه للبنات يكتفون بقطع اذن وحده

فلاتخافين اختى روحى بس احسن مدينه للعرب والمسلمين اهى شيكاغو وبعدها نيويورك
فحاولى تخذين فى احد المدنيتين
كويتيه
23-06-2004, 10:18 PM
@@
بدر من صجك انت؟؟؟؟.. انا ماسمعت بهالسوالف كلش..

اختي قطريه حياج الله.. عني انا في كندا.. اعتقد انهاا تختلف عن امريكاا من ناحيه الامان كندا دواله مسالمه جدا .. الحمدلله:) .. بس المراقب سياتل بامريكاا و اعتقد انه يقدر يجاوبج عدل..
بس ما اعتقد انه فيهاا شي وااايد ناس يدرسون بره و مافيهم الا العافيه... بس اكيد لو كان معاج محرم مايكون عليك ولا شي..:)

والله يوفقج

اختج.. كويتيه
سياتل
24-06-2004, 08:10 AM
الوضع الامني ما احسن منه بس امريكا كبيره و يعتمد على الولايه اللي بتروحين لها...كل ما رحتي غرب كل ما العالم مالهم شغل بالسياسه و يكونون متفتحين اكثر ....
على العموم الدول الخليجيه من زمان و هي مخففه البعثات لامريكا بس مازال الطلاب يتوافدون.
عساني اجبت على سؤالك.
ابو خالد
24-06-2004, 08:32 AM
خلي عنك امريكا والقاعده ومدري ايش

روحي بريطانيا احسن لك مليون مره

لاني سمعت في امريكا انهم يقطعون الاذاني

دير بالك تروحين امريكا
فهد الوعيلى
24-06-2004, 01:34 PM
انا سمعت ان قطع الاذانى واكلها اخذوى العاده هذى من الهنود الحمر الامريكان

بس اقولون ماكو خوف يعنى يقتل الواحد ماكو خوف عليه خاصه ا الخليجى بس قطع اذن

عاد الخوف على المساكين العرب والمسلمين اللى هناك اسونوهم مندى ومحشى
وشوى على الفحم

نصيحه

روحى


ولاتخافين


كلها


اذن وحده
ابو محمد_2
24-06-2004, 01:44 PM
ابقولج شي روحي مع محرم وعبايتج علي راسج والله حافظج وماراح يسيرلج شي الا الي الله كاتبه ابوي توه جاي من لندن يقول الاوضاع هاديه اهناك امريكا يمكن نفسها
Ajmi
24-06-2004, 03:08 PM
السلام عليكم ورحمة الله وبركاته

اعتذر على الدخول مع اني لست في امريكا
وكنت اظن الموضوع تحذير
حبيت افيد فيه الأخوان الي يدرسون هناك


أما عن سؤالك ...
الي متأكد منه , ولا ازيد عن كلام اخوي سياتل شيء غرب امريكا ديار مسالمة
لدرجة ان بعضهم ما يعرفون العرب ولا يدرون ان فيه شيء اسمه عرب

وفيه اثنين درسوا في ولاية فرجينيا من قبل احداث 11 سبتمبر وهم هناك
واحد رجع قبل سنتين والثاني ما زال ولا يشكي من شيء

عندك الإمارات ما بينها وبين قطر حاجه
جامعتها ممتازة ومعتمده



ودعواتنا لك بالتوفيق يا قطرية في حياتك الدراسية
qataria
24-06-2004, 05:19 PM
اخواني واخواتي الاعزاء ....

اشكركم على تجاوبكم معاي ....

زبون كيمو اكيد ان شاء الله راح يكون سفري مع محرم وفي الحقيقة انا خايفة على المحرم اكثر من خوفي على نفسي لان الرجال ممكن يكونون معرضين للمضايقة اكثر منا....

الاخ بدر انت كلامك خوفني زيادة ..... يذبحوني ولا يقصون اذني ......

اختي العزيزة كويتية ... الله يوفقك في دراستك بس اضن ان الوضع غير في امريكا.....

الاخ سياتل بما انك في امريكا ارجو انك تجاوبني ..... الولاية اللي راح تكون فيها البعثة هي اريزونا ...... ارجو انك تخبرني عن وضع الولاية اذا كنت على علم بذلك؟؟؟؟؟؟

فهد وبوخالد وبومحمد اشكركم على ردودكم....

اخوي العجمان بالنسبة لجامعات الامارات ماعليها كلام بس بعثي لدراسة الماجستير في مجال ORINTAION AND MOBILITY وهذا التخصص غير موجود الا في امريكا....