***** قصيده خاااااااااااااصه *******

[شادن]

خلوني لحالي ابكي واهل الدموع =كود اني اطفي جمر قلبي ولواهيبه

ضاع عمري وانطفت كل الشموع =مابقى شي في عمرى لجل اهتنيبه

لا تسالوني وش صار ترى قلبي موجوع =في داخل هم ماودي احكيبه

وينك ياعمري وياشمس الطلوع=انت دوى قلبي وانت طبيبه

من بعد فرقاك هالزمن لاعني لوع =واللي تسبب في عذابي الله حسيبه

ياويل حالي معادلي خل سموع =من بعدك (......) عمري وش اسويبه

ارجوك ياخلي سامحني وانسى هالموضوع=ماعاد احتمل الصبر من وين اجيبه

امر تدلل انا لك سمع وطوع =المهم ابقى في قلبك اغلى حبيبه

تعال ضمني بين حضنك والضلوع=مشتاقه اكون يمك دايم قريبه

ارجوك ياصاحبي عطني امل بالرجوع=انا بدونك صرت مثل الغريبه

انا صرت ضحيه بين ذل وخضوع =لاتتركني ارجوك حالي بدونك صعيبه

مع تحيات اختكم ،،،، شاااااااااااااادن

[السياسي]

يا سلا م على الاحساس المرهف , الله يعينش على الفراق وغربة النفس



السياسي

[زهير]

شادن

بعد التحيه اسمحي لي بهذا التعليق على القصيده






يازين عذبك البكا والتهضام = والناس لجلك يابيض الوجه يبكون

اللي بيقرا ما كتبته بينضام = وبسباب حزنك يسهر الليل محزون

صحيح بعض الناس قاطع وظلام = لكن عسى خلك من اللي يحنون

من يشتكي من الحب ماهو بيلام = كم واحد من هجر الاحباب مجنون

لكن تركد لاتضيعك الأحلام = تمشي مع العالم ولك سمع وعيون

[شادن]

مشكور اخوي زهير ولك حرية التعليق

وكلماتك على عيني وعلى راسي

تحياتي لك ولاكن مايحس بالنار الا واطيها

اختك شاااااااااااااااااادن

[فيصل بن حجرف]

يعطيج العافيه اختي شادن

والله يعطي اخونا زهير الف عافيه لاني ماشالله اشوفه دايم يوجه الكثير من الاعضاء

وانشالله نشوف شعار جدد يطلعون من هذا القسم:)

تحياتي